ਨਸ਼ੇ ਦੀ ਲਾਹਨਤ ਦੇ ਮਾਮਲੇ 'ਤੇ ਗਹਿਰਾਈ 'ਚ ਵਿਚਾਰ ਕਰਨ ਦੀ ਲੋੜ: ਅਵਿਨਾਸ਼ ਰਾਏ ਖੰਨਾ

*ਨਸ਼ੇ ਵਰਗੀ ਲਾਹਨਤ ਨੂੰ ਠੱਲ• ਪਾਉਣ ਲਈ ਸਮਾਜਿਕ ਚੇਤਨਾ ਦੀ ਲੋੜ: ਵਿਨੀਤ ਜੋਸ਼ੀ
ਬੱਚਿਆਂ ਨੂੰ ਨਸ਼ੇ ਤੋਂ ਦੂਰ ਕਰਨ ਲਈ ਕਾਊਂਸਲਿੰਗ ਅਤੇ ਮਾਪਿਆਂ ਦੀ ਨਿਗਰਾਨੀ ਦੀ ਲੋੜ: ਸਿੱਖਿਆ ਮਾਹਿਰ


ਲੁਧਿਆਣਾ, 25 ਅਪ੍ਰੈਲ ( ਸਤ ਪਾਲ ਸੋਨੀ ) :  ਜੋਸ਼ੀ ਫਾਊਡੇਸ਼ਨ ਵੱਲੋਂ ਨਸ਼ੇ ਦੀ ਲਾਹਨਤ ਵਿਰੁੱਧ ਵਿੱਢੀ ਸੂਬਾ ਪੱਧਰੀ ਚੇਤਨਾ ਮੁਹਿੰਮ ਤਹਿਤ ਅੱਜ ਸਥਾਨਕ ਬੱਚਤ ਭਵਨ ਵਿਖੇ ਨਸ਼ਾ ਸਮਾਜ ਲਈ ਚੁਣੌਤੀ ਵਿਸ਼ੇ 'ਤੇ ਇੱਕ ਰਾਊਂਡ ਟੇਬਲ ਕਾਨਫਰੰਸ ਕਰਵਾਈ ਗਈ। ਇਸ ਕਾਨਫਰੰਸ ਵਿੱਚ ਬੁਲਾਰਿਆਂ ਨੇ ਇੱਕ ਸੁਰ ਵਿੱਚ ਇਹ ਸੱਦਾ ਦਿੱਤਾ ਕਿ ਨਸ਼ੇ ਦੀ ਸੁਖਾਲੀ ਉਪਲਭਤਾ ਨੂੰ ਠੱਲ• ਪਾ ਕੇ ਹੀ ਇਸ ਨਸ਼ੇ ਦੀ ਲਾਹਨਤ ਨੂੰ ਰੋਕਿਆ ਜਾ ਸਕਦਾ ਹੈ। ਵੱਖ-ਵੱਖ ਬੁਲਾਰਿਆਂ ਦਾ ਮੰਨਣਾ ਸੀ ਕਿ ਬੱਚਿਆਂ ਨੂੰ ਇਸ ਲਾਹਨਤ ਤੋਂ ਰੋਕਣ ਲਈ ਜਿੱਥੇ ਮਾਪਿਆਂ ਨੂੰ ਸੰਜੀਦਗੀ ਨਾਲ ਕਦਮ ਚੁੱਕਣੇ ਜਰੂਰੀ ਹਨ, ਉੱਥੇ ਹੀ ਅਧਿਆਪਕ ਵਰਗ ਨੂੰ ਵੀ ਵਿਦਿਆਰਥੀਆਂ ਵਿੱਚ ਨਸ਼ੇ ਵਿਰੁੱਧ ਜਾਗਰੂਕ ਕਰਨ ਲਈ ਆਪਣੀ ਭੂਮਿਕਾ ਨਿਭਾਉਣੀ ਚਾਹੁੰਦੀ ਹੈ।
ਅੱਜ ਦੀ ਇਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਰਾਜ ਸਭਾ ਮੈਂਬਰ ਅਤੇ ਫਾਊਡੇਸ਼ਨ ਦੇ ਮੋਢੀ ਮੈਂਬਰ ਅਵਿਨਾਸ਼ ਰਾਏ ਖੰਨਾ ਨੇ ਕਿਹਾ ਕਿ ਮੌਜੂਦਾ ਸਮੇਂ ਵਿੱਚ ਨਸ਼ੇ ਦੀ ਲਾਹਨਤ ਨੂੰ ਰੋਕਣ ਲਈ ਇਸ ਮਸਲੇ ਨੂੰ ਗਹਿਰਾਈ ਨਾਲ ਦੇਖਿਆ ਜਾਣਾ ਜਰੂਰੀ ਹੈ। ਉਨ•ਾਂ ਕਿਹਾ ਕਿ ਨਸ਼ੇ ਦੇ ਆਦਿ ਵਿਅਕਤੀ ਨੂੰ ਦੋਸ਼ੀ ਮੰਨਣ ਦੀ ਥਾਂ ਰੋਗੀ ਵਜੋਂ ਦੇਖਿਆ ਜਾਵੇ ਅਤੇ ਉਸ ਪ੍ਰਤੀ ਨਰਮਾਈ ਵਾਲਾ ਵਰਤਾਓ ਕੀਤਾ ਜਾਵੇ।
ਫਾਊਡੇਸ਼ਨ ਦੇ ਚੇਅਰਮੈਨ ਅਤੇ ਪੰਜਾਬ ਸਰਕਾਰ ਦੇ ਸਹਾਇਕ ਮੀਡੀਆ ਸਲਾਹਕਾਰ ਵਿਨੀਤ ਜੋਸ਼ੀ ਨੇ ਕਿਹਾ ਕਿ ਨਸ਼ੇ ਸਮੇਤ ਕਿਸੇ ਵੀ ਬੁਰਾਈ ਨੂੰ ਰੋਕਣ ਲਈ ਸਮਾਜਿਕ ਚੇਤਨਾ ਲਹਿਰ ਪ੍ਰਭਾਵਸ਼ਾਲੀ ਸਾਬਿਤ ਹੋ ਸਕਦੀ ਹੈ। ਉਨ•ਾਂ ਕਿਹਾ ਕਿ ਸੱਤਾਧਾਰੀ ਕਦੇ ਵੀ ਸਮਾਜਿਕ ਪਰਿਵਰਤਨ ਨਹੀਂ ਲਿਆ ਸਕਦੇ ਇਸ ਲਈ ਸਮਾਜਿਕ ਲਹਿਰ ਬਣਾਏ ਜਾਣ ਦੀ ਲੋੜ ਹੈ। ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਮਾਸਟਰ ਤਾਰਾ ਸਿੰਘ ਕਾਲਜ ਦੇ ਪ੍ਰਿੰਸੀਪਲ ਡਾਕਟਰ ਪ੍ਰਵੀਨ ਚਾਵਲਾ ਨੇ ਕਿਹਾ ਕਿ ਸਮਾਜ ਵਿੱਚ ਘਟੀਆਂ ਕਦਰਾਂ ਕੀਮਤਾਂ, ਮਾਪਿਆਂ ਦੀ ਬੱਚਿਆਂ ਤੋਂ ਕੰਮਕਾਜ ਕਾਰਨ ਬਣੀ ਦੂਰੀ ਅਤੇ ਬੱਚਿਆਂ ਦੀ ਇਕੱਲਤਾ ਨਸ਼ੇ ਦੀ ਲਾਹਨਤ ਨੂੰ ਉਤਸ਼ਾਹਿਤ ਕਰਨ ਵਿੱਚ ਆਪਣੀ ਭੂਮਿਕਾ ਨਿਭਾਅ ਰਹੀ ਹੈ। ਪ੍ਰੋਫੈਸਰ ਗੁਰਭਜਨ ਸਿੰਘ ਗਿੱਲ ਦਾ ਕਹਿਣਾ ਸੀ ਕਿ ਰੁਤਬੇ ਦੀ ਬਹਾਲੀ ਲਈ ਲੋਕਾਂ ਵੱਲੋਂ ਵਿਆਹ-ਸ਼ਾਦੀਆਂ ਮੌਕੇ ਸ਼ਰੇਆਮ ਲੱਗਦੀਆਂ ਸ਼ਰਾਬ ਦੀਆਂ ਛਬੀਲਾਂ ਨੂੰ ਰੋਕਿਆ ਜਾਣਾ ਜਰੂਰੀ ਹੈ। ਉਨ•ਾਂ ਕਿਹਾ ਕਿ ਲੋਕ ਨੁਮਾਇੰਦਿਆਂ ਨੂੰ ਇਸ ਕਾਰਜ ਲਈ ਪਹਿਲ ਕਰਨੀ ਪਵੇਗੀ ਕਿ ਅਜਿਹੇ ਸਮਾਗਮਾਂ ਤੋਂ ਕਿਨਾਰਾ ਕਰਨਾ ਸ਼ੁਰੂ ਕਰਨਾ ਚਾਹੀਦਾ ਹੈ, ਤਾਂ ਜੋ ਇੱਕ ਸਮਾਜਿਕ ਲਹਿਰ ਬਣਾਈ ਜਾ ਸਕੇ।
ਡਾ: ਨਗਿੰਦਰ ਕੌਰ, ਪ੍ਰੋਫੈਸਰ ਮਨਜੀਤ ਰੰਧਾਵਾ, ਪ੍ਰਿੰਸੀਪਲ ਨਰਿੰਦਰ ਕੌਰ, ਪ੍ਰਿੰਸੀਪਲ ਪੀ.ਸੀ. ਗੋਇਲ ਅਤੇ ਡੀ.ਏ.ਵੀ ਸਕੂਲ ਦੇ ਪਿੰ੍ਰਸੀਪਲ ਜਸਵਿੰਦਰ ਸਿੱਧੂ ਦਾ ਮੰਨਣਾ ਸੀ ਕਿ ਨਸ਼ੇ ਦੀ ਅਸਾਨੀ ਨਾਲ ਹੁੰਦੀ ਉਪਲਭਤਾ ਨੂੰ ਠੱਲ• ਪਾ ਕੇ ਮਾਪਿਆਂ, ਅਧਿਆਪਕਾਂ ਅਤੇ ਸਮਾਜ ਨੂੰ ਆਪਣੀ ਭੂਮਿਕਾ ਮਿਲ ਕੇ ਨਿਭਾਉਣੀ ਜਰੂਰੀ ਹੈ। ਉਨ•ਾਂ ਕਿਹਾ ਕਿ ਸ਼ਰਾਬ ਦੇ ਠੇਕਿਆਂ ਦੀ ਗਿਣਤੀ ਵਿੱਚ ਹੁੰਦਾ ਵਾਧਾ ਵੀ ਇਸ ਲਾਹਨਤ ਨੂੰ ਉਤਸ਼ਾਹਿਤ ਕਰਨ ਵਿੱਚ ਆਪਣੀ ਭੂਮਿਕਾ ਨਿਭਾਅ ਰਿਹਾ ਹੈ। ਬੁਲਾਰਿਆਂ ਦਾ ਮੰਨਣਾ ਸੀ ਕਿ ਪੁਲਿਸ, ਮੀਡੀਆ ਅਤੇ ਸਮਾਜ ਨਸ਼ੇ ਦੇ ਆਦੀਆਂ ਨੂੰ ਨਕਾਰ ਕੇ ਵਿਗਾੜਣ ਦੇ ਯਤਨ ਕਰਨ ਦੀ ਬਜਾਏ ਅਜਿਹੇ ਲੋਕਾਂ ਨੂੰ ਪ੍ਰਭਾਵਿਤ ਕਰਕੇ ਸਹੀ ਰਸਤੇ 'ਤੇ ਲੈ ਕੇ ਆਉਣ ਵਿੱਚ ਆਪਣੀ ਭੂਮਿਕਾ ਨਿਭਾਉਣ। ਉਨ•ਾਂ ਦਾ ਕਹਿਣਾ ਸੀ ਕਿ ਜੇਕਰ ਬੱਚਿਆਂ ਨੂੰ ਸਕੂਲ ਪੱਧਰ 'ਤੇ ਨੰਬਰਾਂ ਦੀ ਦੌੜ ਵਿੱਚ ਨਾ ਫਸਾ ਕੇ ਮਾਪੇ ਬੱਚੇ ਦੀਆਂ ਰੋਜਾਨਾ ਗਤੀਵਿਧੀਆਂ 'ਤੇ ਸਿੱਧੀ ਨਜ਼ਰ ਰੱਖੇ ਤਾਂ ਬੱਚੇ ਨੂੰ ਅਜਿਹੀ ਕਿਸੇ ਲਾਹਨਤ ਦਾ ਆਦੀ ਹੋਣ ਤੋਂ ਬਚਾਇਆ ਜਾ ਸਕਦਾ ਹੈ। ਬੁਲਾਰਿਆਂ ਮੁਤਾਬਿਕ ਸਿੱਖਿਆ ਨੂੰ ਕਿੱਤਾ ਮੁਖੀ ਬਣਾਉਣ ਦੇ ਨਾਲ ਹੀ ਵਿਦਿਆਰਥੀਆਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਕੇ ਨਸ਼ੇ ਦੀ ਲਾਹਨਤ ਨੂੰ ਰੋਕਿਆ ਜਾ ਸਕਦਾ ਹੈ। ਸਮਾਗਮ ਨੂੰ ਹੋਰਨਾਂ ਤੋਂ ਇਲਾਵਾ ਐਸ.ਐਸ.ਬਰਾੜ, ਕੇ.ਕੇ.ਧੀਰ, ਨੀਲਮ ਮਿੱਤਲ, ਅਭਿਨਵ, ਵਿਸ਼ਾਲ, ਡਾਕਟਰ ਨਰਿੰਦਰ ਕੌਰ ਗਰੇਵਾਲ, ਡਾ: ਪਵਨ ਕੁਮਾਰ, ਡਾ: ਧਰਮ ਸਿੰਘ, ਪ੍ਰੋ: ਮਨਜੀਤ ਸਿੰਘ, ਡਾ: ਆਰ.ਸੀ. ਤੇਜਪਾਲ, ਗੋਪਾਲ ਦਾਸ, ਡਾ: ਸਵਿਤਾ ਉੱਪਲ, ਡਾ: ਰਵਿੰਦਰ ਕੁਮਾਰ, ਡਾ: ਬੀ.ਡੀ. ਭਾਰਦਵਾਜ, ਰਵਿੰਦਰ ਅਰੋੜਾ, ਮੋਹਿੰਦਰਪਾਲ ਜੈਨ, ਡਾ: ਬੀ.ਪੀ. ਮਿਸ਼ਰਾ, ਡਾ: ਐਸ.ਸੀ. ਵਰਮਾ, ਡਾ: ਗੁਰਵਿੰਦਰ ਕੌਰ, ਡਾਂ ਮੁਨੀਸ਼ਾ ਸ਼ਰਮਾ, ਸ਼੍ਰੀਮਤੀ ਅਰਚਨਾ ਅਰੋੜਾ, ਡਾ: ਨੀਤੂ ਓਹਰੀ, ਡਾ: ਇਕਬਾਲ ਵਾਲੀਆ,  ਕ੍ਰਿਸ਼ਨ ਦੱਤ, ਬਲਵਿੰਦਰ ਰਵੀ, ਡਾ ਸ਼ਿਵ ਕੁਮਾਰ ਡੋਗਰਾ, ਹਰੀ ਪਾਲ ਗੁਪਤਾ, ਸ਼ੰਭੂ ਸਿੰਘ, ਏ.ਕੇ.ਗੁਪਤਾ, ਮਨਜੀਤ ਰੰਧਾਵਾ, ਸੁਖਵਿੰਦਰ ਚੀਮਾ, ਨੀਲਮ ਕੁਮਾਰੀ, ਕਪਿਲ ਕੁਮਾਰ, ਅਮਨ ਸਿੰਗਲਾ, ਅਜੈ ਜੋਸ਼ੀ, ਭਾਰਤ ਭੂਸ਼ਨ, ਦੀਪਕ ਢੀਂਗਰਾ, ਡਾ: ਸਰਿਤਾ ਢੱਲ, ਜੇ.ਡੀ. ਕੌੜਾ, ਡਾ: ਵਰੁਣ ਬਾਂਸਲ,  ਗੌਰਵ ਟੰਡਨ ਅਤੇ ਰੋਹਿਤ ਜੋਸ਼ੀ ਆਦਿ ਨੇ ਵੀ ਸੰਬੋਧਨ ਕੀਤਾ। ਸਮਾਗਮ ਵਿੱਚ ਹੋਰਨਾਂ ਤੋਂ ਇਲਾਵਾ ਵਾਤਾਵਰਨ ਪਰੇਮੀ ਉਮੇਂਦਰ ਦੱਤ, ਮੁਕੇਸ਼ ਅਰੋੜਾ, ਮਦਨਜੀਤ ਸਿੰਘ ਗੋਰਾਇਆ, ਦੀਪਕ ਗੋਇਲ, ਸਾਈਂ ਗਰੁੱਪ ਦੇ ਚੇਅਰਮੈਨ ਐਸ.ਕੇ.ਪੁੰਜ, ਡਾ: ਸੁਭਾਸ਼ ਵਰਮਾ, ਰਵਿੰਦੰਰ ਅਰੋੜਾ ਅਤੇ ਹਰਜੀਤ ਸਿੰਘ ਗਰੇਵਾਲ ਆਦਿ ਹਾਜ਼ਰ ਸਨ।

ਅਰੋੜਾ ਮਹਾਂ ਸਭਾ ਵਲੋਂ ਵਿਸਾਖੀ ਮੌਕੇ ਕੋਠਾਰੀ ਪੈਲੇਸ ਵਿੱਖੇ ਕਰਵਾਇਆ ਗਿਆ ਅਰੋੜਾ ਮਹਾਂ ਸੰਮੇਲਨ


ਲੁਧਿਆਣਾ,13 ਅਪ੍ਰੈੱਲ ( ਸਤ ਪਾਲ ਸੋਨੀ ) :  ਸਥਾਨਕ ਕੋਠਾਰੀ ਪੈਲੇਸ ਫਿਰੋਜ਼ਪੁਰ ਰੋਡ ਵਿਖੇ ਅਰੋੜਾ ਮਹਾਂਸਭਾ ਵਲੋਂ ਵਿਸਾਖੀ ਮੌਕੇ ਕੋਠਾਰੀ ਪੈਲੇਸ ਫਿਰੋਜ਼ਪੁਰ ਰੋਡ ਵਿੱਖੇ ਕਰਵਾਇਆ ਗਿਆ ਅਰੋੜਾ ਮਹਾਂ ਸੰਮੇਲਨ ਪਿਆਰ ਦੀ ਮਿਸਾਲ ਬਣ ਗਿਆ। ਪੂਰੇ ਪੰਜਾਬ ਤੋਂ ਪੁੱਜੇ ਅਰੋੜਾ ਬਿਰਾਦਰੀ ਦੇ ਹਜ਼ਾਰਾਂ ਲੋਕਾਂ ਨੇ ਇਹ ਸਿੱਧ ਕਰ ਦਿੱਤਾ ਕਿ ਉਹ ਸਾਰੇ ਇੱਕ ਛਤ ਹੇਠ ਇਕੱਤਰ ਹਨ ਅਤੇ ਕਿਸੇ ਵੀ ਤਰਾਂ ਦੇ ਦੁੱਖ ਸੁੱਖ ਨਾਲ ਸਾਰੇ ਹੀ ਪੰਜਾਬ ਨਾਲ ਖੜੇ ਹਨ। ਅਰੋੜਾ ਪਰਿਵਾਰ ਮਿਲਨ ਸਮਾਗਮ ਵਿੱਚ ਬੱਚਿਆਂ ਦੇ ਹਾਸੇ, ਸੰਤਾ ਬੰਤਾ ਦੀ ਕਾਮੇਡੀ, ਅਰੋੜਾ ਬਿਰਾਦਰੀ ਨੂੰ ਪੇਸ਼ ਆ ਰਹੀਆਂ ਪ੍ਰੇਸ਼ਾਨੀ ਨੂੰ ਲੈ ਕੇ ਕੱਢੇ ਗਏ ਸਮਾਧਾਨ, ਨਾਚ ਗਾਣਾ, ਫੈਸ਼ਨ ਸ਼ੋਅ ਨੇ ਅੱਧੀ ਰਾਤ ਤੱਕ ਲੋਕਾਂ ਦਾ ਮਨੋਰੰਜਨ ਕੀਤਾ। ਇਸ ਮੌਕੇ ਵਿਸਾਖੀ ਸੈਲੀਬ੍ਰੇਸ਼ਨ ਨਾਲ ਸਮਾਗਮ ਨੂੰ ਚਾਰ ਚੰਨ ਲੱਗ ਗਏ। ਇਸ ਸਮਾਗਮ ਵਿੱਚ ਅਰੋੜਾ ਬਿਰਾਦਰੀ ਵਿੱਚ ਏਕਤਾ ਦੀ ਸਾਂਝ ਨਜ਼ਰ ਆਈ। ਜਾਦੂਗਰ ਪ੍ਰੇਮ ਅਰੋੜਾ ਨੇ ਤਾਂ ਕਮਾਲ ਹੀ ਕਰ ਦਿੱਤਾ। ਇਸ ਮੌਕੇ ਆਯੋਜਿਤ ਮਿਸ ਐਂਡ ਮਿਸਟਰ ਅਰੋੜਾ ਪ੍ਰਤੀਯੋਗਤਾ ਵਿੱਚ ਨੌਜਵਾਨ ਮੁੰਡੇ ਕੁੜੀਆਂ ਨੇ ਵੱਧ ਚੜ• ਕੇ ਹਿੱਸਾ ਲਿਆ। ਇਸ ਤੋਂ ਇਲਾਵਾ ਸਰਵੋਤਮ ਅਰੋੜਾ ਦਪੰਤੀ, ਮਾਡਲਿੰਗ ਟੈਲੰਟ ਸ਼ੋਅ, ਪਗੜੀ ਮੁਕਾਬਲੇ ਵੀ ਕਰਵਾਏ ਗਏ। ਇਸ ਮੌਕੇ ਦੀਪ ਰੋਸ਼ਨ ਕਰਨ ਤੋਂ ਬਾਅਦ ਮਹਾਂਸਭਾ ਦੇ ਪੰਜਾਬ ਪ੍ਰਧਾਨ ਦੀਵਾਨ ਅਮਿਤ ਅਰੋੜਾ ਨੇ ਆਖਿਆ ਕਿ ਇਹ ਸਾਡੇ ਵਾਸਤੇ ਮਾਣ ਦੀ ਗੱਲ ਹੈ ਕਿ ਇਹ ਸੰਸਥਾ ਸਿਰਫ਼ ਚਾਰ ਵਰ•ੇ ਪਹਿਲਾਂ ਸ਼ੁਰੂ ਕੀਤੀ ਗਈ ਸੀ ਅਤੇ ਅੱਜ ਅਸੀਂ ਸਫ਼ਲਤਾ ਦੀ ਪਹਿਲੀ ਪੋੜੀ ਦੇ ਪੁੱਜ ਗਏ ਹਾਂ। ਜਿਲਾ ਪ੍ਰਧਾਨ ਅਮਰੀਕ ਸਿੰਘ ਬੱਤਰਾ ਨੇ ਕਿਹਾ ਕਿ ਜਦੋਂ ਭਾਰਤ ਅਤੇ ਪਾਕਿਸਤਾਨ ਦੀ ਵੰਡ ਹੋਈ ਸੀ ਤਾਂ ਅਰੋੜਾ ਪਰਿਵਾਰ ਤੇ ਕੁੱਝ ਮੈਂਬਰ ਪਾਕਿਸਤਾਨ ਨੂੰ ਛੱਡ ਕੇ ਹਿੰਦੂਸਤਾਨ ਆ ਗਏ ਸਨ, ਜਿਨਾਂ ਨੇ ਦਿਨ ਰਾਤ ਮਿਹਨਤ ਕਰਕੇ ਅਰੋੜਾ ਬਿਰਾਦਰੀ ਨੂੰ ਇੱਜਤ ਦੇ ਮੁਕਾਮ ਤੇ ਪਹੁੰਚਾ ਦਿੱਤਾ। 1947 ਤੋਂ ਪਹਿਲਾਂ ਜਨਮੇ ਬਜੂਰਗਾ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਨਵੀਂ ਮੈਂਬਰਸ਼ਿਪ, ਮੈਟਰੀਮੋਨੀਅਲ ਅਤੇ ਅੱਖ ਡੋਨੇਸ਼ਨ ਵਾਸਤੇ ਮੁੱਖ ਕਾਉਂਟਰ ਵੀ ਲਗਾਏ ਗਏ। ਅਰੋੜਾ ਮਹਾਂ ਸਭਾ ਦੇ ਮੀਤ ਪ੍ਰਧਾਨ ਰਵਿੰਦਰ ਅਰੋੜਾ ਨੇ ਦੱਸਿਆ ਕਿ ਅੱਜ ਦੇ ਸਮੇਂ ਵਿੱਚ ਵਿਆਹ ਮੌਕੇ ਦਿੱਤੇ ਜਾਣ ਵਾਲੇ ਸੁਨੇਹੇ ਦੇ ਨਾਲ ਮਿਠਾਈ ਦੇ ਡੱਬਿਆਂ ਤੇ ਬਹੁਤ ਖਰਚ ਕੀਤਾ ਜਾਂਦਾ ਹੈ, ਜਿਸ ਨੂੰ ਘੱਟ ਕਰਨਾ ਚਾਹੀਦਾ ਹੈ। ਅਰੋੜਾ ਬਿਰਾਦਰੀ ਵੱਲੋਂ ਆਰਥਿਕ ਰੂਪ ਵਿੱਚ ਨਾ ਪੜ• ਸਕਣ ਵਾਲੇ ਬੱਚਿਆਂ ਨੂੰ ਮੁਫ਼ਤ ਸਿੱਖਿਆ ਜਾਂਦੀ ਹੈ। ਇਸ ਤੋਂ ਇਲਾਵਾ ਸਕਿਲ ਡਿਵੈਲਪਮੈਂਟ ਵਾਸਤੇ ਕਾਰਜ਼ ਕੀਤੇ ਜਾ ਰਹੇ ਹਨ। ਸਮਾਗਮ ਵਿੱਚ ਅਰੋੜਾ ਮਹਾਂ ਸਭਾ ਚੀਫ ਪੈਟਰਨ ਸ਼ਿਵਲਾਲ ਡੋਡਾ, ਪੰਜਾਬ ਭਾਜਪਾ ਦੇ ਪ੍ਰਧਾਨ ਕਮਲ ਸ਼ਰਮਾ, ਮਦਦ ਲਾਲ ਬੱਗਾ, ਮਨਪ੍ਰੀਤ ਸਿੰਘ ਇਯਾਲੀ, ਗੁਰਦੀਪ ਸਿੰਘ ਗੋਸ਼ਾ, ਚਾਰ ਸਾਹਿਬਜ਼ਾਦੇ ਫਿਲਮ ਦੇ ਨਿਰਮਾਤਾ ਹੈਰੀ ਬਵੇਜਾ, ਐਸ.ਜੀ.ਪੀ.ਸੀ. ਦੇ ਪ੍ਰਧਾਨ ਅਵਾਤਰ ਸਿੰਘ ਮੱਕੜ, ਆਰ.ਐਸ.ਐਸ. ਦੇ ਸੰਚਾਲਕ ਸ੍ਰੀ ਜਗਨੇਜਾ, ਪਾਂਡੂਚੇਰੀ ਦੇ ਸਾਬਕਾ ਗਵਰਨਰ ਵਰਿੰਦਰ ਕਟਾਰੀਆ, ਵਿਧਾਇਕ ਸੁਰਿੰਦਰ ਡਾਬਰ, ਸਾਬਕਾ ਮੰਤਰੀ ਲਕਸ਼ਮੀ ਕਾਂਤਾ ਚਾਵਲਾ, ਰਾਜ ਸਭਾ ਮੈਂਬਰ ਅਵਿਨਾਸ ਰਾਏ ਖੰਨਾ, ਅੰਮ੍ਰਿਤਸਰ ਦੇ ਮੇਅਰ ਬਖਸ਼ੀਰਾਮ ਅਰੋੜਾ, ਹੀਰੋ ਗਰੁੱਪ ਦੇ ਪੰਕਜ ਮੁੰਜਾਲ, ਏਵਨ ਸਾਈਕਲ ਦੇ ਚੇਅਰਮੈਨ ਓੰਕਾਰ ਸਿੰਘ ਪਾਹਵਾ, ਹੁਸ਼ਿਆਪੁਰ ਦੇ ਵਿਧਾਇਕ ਸੁਰਿੰਦਰ ਸ਼ਾਮ ਅਰੋੜਾ, ਗੁਰਚਰਨ ਸਿੰਘ ਚੰਨ, ਸੰਸਥਾ ਦੇ ਪ੍ਰੋਜੈਕਟ ਡਾਇਰੈਕਟਰ ਤੇਜ਼ ਵਿੰਦਰ ਸਿੰਘ ਅਹੂਜਾ, ਸਕੱਤਰ ਜਨਰਲ ਹਰਵਿੰਦਰ ਸਿੰਘ ਮਲਿਕ ਖਾਸ ਤੌਰ ਤੇ ਹਾਜ਼ਰ ਸਨ।

ਮੈਰੀਟੋਰੀਅਸ ਸਕੂਲ ਸਿੱਖਿਆ ਦੇ ਨਾਲ-ਨਾਲ ਵਿਦਿਆਰਥੀਆਂ ਵਿੱਚ ਆਤਮ ਵਿਸ਼ਵਾਸ਼ ਦੇ ਵਾਧੇ 'ਚ ਵੀ ਸਹਾਈ ਸਿੱਧ ਹੋ ਰਹੇ ਹਨ-ਡਿਪਟੀ ਕਮਿਸ਼ਨਰ


ਲੁਧਿਆਣਾ, 9 ਅਪ੍ਰੈੱਲ    ( ਸਤ ਪਾਲ ਸੋਨੀ ) : ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਨੇ ਕਿਹਾ ਹੈ ਕਿ ਸੂਬੇ ਭਰ ਵਿੱਚ ਖੋਲ•ੇ ਗਏ ਮੈਰੀਟੋਰੀਅਸ ਸਕੂਲ ਹੋਣਹਾਰ ਵਿਦਿਆਰਥੀਆਂ ਨੂੰ ਅਕਾਦਮਿਕ ਖੇਤਰ 'ਚ ਹੀ ਨਵੀਂਆਂ ਪ੍ਰਾਪਤੀਆਂ ਕਰਨ 'ਚ ਸਹਾਈ ਸਿੱਧ ਨਹੀਂ ਹੋ ਰਹੇ, ਸਗੋਂ ਉਨ•ਾਂ ਦੇ ਆਤਮਿਕ ਵਿਸ਼ਵਾਸ਼ ਵਿੱਚ ਵਾਧਾ ਕਰਨ ਵਿੱਚ ਵੀ ਅਹਿਮ ਰੋਲ ਅਦਾ ਕਰ ਰਹੇ ਹਨ। ਉਨ•ਾਂ ਕਿਹਾ ਕਿ ਹਰ ਕੋਈ ਇਨ•ਾਂ ਵਿਦਿਆਰਥੀਆਂ ਅਤੇ ਆਮ ਸਕੂਲਾਂ ਦੇ ਵਿਦਿਆਰਥੀਆਂ ਵਿੱਚ ਫਰਕ ਸਹਿਜੇ ਹੀ ਦੇਖ ਸਕਦਾ ਹੈ। ਇਸ ਸਕੂਲ ਦੇ ਗਿਆਰਵੀਂ ਜਮਾਤ 'ਚੋਂ ਚੰਗੇ ਨੰਬਰ ਲੈ ਕੇ ਪਾਸ ਹੋਏ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਅਤੇ ਕਿਤਾਬਾਂ ਦੀ ਵੰਡ ਕਰਨ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ੍ਰੀ ਅਗਰਵਾਲ ਨੇ ਕਿਹਾ ਕਿ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਕਾਗਰਤਾ ਅਤੇ ਇਮਾਨਦਾਰੀ ਨਾਲ ਆਪਣੀ ਪੜਾਈ ਵੱਲ ਧਿਆਨ ਦੇਣ। ਸਿਰਫ਼ ਸਖ਼ਤ ਮਿਹਨਤ ਨਾਲ ਹੀ ਸਫ਼ਲਤਾ ਪ੍ਰਾਪਤ ਕੀਤੀ ਜਾ ਸਕਦੀ ਹੈ ਅਤੇ ਗਿਆਰਵੀਂ ਜਮਾਤ ਤੋਂ ਬਾਅਦ ਬਾਰਵੀਂ ਜਮਾਤ ਦੀ ਪ੍ਰੀਖਿਆ ਬੋਰਡ ਦੀ ਹੁੰਦੀ ਹੈ ਅਤੇ ਇਸ ਤੋਂ ਬਾਅਦ ਹੀ ਵਿਦਿਆਰਥੀ ਨੇ ਆਪਣੇ ਭਵਿੱਖ ਵਿੱਚ ਕੀ ਬਣਨਾ ਹੈ, ਬਾਰੇ ਅਗਲੇ ਸਬਜੈਕਟ ਜਾਂ ਖੇਤਰ ਨੂੰ ਚੁਣਨਾ ਹੁੰਦਾ ਹੈ। 
ਸ੍ਰੀ ਰਜਤ ਅਗਰਵਾਲ ਨੇ ਕਿਹਾ ਕਿ ਇਨ•ਾਂ ਵਿਦਿਆਰਥੀਆਂ ਲਈ ਵਿਸ਼ੇਸ਼ ਕੋਚਿੰਗ ਕਲਾਸਾਂ 10 ਮਾਰਚ ਤੋਂ ਸ਼ੁਰੂ ਹੋ ਚੁੱਕੀਆਂ ਹਨ, ਜਿੱਥੋਂ ਵਧੀਆ ਕੋਚਿੰਗ ਪ੍ਰਾਪਤ ਕਰਕੇ ਵਿਦਿਆਰਥੀ ਉਚੇਰੀ ਸਿੱਖਿਆ ਲਈ ਅੱਗੇ ਆਈ. ਆਈ. ਟੀ., ਜੇ. ਈ. ਈ.-ਆਈ. ਆਈ. ਟੀ., ਏਮਜ਼, ਐੱਨ. ਆਈ. ਟੀ., ਬਿਟਸ ਪਿਲਾਨੀ, ਏ. ਐੱਫ. ਐੱਮ. ਸੀ. ਪੂਨਾ, ਸੀ.ਏ., ਲਾਅ, ਕਲੈਟ, ਮੈਡੀਕਲ, ਨਾਨ ਮੈਡੀਕਲ, ਇੰਜੀਨੀਅਰਿੰਗ ਅਤੇ ਹੋਰ ਵਿਦਿਅਕ ਅਦਾਰਿਆਂ ਵਿੱਚ ਦਾਖ਼ਲਾ ਲੈ ਸਕਣਗੇ। ਉਨ•ਾਂ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਦਾ ਸੁਪਨਮਈ ਪ੍ਰੋਜੈਕਟ, ਜਿਸ ਤਹਿਤ ਪੂਰੇ ਸੂਬੇ ਵਿੱਚ 6 ਅਜਿਹੇ ਸਕੂਲ ਖੋਲ•ੇ ਗਏ ਹਨ, ਜਿਥੇ ਕਿ ਸਰਕਾਰੀ ਸਕੂਲਾਂ ਤੋਂ 80 ਫੀਸਦੀ ਤੋਂ ਵਧੇਰੇ ਅੰਕ ਪ੍ਰਾਪਤ ਕਰਕੇ ਵਿਦਿਆਰਥੀਆਂ ਨੇ ਗਿਆਰਵੀਂ ਜਮਾਤ ਵਿੱਚ ਦਾਖ਼ਲਾ ਪ੍ਰਾਪਤ ਕੀਤਾ ਹੈ। ਉਨ•ਾਂ ਦੱਸਿਆ ਕਿ ਇਨ•ਾਂ ਵਿਦਿਆਰਥੀਆਂ ਨੂੰ ਬਾਰਵੀਂ ਜਮਾਤ ਤੋਂ ਬਾਅਦ ਵੀ ਵਧੀਆ ਸਿੱਖਿਆ ਮੁਹੱਈਆ ਕਰਾਉਣ ਹਿੱਤ ਮੁਫ਼ਤ ਕੋਚਿੰਗ ਦੀ ਵਿਵਸਥਾ ਕਰੇਗੀ। 
ਸ੍ਰੀ ਅਗਰਵਾਲ ਨੇ ਦੱਸਿਆ ਕਿ ਸਕੂਲ ਵਿੱਚ ਕੁੱਲ 297 ਵਿਦਿਆਰਥੀਆਂ ਵਿੱਚੋਂ 56 ਵਿਦਿਆਰਥੀ ਮੈਡੀਕਲ ਨਾਲ, 197 ਨਾਨ ਮੈਡੀਕਲ ਨਾਲ ਅਤੇ 44 ਵਿਦਿਆਰਥੀ ਕਾਮਰਸ ਨਾਲ ਸੰਬੰਧਤ ਹਨ। ਨਿੱਜੀ ਕੋਚਿੰਗ ਅਦਾਰਿਆਂ ਵੱਲੋਂ ਦਿੱਤੀ ਜਾ ਰਹੀ ਇਹ ਕੋਚਿੰਗ ਜੂਨ 2015 ਤੱਕ ਦਿੱਤੀ ਜਾਵੇਗੀ। ਇਸ ਕੋਚਿੰਗ ਦੌਰਾਨ ਉਨ•ਾਂ ਦੇ 500 ਸੈਸ਼ਨ ਅਤੇ 50 ਟੈਸਟ ਲਏ ਜਾਣਗੇ। ਸ੍ਰੀ ਅਗਰਵਾਲ ਨੇ ਦੱਸਿਆ ਕਿ ਇਸ ਸਕੂਲ ਨੂੰ ਜਲਦੀ ਹੀ ਹੌਟਲਾਈਨ ਬਿਜਲੀ ਸਪਲਾਈ ਨਾਲ ਜੋੜ ਦਿੱਤਾ ਜਾਵੇਗਾ ਤਾਂ ਕਿ ਆਗਾਮੀ ਗਰਮੀਆਂ ਦੇ ਸੀਜ਼ਨ ਵਿੱਚ ਵਿਦਿਆਰਥੀਆਂ ਨੂੰ ਕੋਈ ਤਕਲੀਫ਼ ਨਾ ਹੋਵੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜ਼ਿਲ•ਾ ਸਿੱਖਿਆ ਅਫ਼ਸਰ (ਸ) ਸ਼੍ਰੀਮਤੀ ਪਰਮਜੀਤ ਕੌਰ, ਪ੍ਰਿੰਸੀਪਲ ਸ੍ਰੀ ਅਨੂਪ ਪਾਸੀ, ਸਟੇਟ ਬੈਂਕ ਆਫ਼ ਪਟਿਆਲਾ ਦੇ ਖੇਤਰੀ ਪ੍ਰਬੰਧਕ ਸ੍ਰੀ ਐੱਸ. ਕੇ. ਸ਼ਰਮਾ ਵੀ ਹਾਜ਼ਰ ਸਨ।

ਯੂਥ ਕਲੱਬ ਵਲੰਟੀਅਰਾਂ ਵੱਲੋਂ 10 ਦਿਨਾਂ ਅੰਤਰਰਾਜ਼ੀ ਦੌਰਾ
*ਸੱਭਿਆਚਾਰਕ ਅਦਾਨ ਪ੍ਰਦਾਨ ਤਹਿਤ ਕਈ ਜਗ•ਾ ਪ੍ਰੋਗਰਾਮ ਪੇਸ਼

ਲੁਧਿਆਣਾ, 6 ਅਪ੍ਰੈਲ ( ਸਤ ਪਾਲ ਸੋਨੀ ) :   ਯੁਵਕ ਸੇਵਾਵਾਂ ਵਿਭਾਗ, ਜ਼ਿਲ•ਾ ਲੁਧਿਆਣਾ ਦੀਆਂ ਕੌਮੀ ਸੇਵਾ ਯੋਜਨਾ ਇਕਾਈਆਂ ਤੇ ਯੂਥ ਕਲੱਬਾਂ ਦੇ 52 ਵਲੰਟੀਅਰਾਂ ਨੇ ਸਹਾਇਕ ਡਾਇਰੈਕਟਰ ਸ. ਦਵਿੰਦਰ ਸਿੰਘ ਲੋਟੇ ਦੀ ਅਗਵਾਈ ਵਿੱਚ 10 ਦਿਨਾਂ ਅੰਤਰਰਾਜ਼ੀ ਦੌਰਾ ਕੀਤਾ । ਇਸ ਦੌਰੇ ਦੌਰਾਨ ਭਾਗੀਦਾਰ ਲੁਧਿਆਣਾ ਤੋਂ ਚੰਡੀਗੜ•, ਨਾਢਾ ਸਾਹਿਬ, ਪਾਊਟਾ ਸਾਹਿਬ, ਦੇਹਰਾਦੂਨ, ਮੰਸੂਰੀ, ਰਿਸ਼ੀਕੇਸ਼, ਹਰਦੁਆਰ,  ਨਜੀਬਾਬਾਦ, ਕਾਸ਼ੀਪੁਰ, ਹਲਦਵਾਨੀ, ਨੈਨੀਤਾਲ, ਨਾਨਕਪੁਰੀ, ਨਾਨਕਮਤਾ ਸਾਹਿਬ ਤੇ ਮਹਿੰਦਰ ਨਗਰ (ਨੇਪਾਲ) ਆਦਿ ਸਥਾਨਾਂ ਵਿਖੇ ਗਏ । ਇਸ ਦੌਰੇ ਦੌਰਾਨ ਭਾਗੀਦਾਰ ਭਾਰਤ ਦੇ ਵੱਖ -ਵੱਖ ਰਾਜਾਂ ਜਿਵੇਂ ਚੰਡੀਗੜ•, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਯੂ.ਪੀ. ਉਤਰਾਖੰਡ ਤੇ ਨੇਪਾਲ ਆਦਿ ਗਏ। ਇਸ ਦੌਰੇ ਦੌਰਾਨ ਭਾਗੀਦਾਰਾਂ ਨੇ ਸਮੇਂ-ਸਮੇਂ 'ਤੇ ਰਸਤੇ ਵਿੱਚ ਦੇਹਰਾਦੂਨ ਤੇ ਦੋਰਾਹਾ (ਉਤਰਾਖੰਡ) ਵਿਖੇ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤੇ ਤੇ ਵੱਖ ਵੱਖ ਰਾਜਾ ਦੇ ਯੁਵਕ/ਯੁਵਤੀਆਂ/ਲੋਕਾਂ ਨਾਲ ਮਿਲ ਕੇ ਆਪਣੇ ਸੱਭਿਆਚਾਰ ਦੇ ਅਦਾਨ-ਪ੍ਰਦਾਨ ਕੀਤਾ। ਇਸ ਟੂਰ ਦੇ ਭਾਗੀਦਾਰਾਂ ਨੇ ਨੇਪਾਲ ਜਾ ਕੇ ਉਥੋਂ ਦੇ ਲੋਕਾਂ ਨਾਲ ਵਿਚਾਰ-ਵਟਾਂਦਰਾ  ਕੀਤਾ ਤੇ ਆਪਣੀ ਸੱਭਿਆਚਾਰਕ ਸਾਂਝ ਵੀ ਪੈਦਾ ਕੀਤੀ । ਇਸ ਅੰਤਰਰਾਜ਼ੀ ਦੌਰੇ ਦੌਰਾਨ ਭਾਗੀਦਾਰਾਂ ਨੇ ਵੱਖ-ਵੱਖ ਰਾਜਾਂ ਦੀ ਧਾਰਮਿਕ, ਇਤਿਹਾਸਕ ਅਤੇ ਭੁਗੋਲਿਕ ਸਥਿਤੀ ਬਾਰੇ ਵੀ ਜਾਣਕਾਰੀ ਪ੍ਰਾਪਤ ਕੀਤੀ । ਨੇਪਾਲ ਵਿਖੇ ਪੰਜਾਬੀ ਗਭਰੂਆਂ/ਮੁਟਿਆਰਾਂ ਨੇ ਪੰਜਾਬੀ ਲੋਕ ਨਾਚ ਭੰਗੜਾ ਤੇ ਗਿੱਧਾ ਪਾ ਕੇ ਨੇਪਾਲੀ ਲੋਕਾਂ ਦਾ ਮਨੋਰੰਜਨ ਕੀਤਾ । ਇਸ ਦੌਰੇ ਦੌਰਾਨ ਭਾਗੀਦਾਰਾਂ ਨੇ ਖੂਬ ਅਨੰਦ ਮਾਣਿਆ ਤੇ ਅੱਗੇ ਤੋਂ ਅਜਿਹੇ ਟੂਰ ਪ੍ਰੋਗਰਾਮਾ ਨੂੰ ਨਿਰੰਤਰ ਜਾਰੀ ਰੱਖਣ ਦੀ ਇਛਾ ਜਾਹਰ ਕੀਤੀ ਤੇ ਇਸ ਦੌਰੇ ਦੌਰਾਨ ਭਾਗੀਦਾਰਾਂ ਵਿੱਚ ਅਨੁਸ਼ਾਸ਼ਨ ਦੀ ਭਾਵਨਾ, ਸ਼ਹਿਣਸ਼ੀਲਤਾ, ਇਮਾਨਦਾਰੀ ਤੇ ਇਕੱਠੇ ਰਹਿ ਕੇ ਆਪਣੇ ਸੱਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਦੀ ਭਾਵਨਾ ਪੈਦਾ ਹੋਈ । ਇਸ ਅੰਤਰਰਾਜੀ ਦੌਰੇ ਦੌਰਾਨ ਸ੍ਰੀ ਚਮਨ ਲਾਲ ਸਟੈਨੋ, ਸੁਰਿੰਦਰ ਸਿੰਘ, ਰਾਜਵੰਤ ਕੌਰ, ਗੁਰਨਾਮ ਦਾਸ, ਨੀਰੂ ਜੱਸਲ, ਸੱਚਪ੍ਰੀਤ ਸਿੰਘ, ਜਗਜੀਤ ਸਿੰਘ ਨਾਗਰਾ ਤੇ ਮੈਡਮ ਅਨੀਤਾ ਵਰਮਾ ਨੇ ਵਿਸ਼ੇਸ਼ ਤੌਰ ਤੇ ਯੋਗਦਾਨ ਪਾਇਆ ।