ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਸ਼ਹਿਰ ਵਿੱਚ 500 ਹੋਰ 'ਈ-ਰਿਕਸ਼ਾ' ਚਲਾਉਣ ਦਾ ਫੈਸਲਾ

*ਔਰਤਾਂ ਦੇ ਨਾਲ-ਨਾਲ ਮਰਦਾਂ ਨੂੰ ਵੀ ਮਿਲੇਗਾ ਸਵੈ-ਰੋਜ਼ਗਾਰ ਦਾ ਮੌਕਾ,'ਈ-ਰਿਕਸ਼ਾ' ਲਈ ਅਰਜੀਆਂ ਪ੍ਰਾਪਤ ਕਰਨ ਲਈ ਵਿਸ਼ੇਸ਼ ਕੈਂਪ 25 ਨੂੰ-ਡਿਪਟੀ ਕਮਿਸ਼ਨਰ


ਲੁਧਿਆਣਾ, 23 ਅਕਤੂਬਰ  ( ਸਤ ਪਾਲ ਸੋਨੀ  ) : ਸ਼ਹਿਰ ਲੁਧਿਆਣਾ ਵਿੱਚ ਔਰਤਾਂ ਨੂੰ ਮੁਹੱਈਆ ਕਰਵਾਏ ਗਏ 'ਈ-ਰਿਕਸ਼ਾ' ਦੀ ਸਫ਼ਲਤਾ ਤੋਂ ਉਤਸ਼ਾਹਿਤ ਹੋ ਕੇ ਜ਼ਿਲਾ ਪ੍ਰਸਾਸ਼ਨ ਨੇ ਇਸ ਦਾ ਦਾਇਰਾ ਹੋਰ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਪਹਿਲੇ ਗੇਡ਼ ਵਿੱਚ 11 ਲੋਡ਼ਵੰਦ ਔਰਤਾਂ ਨੂੰ ਇਹ 'ਈ-ਰਿਕਸ਼ਾ' ਦਿੱਤੇ ਗਏ ਸਨ, ਜਦਕਿ ਇਸ ਵਾਰ ਔਰਤਾਂ ਦੇ ਨਾਲ-ਨਾਲ ਮਰਦਾਂ ਨੂੰ ਵੀ ਇਹ ਰਿਕਸ਼ਾ ਮੁਹੱਈਆ ਕਰਵਾਏ ਜਾਣਗੇ, ਜਿਨਾਂ ਦੀ ਗਿਣਤੀ 500 ਹੋਵੇਗੀ। ਜਿਸ ਸੰਬੰਧੀ ਅਰਜ਼ੀਆਂ ਇਕੱਤਰ ਕਰਨ ਲਈ ਵਿਸ਼ੇਸ਼ ਕੈਂਪ ਮਿਤੀ 25 ਅਕਤੂਬਰ ਦਿਨ ਮੰਗਲਵਾਰ ਨੂੰ ਨਗਰ ਨਿਗਮ ਦੇ ਦਫ਼ਤਰ ਜ਼ੋਨ-ਡੀ, ਸਰਾਭਾ ਨਗਰ ਵਿਖੇ ਲਗਾਇਆ ਜਾ ਰਿਹਾ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਸ੍ਰੀ ਰਵੀ ਭਗਤ ਨੇ ਦੱਸਿਆ ਕਿ ਜ਼ਿਲੇ ਵਿੱਚ ਪੈਂਦੀਆਂ ਵੱਖ-ਵੱਖ ਬੈਂਕਾਂ ਵੱਲੋਂ ਇਹ 'ਈ-ਰਿਕਸ਼ਾ' ਖਰੀਦਣ ਲਈ ਮੁਦਰਾ ਯੋਜਨਾ ਤਹਿਤ ਇੱਕ ਲੱਖ ਰੁਪਏ ਕਰਜ਼ੇ ਵਜੋਂ ਦਿੱਤਾ ਜਾਵੇਗਾ, ਜੋ ਕਿ ਲਾਭਪਾਤਰੀ ਨੂੰ ਪੰਜ ਸਾਲ ਵਿੱਚ ਪ੍ਰਤੀ ਮਹੀਨਾ ਕਰੀਬ 2200 ਰੁਪਏ ਕਿਸ਼ਤ ਦੇ ਰੂਪ ਵਿੱਚ ਅਦਾ ਕਰਨਾ ਹੋਵੇਗਾ। ਇਸ ਕਰਜ਼ਾ ਰਾਸ਼ੀ 'ਤੇ ਵਿਆਜ 11 ਫੀਸਦੀ ਤੋਂ ਘੱਟ ਦੀ ਦਰ ਨਾਲ ਲੱਗੇਗਾ। ਵਾਹਨ ਪ੍ਰਾਪਤ ਕਰਨ ਵੇਲੇ ਲਾਭਪਾਤਰੀ ਨੂੰ ਕਰਜ਼ਾ ਰਾਸ਼ੀ ਤੋਂ ਉਪਰਲੀ ਰਾਸ਼ੀ ਕਰੀਬ 20 ਹਜ਼ਾਰ ਰੁਪਏ ਨਗਦ ਅਦਾ ਕਰਨੇ ਪੈਣਗੇ। ਉਨਾਂ  ਦੱਸਿਆ ਕਿ ਇਸ ਤੋਂ ਪਹਿਲਾਂ ਜਿਹਡ਼ੀਆਂ 11 ਔਰਤਾਂ ਨੂੰ ਜ਼ਿਲਾ  ਪ੍ਰਸਾਸ਼ਨ ਵੱਲੋਂ ਇਹ ਰਿਕਸ਼ਾ ਮੁਹੱਈਆ ਕਰਵਾਏ ਗਏ ਸਨ, ਉਹ ਔਰਤਾਂ ਅੱਜ ਸੋਹਣੀ ਕਮਾਈ ਕਰ ਰਹੀਆਂ ਹਨ। ਇਸ ਕਮਾਈ ਨਾਲ ਕੋਈ ਵੀ ਲਾਭਪਾਤਰੀ ਆਸਾਨੀ ਨਾਲ ਪ੍ਰਤੀ ਮਹੀਨਾ 2200 ਰੁਪਏ ਕਿਸ਼ਤ ਅਦਾ ਕਰ ਸਕਦਾ ਹੈ।
ਸ੍ਰੀ ਭਗਤ ਨੇ ਦੱਸਿਆ ਕਿ ਇਸ ਸ਼ਹਿਰ ਵਿੱਚੋਂ ਪ੍ਰਦੂਸ਼ਣ ਨੂੰ ਘੱਟ ਕਰਨ ਅਤੇ ਵੱਧ ਤੋਂ ਵੱਧ ਲੋਕਾਂ ਨੂੰ ਸਵੈ-ਰੋਜ਼ਗਾਰ ਦੇ ਕਾਬਿਲ ਬਣਾਉਣ ਲਈ ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਇਹ ਈ-ਰਿਕਸ਼ਾ ਲੋਡ਼ਵੰਦ ਮਰਦਾਂ ਅਤੇ ਔਰਤਾਂ ਨੂੰ ਮੁਹੱੱਈਆ ਕਰਵਾਏ ਜਾਣੇ ਹਨ। ਇਸ ਤੋਂ ਇਲਾਵਾ ਇੱਕ ਪਰਿਵਾਰ ਤੋਂ ਜਿੰਨੇ ਵੀ ਮਰਜੀ ਲਾਭਪਾਤਰੀ ਅਰਜੀ ਦੇ ਸਕਦੇ ਹਨ। ਲਾਭਪਾਤਰੀਆਂ ਤੋਂ ਅਰਜੀਆਂ ਲੈਣ ਲਈ ਇੱਕ ਵਿਸ਼ੇਸ਼ ਕੈਂਪ ਦਾ ਆਯੋਜਨ ਮਿਤੀ 25 ਅਕਤੂਬਰ, 2016 ਦਿਨ ਮੰਗਲਵਾਰ ਨੂੰ ਸਵੇਰੇ 10.00 ਵਜੇ ਸਥਾਨਕ ਨਗਰ ਨਿਗਮ ਦੇ ਜ਼ੋਨ-ਡੀ ਦਫ਼ਤਰ, ਸਰਾਭਾ ਨਗਰ ਵਿਖੇ ਲਗਾਇਆ ਜਾਵੇਗਾ। ਇਸ ਕੈਂਪ ਦੀ ਨੋਡਲ ਅਫ਼ਸਰ ਵਧੀਕ ਕਮਿਸ਼ਨਰ ਸ਼੍ਰੀਮਤੀ ਅੰਮ੍ਰਿਤ ਕੌਰ ਗਿੱਲ ਨੂੰ ਲਗਾਇਆ ਗਿਆ ਹੈ। ਇਸ ਮੌਕੇ ਸ੍ਰੀ ਭਗਤ ਨਾਲ ਵਧੀਕ ਡਿਪਟੀ ਕਮਿਸ਼ਨਰ (ਵਿ) ਮਿਸ ਅਪਨੀਤ ਰਿਆਤ, ਜ਼ਿਲਾ ਲੀਡ ਬੈਂਕ ਮੈਨੇਜਰ ਸ੍ਰ. ਚਾਵਲਾ ਵੀ ਹਾਜ਼ਿਰ ਸਨ।

ਮਹਾਰਾਜਾ ਅਗਰਸੈਨ ਅੱਗਰਵਾਲ  ਸਭਾ ਨੇ ਸ਼ਰਧਾ  ਦੇ ਨਾਲ ਮਨਾਇਆ  ਮਹਾਰਾਜਾ ਅਗਰਸੈਨ  ਦੀ ਜਨਮ ਦਿਹਾਡ਼ਾ
* ਮੈਂਬਰ ਪਾਰਲੀਮੈਂਟ ਬਿੱਟੂ ,  ਡਾਬਰ ,  ਬਾਂਸਲ ,  ਅੱਗਰਵਾਲ ,  ਮਲਹੌਤਰਾ ਹੋਏ ਨਤਮਸਤਕ


ਲੁਧਿਆਣਾ, 10 ਅਕਤੂਬਰ ( ਸਤ ਪਾਲ ਸੋਨੀ  ) :   ਮਹਾਰਾਜਾ ਅਗਰਸੈਨ ਅੱਗਰਵਾਲ  ਸਭਾ ਸੁੰਦਰ ਨਗਰ  ਵੱਲੋਂ ਸਭਾ ਪ੍ਰਧਾਨ ਸੁਸ਼ੀਲ ਗੁਪਤਾ  ਦੀ ਪ੍ਰਧਾਨਗੀ ਹੇਠ ਮਹਾਰਾਜਾ ਅਗਰਸੈਨ ਜੀ ਦੇ ਜਨਮ ਦਿਹਾਡ਼ੇ  ਨੂੰ ਸਰਮਪਿਤ ਵਿਸ਼ੇਸ਼ ਸਮਾਗਮ ਦਾ ਆਯੋਜਨ ਕੀਤਾ ਗਿਆ । ਸਾਂਸਦ ਰਵਨੀਤ ਸਿੰਘ ਬਿੱਟੂ,  ਵਿਧਾਇਕ ਸੁਰਿੰਦਰ ਡਾਬਰ , ਜਿਲਾ ਭਾਜਪਾ  ਦੇ ਸਾਬਕਾ  ਪ੍ਰਧਾਨ ਪ੍ਰਵੀਨ ਬਾਂਸਲ, ਸੀਨੀਅਰ ਡਿਪਟੀ ਮੇਅਰ ਸੁਨੀਤਾ ਅੱਗਰਵਾਲ , ਭਾਜਪਾ ਯੂਵਾ ਮੋਰਚਾ ਪ੍ਰਧਾਨ ਮਹੇਸ਼ ਸ਼ਰਮਾ, ਪੰਜਾਬ ਭਾਜਪਾ ਦੇ ਬੁਲਾਰੇ ਅਮਿਤ ਗੋਸਾਈਂ, ਯੂਵਾ  ਮੋਰਚੇ ਦੇ ਸਾਬਕਾ ਪ੍ਰਧਾਨ ਹਰਸ਼ ਸ਼ਰਮਾ , ਕੌਂਸਲਰ   ਕਾਲ਼ਾ ਨਵਕਾਰ ਜੈਨ  ਅਤੇ ਸੁਮਿਤ ਮਲਹੌਤਰਾ,  ਭਾਜਪਾ ਉਪ-ਪ੍ਰਧਾਨ ਰਾਜੇਸ਼ਵਰੀ ਗੌਸਾਈਂ, ਭਾਜਪਾ ਨੇਤਾ ਰਾਜੀਵ ਕਾਲਡ਼ਾ, ਸੁੰਦਰ ਨਗਰ ਚੌਂਕੀ ਇੰਚਾਰਜ ਕੁਲਵੰਤ ਸਿੰਘ, ਤੇਰਾਪੰਥ ਸਭਾ ਪੰਜਾਬ ਦੇ ਮਹਾਮੰਤਰੀ  ਕੁਲਦੀਪ ਜੈਨ  ਸੁਰਾਣਾ, ਸ਼ਹੀਦ ਭਗਤ ਸਿੰਘ  ਕਲੱਬ ਦੇ ਪ੍ਰਧਾਨ ਰਵੀ ਬਤਰਾ ,  ਦੀਪੂ ਜੈਨ  ਅਤੇ ਸਵਾਸਤਿਕ ਵੈਲਫੇਅਰ ਸੋਸਾਇਟੀ  ਦੇ ਪ੍ਰਧਾਨ ਅਥਰਵ ਗੁਪਤਾ  ਸਹਿਤ ਹੋਰ ਮੋਹਤਬਰ  ਸ਼ੱਖਿਸਿਅਤਾਂ  ਨੇ ਮਹਾਰਾਜਾ ਅਗਰਸੈਨ ਜੀ ਦੀ ਪ੍ਰਤਿਮਾ ਨੂੰ ਫੁਲਾਂ ਦੇ ਹਾਰ ਅਰਪਿਤ ਕਰਕੇ ਨਮਨ ਕੀਤਾ ।
ਚੇਅਰਮੈਨ ਕੇਵਲ ਕ੍ਰਿਸ਼ਣ ਅਕਲਪੁਰੀ ਨੇ ਕਵਿਤਾਵਾਂ  ਰਾਹੀਂ  ਮਹਾਰਾਜਾ ਅਗਰਸੈਨ  ਦੇ ਜੀਵਨ ਤੇ ਆਧਾਰਿਤ ਮਹੱਤਵਪੂਰਣ ਪਹਿਲੂਆਂ ਤੋਂ ਨੌਜਵਾਨ ਵਰਗ ਨੂੰ ਜਾਣੂ ਕਰਵਾਇਆ ।  ਮਹਾਰਾਜਾ ਅਗਰਸੈਨ ਅੱਗਰਵਾਲ  ਸਭਾ ਪ੍ਰਧਾਨ ਸੁਸ਼ੀਲ ਗੁਪਤਾ  ਨੇ ਸਮਾਰੋਹ ਵਿੱਚ ਪਧਾਰੇ ਮਹਿਮਾਨਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਮਹਾਰਾਜਾ ਅਗਰਸੈਨ  ਦੇ ਸੰਦੇਸ਼ ਨੌਜਵਾਨ ਪੀਡ਼ੀ  ਲਈ ਵਰਦਾਨ ਤੋਂ ਘੱਟ ਨਹੀਂ ਹਨ ।  ਜੌਲੀ ਮਿਤਲ ਅਤੇ ਦਵਿੰਦਰ ਗੁਪਤਾ  ਨੇ ਜਨਮ ਦਿਹਾਡ਼ੇ ਦੇ ਸਮਾਗਮ ਵਿੱਚ ਪ੍ਰਸਤੂਤ ਸਾਂਸਕ੍ਰਿਤੀਕ ਪ੍ਰੋਗਰਾਮ  ਦੇ ਸਫਲ ਆਯੋਜਨ ਦਾ ਸਿਹਰਾ ਮਹਾਰਾਜਾ ਅਗਰਸੈਨ ਅੱਗਰਵਾਲ  ਸਭਾ ਸੁੰਦਰ ਨਗਰ ਦੀ ਯੂਥ ਇਕਾਈ  ਦੇ ਸਮਾਇਲ ਜੈਨ, ਹਿਮਾਂਸ਼ੂ ਜੈਨ , ਜਤਿਨ ਜੈਨ , ਅਮਿਤ ਗਾਂਧੀ, ਅਮਿਤ ਮਿਤਲ,  ਸ਼ੁਭਮ ਅੱਗਰਵਾਲ ,  ਆਤਿਸ਼ ਜੈਨ  , ਅਨੁਭਵ ਜੈਨ  ,  ਪੁਨੀਤ ਜੈਨ  ,  ਅਜੈ ਗੁਪਤਾ  ,  ਪ੍ਰਿੰਸ ਗੁਪਤਾ  ,  ਸੰਨੀ ਗੁਪਤਾ  ਅਤੇ  ਹੋਰ ਅੱਹੁਦੇਦਾਰਾਂ  ਨੂੰ ਦਿੰਦੇ ਹੋਏ ਕਿਹਾ ਕਿ ਮਹਾਰਾਜਾ ਅਗਰਸੈਨ  ਦੇ ਦੱਸੇ ਰਾਹ ਤੇ ਚਲਕੇ ਨੌਜਵਾਨ ਪੀਡ਼ੀ   ਸਮਾਜ ਸੇਵਾ ਵਿੱਚ ਅਹਿਮ ਭੂਮਿਕਾ ਨਿਭਾਕੇ ਆਪਣਾ ਫਰਜ ਨਿਭਾ ਰਹੀ ਹੈ ।  ਇਸ ਮੌਕੇ ਤੇ ਭਗਤ ਰਾਮ ਮਿਤਲ ,  ਪਵਨ ਅੱਗਰਵਾਲ ਐਮ ਐਲ,  ਜੌਲੀ ਮਿਤਲ ,  ਪਵਨ ਅੱਗਰਵਾਲ  ਸੀ .ਐ ਲ ,  ਜਗਨਨਾਥ ,  ਸੁਰਿੰਦਰ ਬਾਂਸਲ  ,  ਦਵਿੰਦਰ ਕੁਮਾਰ  ਗੁਪਤਾ ,  ਵਿਸ਼ਾਲ ਜੈਨ  ,  ਅਰੁਣ ਜੈਨ  ,  ਸਰਜੀਵਨ ਜੈਨ  ,  ਜੁਗਲ ਕਿਸ਼ੋਰ ਜੈਨ  ,  ਸੁਰੇਸ਼ ਬਾਂਸਲ ,  ਸੰਜੀਵ ਜੈਨ  ,  ਸਚਿਨ ਜੈਨ  ,  ਦੀਪੂ ਜੈਨ  ,  ਹਨੀ ਵਰਮਾ  ,  ਦਰਸ਼ਨ ਪ੍ਰਧਾਨ ,  ਬੌਬੀ ਚੋਪਡ਼ਾ  ,  ਸੁੰਦਰ ਨਗਰ ਭਾਈਚਾਰਾ ਕਲੱਬ  ਦੇ ਸਾਰੇ ਮੈਂਬਰ ਵੀ ਮੌਜੂਦ ਸਨ ।

ਆਜਾਦ ਹਿੰਦ ਫੋਜ ਦੇ ਸਿਪਾਹੀ ਨਰਿੰਦਰ ਸਿੰਘ ਨਹੀ ਰਹੇ
*ਸਰਕਾਰੀ ਸਨਮਾਨ ਨਾਲ ਹੋਇਆ ਅੰਤਿਮ ਸੰਸਕਾਰ


ਲੁਧਿਆਣਾ 1 ਅਕਤੂਬਰ ( ਸਤ ਪਾਲ ਸੋਨੀ  ) :   ਆਜਾਦੀ ਦੀ ਲਡ਼ਾਈ ਤੋਂ ਬਾਅਦ ਹਿੰਦ-ਪਾਕ ਬਟਵਾਰੇ ਸਮੇ ਲੁਧਿਆਣਾ ਪੁੱਜੇ ਆਜਾਦ ਹਿੰਦ ਫੋਜ ਦੇ ਸਿਪਾਹੀ ਨਰਿੰਦਰ ਸਿੰਘ ਉਮਰ ਕਰੀਬ (110) ਸਾਲ ਅਪਣੇ ਸੁਆਸਾ ਦੀ ਪੂੰਜੀ ਖਤਮ ਕਰਦੇ ਹੋਏ 30 ਸਤੰਬਰ ਦਿਨ ਸ਼ੁੱਕਰਵਾਰ ਨੂੰ ਦੁਪਹਿਰ ਦੇ ਵਕਤ ਗੁਰੂ ਚਰਨਾਂ ਵਿੱਚ ਜਾ ਬਿਰਾਜੇ। ਨਰਿੰਦਰ ਸਿੰਘ ਦਾ ਅੰਤਿਮ ਸੰਸਕਾਰ ਅੱਜ਼ ਸਵਰਗ ਆਸਰਮ ਮਾਡਲ ਟਊਨ ਐਸਕਟੈਂਸ਼ਨ ਵਿਖੇ ਸਰਕਾਰੀ ਸਨਮਾਨਾਂ ਨਾਲ ਕੀਤਾ ਗਿਆ।  ਇਸ ਮੌਕੇ ਵਿਸ਼ੇਸ ਤੌਰ ਤੇ ਡਿਪਟੀ ਕਮਿਸ਼ਨਰ ਰਵੀ ਭਗਤ, ਡੀ.ਸੀ.ਪੀ ਧਰੂਮਨ ਨਿੰਬਲੇ, ਐਸਡੀਐਮ ਪਰਮਜੀਤ ਸਿੰਘ ਅਤੇ ਵਧਾਇਕ ਸਿਮਰਜੀਤ ਸਿੰਘ ਬੈਂਸ ਹਾਜ਼ਰ ਰਹੇ। ਆਜਾਦ ਹਿੰਦ ਫੋਜ ਦੇ ਸਿਪਾਹੀ ਨਰਿੰਦਰ ਸਿੰਘ ਦਾ ਸਰੀਰ ਤ੍ਰਿਰੰਗੇ ਝੰਡੇ ਨਾਲ ਢੱਕਿਆ ਹੋਇਆ ਸੀ। ਪੰਜਾਬ ਪੁਲਿਸ ਦੇ ਜਵਾਨਾਂ ਵੱਲੋਂ ਪੂਰੇ ਸਨਮਾਨ ਨਾਲ ਅੰਤਿਮ ਵਦਾਇਗੀ ਦਿੱਤੀ ਗਈ ਅਤੇ ਅਪਣੇ ਹਥਿਆਰਾਂ ਵਿੱਚੋਂ ਹਵਾਈ ਫਾਇਰ ਵੀ ਕੀਤੇ। ਇੱਥੇ ਇਹ ਦੱਸਣਾ ਜਰੂਰੀ ਹੋਵੇਗਾ ਕਿ ਪਰਿਵਾਰ ਦੇ ਕਰੀਬ 22,23 ਮੈਂਬਰਾਂ ਵਿੱਚੋਂ ਇਕੱਲੇ ਰਹਿ ਚੁੱਕੇ ਨਰਿੰਦਰ ਸਿੰਘ ਨੇ 1947 ਤੋਂ ਬਾਅਦ ਅਪਣੇ ਜੀਵਨ ਦਾ ਸਾਰਾ ਸਮਾ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ (ਢੋਲੇਵਾਲ) ਵਿਖੇ ਬਤੀਤ ਕੀਤਾ। ਜਿੱਥੇ ਉਨਾਂ  ਦੀ ਸਾਂਭ-ਸੰਭਾਲ ਵਿਸ਼ੇਸ ਕਰਕੇ ਪ੍ਰਿੰਸੀਪਲ ਸ਼੍ਰੀਮਤੀ ਗੁਰਵਿੰਦਰ ਕੌਰ, ਉਪ ਪ੍ਰਿੰਸੀਪਲ ਹਰਦੀਪ ਕੌਰ, ਸੁਖਦੇਵ ਸਿੰਘ ਸਲੇਮਪੁਰੀ, ਸਮਾਜ ਸੇਵਕ ਤਰੱਕੀ ਲਾਲ ਦੇ ਨਾਲ-ਨਾਲ ਸਮੂਹ ਅਧਿਆਪਿਕ ਅਤੇ ਵਿਦਿਆਰਥੀ ਕਰਦੇ ਆ ਰਹੇ ਹਨ। ਸਾਲ 2015 ਦੇ ਮਾਰਚ ਮਹੀਨੇ ਨਰਿੰਦਰ ਸਿੰਘ ਦਾ ਅਚਾਨਕ ਡਿੱਗਣ ਕਾਰਨ ਚੂਲਾ ਟੁੱਟ ਗਿਆ ਸੀ ਤਦ ਆਈ.ਏ.ਐਸ ਸਾਬਕਾ ਡਿਪਟੀ ਕਮਿਸ਼ਨਰ ਸ਼੍ਰੀ ਰਜਤ ਅੱਗਰਵਾਲ  ਜੋ ਇਸ ਵੇਲੇ ਕਰ ਤੇ ਅਬਾਕਰੀ ਵਿਭਾਗ ਵਿੱਚ ਬਤੌਰ ਕਮਿਸ਼ਨਰ ਸੇਵਾਵਾਂ ਨਿਭਾ ਰਹੇ ਹਨ, ਨੇ ਅਪਣੀ ਦੇਖ-ਰੇਖ ਹੇਠ ਦਿਯਾਨੰਦ ਹਸਪਤਾਲ ਲੁਧਿਆਣਾ ਵਿੱਚ ਇਲਾਜ ਕਰਵਾਇਆ। ਉਸ ਤੋਂ ਬਾਅਦ ਨਰਿੰਦਰ ਸਿੰਘ ਗੁਰੁ ਅਮਰਦਾਸ ਆਸ਼ਰਮ ਸਰਾਭਾ ਵਿਖੇ ਪੀ.ਏ.ਯੂ ਦੇ ਸਾਬਕਾ ਪ੍ਰੋਫੈਸਰ ਡਾਕਟਰ ਮਾਂਗਟ ਦੀ ਦੇਖ-ਰੇਖ ਹੇਠ ਰਹਿ ਰਹੇ ਸਨ। ਸੰਸਕਾਰ ਸਮੇ ਸੁਖਦੇਵ ਸਿੰਘ ਸਲੇਮਪੁਰੀ, ਸਤਲੁਜ ਕਲੱਬ ਦੀ ਜਨਰਲ ਸਕੱਤਰ ਰੂਚੀ ਬਾਵਾ,ਗੁਰਮੀਤ ਸਿੰਘ ਨਿੱਝਰ, ਦੀਪਇੰਦਰਪਾਲ ਸਿੰਘ, ਹਰਦੀਪ ਕੌਰ ਲੈਕਚਰਾਰ, ਅਮਰਦੀਪ ਸਿੰਘ, ਦੀਦਾਰ ਸਿੰਘ, ਮੇਵਾ ਸਿੰਘ ਮਹਿਮੀ, ਦਰਸ਼ਨ ਸਿੰਘ, ਗੁਰਵਿੰਦਰ ਕੌਰ, ਗੁਰਕਨਵਰ ਸਿੰਘ ਤੋਂ ਇਲਾਵਾ ਸਰਾਭਾ ਅਤੇ ਢੋਲੇਵਾਲ ਪਿੰਡ ਦੇ ਵਸਨੀਕ ਵੀ ਹਾਜ਼ਰ ਸਨ। ਨਰਿੰਦਰ ਸਿੰਘ ਦੇ ਅੰਗੀਠਾ ਸੰਭਾਲਣ ਦੀ ਰਸਮ 2 ਅਕਤੂਬਰ ਦਿਨ ਐਤਵਾਰ ਨੂੰ ਸਵੇਰੇ 8.30 ਵਜੇ ਹੋਵੇਗੀ ਅਤੇ ਸ਼੍ਰੀ ਆਖੰਡ ਪਾਠ ਸਾਹਿਬ ਜੀ ਦੇ ਭੋਗ ਅਤੇ ਅੰਤਿਮ ਅਰਦਾਸ 5 ਅਕਤੂਬਰ ਦਿਨ ਬੁੱਧਵਾਰ ਨੂੰ ਗੁਰਦੁਆਰਾ ਸਾਹਿਬ ਢੋਲੇਵਾਲ ਵਿਖੇ ਦੁਪਹਿਰ 11 ਵਜੇ ਤੋਂ 12 ਵਜੇ ਤੱਕ ਹੋਵੇਗੀ।
ਨੇਤਾ ਜੀ ਸੁਭਾਸ ਚੰਦਰ ਦੇ ਜੀਵਨ ਤੋਂ ਪ੍ਰਭਾਵਿਤ ਹੋਏ ਨਰਿੰਦਰ ਸਿੰਘ ਵੀ ਆਜਾਦ ਹਿੰਦ ਫੋਜ ਵਿੱਚ ਬਤੌਰ ਸਿਪਾਹੀ ਭਰਤੀ ਹੋਏ। ਉਸ ਵਕਤ ਕੀ ਪਤਾ ਸੀ ਕਿ 1947 ਦੀ ਲਡ਼ਾਈ ਤੋਂ ਬਾਅਦ ਹਿੰਦ-ਪਾਕ ਬਟਵਾਰੇ ਤੋਂ ਬਾਅਦ ਨਰਿੰਦਰ ਸਿੰਘ ਨੂੰ ਅਪਣਾ ਜੀਵਨ ਲੋਕਾਂ ਸਹਾਰੇ ਲੁਧਿਆਣਾ ਦੇ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ (ਢੋਲੇਵਾਲ) ਵਿਖੇ ਬਤੀਤ ਕਰਨਾ ਪਵੇਗਾ। ਸਵਰਗ ਆਸਰਮ ਵਿਖੇ ਜਿੱਥੇ ਨਰਿੰਦਰ ਸਿੰਘ ਦੇ ਚਹੁੰਣ ਵਾਲਿਆਂ ਦੀਆਂ ਅੱਖਾਂ ਨਮ ਸਨ ਉੱਥੇ ਇਸ ਗੱਲ ਦਾ ਅਫਸੋਸ ਵੀ ਸੀ ਕਿ  ਜਿਉਂਦੇ ਜੀਅ ਤਾਂ ਬਹੁਤ ਸਾਰੇ ਸਮਾਜ ਸੇਵੀ ਅਤੇ ਰਾਜਨੀਤਕ ਆਗੂਆਂ ਨੇ  ਨਰਿੰਦਰ ਸਿੰਘ ਨਾਲ ਫੋਟੋਆਂ ਖਿਚਵਾ ਅਖਵਾਰਾਂ ਵਿੱਚ ਲਗਵਾਈਆ ਪਰ ਆਖਰੀ ਉਨਾਂ  ਨੂੰ ਸਰਧਾ ਦੇ ਫੁੱਲ ਭੇਟ ਕਰਨ ਕੋਈ ਵੀ ਰਾਜਨੀਤਕ ਜਾਂ ਸਾਮਜ ਸੇਵੀ ਸਵਰਗ ਆਸ਼ਰਮ ਨਹੀ ਪੁੱਜਾ ਜੇ ਅਪਣੀ ਇੱਕ ਵਾਰ ਫੇਰ ਜਿਮੇਵਾਰੀ ਨਿਭਾਈ ਤਾਂ ਉਹ ਪ੍ਰਸਾਸਨਿਕ ਅਧਿਕਾਰੀ ਹੀ ਸਨ।

 

ਚਡ਼੍ਹਤ ਪੰਜਾਬ ਦੀ :

ਆਪ ਵਲੰਟੀਅਰਾਂ ਨੇ ਉਡ਼ੀ ਆਰਮੀ ਕੈਂਪ ਤੇ ਆਤੰਕੀ ਹਮਲੇ ਦੇ ਸ਼ਹੀਦ ਜਵਾਨਾਂ ਨੂੰ ਦਿੱਤੀ ਸ਼ਰਧਾਂਜਲੀ

ਲੁਧਿਆਣਾ, 20 ਸਤੰਬਰ  ( ਸਤ ਪਾਲ ਸੋਨੀ  ) :   ਜੰਮੂ ਕਸ਼ਮੀਰ ਦੇ ਉਡ਼ੀ ਵਿਖੇ ਆਰਮੀ ਕੈਂਪ ਤੇ ਪਾਕਿਸਤਾਨੀ ਅਤੰਕੀਆਂ ਵਲੋਂ ਕੀਤੇ ਗਏ ਵੱਡੇ ਹਮਲੇ ਦੌਰਾਨ ਸ਼ਹੀਦ ਹੋਏ ਫੌਜ ਦੇ ਸ਼ਹੀਦ ਜਵਾਨਾਂਂ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਲਈ ਆਮ ਆਦਮੀ ਪਾਰਟੀ ਦੇ ਵਲੰਟੀਅਰਾਂ ਵਲੋਂ ਜ਼ੋਨ ਕੋਆਰਡੀਨੇਟਰ ਕਰਨਲ ਸੀ ਐਮ ਲਖਨਪਾਲ ਦੀ ਅਗਵਾਈ ਵਿਚ ਦੀ ਅਗਵਾਈ ਵਿਚ ਭਾਰਤ ਨਗਰ ਚੌਕ ਵਿਚ ਸ਼ਹੀਦ ਮੇਜਰ ਭੁਪਿੰਦਰ ਸਿੰਘ ਦੇ ਬੁੱਤ ਨੇਡ਼ੇ ਬੀਤੀ ਰਾਤ ਇਕ ਸ਼ਰਧਾਂਜਲੀ ਸਮਾਰੋਹ ਦਾ ਆਯੋਜ਼ਨ ਕੀਤਾ ਗਿਆ।ਸਾਰੇ ਵਲੰਟੀਅਰਾਂ ਨੇ ਹੱਥਾਂ ਵਿਚ ਬੈਨਰ ਅਤੇ  ਮੋਮਬਤੀਆਂ ਲਏ ਹੋਏ ਸਡ਼ਕ ਦੇ ਦੋਵੇਂ ਪਾਸੇ ਖਡ਼ੇ ਹੋਕੇ ਸ਼ਹੀਦਾ ਨੂੰ ਆਪਣਾ ਸਤਿਕਾਰ ਭੈਂਟ ਕੀਤਾ ਇਸ ਸਮੇਂ ਸਡ਼ਕ ਤੋਂ ਲੰਘ ਰਹੇ ਲੋਕਾਂ ਨੇ ਵੀ ਸਮਾਗਮ ਵਿਚ ਸ਼ਾਮਿਲ ਹੋਕੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਸਮਾਗਮ ਵਿਚ ਹੋਰਨਾਂ ਤੋਂ ਇਲਾਵਾ ਪ੍ਰਸਾਸ਼ਨ ਅਤੇ ਸ਼ਕਾਇਤ ਸੈਲ ਦੇ ਸੂਬਾ ਸਯੁੰਕਤ  ਸਕੱਤਰ ਦਰਸ਼ਨ ਸਿੰਘ ਸ਼ੰਕਰ, ਕਰਨਲ ਇਕਬਾਲ ਸਿੰਘ, ਦਫਤਰ ਸਕੱਤਰ ਸੁਭਾਸ਼ ਚੰਦਰ, ਮਾਸਟਰ ਹਰੀ ਸਿੰਘ, ਰਵਿੰਦਰਪਾਲ ਸਿੰਘ ਪਾਲੀ, ਕਰਨਲ ਦਰਸ਼ਨ ਢਿਲੋਂ, ਪ੍ਰਦੀਪ ਕੁਮਾਰ, ਬੀਰ ਸੁਖਪਾਲ  ਸਿੰਘ, ਰਾਕੇਸ਼ ਪ੍ਰਾਸ਼ਰ, ਭਰਪੂਰ ਸਿੰਘ,  ਵਿਕਰਮ ਦੱਤ ਕਪੂਰ, ਬਲਦੇਵ ਸਿੰਘ, ਸੁਖਵਿੰਦਰ ਸਿੰਘ ਅਤੇ ਧੀਰਜ ਕਥੂਰੀਆ ਵੀ ਹਾਜਿਰ ਸਨ।
ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਂਟ ਕਰਦੇ ਕਰਨਲ ਲਖਨਪਾਲ ਨੇ ਕਿਹਾ ਕਿ ਸਰਹੱਦਾਂ ਦੀ ਰੱਖਿਆ ਲਈ ਤਾਇਨਾਤ ਸਾਡੇ ਬਹਾਦਰ ਫੌਜੀ ਜਵਾਨਾਂ ਦੀ ਬਦੌਲਤ ਹੀ ਸਾਰੇ ਦੇਸ਼ ਵਾਸੀ ਸੁਰੱਖਿਅਤ ਮਹਿਸੂਸ ਕਰਦੇ ਹਨ, ਪ੍ਰੰਤੂ ਇਹ ਬਹਾਦਰ ਜਵਾਨ ਹਮੇਸ਼ਾਂ ਬੇਸ਼ੁਮਾਰ ਔਕਡ਼ਾਂ ਦਾ ਮੁਕਾਬਲਾ ਕਰਦੇ ਹੋਏ ਸਰਹੱਦਾਂ ਨੂੰ ਸੁਰੱਖਿਅਤ ਰੱਖਦੇ ਨੇ। ਉਨਾਂ ਕਿਹਾ ਕਿ ਜੰਮੂ ਕਸ਼ਮੀਰ ਅੰਦਰ ਆਪਣੇ ਅਤੰਕੀਆਂ ਪਾਸੋਂ ਹਮਲੇ ਕਰਾਉਣ ਵਿਚ ਪਾਕਿਸਤਾਨ ਸਾਰੀਆਂ ਹੱਦਾਂ ਪਾਰ ਕਰ ਚੁੱਕਾ ਹੈ ਅਤੇ ਸਾਡੇ ਬਹੁਤ ਸਾਰੇ ਫੌਜੀ ਜਵਾਨ ਅਤੇ ਨਾਗਰਿਕ ਆਪਣੀਆਂ ਜਾਨਾਂ ਗੁਆ ਚੁਕੇ ਹਨ , ਹੁਣ ਸਮਾਂ ਆ ਗਿਆ ਹੈ ਕਿ ਪਾਕਿਸਤਾਨ ਖਿਲਾਫ ਸਖਤ ਕਾਰਵਾਈ ਕਰਕੇ ਉਸ ਨੂੰ ਮੂੰਹ ਤੋਡ਼ ਜਵਾਬ ਦਿੱਤਾ ਜਾਵੇ।

ਯੂਥ ਕਾਂਗਰਸ ਵਲੋਂ ਹਲਕਾ ਗਿੱਲ ਵਿਚ 'ਜਵਾਨੀ ਬਚਾਓ, ਕਿਸਾਨੀ ਬਚਾਓ ਲਹਿਰ' ਦਾ ਪਿੰਡ ਧਰੋਡ਼ ਤੋਂ ਆਗਾਜ਼
ਹਜਾਰਾਂ ਨੌਜਵਾਨਾਂ ਦੇ ਠਾਠਾਂ ਮਾਰਦੇ ਇਕੱਠ ਨੂੰ ਸਤਵਿੰਦਰ ਬਿੱਟੀ ਨੇ ਹਰੀ ਝੰਡੀ ਦਿਖਾ ਕੇ ਤੋਰਿਆ

ਲੁਧਿਆਣਾ, 8 ਸਤੰਬਰ ( ਸਤ ਪਾਲ ਸੋਨੀ ) : ਲੁਧਿਆਣਾ ਯੂਥ ਕਾਂਗਰਸ ਵਲੋਂ ਮੀਤ ਪ੍ਰਧਾਨ ਸੰਨੀ ਕੈਂਥ ਦੀ ਅਗਵਾਈ ਹੇਠ ਹਲਕਾ ਗਿੱਲ ਅਧੀਨ ਆਉਂਦੇ ਪਿੰਡ ਧਰੋਡ਼ ਤੋਂ 'ਜਵਾਨੀ ਬਚਾਓ, ਕਿਸਾਨੀ ਬਚਾਓ ਲਹਿਰ' ਦਾ ਆਗਾਜ ਕੀਤਾ ਗਿਆ । ਇਸ ਮੌਕੇ ਹਜਾਰਾਂ ਨੌਜਵਾਨਾਂ ਦੇ ਠਾਠਾਂ ਮਾਰਦੇ ਇਕੱਠ ਨੂੰ ਸੀਨੀਅਰ ਕਾਂਗਰਸੀ ਆਗੂ ਅਤੇ ਉੱਘੀ ਲੋਕ ਗਾਇਕਾ ਸਤਵਿੰਦਰ ਬਿੱਟੀ ਨੇ ਹਰੀ ਝੰਡੀ ਦਿਖਾ ਕੇ ਤੋਰਿਆ । ਇਸ ਯਾਤਰਾ ਦਾ ਪਹਿਲਾ ਪਡ਼ਾਅ ਪਿੰਡ ਧਰੋਡ਼ ਤੋਂ ਸ਼ੁਰੂ ਹੋ ਕੇ ਨੱਤ, ਟਿੱਬਾ, ਪੱਦੀ, ਸੀਲੋਂ ਕਲਾਂ, ਸੀਲੋਂ ਖੁਰਦ, ਭੁੱਟਾ, ਮੁਕੰਦਪੁਰ, ਢੋਡੇ, ਖੱਟਡ਼ਾ, ਬੁਟਾਹਰੀ ਤੋਂ ਹੁੰਦਾ ਹੋਇਆ ਰੁਡ਼ਕੇ ਵਿਖੇ ਸਮਾਪਤ ਹੋਇਆ ਜਿਸ ਵਿਚ ਕਾਂਗਰਸੀ ਅਤੇ ਯੂਥ ਕਾਂਗਰਸੀ ਵਰਕਰਾਂ ਨੇ ਘਰ ਘਰ ਜਾ ਕੇ ਲੋਕਾਂ ਨੂੰ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ 2002 ਤੋਂ 2007 ਦੀ ਸਰਕਾਰ ਦੀਆਂ ਪ੍ਰਾਪਤੀਆਂ ਬਾਰੇ ਜਾਣੂ ਕਰਵਾਇਆ ਅਤੇ ਬਾਦਲਾਂ ਵਲੋਂ ਪਿਛਲੇ 9 ਸਾਲਾਂ ਵਿਚ ਕੀਤੀ ਲੁੱਟ ਖਸੁੱਟ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨ ਬਾਰੇ ਪੈਂਫਲੇਟ ਵੰਡੇ । ਇਸ ਮੌਕੇ ਹਰੇਕ ਪਿੰਡ ਦੀ ਸਾਂਝੀ ਜਗ੍ਹਾ ਤੇ ਢਾਡੀ ਜੱਥੇ ਵਲੋਂ ਲੋਕਾਂ ਨੂੰ ਵਾਰਾਂ ਸੁਣਾਈਆਂ ਗਈਆਂ ਅਤੇ ਪ੍ਰਗਤੀ ਲਹਿਰ ਨਾਟਕ ਮੰਡਲੀ ਵਲੋਂ ਨਸ਼ੇ ਅਤੇ ਕਿਸਾਨੀ ਦੇ ਮੁੱਦੇ ਤੇ ਨਾਟਕ ਖੇਡ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ । ਸੰਬੋਧਨ ਵਿਚ ਸੰਨੀ ਕੈਂਥ ਨੇ ਕਿਹਾ ਕਿ ਬਾਦਲਾਂ ਨੇ ਪੰਜਾਬ ਦੀ ਜਵਾਨੀ ਅਤੇ ਕਿਸਾਨੀ ਨੂੰ ਡੋਬਣ ਵਿਚ ਕੋਈ ਕਸਰ ਨਹੀ ਛੱਡੀ ਅਤੇ ਜੇਕਰ ਪੰਜਾਬ ਦੀ ਜਵਾਨੀ ਅਤੇ ਕਿਸਾਨੀ ਨੂੰ ਕੋਈ ਸ਼ਖਸ ਬਚਾ ਸਕਦਾ ਹੈ ਤਾਂ ਉਹ ਸਿਰਫ ਕੈਪਟਨ ਅਮਰਿੰਦਰ ਸਿੰਘ ਹੀ ਹੈ । ਇਸ ਮੌਕੇ ਮੁਕੰਦਰਪੁਰ ਤੋਂ ਸਰਪੰਚ ਜੰਗ ਬਹਾਦੁਰ ਸਿੰਘ, ਪੀਪੀਸੀਸੀ ਸਪੋਰਟਸ ਸੈੱਲ ਦੇ ਜਨ. ਸ਼ਕੱਤਰ ਜੋਐਨ ਠੱਕਰਵਾਲ, ਜਿਲ੍ਹਾ ਕਾਂਗਰਸ ਕਮੇਟੀ ਦੇ ਮੀਤ ਪ੍ਰਧਾਨ ਅਮਨਦੀਪ ਸਿੰਘ ਬੂਲ, ਜਨ ਸਕੱਤਰ ਮਨਜਿੰਦਰ ਸਿੰਘ ਨੋਨੀ ਪਨੈਚ, ਜੱਥੇਦਾਰ ਬੁੱਧ ਸਿੰਘ ਭੁੱਟਾ, ਦਵਿੰਦਰ ਸਿੰਘ ਭੁੱਟਾ, ਮਹਿੰਦਰ ਸਿੰਘ ਬੁਟਾਹਰੀ, ਰਮਨ ਬੁਟਾਹਰੀ, ਗੁਰਦੀਪ ਸਿੰਘ ਬੁਟਾਹਰੀ, ਮਨੀ ਬੁਟਾਹਰੀ, ਜਗਰੂਪ ਸੀਲੋਂ, ਪਿੰਦਰੀ ਰੁਡ਼ਕਾ, ਹਰਮਨ ਰੁਡ਼ਕਾ, ਪਿੰਦਰ ਵਿਰਕ ਰੁਡ਼ਕਾ, ਹਰਮਨ ਮਾਡ਼ੂ, ਅਵਤਾਰ ਮਾਡ਼ੂ, ਮਨੀ ਰੁਡ਼ਕਾ, ਗੁਰਿੰਦਰ ਸਿੰਘ ਢੋਡੇ, ਜੰਗ ਸਿੰਘ ਸੀਲੋਂ, ਰਾਜਵਿੰਦਰ ਭੁੱਟਾ, ਸਤਵਿੰਦਰ ਸਿੰਘ ਹੈਪੀ, ਜੱਗਾ ਸੀਲੋਂ ਕਲਾਂ, ਪਾਲੀ ਮੁਕੰਦਪੁਰ, ਪ੍ਰਭਜੋਤ ਕੌਰ, ਹਰਪਾਲ ਸਿੰਘ ਟਿੱਬਾ, ਮਹਿਤਾਬ ਸਿੰਘ ਬੰਟੀ, ਮੋਹਿਤ ਰਾਮਪਾਲ, ਹਰਭਜਨ ਲੁਹਾਰਾ, ਬੱਬੂ ਘੁਲਿਆਣੀ, ਹਿਮਾਂਸ਼ੂ ਵਾਲੀਆ, ਦੀਪਕ ਕਨੌਜੀਆ, ਮੁਹੰਮਦ ਰੋਜੂਦੀਨ ਸੈਫੀ, ਪੀਤਾ ਨੱਤ, ਆਸ਼ਾ ਕੈਂਥ, ਨਰਦੀਪ ਕੌਰ, ਸੁਖਵਿੰਦਰ ਸਿੰਘ ਸੁੱਖ, ਸੋਨੀ ਢਿਲੋਂ, ਅਵਤਾਰ ਸਿੰਘ ਕੈਂਥ, ਬੂਟਾ ਸਿੰਘ ਭੁੱਟਾ, ਜਰਨੈਲ ਸਿੰਘ ਭੁੱਟਾ, ਅਨਿਲ ਕੁਮਾਰ ਪੱਪੀ, ਕਮਲ ਕੁਮਾਰ, ਯਾਦਵਿੰਦਰ ਜੌਨੀ, ਸੂਬੇਦਾਰ ਮੋਹਨ ਸਿੰਘ, ਮਮਿਤ ਸਿੰਘ ਰਾਠੋਡ਼, ਪ੍ਰਿੰਸ ਕੈਂਥ, ਹਰਮਨ ਭੁੱਲਰ, ਰਜਤ ਕੁੰਦਰਾ, ਸਾਹਿਲ ਮਲਹੋਤਰਾ, ਅਸ਼ੋਕ ਕੁਮਾਰ ਆਦਿ ਹਾਜਿਰ ਸਨ ।

ਬ੍ਰੈਡ ਦੇ ਵੱਧੇ ਰੇਟਾਂ ਖਿਲਾਫ ਲੋਕਾਂ ਨੇ ਕੀਤਾ ਬ੍ਰੈਡ ਕੰਪਨੀਆਂ ਖਿਲਾਫ ਰੋਸ ਮੁਜਾਹਰਾ
*ਆਉਦੀਆਂ ਵਿਧਾਨ ਸਭਾ ਚੋਣਾ ਦੇ ਫੰਡ ਲਈ ਬ੍ਰੈਡ ਦੇ ਭਾਅ ਵਧਾ ਲੋਕਾਂ ਦੇ ਜੇਬ ਤੇ ਮਾਰਿਆ ਡਾਕਾ-ਬੈਂਸ

ਲੁਧਿਆਣਾ, 4 ਸਤੰਬਰ ( ਸਤ ਪਾਲ ਸੋਨੀ  ) :  ਅੱਜ ਸਥਾਨਕ ਧੱਕਾ ਕਲੋਨੀ  ਵਿਖੇ ਸਲੱਮ ਇਲਾਕੇ ਦੇ ਲੋਕਾਂ ਤੇ ਟੀਮ ਇਨਸਾਫ ਦੇ ਮੈਂਬਰਾਂ ਦੀ ਅਗੁਵਾਈ ਹੇਠ ਬ੍ਰੈਡ ਦੀਆਂ ਵੱਧੀਆਂ ਕੀਮਤਾਂ ਖਿਲਾਫ ਰੋਸ ਪ੍ਰਦਰਸ਼ਨ ਕੀਤਾ। ਟੀਮ ਇਨਸਾਫ ਦੀ ਪੰਜਾਬ ਇਸਤਰੀ ਵਿੰਗ ਪ੍ਰਧਾਨ ਸ਼ਸ਼ੀ ਮਲਹੋਤਰਾ ਨੇ ਦੱਸਿਆ ਕਿ ਵੱਧੀ ਮਹਿੰਗਾਈ ਨੇ ਲੋਕਾਂ ਦਾ ਜਿਉਣਾ ਮੁੱਹਾਲ ਕਰ ਦਿੱਤਾ ਹੈ ਅਤੇ ਹੁਣ ਬ੍ਰੈਡ ਦੇ ਰੇਟਾਂ ਵਿਚ ਭਾਰੀ ਇਜਾਫਾ ਕਰਕੇ ਗਰੀਬ ਲੋਕਾਂ ਦੇ ਮੂੰਹ ਚੋਂ ਬ੍ਰੈਡ ਦਾ ਨਿਵਾਲਾ ਵੀ ਖੋਇਆ ਜਾ ਰਿਹਾ ਹੈ। ਸ਼ਸ਼ੀ ਨੇ ਦੱਸਿਆ ਕਿ ਜਿਥੇ ਪਹਿਲਾ ਬ੍ਰੈਡ ਦੀ ਕੀਮਤ 10 ਰੁਪਏ ਸੀ ਹੁਣ ਬ੍ਰੈਡ ਦੀ ਕੀਮਤ 13 ਰੁਪਏ ਹੋ ਗਈ ਹੈ ਜਿਸ ਕਾਰਣ ਲੋਕ ਹੁਣ ਬ੍ਰੈਡ ਤੱਕ ਨਹੀਂ ਖਾ ਸਕਦੇ। ਇਲਾਕਾ ਨਿਵਾਸੀਆਂ ਨੇ ਰੋਸ ਮੂਜਾਹਰਾ ਕਰਦਿਆ ਸਰਕਾਰ ਤੋਂ ਮੰਗ ਕੀਤੀ ਕਿ ਜੇਕਰ ਬ੍ਰੈਡ ਦੇ ਰੇਟ ਨਾ ਘਟਾਏ ਗਏ ਤਾਂ ਰੋਸ ਸੰਘਰਸ਼ ਤੇਜ ਕੀਤਾ ਜਾਵੇਗਾ। ਇਸ ਮਾਮਲੇ ਸਬੰਧੀ ਹਲਕਾ ਆਤਮ ਨਗਰ ਦੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਨੇ ਕਿਹਾ ਕਿ ਬ੍ਰੈਡ ਦੇ ਰੇਟ ਵੱਧਣ ਪਿੱਛੇ ਸੱਤਾਧਾਰੀ ਪਾਰਟੀ ਦਾ ਹੱਥ ਹੈ ਕਿਉਂਕਿ ਆਉਣ ਵਾਲੀਆਂ 2017 ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਫੰਡ ਇੱਕਠਾ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਬੈਂਸ ਨੇ ਦੱਸਿਆ ਕਿ ਜੇਕਰ ਰੋਜਾਨਾ 2 ਲੱਖ ਬ੍ਰੈਡ ਸਪਲਾਈ ਹੁੰਦੀ ਹੈ ਤਾਂ ਰੋਜਾਨਾਂ ਦਾ 6 ਲੱਖ ਰੁਪਿਆ ਸਤਾਧਾਰੀ ਪਾਰਟੀ ਲਈ ਰੋਜਾਨਾਂ ਦਾ ਫੰਡ ਹੈ। ਅਕਾਲੀ ਦਲ ਨੇ ਆਪਣੀਆਂ ਕੋਝੀਆਂ ਚਾਲਾਂ ਚਲਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਬੈਂਸ ਨੇ ਕਿਹਾ ਕਿ ਜੇਕਰ ਬ੍ਰੈਡ ਕੰਪਨੀਆਂ ਨੇ ਬ੍ਰੈਡ ਦੇ ਭਾਅ ਨਾ ਘਟਾਏ ਤਾਂ ਕੰਪਨੀਆਂ ਖਿਲਾਫ ਸੰਘਰਸ਼ ਤੇਜ ਕੀਤਾ ਜਾਵੇਗਾ।
ਬੈਂਸ ਨੇ ਦੱਸਿਆ ਕਿ ਕਿਸੀ ਚੀਜ ਦਾ ਕੋਈ ਰੇਟ ਨਹੀਂ ਵਧਿਆ ਜਿਵੇਂ ਕਿ ਮੈਦੇ ਦਾ ਭਾਅ, ਲੇਬਰ, ਬਿਜਲੀ ਆਦਿ। ਸੋ ਇਸ ਤੋਂ ਸਾਫ ਜਾਹਿਰ ਹੁੰਦਾ ਹੈ ਕਿ ਅਕਾਲੀ ਦਲ ਦੇ ਚੋਣਾਂਵੀ ਫੰਡ ਲਈ ਗਰੀਬ ਲੋਕਾਂ ਦੀ ਜੇਬ ਤੇ ਡਾਕਾ ਮਾਰਿਆ ਜਾ ਰਿਹਾ ਹੈ। ਇਸ ਮੌਕੇ ਟੀਮ ਇਨਸਾਫ ਇਸਤਰੀ ਵਿੰਗ ਪੰਜਾਬ ਦੀ ਸ਼ਸ਼ੀ ਮਲਹੋਤਰਾ, ਅਮਰਜੀਤ ਕੌਰ ਵਾਰਡ 64 ਪ੍ਰਧਾਨ, ਕਮਲਜੀਤ ਵਾਰਡ 74, ਦਰਸ਼ਨਾ ਵਾਰਡ 16,ਹਰਪ੍ਰੀਤ  ਵਾਰਡ ਪ੍ਰਧਾਨ, ਨਰਿੰਦਰ ਕੌਰ, ਰਜਨੀ, ਉਸ਼ਾ ਰਾਣੀ, ਚਾਰੂ, ਅਮਨਿੰਦਰ, ਅਨੂੰ, ਡਿੰਪਲ, ਜਸਬੀਰ ਕੌਰ, ਮਨਦੀਪ ਕੌਰ, ਸਵੀਤਾ, ਇੰਦਰਜੀਤ ਕੌਰ ਆਦਿ ਮੌਜੂਦ ਸਨ। 

:
ਪੰਜਾਬ 'ਚ ਨਸ਼ਿਆਂ ਲਈ ਜ਼ਿੰਮੇਵਾਰ ਲੋਕਾਂ ਨੂੰ ਕੈਪਟਨ ਅਮਰਿੰਦਰ ਨੇ ਜੇਲ ਭੇਜਣ ਦਾ ਕੀਤਾ ਵਾਅਦਾ
*ਖੰਨਾ ਨੂੰ ਜ਼ਿਲਾ ਬਣਾਉਣ ਦੀ ਪ੍ਰਗਟਾਈ ਵਚਨਬੱਧਤਾ


ਈਸਡ਼ੂ (ਲੁਧਿਆਣਾ), 16 ਅਗਸਤ ( ਸਤ ਪਾਲ ਸੋਨੀ  ) :  ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਵਾਅਦਾ ਕੀਤਾ ਹੈ ਕਿ ਨਸ਼ਿਆਂ ਦੀ ਪੈਦਾਵਾਰ, ਤਸਕਰੀ ਜਾਂ ਸਪਲਾਈ ਲਈ ਜ਼ਿੰਮੇਵਾਰ ਹਰੇਕ ਵਿਅਕਤੀ ਨੂੰ ਜਵਾਬਦੇਹ ਬਣਾਉਣ ਤੇ ਉਸਨੂੰ ਸਾਡੀ ਪੂਰੀ ਨੌਜਵਾਨ ਪੀਡ਼ੀ ਨੂੰ ਖਤਮ ਕਰਨ ਲਈ ਸਜ਼ਾ ਦੇਣ ਦਾ ਵਾਅਦਾ ਕੀਤਾ ਹੈ।ਉਨਾਂ  ਨੇ ਕਿਹਾ ਕਿ ਜੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ ਜਾਂ ਬਿਕ੍ਰਮ ਸਿੰਘ ਮਜੀਠੀਆ ਦੀ ਇਸ 'ਚ ਸ਼ਮੂਲਿਅਤ ਸਾਬਤ ਹੋਈ, ਤਾਂ ਉਹ ਉਨਾਂ  ਨੂੰ ਵੀ ਮੁਆਫ ਨਹੀਂ ਕਰਨਗੇ।
ਕੈਪਟਨ ਅਮਰਿੰਦਰ ਸਿੰਘ ਐਲਾਨ ਕੀਤਾ ਕਿ ਕਾਂਗਰਸ ਦੀ ਸੂਬੇ 'ਚ ਸਰਕਾਰ ਬਣਨ ਤੋਂ ਬਾਅਦ ਖੰਨਾ ਨੂੰ ਜ਼ਿਲਾ ਬਣਾਇਆ ਜਾਵੇਗਾ। ਸ਼ਹੀਦ ਕਰਨੈਲ ਸਿੰਘ ਈਸਡ਼ੂ ਦੀ ਯਾਦ 'ਚ ਇਥੇ ਸੋਮਵਾਰ ਨੂੰ ਸੁਤੰਤਰਤਾ ਦਿਵਸ ਮੌਕੇ ਅਯੋਜਿਤ ਭਰਵੀਂ ਸਿਆਸੀ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਕੈਪਟਨ ਅਮਰਿੰਦਰ ਨੇ ਨਸ਼ਿਆਂ ਨੂੰ ਕਿਸੇ ਵੀ ਕੀਮਤ 'ਤੇ ਸਹਿਣ ਨਹੀਂ ਕੀਤਾ ਜਾਵੇਗਾ। ਉਨਾਂ  ਨੇ ਠਾਠਾਂ ਮਾਰਦੇ ਇਕੱਠ ਨੂੰ ਯਾਦ ਦਿਲਾਇਆ ਕਿ ਉਨਾਂ  ਨੇ ਚਾਰ ਹਫਤਿਆਂ ਅੰਦਰ ਨਸ਼ਿਆਂ ਨੂੰ ਖਤਮ ਕਰਨ ਦੀ ਸ਼੍ਰੀ ਗੁਟਕਾ ਸਾਹਿਬ ਦੀ ਸਹੁੰ ਚੁੱਕੀ ਹੈ। ਇਸ ਲਡ਼ੀ ਹੇਠ ਪੰਜਾਬ ਨੂੰ ਨਸ਼ਿਆਂ ਦੇ ਦਲਦਲ 'ਚ ਧਕੇਲਣ ਵਾਲਿਆਂ ਵਾਸਤੇ ਰਹਿਮ ਦੀ ਕੋਈ ਜਗਾ ਨਹੀਂ ਹੈ, ਜਿਨਾਂ  ਨੇ ਸਾਰੀ ਨੌਜ਼ਵਾਨ ਪੀਡ਼ੀ ਨੂੰ ਖਤਮ ਕਰ ਦਿੱਤਾ ਹੈ।
ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਨੇ ਅਕਾਲੀਆਂ, ਖਾਸ ਕਰਕੇ ਬਾਦਲਾਂ ਨੂੰ ਖੇਤੀਬਾਡ਼ੀ ਤੇ ਪੰਜਾਬ ਦੀ ਜਵਾਨੀ ਨੂੰ ਬਰਬਾਦ ਕਰਨ ਦਾ ਦੋਸ਼ ਲਗਾਇਆ। ਉਨਾਂ  ਨੇ ਕਿਹਾ ਕਿ ਬਾਦਲਾਂ ਦੇ ਸ਼ਾਸਨਕਾਲ ਦੌਰਾਨ ਜਿਥੇ ਨੌਜ਼ਵਾਨਾਂ ਨੂੰ ਨਸ਼ਿਆਂ 'ਚ ਧਕੇਲ ਦਿੱਤਾ ਗਿਆ ਹੈ, ਉਥੇ ਹੀ ਕਿਸਾਨ ਖੁਦਕੁਸ਼ੀਆਂ ਕਰ ਰਹੇ ਹਨ। ਬਾਦਲਾਂ ਨੇ ਪੰਜਾਬ ਨੂੰ ਬਹੁਤ ਵੱਡਾ ਨੁਕਸਾਨ ਪਹੁੰਚਾਇਆ ਹੈ, ਜਿਹਡ਼ਾ ਇਤਿਹਾਸ 'ਚ ਕਦੇ ਵੀ ਨਹੀਂ ਹੋਇਆ ਸੀ। ਇਥੋਂ ਤੱਕ ਕਿ ਪਹਿਲੇ ਨੰਬਰ 'ਤੇ ਰਹਿਣ ਵਾਲਾ ਪੰਜਾਬ ਅੱਜ ਤਰੱਕੀ ਤੇ ਵਿਕਾਸ ਦੇ ਮਾਮਲੇ 'ਚ ਹੋਰਨਾਂ ਸੂਬਿਆਂ ਮੁਕਾਬਲੇ 23ਵੇਂ ਨੰਬਰ 'ਤੇ ਪਹੁੰਚ ਚੁੱਕਾ ਹੈ। ਇਸ ਮੌਕੇ ਸਾਬਕਾ ਮੁੱਖ ਮੰਤਰੀ ਨੇ ਬਾਦਲਾਂ ਵੱਲੋਂ ਬੀਤੇ ਦੱਸ ਸਾਲਾਂ ਦੌਰਾਨ ਫਾਇਦਾ ਕਮਾਉਣ ਵਾਲੇ ਬਿਜਨੇਸਾਂ 'ਤੇ ਕਬਜ਼ਾ ਕਰਕੇ ਕਮਾਈ ਭਾਰੀ ਦੋਲਤ ਦਾ ਜ਼ਿਕਰ ਕੀਤਾ। ਭਾਵੇਂ ਉਹ ਟ੍ਰਾਂਸਪੋਰਟ ਦਾ ਬਿਜਨੇਸ ਹੋਵੇ, ਕੇਬਲ ਦੀ ਵੰਡ, ਸ਼ਰਾਬ ਦਾ ਵਪਾਰ ਜਾਂ ਫਿਰ ਰੇਤ ਦੀ ਖੁਦਾਈ, ਬਾਦਲਾਂ ਨੇ ਹਰੇਕ 'ਤੇ ਕਬਜ਼ਾ ਜਮਾ ਰੱਖਿਆ ਹੈ।
ਕੈਪਟਨ ਅਮਰਿੰਦਰ ਸਿੰਘ  ਪਹਿਲਾਂ ਹੀ ਐਲਾਨ ਕਰ ਚੁੱਕੇ ਹਨ ਕਿ ਬਾਦਲਾਂ ਤੇ ਉਨਾਂ  ਦੇ ਸਾਥੀਆਂ ਕੋਲੋਂ ਸਾਰੇ ਵਾਧੂ ਪਰਮਿਟ ਵਾਪਿਸ ਲਏ ਜਾਣਗੇ ਤੇ ਗੈਰ ਕਾਨੂੰਨੀ ਰੂਟ ਰੋਕੇ ਜਾਣਗੇ, ਜਿਨਾਂ  ਪਰਮਿਟਾਂ ਨੂੰ ਬੇਰੁਜ਼ਗਾਰ ਨੌਜ਼ਵਾਨਾਂ ਨੂੰ ਵੰਡਿਆ ਜਾਵੇਗਾ। ਇਸੇ ਤਰਾਂ, ਕੇਬਲ ਵੰਡ, ਰੇਤ ਖੁਦਾਈ ਤੇ ਸ਼ਰਾਬ ਦੇ ਵਪਾਰ 'ਤੇ ਇਨਾਂ  ਦੇ ਏਕਾਧਿਕਾਰ ਨੂੰ ਖਤਮ ਕੀਤਾ ਜਾਵੇਗਾ, ਤਾਂ ਜੋ ਇਨਾਂ  ਤੋਂ ਹੋਣ ਵਾਲੇ ਫਾਇਦੇ ਲੋਕਾਂ ਨੂੰ ਮਿਲਣ। ਇਸ ਦੌਰਾਨ ਕੈਪਟਨ ਅਮਰਿੰਦਰ ਨੇ ਬਾਦਲ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਸਾਹਮਣੇ ਖਡ਼ਾ ਹੋ ਕੇ ਬੋਲਣ ਦੀ ਚੁਣੌਤੀ ਦਿੱਤੀ ਕਿ ਉਨਾਂ  ਨੇ ਆਪਣੇ ਖਾਸ ਦੋਸਤ ਤੇ ਉਸ ਵੇਲੇ ਹਰਿਆਣਾ ਦੇ ਮੁੱਖ ਮੰਤਰੀ ਦੇਵੀ ਲਾਲ ਨੂੰ ਖੁਸ਼ ਕਰਨ ਵਾਸਤੇ ਐਸ.ਵਾਈ.ਐਲ ਨਹਿਰ ਦੇ ਨਿਰਮਾਣ ਵਾਸਤੇ ਦਸਤਖਤ ਕਰਕੇ ਮਨਜ਼ੂਰੀ ਨਹੀਂ ਦਿੱਤੀ ਸੀ। ਉਨਾਂ  ਨੇ ਕਿਹਾ ਕਿ ਬਾਦਲਾਂ ਵੱਲੋਂ ਵਿਅਕਤੀਗਤ ਰਿਸ਼ਤਿਆਂ ਨੂੰ ਪਹਿਲ ਦੇਣ ਕਾਰਨ ਪੰਜਾਬ ਨੂੰ ਐਸ.ਵਾਈ.ਐਲ 'ਤੇ ਬਹੁਤ ਸਾਰੀ ਪ੍ਰੇਸ਼ਾਨੀ ਝੇਲਣੀ ਪਈ ਹੈ। ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਸਵਾਲ ਕੀਤੇ, ਜਿਹਡ਼ੇ ਪੰਜਾਬ ਦੇ ਮੁੱਖ ਮੰਤਰੀ ਬਣਨ ਦੇ ਚਾਹਵਾਨ ਹਨ, ਕਿ ਉਹ ਐਸ.ਵਾਈ.ਐਲ ਦੇ ਮਾਮਲੇ 'ਚ ਪੰਜਾਬ ਨਾਲ ਖਡ਼ਨਗੇ ਜਾਂ ਫਿਰ ਹਰਿਆਣਾ ਨਾਲ। ਕਿਉਂਕਿ ਉਨਾਂ  ਦੀ ਸਰਕਾਰ ਪਹਿਲਾਂ ਹੀ ਐਸ.ਵਾਈ.ਐਲ ਉਪਰ ਅਦਾਲਤ 'ਚ ਹਰਿਆਣਾ ਦੇ ਹੱਕ 'ਚ ਹਲਫੀਆਨਾਮਾ ਦੇ ਚੁੱਕੀ ਹੈ। ਉਨਾਂ  ਨੂੰ ਪੰਜਾਬ ਦੇ ਲੋਕਾਂ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਨਾਂ  ਤੇ ਉਨਾਂ  ਦੀ ਪਾਰਟੀ ਦਾ ਇਸ ਮੁੱਦੇ 'ਤੇ ਕੀ ਸਟੈਂਡ, ਜਿਹਡ਼ਾ ਸਾਡੇ ਵਾਸਤੇ ਜ਼ਿੰਦਗੀ ਤੇ ਮੌਤ ਦਾ ਮਾਮਲਾ ਹੈ।
ਇਸ ਮੌਕੇ ਸੰਬੋਧਨ ਕਰਦਿਆਂ ਏ.ਆਈ.ਸੀ.ਸੀ. ਸਕੱਤਰ ਇੰਚਾਰਜ਼ ਪੰਜਾਬ ਮਾਮਲੇ ਆਸ਼ਾ ਕੁਮਾਰੀ ਨੇ ਕਿਹਾ ਕਿ ਪੰਜਾਬ ਬਦਲਾਅ ਚਾਹੁੰਦਾ ਹੈ ਅਤੇ ਪੰਜਾਬੀ ਕਾਂਗਰਸ ਨੂੰ ਵਾਪਿਸ ਸੱਤਾ 'ਚ ਲਿਆਉਣ ਦਾ ਮਨ ਬਣਾ ਬੈਠੇ ਹਨ। ਉਨਾਂ  ਨੇ ਕਿਹਾ ਕਿ ਸਿਰਫ ਕਾਂਗਰਸ ਹੀ ਸੂਬੇ ਨੂੰ ਇਨਾਂ  ਮਾਡ਼ੇ ਹਾਲਾਤਾਂ 'ਚੋਂ ਕੱਢ ਸਕਦੀ ਹੈ, ਜਿਹਡ਼ੇ ਬੀਤੇ ਸਾਲਾਂ ਦੌਰਾਨ ਅਕਾਲੀਆਂ ਨੇ ਪੈਦਾ ਕੀਤੇ ਹਨ। ਇਸ ਦੌਰਾਨ ਹੋਰਨਾਂ ਤੋਂ ਇਲਾਵਾ, ਬੀਬੀ ਰਜਿੰਦਰ ਕੌਰ ਭੱਠਲ, ਪ੍ਰਤਾਪ ਸਿੰਘ ਬਾਜਵਾ, ਹਰੀਸ਼ ਚੌਧਰੀ, ਰਵਨੀਤ ਬਿੱਟੂ, ਗੁਰਕੀਰਤ ਸਿੰਘ ਕੋਟਲੀ ਵੀ ਮੌਜ਼ੂਦ ਰਹੇ।

ਚਡ਼੍ਹਤ ਪੰਜਾਬ ਦੀ
ਨੌਜਵਾਨ ਪੀਡ਼ੀ ਨੂੰ ਅਮੀਰ ਪੰਜਾਬੀ ਸੱਭਿਆਚਾਰ ਅਤੇ ਵਿਰਸੇ ਨਾਲ ਜੁਡ਼ੇ ਰਹਿਣਾ ਚਾਹੀਦਾ ਹੈ-ਰੁਚੀ ਬਾਵਾ
* ਗੁਰੂ ਤੇਗ ਬਹਾਦਰ ਨਰਸਿੰਗ ਕਾਲਜ 'ਚ ਸੱਭਿਆਚਾਰਕ ਪ੍ਰੋਗਰਾਮ ਹੋਇਆ
ਲੁਧਿਆਣਾ, 12 ਅਗਸਤ ( ਸਤ ਪਾਲ ਸੋਨੀ ) : ਪੱਛਮੀ ਸੱਭਿਆਚਾਰ ਨੂੰ ਜਿੰਦਗੀ ਵਿਚ ਅਪਣਾਉਣਾ ਕੋਈ ਮਾਡ਼ੀ ਗੱਲ ਨਹੀਂ, ਪਰ ਆਪਣੇ ਸੱਭਿਆਚਾਰ ਨੂੰ ਭੁੱਲ ਜਾਣਾ ਚੰਗੀ ਗੱਲ ਨਹੀਂ। ਇਹ ਵਿਚਾਰ ਸ੍ਰੀਮਤੀ ਰੁਚੀ ਬਾਵਾ ਜਨਰਲ ਸਕੱਤਰ ਸਤਲੁਜ ਕਲੱਬ ਲੁਧਿਆਣਾ ਨੇ ਗੁਰੂ ਤੇਗ ਬਹਾਦਰ ਚੈਰੀਟੇਬਲ ਹਸਪਤਾਲ ਅਤੇ ਨਰਸਿੰਗ ਕਾਲਜ ਲੁਧਿਆਣਾ ਵਿਚ ਤੀਆਂ ਮੌਕੇ ਕਰਵਾਏ ਗਏ ਇਕ ਸੱਭਿਆਚਾਰਕ ਪ੍ਰੋਗਰਾਮ ਦਾ ਉਦਘਾਟਨ ਕਰਦਿਆਂ ਪ੍ਰਗਟ ਕੀਤੇ। ਉਨਾਂ ਕਿਹਾ ਕਿ ਨੌਜਵਾਨ ਪੀਡ਼ ਨੂੰ ਅਮੀਰ ਪੰਜਾਬੀ ਸੱਭਿਆਚਾਰਕ ਵਿਰਸੇ ਨਾਲ ਜੁਡ਼ੇ ਰਹਿਣਾ ਚਾਹੀਦਾ ਹੈ ਤਾਂ ਜੋ ਆਪਸੀ ਰਿਸ਼ਤਿਆਂ ਦੀਆਂ ਗੰਢਾਂ ਨੂੰ ਹੋਰ ਮਜਬੂਤ ਕੀਤਾ ਜਾ ਸਕੇ ਅਤੇ ਸਮਾਜ ਵਿਚ ਧੀਆਂ ਦੇ ਸਤਿਕਾਰ ਨੂੰ ਸਦੀਵੀ ਰੱਖਿਆ ਜਾ ਸਕੇ। ਇਸ ਮੌਕੇ ਪੰਜਾਬੀ ਸੱਭਿਆਚਾਰ ਨਾਲ ਸਬੰਧਿਤ ਵੰਨਗੀਆਂ ਤਹਿਤ ਨਰਸਿੰਗ ਵਿਦਿਆਰਥਣਾਂ ਦੇ ਮੁਕਾਬਲੇ ਕਰਵਾਏ ਗਏ, ਜਿਨਾਂ ਵਿਚ ਜੀ.ਐਨ.ਐਮ ਤੀਸਰੇ ਸਾਲ ਦੀ ਵਿਦਿਆਰਥਣ ਗੁਰਮਨਪ੍ਰੀਤ ਕੌਰ ਨੂੰ 'ਤੀਆਂ ਦੀ ਰਾਣੀ', ਬੀ.ਐੱਸ.ਸੀ ਦੂਸਰੇ ਸਾਲ ਦੀ ਵਿਦਿਆਰਥਣ ਸਰਮਨਪ੍ਰੀਤ ਕੌਰ ਨੂੰ 'ਗਿੱਧਿਆਂ ਦੀ ਰਾਣੀ', ਬੀ.ਐੱਸ.ਸੀ ਚੌਥੇ ਸਾਲ ਦੀ ਵਿਦਿਆਰਥਣ ਸੰਦੀਪ ਕੌਰ ਨੂੰ 'ਸਰੂ ਜਿਹਾ ਕੱਦ', ਬੀ.ਐੱਸ.ਸੀ ਚੌਥੇ ਸਾਲ ਦੀ ਵਿਦਿਆਰਥਣ ਮਨਦੀਪ ਕੌਰ ਨੂੰ 'ਕਾਸ਼ਣੀ ਅੱਖ', ਬੀ.ਐੱਸ.ਸੀ ਪਹਿਲੇ ਸਾਲ ਦੀ ਵਿਦਿਆਰਥਣ ਹਰਪ੍ਰੀਤ ਕੌਰ ਨੂੰ 'ਤੋਰ ਪੰਜਾਬਣ ਦੀ', ਜੀ.ਐਨ.ਐਮ ਦੂਸਰੇ ਸਾਲ ਦੀ ਵਿਦਿਆਰਥਣ ਕੋਮਲਪ੍ਰੀਤ ਕੌਰ ਨੂੰ 'ਖਿਡ਼ਿਆ ਚਿਹਰਾ' ਅਤੇ ਜੀ.ਐਨ.ਐਮ ਦੂਸਰੇ ਸਾਲ ਦੀ ਵਿਦਿਆਰਥਣ ਗਗਨਦੀਪ ਕੌਰ ਨੂੰ 'ਬੈਸਟ ਮਹਿੰਦੀ ਸਜਾਉਣ ਕਲਾ' ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਸ੍ਰੀਮਤੀ ਰੁਚੀ ਬਾਵਾ ਨੇ ਸਮਾਗਮ ਤੋਂ ਪ੍ਰਭਾਵਿਤ ਹੁੰਦਿਆਂ ਕੁਡ਼ੀਆਂ ਨਾਲ ਆਪਣੇ ਨਿੱਜੀ ਤਜ਼ਰਬਿਆਂ ਨੂੰ ਸਾਂਝੇ ਕਰਦਿਆਂ ਮਿਹਨਤ ਅਤੇ ਲਗਨ ਨਾਲ ਉੱਚੀਆਂ ਬੁਲੰਦੀਆਂ ਛੂਹਣ ਲਈ ਉਤਸ਼ਾਹਿਤ ਕੀਤਾ। ਇਸ ਮੌਕੇ ਇੰਸਟੀਚਿਊਟ ਦੇ ਡਾਇਰੈਕਟਰ ਡਾ. ਅਮਰਜੀਤ ਸਿੰਘ ਦੂਆ, ਪ੍ਰਿੰਸੀਪਾਲ ਸ੍ਰੀਮਤੀ.ਸੁਦੇਸ਼ ਡੇਵਿਡ, ਵਾਇਸ ਪ੍ਰਿੰਸੀਪਾਲ ਸ੍ਰੀਮਤੀ ਸਵਪਨਾ, ਪ੍ਰੋ: ਪਰਮਜੀਤ ਕੌਰ, ਸ੍ਰੀਮਤੀ ਈਸ਼ਾ ਬਵੇਜਾ, ਸਾਬਕਾ ਕਰਨਲ ਐਮ ਐਸ ਕੰਗ, ਜੋਗਿੰਦਰ ਸਿੰਘ ਇਰੋਜ਼ ਤੋਂ ਇਲਾਵਾ ਨਰਸਿੰਗ ਕਾਲਜ ਦੀ ਫੈਕੁਲਿਟੀ ਅਤੇ ਸ਼ਹਿਰ ਦੀਆਂ ਵੱਖ ਵੱਖ ਸਖਸ਼ੀਅਤਾਂ ਹਾਜ਼ਰ ਸਨ। ਇਸ ਮੌਕੇ ਨਰਸਿੰਗ ਵਿਦਿਆਰਥਦਾਂ ਭੰਗਡ਼ਾ ਪਾਇਆ, ਜੋ ਸਲਾਹੁਣ ਯੋਗ ਸੀ। ਨਰਸਿੰਗ ਕਾਲਜ ਵੱਲੋਂ ਮਠਿਆਈਆਂ ਦੀ ਰਾਣੀ ਜਲੇਬੀਆਂ ਦਾ ਪ੍ਰਬੰਧ ਵੀ ਕੀਤਾ ਗਿਆ। ਕੁਲ ਮਿਲਾ ਕੇ ਇਹ ਪ੍ਰੋਗਰਾਮ ਅਭੁੱਲ ਯਾਦਾਂ ਛੱਡ ਗਿਆ।

ਵਿਸ਼ਵ ਵਲੰਟੀਅਰ ਬਲਡ ਡੋਨਰ ਦਿਹਾਡ਼ੇ ਤੇ ਹੈਲਪਿੰਗ ਹੈਂਡਸ ਕਲੱਬ ਨੇ
ਕੀਤਾ 82 ਯੁਨਿਟ ਖੂਨਦਾਨ
*ਹੈਲਿੰਪਗ ਹੈਂਡਸ ਕਲੱਬ ਨੇ ਖੂਨਦਾਨ ਕਰਕੇ ਨਿਭਾਇਆ ਮਨੁੱਖਤਾ ਦੀ ਸੇਵਾ ਦਾ ਫਰਜ : ਰਮਨ ਗੋਇਲ

ਲੁਧਿਆਣਾ, 14 ਜੂਨ ( ਸਤ ਪਾਲ ਸੋਨੀ ) : ਸਮਾਜ ਸੇਵੀ ਸੰਗਠਨ ਹੈਲਪਿੰਗ ਹੈਂਡਸ ਕਲੱਬ ਵੱਲੋਂ ਵਿਸ਼ਵ ਵਲੰਟੀਅਰ ਬਲਡ ਡੋਨਰ ਦਿਹਾਡ਼ੇ ਤੇ ਦਯਾਨੰਦ ਹਸਪਤਾਲ ਦੇ ਬਲਡ ਬੈਂੰਕ ਵਿੱਖੇ ਆਯੋਜਿਤ ਕੈਂਪ' ਚ ਸੰਗਠਨ ਦੇ ਪ੍ਰਧਾਨ ਰਮਨ ਗੋਇਲ ਦੀ ਪ੍ਰਧਾਨਗੀ ਹੇਠ ਵਲੰਟੀਅਰਾਂ ਨੇ 82 ਯੁਨਿਟ ਖੂਨਦਾਨ ਕੀਤਾ । ਹਸਪਤਾਲ ਦੇ ਬਲਡ ਬੈਂਕ ਦੀ ਪ੍ਰਮੁੱਖ ਡਾਕਟਰ ਅਮਰਜੀਤ ਕੌਰ ਨੇ ਹੈਲਪਿੰਗ ਹੈਂਡਸ ਕਲੱਬ ਵੱਲੋਂ ਥੈਲੇਸੀਮਿਆ ਪੀਡ਼ਿਤ ਬੱਚਿਆਂ ਦੀ ਮਦਦ ਲਈ ਕੀਤੇ ਖੂਨਦਾਨ ਦੀ ਪ੍ਰੰਸ਼ਸਾ ਕਰਦੇ ਹੋਏ ਕਿਹਾ ਕਿ ਕਲੱਬ ਦੇ ਮੈਂਬਰ ਥੈਲੇਸੀਮਿਆ ਨਾਲ ਪੀਡ਼ਿਤ ਬੱਚਿਆਂ ਦੇ ਨਾਲ ਖੂਨ ਦਾ ਰਿਸ਼ਤਾ ਨਾਂ ਹੁੰਦੇ ਹੋਏ ਵੀ ਉਨਾਂ ਦੇ ਲਈ ਖੂਨਦਾਨ ਕਰਕੇ ਉਨਾਂ ਨੂੰ ਨਵਾਂ ਜੀਵਨ ਪ੍ਰਦਾਨ ਕਰ ਰਹੇ ਹਨ । ਹੈਲਪਿੰਗ ਹੈਂਡਸ ਕਲੱਬ ਦੇ ਪ੍ਰਧਾਨ ਰਮਨ ਗੋਇਲ ਨੇ ਕਲੱਬ ਵੱਲੋਂ ਸਮੇਂ ਸਮੇੰ ਤੇ ਕੀਤੇ ਜਾਣ ਵਾਲੇ ਖੂਨਦਾਨ ਅਤੇ ਹੋਰ ਸਾਮਾਜਿਕ ਕਾਰਜਾਂ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਕਲੱਬ ਦਾ ਉਦੇਸ਼ ਖੂਨਦਾਨ ਕਰਕੇ ਜਰੁਰਤਮੰਦਾ ਦੇ ਜੀਵਨ ਦੀ ਰੱਖਿਆ ਕਰਕੇ ਮਨੁੱਖਤਾ ਦਾ ਫਰਜ ਨਿਭਾਉਣਾ ਹੈ । ਇਸ ਮੌਕੇ ਤੇ ਰਮਨ ਗੋਇਲ, ਅਵਨੀਸ਼ ਮਿੱਤਲ, ਗਗਨ ਅਰੋਡ਼ਾ, ਰਾਜੀਵ ਅਰੋਡ਼ਾ, ਸ਼ਸ਼ੀ ਭੂਸ਼ਣ ਗੋਇਲ, ਵਰੁਣ ਜੈਨ, ਨੰਦ ਗੋਪਾਲ ਬਾਂਸਲ, ਰਾਕੇਸ਼ ਸਿੰਗਲਾ, ਜਗਦੀਪ ਸਿੰਘ ਮੋਗੇੰਬੋ,ਗੋਪਾਲ ਸ਼ਰਮਾ, ਜੋਤੀ ਡੰਗ, ਅਨੂਪ ਸ਼ੁਕਲਾ, ਵਿਕਾਸ ਗੋਇਲ, ਮਨੂੰ ਗੁਪਤਾ, ਇੰਦਰਜੀਤ ਵਾਲਿਆ, ਰਾਕੇਸ਼ ਗੁਪਤਾ, ਪ੍ਰੇਮ ਬਾਂਗਡ਼, ਤਰੁਣ ਗੋਇਲ, ਭਾਰਤ ਜੋਸ਼ੀ, ਅਮਰ ਟੱਕਰ, ਨੀਰਜ ਵਰਮਾ, ਆਦਿਤਿਆ ਗੋਇਲ, ਸੰਜੀਵ ਗਰਗ ਅਤੇ ਹੋਰ ਵੀ ਮੌਜੂਦ ਸਨ ।

ਅਸਮ ਵਿੱਚ ਭਾਜਪਾ ਦੀ ਜਿੱਤ ਮੋਦੀ  ਸਰਕਾਰ ਦੀ ਜਨਹਿਤੈਸ਼ੀ ਨਿਤੀਆਂ ਤੇ ਮੋਹਰ  :  ਰਵਿੰਦਰ ਅਰੋਡ਼ਾ

*ਜਿਲਾ ਭਾਜਪਾ ਨੇ ਅਸਮ ਵਿੱਚ ਮਿਲੀ ਜਿੱਤ ਦੀ ਮਨਾਇਆ ਜਸ਼ਨ ,  ਢੋਲ ਦੀ ਥਾਪ ਤੇ ਭੰਗਡ਼ੇ ਪਾਕੇ ਵੰਡੇ ਲੱਡੂ


ਲੁਧਿਆਣਾ 21 ਮਈ ( ਸਤ ਪਾਲ ਸੋਨੀ  ) : ਜਿਲਾ ਭਾਜਪਾ ਪ੍ਰਧਾਨ ਰਵਿੰਦਰ ਅਰੋਡ਼ਾ  ਦੀ ਪ੍ਰਧਾਨਗੀ ਹੇਠ ਜਿਲਾ ਭਾਜਪਾ ਆਗੂਆਂ ਤੇ ਵਰਕਰਾਂ ਨੇ ਅਸਮ ਵਿਧਾਨਸਭਾ ਚੋਣਾਂ ਵਿੱਚ ਭਾਜਪਾ ਨੂੰ ਮਿਲੇ ਸਪੱਸ਼ਟ ਬਹੁਮਤ ਦਾ ਜਸ਼ਨ ਸਥਾਨਕ ਹੈਬੋਵਾਲ ਵਿੱਖੇ ਢੋਲ ਦੀ ਥਾਪ ਤੇ ਭੰਗਡ਼ੇ ਪਾਕੇ ਮਨਾਇਆ ।  ਜਿਲਾ ਭਾਜਪਾ ਪ੍ਰਧਾਨ ਰਵਿੰਦਰ ਅਰੋਡ਼ਾ  ਨੇ ਅਸਮ ਵਿੱਚ ਭਾਜਪਾ ਨੂੰ ਮਿਲੀ ਜਿੱਤ ਦਾ ਸਿਹਰਾ ਕੇਂਦਰ ਵਿੱਚ ਸਤਾਸੀਨ ਮੋਦੀ  ਸਰਕਾਰ ਵੱਲੋਂ ਲਾਗੂ ਕੀਤੀਆਂ ਜਨਹਿਤੈਸ਼ੀ ਨਿਤੀਆਂ ਨੂੰ ਦਿੰਦੇ ਹੋਏ ਕਿਹਾ ਦੀ ਅਸਮ ਦੀ ਜਨਤਾ ਨੇ ਮੋਦੀ  ਸਰਕਾਰ ਦੀਆਂ ਨਿਤੀਆਂ ਤੇ ਮੋਹਰ ਲਗਾਕੇ ਅਸਮ ਵਿੱਚ ਭਾਜਪਾ  ਦੇ ਰੁਪ ਵਿੱਚ ਦੇਸ਼ ਭਗਤ ਸਰਕਾਰ ਨੂੰ ਰਾਜ ਦੀ ਸਤਾ ਦੀ ਕਮਾਨ ਸੌਂਪਕੇ ਰਾਜ  ਦੇ ਵਿਕਾਸ ਦਾ ਰਸਤਾ ਸਾਫ ਕੀਤਾ ਹੈ ।  ਅਰੋਡ਼ਾ ਨੇ ਕਿਹਾ ਕਿ ਅਸਮ ਵਿੱਚ ਜਿੱਤ ਦੀ ਹੋਈ ਸ਼ੁਰੁਆਤ ਸੈਮਿਫਾਇਨਲ ਹੈ  ਅਤੇ ਅਗਲੇ ਸਾਲ ਪੰਜਾਬ ਸਹਿਤ ਉੱਤਰ ਭਾਰਤ  ਦੇ ਹੋਰ ਰਾਜਾਂ ਵਿੱਚ ਭਾਜਪਾ ਦੀ ਜਿੱਤ ਦਾ ਫਾਈਨਲ ਹੋਵੇਗਾ ।  ਇਸ ਮੌਕੇ ਤੇ  ਸਾਬਕਾ ਸਿਹਤ ਮੰਤਰੀ ਸਤ ਪਾਲ ਗੋਸਾਈਂ,  ਜਿਲਾ ਭਾਜਪਾ ਦੇ ਸਾਬਕਾ ਪ੍ਰਧਾਨ ਪ੍ਰਵੀਨ ਬਾਂਸਲ  ਅਤੇ ਰਾਜੀਵ ਕੱਤਨਾ ,  ਪੰਜਾਬ ਭਾਜਪਾ  ਦੇ ਖਜਾਨਚੀ ਗੁਰਦੇਵ ਸ਼ਰਮਾ ਦੇਬੀ , ਭਾਜਪਾ ਮਹਿਲਾ ਮੋਰਚਾ ਪੰਜਾਬ ਰੇਨੂੰ   ਥਾਪਰ, ਅਨਿਲ ਸਰੀਨ ,  ਅਸ਼ੋਕ ਲੂੰਬਾ ,  ਸੰਤੋਸ਼ ਕਾਲਡ਼ਾ, ਅਰੁਣੇਸ਼ ਮਿਸ਼ਰਾ, ਜੀਵਨ ਗੁਪਤਾ  , ਪੁਸ਼ਪਿੰਦਰ ਸਿੰਘਲ , ਮਸਤਾਨ ਚੰਦ ਕਪੂਰ  ,   ਸੰਗੀਤਾ ਭੰਡਾਰੀ ,  ਲੱਕੀ ਸ਼ਰਮਾ  ,  ਸੰਜੈ ਕਪੂਰ ,  ਰਜਨੀਸ਼ ਧੀਮਾਨ ,  ਸਤਪਾਲ ਸੱਗਡ਼ ,  ਅਸ਼ੋਕ ਲੂੰਬਾ ,  ਕੌਂਸਲਰ ਗੁਰਦੀਪ ਸਿੰਘ  ਨੀਟੂ ,  ਇੰਦਰ ਅੱਗਰਵਾਲ  ,  ਅਵਤਾਰ ਸਿੰਘ  ਤਾਰੀ ,  ਅਮਿਤ ਗੋਸਾਈਂ ,  ਸੰੰਜੈ ਕਪੂਰ  ,  ਨੀਰਜ ਵਰਮਾ  ,  ਕੈਲਾਸ਼ ਚੌਧਰੀ  ,  ਤਰਣਜੀਤ ਸਿੰਘ  ,  ਸਤਨਾਮ ਸਿੰਘ  ਸੇਠੀ ,  ਸ਼ੇਖਰ ਜੈਨ ,  ਯੂਵਾ  ਮੋਰਚਾ ਪ੍ਰਧਾਨ ਹਰਸ਼ ਸ਼ਰਮਾ  ,  ਹਨੀ ਬੇਦੀ  ,  ਓਮ ਪ੍ਰਕਾਸ਼ ਰਤਡ਼ਾ ,  ਅਰੂਣ ਗੋਇਲ  ,  ਰਮੇਸ਼ ਪੰਡਿਤ  ,  ਅਭੇ ਕਪੂਰ  ,  ਤਿਲਕ ਰਾਜ  ,  ਸੰਜੀਵ ਧੀਮਾਨ ,  ਡਾ .  ਨਿਰਮਲ ਨਈਅਰ ,  ਹਰਪ੍ਰੀਤ ਸਿੰਘ  ,  ਰੋਹਿਤ ਸਿੱਕਾ ,  ਅਮਨਪਾਲ ,  ਰਜਨੀਸ਼ ਗੌਤਮ ,  ਰਾਕੇਸ਼ ਭਾਟਿਆ  ,   ਨਿਸ਼ਾਂਤ ਨਾਗਰ ,  ਡਾ .  ਸਤੀਸ਼ ਸਹਿਤ ਹੋਰ ਆਦਿ ਮੌਜੂਦ ਸਨ ।

:
ਜਿਸ ਕੇ ਲਬੋਂ ਪੇ ਕਭੀ ਬਦ ਦੁਆ ਨਹੀਂ ਹੋਤੀ, ਵੋ ਮਾਂ ਹੀ ਤੋ ਹੈ ਜੋ ਕਭੀ ਖਫਾ ਨਹੀਂ ਹੋਤੀ
*ਯੂਥ ਵੀਰਾਂਗਨਾਏਂ ਨੇ ਮਾਂ ਦਿਵਸ ਮਨਾ ਕੇ ਦਿੱਤਾ ਮਾਂ ਦਾ ਸਨਮਾਨ ਕਰਨ ਦਾ ਸੰਦੇਸ਼

ਲੁਧਿਆਣਾ, 9 ਮਈ ( ਸਤ ਪਾਲ ਸੋਨੀ ) : ਯੂਥ ਵੀਰਾਂਗਨਾਏਂ ਰਜਿ. ਦੀ ਇਕਾਈ ਲੁਧਿਆਣਾ ਨੇ ਅੱਜ ਸਥਾਨਕ ਆਤਮ ਨਗਰ ਪਾਰਕ ਵਿੱਚ ਮਾਂ ਦਿਵਸ ਮਨਾਉਂਣ ਮੌਕੇ ਸਮਾਗਮ ਕਰਵਾ ਕੇ ਸਮਾਜ ਨੂੰ ਮਾਂ ਦਾ ਸਤਿਕਾਰ ਕਰਨ ਦਾ ਸੰਦੇਸ਼ ਦਿੱਤਾ। ਇਸ ਸਮਾਗਮ ਵਿੱਚ ਹਲਕਾ ਆਤਮ ਨਗਰ ਤੋਂ ਕਾਂਗਰਸ ਦੇ ਇੰਚਾਰਜ਼ ਕੁਲਵੰਤ ਸਿੰਘ ਸਿੱਧੂ, ਕੌਸਲਰ ਜਗਬੀਰ ਸਿੰਘ ਸੋਖੀ, ਕੌਂਸਲਰ ਕਮਲਜੀਤ ਸਿੰਘ ਕਡ਼ਵਲ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਾਮਲ ਹੋਏ। ਇਸ ਮੌਕੇ ਬੱਚਿਆਂ ਨੇ ਮਾਂ ਨੂੰ ਸਮਰਪਿਤ ਕਵਿਤਾਵਾਂ, ਗੀਤ, ਨਾਟਕ ਅਤੇ ਭਾਸ਼ਣ ਦਿੱਤੇ। ਬੱਚਿਆਂ ਵੱਲੋਂ ਮਾਂ ਦੀ ਤਾਰੀਫ ਵਿੱਚ ' ਜਿਸ ਕੇ ਲਬੋਂ ਪੇ ਕਭੀ ਬਦ ਦੁਆ ਨਹੀਂ ਹੋਤੀ, ਵੋ ਮਾਂ ਹੀ ਤੋ ਹੈ ਜੋ ਕਭੀ ਖਫਾ ਨਹੀਂ ਹੋਤੀ', ' ਜਿਸ ਕੇ ਹੋਨੇ ਸੇ ਆਪਣੇ ਆਪ ਕੋ ਮੁਕੰਮਲ ਮਾਨਤੀ ਹੂੰ, ਰੱਬ ਕੇ ਬਾਦ ਮੈਂ ਮਾਂ ਕੋ ਹੀ ਮਾਨਤੀ ਹੂੰ', ' ਰੋਟੀ ਖਾਧੀ ਐ ਕਿ ਨਹੀਂ ਕੱਲੀ ਮਾਂ ਪੁੱਛਦੀ, ਕਿੰਨੇ ਡਾਲਰ ਕਮਾਉਂਨੈ ਬਾਕੀ ਸਭ ਪੁੱਛਦੇ' ਵਰਗੇ ਗੀਤ ਅਤੇ ਕਵਿਤਾਵਾਂ ਪੇਸ਼ ਕਰਕੇ ਪੰਡਾਲ ਵਿੱਚ ਬੈਠੀਆਂ ਕਈ ਔਰਤਾਂ ਨੂੰ ਰੋਣ ਲਾ ਦਿੱਤਾ। ਇਸ ਮੌਕੇ 10 ਮਾਵਾਂ ਨੂੰ ਯੂਥ ਵੀਰਾਂਗਨਾਵਾਂ ਨੇ ਸਨਮਾਨਿਤ ਵੀ ਕੀਤਾ।
ਇਸ ਮੌਕੇ ਪਹੁੰਚੇ ਹਲਕਾ ਆਤਮ ਨਗਰ ਤੋਂ ਕਾਂਗਰਸ ਦੇ ਇੰਚਾਰਜ਼ ਕੁਲਵੰਤ ਸਿੰਘ ਸਿੱਧੂ ਨੇ ਕਿਹਾ ਕਿ ਮਾਂ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਮਾਂ ਇੱਕ ਸ਼ਬਦ ਨਹੀਂ ਸਗੋਂ ਇੱਕ ਪੂਰੀ ਦੁਨੀਆਂ ਹੈ ਜਿਸ ਦੀ ਬੁੱਕਲ ਵਿੱਚ ਮਨੁੱਖ ਸਵਰਗ ਦੇ ਸੁਖ ਮਾਣਦਾ ਹੈ। ਪ੍ਰੰਤੂ ਬਡ਼ੇ ਦੁੱਖ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਅੱਜ ਸਮਾਜ ਮਾਂ ਦਾ ਸਨਮਾਨ ਕਰਨਾ ਭੁੱਲ ਗਿਆ ਹੈ। 9 ਮਹੀਨੇ ਆਪਣੀ ਕੁੱਖ ਵਿੱਚ ਆਪਣਾ ਖੂਨ ਪਿਆ ਕੇ ਜਨਮ ਦੇਣ ਵਾਲੀ ਮਾਂ ਨੂੰ ਅੱਜ ਸਮਾਜ ਬਿਰਧ ਆਸ਼ਰਮਾਂ ਦੇ ਹਵਾਲੇ ਕਰ ਰਿਹਾ ਹੈ। ਉਨਾਂ ਭਾਵਕ ਹੁੰਦਿਆਂ ਕਿਹਾ ਕਿ ਉਨਾਂ ਦੀ ਮਾਂ ਦੀ ਦੋ ਮਹੀਨੇ ਪਹਿਲਾਂ ਹੀ ਮੌਤ ਹੋਈ ਹੈ, ਉਸ ਨੂੰ ਹੀ ਪਤਾ ਹੈ ਕਿ ਮਾਂ ਦਿਵਸ ਮੌਕੇ ਉਸ ਦੇ ਜਿਗਰ ਨੂੰ ਕਿਵੇਂ ਖੋ ਪੈਂਦੀ ਰਹੀ ਹੈ। ਉਨਾਂ ਸਮਾਜ ਦੇ ਸਿਸਟਮ ਨੂੰ ਬਦਲ ਕੇ ਮਾਂ ਦਾ ਸਨਮਾਨ ਕਰਨ ਨੂੰ ਯਕੀਨੀ ਬਨਾਉਂਣ ਬਾਰੇ ਕਿਹਾ। ਸਮਾਗਮ ਵਿੱਚ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ ਕੌਂਸਲਰ ਜਗਬੀਰ ਸਿੰਘ ਸੋਖੀ ਨੇ ਕਿਹਾ ਕਿ ਦੁਨੀਆਂ ਦੇ ਇਤਹਾਸ ਨੇ ਮਾਂ ਦਾ ਰੁਤਬਾ ਸਭ ਤੋਂ ਉੱਚਾ ਦੱਸਿਆ ਹੈ। ਰੱਬ ਨੇ ਆਪਣਾ ਰੂਪ ਬਣਾ ਕੇ ਮਾਂ ਨੂੰ ਦੁਨੀਆਂ ਵਿੱਚ ਭੇਜਿਆ ਹੈ। ਸਾਰੀ ਦੁਨੀਆਂ ਰੱਬ ਨੇ ਬਣਾਈ ਹੈ ਪ੍ਰੰਤੂ ਦੁਨੀਆਂ ਭਰ ਦੇ ਮਨੁੱਖਾਂ ਨੂੰ ਮਾਂ ਨੇ ਜਨਮ ਦਿੱਤਾ ਹੈ। ਉਨਾਂ ਸੋਸ਼ਲ ਸਾਈਟ ਫੇਸ ਬੁੱਕ ਤੇ ਮਾਂ ਦਿਵਸ ਤੇ ਮੁਬਾਰਕਾਂ ਦੇਣ ਵਾਲੇ ਲੋਕਾਂ ਨੂੰ ਮਾਂ ਦਾ ਸਤਿਕਾਰ ਕਰਨ ਲਈ ਕਿਹਾ। ਉਨਾਂ ਕਿਹਾ ਕਿ ਅੱਜ ਜਾਇਦਾਦਾਂ ਆਪਣੇ ਨਾਂਅ ਕਰਵਾ ਕੇ ਲੋਕ ਮਾਵਾਂ ਨੂੰ ਬਿਰਧ ਆਸ਼ਰਮ ਭੇਜ ਦਿੰਦੇ ਹਨ। ਉਨਾਂ ਕਿਹਾ ਕਿ ਏਥੋਂ ਪ੍ਰਣ ਕਰਕੇ ਜਾਈਏ ਕਿ ਮਾਂ ਦਾ ਪੂਰਾ ਸਤਿਕਾਰ ਕਰਾਂਗੇ।
ਕੌਂਸਲਰ ਕਮਲਜੀਤ ਸਿੰਘ ਕਡ਼ਵਲ ਨੇ ਕਿਹਾ ਕਿ ਮਾਂ ਕਈ ਰਿਸ਼ਤਿਆਂ ਦਾ ਧੱਕਾ ਸਹਿੰਦੀ ਹੋਈ ਮਾਂ ਦੇ ਸਥਾਨ ਤੇ ਪਹੁੰਚਦੀ ਹੈ। ਕੁਡ਼ੀ ਦੇ ਜਨਮ ਸਮੇਂ ਘਰ ਵਿੱਚ ਸੋਗ ਦਾ ਪਸਰਨਾ, ਕੁਡ਼ੀ ਮੁੰਡੇ ਦਰਮਿਆਨ ਮਾਪਿਆਂ ਦੇ ਫਰਕ ਦਾ ਸ਼ਿਕਾਰ ਹੋਣਾ, ਨੂੰਹ ਬਣ ਕੇ ਸੱਸ ਦੇ ਜ਼ੁਲਮਾਂ ਦਾ ਸ਼ਿਕਾਰ ਹੋਣ ਤੋਂ ਬਾਦ ਆਪਣੀ ਜਿੰਦਗੀ ਨੂੰ ਦਾਅ ਤੇ ਲਾ ਕੇ ਲਡ਼ਕੀ ਬੱਚੇ ਨੂੰ ਜਨਮ ਦੇ ਕੇ ਮਾਂ ਬਣਦੀ ਹੈ। ਐਨੇ ਜੁਲਮਾਂ ਦਾ ਸ਼ਿਕਾਰ ਹੋਣ ਵਾਲੀ ਮਾਂ ਦਾ ਸਮਾਜ ਦੇਣ ਨਹੀਂ ਦੇ ਸਕਦਾ। ਉਨਾਂ ਕਿਹਾ ਕਿ ਅੱਜ ਮਾਂ ਦਿਵਸ ਤੇ ਇਸ ਸਮਾਗਮ ਵਿੱਚ ਮਰਦਾਂ ਨੂੰ ਵੀ ਬੁਲਾਉਂਣਾ ਚਾਹੀਦਾ ਸੀ ਕਿਉਂਕਿ ਮਰਦ ਹੀ ਔਰਤ ਤੇ ਜ਼ੁਲਮ ਦਾ ਬਹੁਤਾ ਜ਼ਿੰਮੇਵਾਰ ਹੈ।ਉਨਾਂ ਕਿਹਾ ਕਿ ਜੋ ਸਤਿਕਾਰ ਮਾਂ ਨੂੰ ਮਿਲਣਾ ਚਾਹੀਦਾ ਹੈ ਉਹ ਸਮਾਜ ਵਿੱਚ ਨਹੀਂ ਮਿਲ ਰਿਹਾ। ਉਨਾਂ ਨੇ ਆਪਣੇ ਦਫਤਰ ਵਿੱਚ ਆਉਂਣ ਵਾਲੀਆਂ ਔਰਤਾਂ ਦੀਆਂ ਮਿਸਾਲਾਂ ਦੇ ਕੇ ਔਰਤ ਦੀ ਹੋ ਰਹੀ ਦੁਰਗਤੀ ਬਾਰੇ ਜਾਣੂੰ ਕਰਵਾਇਆ।

ਸ਼ਰੀਨ ਭਾਟੀਆ ਇਸ ਸਾਲ ਦੀ ਬੈਸਟ ਸਟੂਡੈਂਟ ਚੁਣੀ ਗਈ।

ਲੁਧਿਆਣਾ , 1 ਮਾਰਚ ( ਸਤ ਪਾਲ ਸੋਨੀ ) :  ਸਰਕਾਰੀ ਕਾਲਜ ਲਡ਼ਕੀਆਂ, ਲੁਧਿਆਣਾ ਦਾ ੭੩ਵਾਂ ਸਾਲਾਨਾ ਇਨਾਮ ਵੰਡ ਸਮਾਗਮ ਬਡ਼ੀ ਸ਼ਾਨੋ ਸ਼ੌਕਤ ਨਾਲ ਮਨਾਇਆ ਗਿਆ। ਜਿਸ ਵਿੱਚ ਸਿੱਖਿਆ ਖੇਡਾਂ ਅਤੇ ਸਹਿ-ਸਿੱਖਿਅਕ ਗਤੀਵਿਧੀਆਂ ਵਿੱਚ ਹੋਣਹਾਰ,ਪ੍ਰਤਿਭਾਸ਼ਾਲੀ ਅਤੇ ਪ੍ਰਾਪਤੀਆਂ ਸੰਪੰਨ ਵਿਦਿਆਰਥਣਾਂ ਦਾ ਸਨਮਾਨ ਕੀਤਾ ਗਿਆ। ਪ੍ਰਾਪਤੀ ਅਨੂਸਾਰ ਵਿਦਿਆਰਥਣਾਂ ਨੂੰ ਮੈਰਿਟ ਸਰਟੀਫਿਕੇਟ, ਟਰਾਫੀਆਂ, ਕਿਤਾਬਾਂ  ਅਤੇ ਨਕਦ ਇਨਾਮ ਪ੍ਰਦਾਨ ਕੀਤੇ ਗਏ। ਸਮਾਗਮ ਦੇ ਮੁੱਖ ਮਹਿਮਾਨ ਮਾਨਯੋਗ ਸ: ਮਹੇਸ਼ ਇੰਦਰ ਸਿੰਘ ਗਰੇਵਾਲ, ਮੁਖ ਸਲਾਹਕਾਰ ਮਾਣਯੋਗ ਮੁੱਖ ਮੰਤਰੀ ਜੀ ਪੰਜਾਬ  ਅਤੇ ਕਵਲਇੰਦਰ ਸਿੰਘ ਮੈਂਬਰ ਐਸ ਜੀ ਪੀ ਸੀ, ਗੁਰਜੀਤ ਸਿੰਘ ਮਾਂਗਟ ਅਤੇ ਬਾਬਾ ਅਜੀਤ ਸਿੰਘ ਇਸ ਸਮਾਗਮ ਵਿੱਚ ਸ਼ਾਮਿਲ ਹੋਏ।ਕਾਲਜ ਪ੍ਰਿੰਸੀਪਲ ਡਾ. ਮੁਹਿੰਦਰ ਕੌਰ ਗਰੇਵਾਲ ਨੇ ਆਏ ਹੋਏ ਮੁੱਖ ਮਹਿਮਾਨ ਦਾ ਸਵਾਗਤ ਕੀਤਾ ਅਤੇ ਫੁੱਲਾਂ ਦੇ ਗੁਲਦਸਤੇ ਭੇਟ ਕੀਤੇ। ਉਪਰੰਤ  ਕਾਲਜ ਦੇ ਇਮਤਿਹਾਨਾਂ  ਅਤੇ ਵੱਖ ਵੱਖ  ਗਤੀਵਿਧੀਆਂ ਦੀਆਂ ਪ੍ਰਾਪਤੀਆਂ ਦੀ ਰਿਪੋਰਟ ਪੇਸ਼ ਕੀਤੀ। ਉਨਾਂ ਨੇ ਦਸਿਆ ਕਿ ਸਿਮਰਨਪ੍ਰੀਤ ਕੌਰ ਬਰਾਡ਼ ਨੇ 26 ਜਨਵਰੀ 2016  ਨੂੰ ਦਿੱਲੀ ਦੀ ਆਰ ਡੀ ਪਰੇਡ ਵਿੱਚ ਪੰਜਾਬ ਨੂੰ ਰਿਪਰਜ਼ੈਂਟ ਕੀਤਾ। ਰਾਜਪ੍ਰੀਤ ਕੌਰ ਨੇ ਆਲ ਇੰਡਿਆ ਪਾਵਰ ਲਿਫਟਿੰਗ ਚੈਪੀਅਨਸ਼ਿਪ ਜਿੱਤੀ ਅਤੇ ਉਸ ਨੂੰ ਪੰਜਾਬ ਯੂਨੀਵਰਸਿਟੀ ਦੀ ਸਭ ਤੋ ਤਾਕਤਵਰ ਔਰਤ ਘੌਸ਼ਿਤ ਕੀਤਾ ਗਿਆ।ਕਾਲਜ ਦੀ ਬਾਸਕਟਬਾਲ ਟੀਮ ਪਿਛਲੇ 6  ਸਾਲਾਂ ਤੋ ਲਗਾਤਾਰ ਪੰਜਾਬ ਯੂਨੀਵਰਸਿਟੀ ਦੀ ਚੈਪੀਅਨਸ਼ਿਪ ਜਿੱਤਦੀ ਆ ਰਹੀ ਹੈ, ਕਾਲਜ ਦੀ ਚੈਸ ਅਤੇ ਸਾਇਕਲਿੰਗ ਟੀਮ ਨੇ ਵੀ ਪੰਜਾਬ ਯੂਨੀਵਰਸਿਟੀ ਦੀ ਚੈਪੀਅਨਸ਼ਿਪ ਜਿੱਤੀ।ਕਾਲਜ ਦੀਆਂ 66  ਵਿਦਿਆਰਥਣਾਂ ਨੂੰ ਕਾਲਜ ਕਲਰ, 46  ਵਿਦਿਆਰਥਣਾਂ ਨੂੰ ਰਾਲ ਆਫ ਆਨਰ  ਅਤੇ 73 ਵਿਦਿਆਰਥਣਾਂ ਨੂੰ ਮੈਰਿਟ ਸਰਟੀਫਿਕੇਟ ਦਿਤੇ ਗਏ। 300 ਵਿਦਿਆਰਥਣਾਂ ਨੂੰ ਘਰੇਲੂ ਪ੍ਰੀਖਿਆਵਾਂ ਵਿੱਚ ਵਧੀਆ ਨਤੀਜੇ ਹਾਸਿਲ ਕਰਨ ਵੱਜੋਂ ਇਨਾਮ ਪ੍ਰਾਪਤ ਕੀਤੇ।ਆਖਿਰ ਵਿੱਚ ਉਹਨਾਂ ਨੇ ਕਾਲਜ ਦੀਆਂ ਵਿਦਿਆਰਥਣਾਂ ਅਤੇ ਅਧਿਆਪਕਾਂ ਨੂੰ ਉਪਰੋਕਤ ਪ੍ਰਾਪਤੀਆਂ ਹਾਸਿਲ ਕਰਨ ਲਈ ਮੁਬਾਰਕਬਾਦ ਦਿੱਤੀ।
ਮੁੱਖ ਮਹਿਮਾਨ ਜੀ ਨੇ ਆਪਣੇ ਭਾਸ਼ਨ ਦੌਰਾਨ ਉਨਾਂ ਇਨਾਮ ਜਿੱਤਣ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿਤੀ ਅਤੇ ਆਪਣੀ ਪ੍ਰਸ਼ੰਸਾ ਪ੍ਰਗਟ ਕੀਤੀ  । ਜਿਹਡ਼ੇ ਵਿਦਿਆਰਥੀ ਇਨਾਮ ਨਹੀ ਜਿੱਤ ਸਕੇ ਉਨਾਂ ਨੂੰ ਪ੍ਰੇਰਿਆ  ਕਿ ਉਹ ਅਗਲੀ ਵਾਰ ਇਨਾਮ ਜਿਤਣ ਦੀ ਕੋਸ਼ਿਸ ਕਰਨ।ਉਨਾਂ ਨੇ ਆਖਿਆ ਕਿ ਅਨੁਸ਼ਾਸਨ ਅਤੇ ਲਗਨ ਨਾਲ ਹੀ  ਜਿੰਦਗੀ ਵਿਚ ਸਫਲਤਾ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।ਉਹਨਾਂ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰਦੇ ਹੋਏ ਕਿਹਾ ਕਿ ਸਾਨੂੰ ਆਪਣੀ ਜਿੰਦਗੀ ਵਿੱਚ ਸਕਰਾਤਮਕ ਸੋਚ ਰੱਖਣੀ ਚਾਹੀਦੀ ਹੈ।  ਉਹਨਾਂ ਨੇ ਵਿਦਿਆਰਥਣਾਂ ਨੂੰ ਪ੍ਰੇਰਿਤ ਕੀਤਾ ਕਿ ਉਹ ਮੁੰਡਿਆਂ ਤੋਂ ਘੱਟ ਨਹੀ ਹਨ ਅਤੇ ਉਹਨਾਂ ਨੂੰ ਆਪਣੀ ਕਾਬਲੀਅਤ ਨੂੰ ਧਿਆਨ ਵਿਚ ਰਖਦੇ ਹੋਏ ਹਰ ਖੇਤਰ ਵਿਚ ਅਗੇ ਵਧਣਾ ਚਾਹੀਦਾ ਹੈ। ਉਹਨਾਂ ਨੇ ਆਖਿਆ ਕਿ ਜੇਕਰ ਮੁੰਡਾ ਪਡ਼ਦਾ ਹੈ ਤਾਂ ਉਹ ਇਕੱਲਾ ਪਡ਼ਦਾ ਹੈ ਪਰ ਜਦੋਂ  ਕੁਡ਼ੀ ਪਡ਼ਦੀ ਹੈ ਤਾਂ ਪੁਰਾ ਪਰਿਵਾਰ ਪਡ਼ਦਾ ਹੈ। ਉਹਨਾਂ ਨੇ ਆਖਿਆ ਕਿ ਸਾਨੂੰ ਆਪਣੇ ਅਧਿਆਪਕ ਅਤੇ ਆਪਣੇ ਵੱਡਿਆ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। ਉਨਾਂ ਨੇ ਬਚਿਆਂ ਨੂੰ ਇਹ ਵੀ ਸਲਾਹ ਦਿਤੀ ਕਿ ਸਾਨੂੰ ਬਾਹਰਲੇ ਖਾਣੇ ਤੇ ਪੈਸਾ ਖਰਾਬ ਨਹੀ ਕਰਨਾ ਚਾਹੀਦਾ, ਸਾਨੂੰ ਵਧੀਆ ਖਾਣਾ ਖਾਣਾ  ਚਾਹੀਦਾ ਹੈ।ਕਾਲਜ ਦੇ ਵਾਈਸ ਪਿੰ੍ਰਸੀਪਲ ਪ੍ਰੋ.ਕ੍ਰਿਸ਼ਨ ਸਿੰਘ ਨੇ ਮੁੱਖ ਮਹਿਮਾਨ, ਵਿਸ਼ੇਸ਼ ਮਹਿਮਾਨ ਅਤੇ ਹਾਜਰੀਨ ਦਾ ਧੰਨਵਾਦ ਕੀਤਾ।ਸ਼ਰੀਨ ਭਾਟੀਆ ਇਸ ਸਾਲ ਦੀ ਬੈਸਟ ਸਟੂਡੈਂਟ ਚੁਣੀ ਗਈ।ਕਨਿਕਾ ਭੱਲਾ ਨੂੰ ਅਵਾਰਡ ਆਫ ਐਕਸੀਲੈਂਸ ਅਤੇ ਕਿਰਨਬੀਰ ਕੌਰ ਨੂੰ ਅਵਾਰਡ ਆਫ ਐਪਰੀਸੀਏਸ਼ਨ ਦਿੱਤਾ ਗਿਆ।ਨਿਸ਼ਿਧਾ ਸ਼ਰਮਾ, ਸੁਖਰੀਤ, ਪ੍ਰਭਜੋਤ, ਅਮਨਦੀਪ, ਗੁਰਪ੍ਰੀਤ, ਰਾਧਾ, ਸਮਤਾ, ਨੀਤਪਾਲ, ਰੇਸ਼ਮਾ ਥਾਪਰ, ਨਵਪ੍ਰੀਤ ਕੌਰ, ਰਵਨੀਤ, ਨਿਸ਼ਾ, ਹਰਲੀਨ, ਸ਼ਿਫਾਲੀ, ਜਯੋਤਿਕਾ, ਸ਼ਿਵਾਂਗੀ ਸੂਦ, ਮਧੂ ਬਾਲਾ, ਰੁਪਾਲੀ ਭਾਟੀਆ, ਅਮਨਦੀਪ ਪਾਲ, ਖੁਸ਼ਦੀਪ, ਜਸਪ੍ਰੀਤ, ਮਨਪ੍ਰੀਤ ਅਤੇ ਹਰਨਿਧੀ ਨੂੰ ਰੋਲ ਆਫ ਆਨਰ ਇੰਨ ਐਕਡੈਮਿਕ,ਸਿਮਰਨਜੀਤ ਕੌਰ, ਅਵਮੀਤ ਕੌਰ, ਹਰਪ੍ਰੀਤ, ਸਤਵਿੰਦਰ ਕੌਰ, ਰਾਜਪ੍ਰੀਤ ਕੌਰ ਨੂੰ ਰੋਲ ਆਫ ਆਨਰ ਇੰਨ ਸਪੋਰਟਸ, ਜਸਪ੍ਰੀਤ ਕੌਰ, ਤਰਨਪ੍ਰੀਤ ਕੌਰ, ਹਰਲਵਲੀਨ, ਰਾਜਪ੍ਰੀਤ, ਕਾਜੋਲ ਰਾਨਾ, ਇੰਦਰਪ੍ਰੀਤ, ਪੁਨੀਤ, ਯਸ਼ਿਕਾ, ਪ੍ਰਭਜੋਤ, ਸਿਮਰਨਪ੍ਰੀਤ, ਹਰਦੀਪ, ਪਰਨੀਤ, ਰੁਪਿੰਦਰ, ਗੁਰਲੀਨ, ਪਵਨਦੀਪ ਅਤੇ ਮਨਪ੍ਰੀਤ ਨੂੰ ਰੋਲ ਆਫ ਆਨਰ ਇੰਨ ਕਲਚਰਲ ਗਤੀਵਿਧੀਆਂ ਅਤੇ ਸਤਿੰਦਰਜੀਤ ਕੌਰ ਬਰਾਡ਼ ਨੂੰ ਐੱਨ.ਸੀ.ਸੀ ਵਿੱਚ ਰੋਲ ਆਫ ਆਨਰ ਦਾ ਅਵਾਰਡ ਦਿੱਤਾ ਗਿਆ।

ਸਮ੍ਰਿਤੀ ਇਰਾਨੀ ਸੰਸਦ ਵਿਚ ਦਿੱਤੇ ਬਿਆਨ ਤੇ ਕਾਇਮ ਰਹੇ ਜਾਂ ਦੇਸ਼ ਦੀ ਜਨਤਾ ਤੋਂ ਮੰਗੇ ਮਾਫੀ : ਨਰਿੰਦਰ ਕਸ਼ਅਪ
*ਕਰੀਮਪੁਰੀ ਨੇ 15 ਮਾਰਚ ਦੀ ਰੈਲੀ ਨੂੰ ਲੈ ਕੇ ਵਰਕਰਾਂ ਦੀਆਂ ਲਗਾਈਆਂ ਡਿਊਟੀਆਂ

ਲੁਧਿਆਣਾ, 28 ਫਰਵਰੀ ( ਸਤ ਪਾਲ ਸੋਨੀ ) : ਬਸਪਾ ਦੇ ਕੌਮੀ ਜਨਰਲ ਸਕੱਤਰ ਤੇ ਰਾਜ ਸਭਾ ਮੈਂਬਰ ਨਰਿੰਦਰ ਕਸ਼ਅਪ ਨੇ ਕਿਹਾ ਕਿ ਰੋਹਿਤ ਵੇਮੁਲਾ ਆਤਮ ਹੱਤਿਆ ਦੀ ਜਾਂਚ ਨੂੰ ਲੈ ਕੇ ਬਣਾਏ ਗਏ ਪੈਨਲ ਵਿਚ ਦਲਿਤ ਮੈਂਬਰ ਦੇ ਨਾ ਹੋਣ ਤੇ ਪਾਰਟੀ ਨਾ ਖੁਸ਼ ਹੈ। ਮਨੁੱਖੀ ਵਸੀਲਿਆਂ ਦੀ ਮੰਤਰੀ ਸਮ੍ਰਿਤੀ ਇਰਾਨੀ ਸੰਸਦ ਵਿਚ ਦਿੱਤੇ ਬਿਆਨ ਤੇ ਕਾਇਮ ਰਹੇ ਜਾਂ ਦੇਸ਼ ਦੀ ਜਨਤਾ ਤੋਂ ਮੰਗੇ ਮਾਫੀ ।ਨਰਿੰਦਰ ਕਸ਼ਅਪ ਨੇ ਕਿਹਾ ਕਿ ਦੇਸ਼ ਦੀ ਜਨਤਾ ਨੂੰ ਗੁੰਮਰਾਹ ਕਰਨ ਵਾਲੇ ਬਿਆਨ ਦੇ ਕੇ ਭਾਜਪਾ ਸਰਕਾਰ ਤੇ ਉਸਦੇ ਮੰਤਰੀ ਗੁਮਰਾਹ ਕਰਨ ਤੋਂ ਬਾਜ ਆਉਣ । ਸ੍ਰੀ ਨਰਿੰਦਰ ਕਸ਼ਅਪ ਅੱਜ ਲੁਧਿਆਣਾ ਦੇ ਸਰਕਟ ਹਾਊਸ ਵਿਚ ਬਸਪਾ ਦੀ ਪੰਜਾਬ ਇਕਾਈ ਦੀ ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਉਹਨਾਂ ਨੇ ਕਿਹਾ ਕਿ ਦੇਸ਼ ਵਿਚ ਦਲਿਤਾਂ ਤੇ ਕੀਤੇ ਅਤਿਆਚਾਰ ਦੇ ਖਿਲਾਫ਼ ਪਾਰਟੀ ਜ਼ੋਰਦਾਰ ਮੁਹਿੰਮ ਚਲਾਏਗੀ, ਤਾਂ ਜੋ ਫਿਰ ਤੋਂ ਇਸ ਤਰਾਂ ਦੀਆਂ ਘਟਨਾਵਾਂ ਨਾ ਹੋ ਸਕਣ।
ਉਹਨਾਂ ਨੇ ਕਿਹਾ ਕਿ ਪੰਜਾਬ ਵਿਧਾਨ ਸਭਾ ਦੀਆਂ 2017 ਦੀਆਂ ਚੋਣਾਂ ਦੀਆਂ ਤਿਆਰੀਆਂ ਨੂੰ ਲੈ ਕੇ ਬਸਪਾ ਨੇ ਆਪਣੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀ ਹਨ। ਜਿਸ ਦੇ ਤਹਿਤ ਪਾਰਟੀ 15 ਮਾਰਚ ਨੂੰ ਨਵਾਂ ਸ਼ਹਿਰ ਵਿਖੇ ਪਾਰਟੀ ਦੇ ਮੋਢੀ ਕਾਂਸੀ ਰਾਮ ਦੇ ਜਨਮ ਦਿਵਸ ਮੌਕੇ ਮਹਾਂਰੈਲੀ ਕੀਤੀ ਜਾ ਰਹੀ ਹੈ। ਜਿਸ ਨੂੰ ਬਸਪਾ ਦੀ ਕੌਮੀ ਪ੍ਰਧਾਨ ਤੇ ਰਾਜ ਸਭਾ ਮੈਂਬਰ ਭੈਣ ਮਾਇਆਵਤੀ ਸੰਬੋਧਨ ਕਰਨਗੇ। ਇਸ ਮੌਕੇ ਉਹ ਪੰਜਾਬ ਦੀ ਸਿਆਸਤ ਨੂੰ ਨਵਾਂ ਮੋਡ਼ ਦੇਣ ਲਈ ਅਹਿਮ ਐਲਾਨ ਕਰ ਸਕਦੇ ਹਨ। ਉਹਨਾਂ ਨੇ ਕਿਹਾ ਕਿ ਇਹ ਮਹਾਂਰੈਲੀ ਪੰਜਾਬ ਦੀਆਂ ਹੁਣ ਤੱਕ ਦੀਆਂ ਸਾਰੀਆਂ ਰੈਲੀਆਂ ਤੋਂ ਵੱਡੀ ਹੋਵੇਗੀ ਜੋ ਇਕ ਨਵਾਂ ਇਤਿਹਾਸ ਸਿਰਜੇਗੀ। ਉਹਨਾਂ ਨੇ ਕਿਹਾ ਕਿ ਪੰਜਾਬ ਵਿਚ 15 ਮਾਰਚ ਨੂੰ ਹੋਣ ਵਾਲੀ ਰੈਲੀ ਲਈ ਪਾਰਟੀ ਵੱਲੋਂ ਹਲਕਾ ਪੱਧਰ ਤੇ ਤਿਆਰੀਆਂ ਜ਼ੋਰਾਂ ਤੇ ਚੱਲ ਰਹੀਆ ਹਨ।
ਬਸਪਾ ਦੇ ਪੰਜਾਬ ਪ੍ਰਦੇਸ਼ ਦੇ ਪ੍ਰਧਾਨ ਅਵਤਾਰ ਸਿੰਘ ਕਰੀਮਪੁਰੀ ਨੇ ਦੱਸਿਆ ਕਿ ਅੱਜ ਲੁਧਿਆਣਾ ਦੇ ਸਰਕਟ ਹਾਊਸ ਵਿਚ 15 ਮਾਰਚ ਦੀ ਮਹਾਂਰੈਲੀ ਦੇ ਸਬੰਧ ਵਿਚ ਸੂਬੇ ਦੀ ਅਹਿਮ ਮੀਟਿੰਗ ਕੀਤੀ ਗਈ। ਜਿਸ ਵਿਚ ਰਾਜ ਦੇ 117 ਹਲਕਿਆ ਦੇ ਸੀਨੀਅਰ ਨੇਤਾਵਾਂ ਨੇ ਭਾਗ ਲਿਆ। ਮੀਟਿੰਗ ਦੌਰਾਨ 15 ਮਾਰਚ ਦੀ ਰੈਲੀ ਨੂੰ ਲੈ ਕੇ ਵਰਕਰਾਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ। ਉਹਨਾਂ ਨੂੰ ਹਦਾਇਤਾਂ ਜਾਰੀ ਕਰਦਿਆ ਕਿਹਾ ਕਿ ਉਹ ਆਪਣੇ ਹਲਕਿਆ ਵਿਚ ਦਸ-ਦਸ ਮੀਟਿੰਗਾਂ ਕਰਨ ਜਿਸ ਨੂੰ ਉੱਤਰ ਭਾਂਰਤ ਦੇ ਇੰਚਾਰਜ ਤੇ ਪਾਰਟੀ ਤੇ ਜਨਰਲ ਸਕੱਤਰ ਨਰਿੰਦਰ ਕਸ਼ਅਪ ਸੰਬੋਧਨ ਕਰਨਗੇ। ਮੀਟਿੰਗ ਵਿਚ ਜੋਗਾ ਸਿੰਘ ਪਨੋਦੀਆ, ਰਛਪਾਲ ਰਾਜੂ, ਚੌਧਰੀ ਗੁਰਨਾਮ ਸਿੰਘ, ਡਾ. ਨਛੱਤਰ ਪਾਲ, ਬਲਵਿੰਦਰ ਕੁਮਾਰ, ਮਾਸਟਰ ਰਾਮ ਲੁਭਾਇਆ, ਬਲਵਿੰਦਰ ਬਿੱਟਾ, ਰੋਹਿਤ ਖੋਖਰ, ਡਾਕਟਰ ਮਖੱਣ ਸਿੰਘ, ਰਵਿੰਦਰ ਹੰਸ, ਭਰਪੂਰ ਸਿੰਘ ਡੇਹਲੋਂ, ਜੀਤ ਰਾਮ ਬਸਰਾ, ਨਿਰਮਲ ਸਿੰਘ ਸਾਇਆ, ਪਰਗਨ ਬਿਲਗਾ, ਸੁੰਦਰ ਪਾਲ ਆਦਿ ਹਾਜ਼ਿਰ ਸਨ।

ਭੂਮੀ ਪੂਜਨ ਦੇ ਨਾਲ ਰੱਖਿਆ ਪਿੰਡ ਬੱਗਾਕਲਾਂ ਵਿੱਖੇ ਹੈਲਪਿੰਗ ਹੈਂਡਸ ਹੋਮ ਦਾ ਨੀਂਹ ਪੱਥਰ


ਲੁਧਿਆਣਾ 20 ਫਰਵਰੀ ( ਸਤ ਪਾਲ ਸੋਨੀ ) : ਹੈਲਪਿੰਗ ਹੈਂਡਸ ਕਲੱਬ ਵੱਲੋਂ ਲਾਡੋਵਾਲ ਸਥਿਤ ਸ਼ਿਵ ਧਾਮ ਬੱਗਾ ਕਲਾਂ  ਦੇ ਨੇਡ਼ੇ  ਬਨਣ ਜਾ ਰਹੇ ਹੈਲਪਿੰਗ ਹੈਂਡਸ ਹੋਮ (ਬਜ਼ੁਰਗਾਂ ਅਤੇ ਬੇਸਹਾਰਾ ਬੱਚਿਆਂ ਲਈ ਆਸ਼ਰਮ ) ਦਾ ਨੀਂਹ ਪੱਥਰ ਪਰਮ ਪੂਜਨੀਕ ਰਿਸ਼ੀ ਰਾਮਕ੍ਰਿਸ਼ਣ ਜੀ ਮਹਾਰਾਜ (ਹਰਦੁਆਰ ਵਾਲਿਆਂ ) ਨੇ ਧਾਰਮਿਕ ਰਿਤ ਰਿਵਾਂਜਾਂ ਅਨੁਸਾਰ  ਸੰਤ ਸਮਾਜ ਦੀ ਹਾਜ਼ਿਰੀ ਵਿੱਚ ਭੂਮੀ ਪੂਜਨ ਅਤੇ ਕਲਸ਼ ਅਰਾਧਨਾ ਦੇ ਨਾਲ ਰਖਵਾਇਆ । ਇਸ ਤੋਂ ਪਹਿਲਾਂ ਸੰਗਲਾ ਵਾਲਾ ਸ਼ਿਵਾਲਾ ਦੇ ਮੰਹਤ ਦਿਨੇਸ਼ ਪੁਰੀ, ਯੋਗੀ ਪੱਪੂ ਭਗਤ, ਸਵਾਮੀ ਦਯਾਨੰਦ ਸਰਸਵਤੀ, ਮਹੰਤ ਕ੍ਰਿਸ਼ਨ ਬਾਵਾ, ਮੰਹਤ ਗੌਰਵ ਬਾਵਾ ਨੇ ਗਊ ਪੂਜਨ ਕਰਕੇ ਬਨਣ ਜਾ ਰਹੇ  ਹੈਲਪਿੰਗ ਹੈਂਡਸ ਹੋਮ ਦੀ ਉਸਾਰੀ ਦਾ ਕਾਰਜ ਨਿਰਵਿਘਨ ਸੰਪਨ ਹੋਣ ਦੀ ਕਾਮਨਾ ਕਰਕੇ ਹੈਲਪਿੰਗ ਹੈਂਡਸ ਕਲੱਬ ਦੇ ਮੈਬਰਾਂ ਨੂੰ ਅਸ਼ੀਰਵਾਦ ਦਿੱਤਾ ।
ਜੰਲਧਰ  ਦੇ ਐਡਿਸ਼ਨਲ ਜੱਜ ਰਾਜ ਕੁਮਾਰ, ਵਿਧਾਇਕ ਭਾਰਤ ਭੂਸ਼ਨ ਆਸ਼ੂ, ਜਿਲਾ ਭਾਜਪਾ ਪ੍ਰਧਾਨ ਪ੍ਰਵੀਨ ਬਾਂਸਲ, ਯੂਥ ਅਕਾਲੀ ਦਲ ਪ੍ਰਧਾਨ ਗੁਰਦੀਪ ਸਿੰਘ ਗੋਸ਼ਾ, ਭਾਜਪਾ ਯੂਵਾ  ਮੋਰਚਾ ਪ੍ਰਧਾਨ ਹਰਸ਼ ਸ਼ਰਮਾ, ਕੌਂਸਲਰ ਸੰਜੈ ਤਲਵਾਡ਼, ਇੰਦਰ ਅੱਗਰਵਾਲ, ਸੰਨੀ ਭੱਲਾ, ਕ੍ਰਿਸ਼ਨ ਖਰਬੰਦਾ, ਜਿਲਾ ਪਰਿਸ਼ਦ ਮੈਂਬਰ ਹਰਪ੍ਰੀਤ ਸਿੰਘ ਸ਼ਿਵਾਲਕ, ਮਹਾਸ਼ਿਵਰਾਤਰੀ ਮਹੋਤਸਵ ਕਮੇਟੀ ਤੋਂ ਨੀਰਜ ਵਰਮਾ, ਹਿੰਦੂ ਤਖ਼ਤ ਦੇ ਪ੍ਰਚਾਰਕ ਵਰੁਣ ਮਹਿਤਾ, ਹਿੰਦੁ ਉਥਾਨ ਪਰਿਸ਼ਦ ਦੇ ਕੁਵੰਰ ਰੰਜਨ, ਸ਼ਿਵ ਸੈਨਾ ਹਿੰਦੁਸਤਾਨ ਤੋਂ ਅਮਰ ਟੱਕਰ, ਸੰਦੇਸ਼ ਫਾਉਡੇਸ਼ਨ ਦੇ ਸੰਯੋਜਕ ਰਾਕੇਸ਼ ਬਜਾਜ਼, ਪੰਿਡਤ ਰਾਜਨ ਸ਼ਰਮਾ, ਹਿੰਦੂ ਨਿਆਂ ਪਿੱਠ ਦੇ ਪ੍ਰਵਕਤਾ ਪ੍ਰਵੀਨ ਡੰਗ,ਬੇਲਣ ਬ੍ਰਿਰੇਡ ਪ੍ਰਧਾਨ ਅਨਿਤਾ ਸ਼ਰਮਾ ਨੇ ਹਵਨ ਯੱਗ ਵਿੱਚ ਆਹੁਤੀਆਂ ਪਾ ਕੇ ਬਨਣ ਜਾ ਰਹੇ ਹੈਲਪਿੰਗ ਹੈਂਡਸ ਹੋਮ ਦੀ ਉਸਾਰੀ ਵਿੱਚ ਹਰ ਤਰਾਂ ਦਾ ਸਹਿਯੋਗ ਦੇਣ ਦਾ ਭਰੋਸਾ ਦਿਵਾਇਆ । ਇਸ ਤੋਂ ਪਹਿਲਾਂ ਭਜਨ ਗਾਇਕ ਬਲਬੀਰ ਮਾਣਕ ਨੇ ਭਜਨ ਸੰਕੀਰਤਣ ਰਾਹੀਂ ਹਾਜ਼ਿਰ   ਜਨਸਮੂਹ ਨੂੰ ਭਾਵ ਵਿਭੋਰ ਕੀਤਾ । ਹੈਲਪਿੰਗ ਹੈਂਡਸ ਕਲੱਬ ਦੇ ਪ੍ਰਧਾਨ ਰਮਨ ਗੋਇਲ, ਮੁੱਖ ਸਲਾਹਕਾਰ ਅਵਨੀਸ਼ ਮਿਤਲ, ਸੰਜੈ ਬਾਂਸਲ, ਦੀਪਕ ਜੈਨ, ਗਗਨ ਅਰੋਡ਼ਾ, ਵਿਕਾਸ ਗੋਇਲ, ਵਰੁਣ ਜੈਨ, ਰੋਹਿਤ ਛਾਬਡ਼ਾ ਨੇ ਬਨਣ ਜਾ ਰਹੇ ਹੈਲਪਿੰਗ ਹੈਂਡਸ ਹੋਮ ਵਿੱਚ ਬਜ਼ੁਰਗਾਂ,ਕਮਜੋਰ ਅਤੇ ਬੇਸਹਾਰਾ ਬੱਚਿਆਂ ਲਈ ਘਰ, ਗਰੀਬ ਵਰਗ ਲਈ ਮੁਫਤ ਸਿੱਖਿਆ, ਹਰ ਵਰਗ ਉਮਰ ਦੇ ਲੋਕਾਂ ਲਈ ਮੁਫਤ ਕੰਪਿਊਟਰ ਟਰੇਨਿਗ, ਲਾਇਬਰੇਰੀ, ਪ੍ਰੌਜੇਕਟਰ ਹਾਲ, ਮੁਫਤ ਸਿਲਾਈ ਸੈਂਟਰ, ਚੈਰਿਟੇਬਲ ਡਿਸਪੈਂਸਰੀ,ਤਕਨੀਕੀ ਸਿੱਖਿਆ ਅਤੇ ਰੋਜਗਾਰ ਦੇ ਸਾਧਨ ਅਤੇ ਤਿੰਨੇਂ ਸਮੇਂ ਮੁਫਤ ਭੋਜਨ ਦੀ ਵਿਵਸਥਾ ਹੋਣ ਦੀ ਜਾਣਕਾਰੀ ਦਿੱਤੀ । ਰਾਜੀਵ ਅਰੋਡ਼ਾ, ਅੰਕੁਸ਼ ਜੈਨ, ਰਾਕੇਸ਼ ਸਿੰਗਲਾ, ਵਰੁਣ ਜੈਨ, ਵਰੁਣ ਅੱਗਰਵਾਲ, ਵਿਕਾਸ ਗੋਇਲ, ਰਾਕੇਸ਼ ਗੁਪਤਾ, ਸੁਰੇਸ਼ ਅੱਗਰਵਾਲ,ਰੋਹਿਤ ਛਾਬਡ਼ਾ, ਨੰਦ ਗੋਇਲ, ਭਰਤ ਜੈਨ, ਅਕਸ਼ਿਤ, ਰਿਸ਼ਬ ਨੇ ਨੀਂਹ ਪੱਥਰ ਸਮਾਰੋਹ ਵਿੱਚ ਪਧਾਰੀਆਂ ਪ੍ਰਮੁਖ ਸ਼ਖਸ਼ੀਅਤਾਂ ਨੂੰ ਸਨਮਾਨ ਨਿਸ਼ਾਨੀਆਂ ਭੇਂਟ ਕਰਕੇ ਸਹਿਯੋਗ ਕਰਣ ਤੇ ਧੰਨਵਾਦ ਕੀਤਾ । ਇਸ ਮੌਕੇ ਤੇ ਨਿਤੀਨ ਬੱਤਰਾ, ਐਡਵੋਕੇਟ ਧਰਮਪਾਲ ਮਹਿਮੀ, ਐਡਵੋਕੇਟ ਅਨਿਲ ਸਰੀਨ,ਐਡਵੋਕੇਟ ਸੰਜੀਵ ਸ਼ਰਮਾ, ਬਿਜਲੀ ਬੋਰਡ  ਦੇ ਐਸਈ ਜਗਜੀਤ ਸਿੰਘ, ਰਾਕੇਸ਼ ਗਰਗ, ਅਵਤਾਰ ਸਿੰਘ  ਮੱਲਾ, ਸਰਪੰਚ ਕਰਮਜੀਤ ਸਿੰਘ ਮਲਿਕਪੁਰ, ਨਰਿੰਦਰ ਭਿੰਡਰ,ਰਾਇਲ ਬਿਲਡਰਸ ਤੋਂ ਵਿਸ਼ਾਲ ਭਾਟਿਆ, ਰੋਹਿਤ ਪੁਨਆਨੀ,ਅਨਿਤਾ ਸ਼ਰਮਾ, ਭਰਤ ਜੋਸ਼ੀ, ਸ਼ਸ਼ੀ ਭੂਸ਼ਨ ਗੋਇਲ, ਜਾਦਗੂਰ ਮੈਗੰਬੋ, ਤਰੁਣ ਗੋਇਲ ਸਮੇਤ ਹੋਰ ਵੀ ਹਾਜ਼ਿਰ ਸਨ।

ਮੁੱਖ ਮੰਤਰੀ ਤੀਮੁੱਖ ਮੰਤਰੀ ਤੀਰਥ ਯਾਤਰਾ ਯੋਜਨਾ ਅਧੀਨ ਲੁਧਿਆਣਾ ਤੋਂ 1050 ਤੋਂ ਵਧੇਰੇ ਯਾਤਰੀਆਂ ਸਮੇਤ ਰੇਲ ਗੱਡੀ ਵਾਰਾਨਸੀ ਲਈ ਰਵਾਨਾ

*ਸਿੰਚਾਈ ਮੰਤਰੀ ਸ਼ਰਨਜੀਤ ਸਿੰਘ ਢਿੱਲੋਂ ਨੇ ਦਿਖਾਈ ਹਰੀ ਝੰਡੀ

ਲੁਧਿਆਣਾ, 6 ਫਰਵਰੀ ( ਸਤ ਪਾਲ ਸੋਨੀ ) :  ਪੰਜਾਬ ਸਰਕਾਰ ਦੁਆਰਾ ਮੁੱਖ ਮੰਤਰੀ ਤੀਰਥ ਦਰਸ਼ਨ ਯਾਤਰਾ ਯੋਜਨਾ ਤਹਿਤ ਵਿਸ਼ੇਸ਼ ਰੇਲ ਗੱਡੀ ਅੱਜ ਲੁਧਿਆਣਾ ਤੋਂ ਵਾਰਾਨਸੀ ਲਈ ਰਵਾਨਾ ਹੋ ਗਈ, ਜਿਸ ਨੂੰ ਪੰਜਾਬ ਸਰਕਾਰ ਦੇ ਸਿੰਚਾਈ ਮੰਤਰੀ ਸ੍ਰ. ਸ਼ਰਨਜੀਤ ਸਿੰਘ ਢਿੱਲੋਂ ਬਾਅਦ ਦੁਪਹਿਰ 4.15 ਵਜੇ ਸਥਾਨਕ ਰੇਲਵੇ ਸਟੇਸ਼ਨ ਤੋਂ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਰੇਲ ਗੱਡੀ ਵਿੱਚ 1050 ਤੋਂ ਵਧੇਰੇ ਯਾਤਰੀ ਅਤੇ 30 ਦੇ ਕਰੀਬ ਡਿਊਟੀ ਵਾਲੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੀ ਟੀਮ ਸ਼ਾਮਿਲ ਹੈ।
ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ੍ਰ. ਢਿੱਲੋਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਪੰਜਾਬ ਦੇ ਅਮੀਰ ਵਿਰਸੇ ਦੀ ਸੰਭਾਲ ਅਤੇ ਇਸ ਦੀ ਪ੍ਰਫੁੱਲਤਾ ਲਈ ਗੰਭੀਰਤਾ ਨਾਲ ਕੰਮ ਕਰ ਰਹੀ ਹੈ। ਉਨਾਂ ਕਿਹਾ ਕਿ ਇਹ ਸਾਡੀ ਡਿਊਟੀ ਹੈ ਕਿ ਆਉਣ ਵਾਲੀਆਂ ਪੀਡ਼ੀਆਂ ਨੂੰ ਪੰਜਾਬ ਦੇ ਅਮੀਰ ਸੱਭਿਆਚਾਰ ਤੋਂ ਜਾਣੂ ਕਰਵਾਈਏ। ਇਸ ਦੇ ਨਾਲ ਹੀ ਸੱਭਿਆਚਾਰਕ ਵਿਰਾਸਤ ਸੂਬੇ ਵਿਚ ਵਿਰਾਸਤੀ ਸੈਰ ਸਪਾਟੇ ਨੂੰ ਹੁਲਾਰਾ ਦੇਣ ਦਾ ਵੀ ਕੰਮ ਕਰੇਗੀ। ਉਨਾਂ ਕਿਹਾ ਕਿ ਮੁੱਖ ਮੰਤਰੀ ਤੀਰਥ ਯਾਤਰਾ ਯੋਜਨਾ ਪੰਜਾਬ ਸਰਕਾਰ ਦੀ ਪੰਜਾਬ ਦੇ ਸੱਭਿਆਚਾਰ ਅਤੇ ਵਿਰਾਸਤ ਦੀ ਸੰਭਾਲ ਅਤੇ ਉਤਸ਼ਾਹਿਤ ਕਰਨ ਦੀ ਇਕ ਕੋਸ਼ਿਸ਼ ਹੈ।
ਉਨਾਂ ਕਿਹਾ ਕਿ 15 ਡੱਬਿਆਂ ਵਾਲੀ ਤੀਰਥ ਯਾਤਰਾ ਰੇਲ ਗੱਡੀ ਵਾਰਾਨਸੀ ਅਤੇ ਹੋਰ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰਾਉਣ ਉਪਰੰਤ 10 ਫਰਵਰੀ ਨੂੰ ਵਾਪਸ ਲੁਧਿਆਣਾ ਪਰਤੇਗੀ ਅਤੇ ਪੂਰੀ ਯਾਤਰਾ ਦੌਰਾਨ ਸ਼ਰਧਾਲੂਆਂ ਨੂੰ ਖਾਣੇ, ਰਹਿਣ-ਸਹਿਣ, ਆਉਣ-ਜਾਣ ਆਦਿ ਦੀਆਂ ਸਾਰੀਆਂ ਸਹੂਲਤਾਂ ਮੁਫ਼ਤ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਇਸ ਯੋਜਨਾ ਤਹਿਤ ਹਰੇਕ ਵਿਧਾਨ ਸਭਾ ਹਲਕੇ ਵਿਚੋਂ 1000 ਸ਼ਰਧਾਲੂਆਂ ਨੂੰ ਲਿਜਾਏ ਜਾਣਗੇ। ਇਸ ਸਕੀਮ 'ਤੇ ਕਰੀਬ 187 ਕਰੋਡ਼ ਰੁਪਏ ਖ਼ਰਚੇ ਜਾ ਰਹੇ ਹਨ। ਸ਼ਰਧਾਲੂਆਂ ਦੀ ਸਹੂਲਤ ਲਈ ਵੱਖ-ਵੱਖ ਸਰਕਾਰੀ ਵਿਭਾਗਾਂ ਦੇ ਅਧਿਕਾਰੀ ਵੀ ਇਸ ਰੇਲ ਗੱਡੀ ਵਿਚ ਗਏ ਹਨ। ਰੇਲ ਗੱਡੀ ਵਿਚ ਸ਼ਰਧਾਲੂਆਂ ਨੂੰ ਆਡੀਓ ਸੀ.ਡੀਜ਼ ਰਾਹੀਂ ਸ਼ਬਦ ਵੀ ਸੁਣਾਏ ਜਾਣਗੇ। ਯਾਤਰਾ 'ਤੇ ਰਵਾਨਾ ਹੋਣ ਵੇਲੇ ਯਾਤਰੀਆਂ ਦਾ ਉਤਸ਼ਾਹ ਠਾਠਾਂ ਮਾਰ ਰਿਹਾ ਸੀ।
ਇਸ ਮੌਕੇ ਮੁੱਖ ਮੰੰਤਰੀ ਪੰਜਾਬ ਦੇ ਸਲਾਹਕਾਰ ਸ੍ਰ. ਮਹੇਸ਼ਇੰਦਰ ਸਿੰਘ ਗਰੇਵਾਲ, ਵਿਧਾਇਕ ਸ੍ਰ. ਮਨਪ੍ਰੀਤ ਸਿੰਘ ਇਯਾਲੀ, ਵਿਧਾਇਕ ਸ੍ਰ. ਰਣਜੀਤ ਸਿੰਘ ਢਿੱਲੋਂ, ਵਿਧਾਇਕ ਸ੍ਰ. ਦਰਸ਼ਨ ਸਿੰਘ ਸ਼ਿਵਾਲਿਕ, ਲੁਧਿਆਣਾ ਨਗਰ ਨਿਗਮ ਦੇ ਮੇਅਰ ਸ੍ਰ. ਹਰਚਰਨ ਸਿੰਘ ਗੋਹਲਵਡ਼ੀਆ, ਡਿਪਟੀ ਕਮਿਸ਼ਨਰ ਸ੍ਰੀ ਰਵੀ ਭਗਤ, ਅਧੀਨ ਸੇਵਾਵਾਂ ਬੋਰਡ ਦੇ ਚੇਅਰਮੈਨ ਸ੍ਰ. ਸੰਤਾ ਸਿੰਘ ਉਮੈਦਪੁਰੀ, ਸਾਬਕਾ ਵਿਧਾਇਕ ਸ੍ਰ. ਰਣਜੀਤ ਸਿੰਘ ਤਲਵੰਡੀ, ਸ਼੍ਰੋਮਣੀ ਅਕਾਲੀ ਦਲ (ਸ਼ਹਿਰੀ) ਦੇ ਪ੍ਰਧਾਨ ਅਤੇ ਪੰਜਾਬ ਵਪਾਰ ਮੰਡਲ ਦੇ ਚੇਅਰਮਨ ਸ੍ਰੀ ਮਦਨ ਲਾਲ ਬੱਗਾ, ਪੰਜਾਬ ਦਲਿਤ ਵਿਕਾਸ ਬੋਰਡ ਦੇ ਚੇਅਰਮੈਨ ਸ੍ਰੀ ਵਿਜੇ ਦਾਨਵ, ਜ਼ਿਲਾ ਯੋਜਨਾ ਬੋਰਡ ਦੇ ਚੇਅਰਮੈਨ ਸ੍ਰ. ਹੀਰਾ ਸਿੰਘ ਗਾਬਡ਼ੀਆ, ਜ਼ਿਲਾ ਭਾਜਪਾ ਪ੍ਰਧਾਨ ਸ੍ਰੀ ਪ੍ਰਵੀਨ ਬਾਂਸਲ, ਅਧੀਨ ਸੇਵਾਵਾਂ ਬੋਰਡ ਦੇ ਮੈਂਬਰ ਬੀਬੀ ਸੁਰਿੰਦਰ ਕੌਰ ਦਿਆਲ, ਵਧੀਕ ਡਿਪਟੀ ਕਮਿਸ਼ਨਰ ਸ੍ਰੀ ਅਜੇ ਸੂਦ, ਐੱਸ. ਡੀ. ਐੱਮ. (ਪੂਰਬੀ) ਸ੍ਰ. ਪਰਮਜੀਤ ਸਿੰਘ, ਜ਼ਿਲਾ ਟਰਾਂਸਪੋਰਟ ਅਫ਼ਸਰ ਸ੍ਰ. ਦਲਵਿੰਦਰਜੀਤ ਸਿੰਘ, ਸਿੰਚਾਈ ਮੰਤਰੀ ਦੇ ਓ. ਐੱਸ. ਡੀ. ਸ੍ਰ. ਸਹਿਜਪ੍ਰੀਤ ਸਿੰਘ ਮਾਂਗਟ, ਪੀ. ਏ. ਰਛਪਾਲ ਸਿੰਘ, ਯੂਥ ਆਗੂ ਸ੍ਰ. ਗੁਰਦੀਪ ਸਿੰਘ ਗੋਸ਼ਾ, ਸ੍ਰ. ਕੁਲਜੀਤ ਸਿੰਘ ਧੰਜਲ, ਸ੍ਰ. ਜਤਿੰਦਰਪਾਲ ਸਿੰਘ ਸਲੂਜਾ ਤੋਂ ਇਲਾਵਾ ਹੋਰ ਸ਼ਖਸੀਅਤਾਂ ਹਾਜ਼ਿਰ ਸਨ।

ਦਲਿਤ ਵਿਦਿਆਰਥੀ ਨੂੰ ਖੁਦਕਸ਼ੀ ਲਈ ਮਜਬੂਰ ਕਰਨ ਦੇ ਵਿਰੋਧ ਵਿੱਚ ਰੋਸ ਪ੍ਰਦਰਸ਼ਨ

ਲੁਧਿਆਣਾ, 21 ਜਨਵਰੀ ( ਸਤ ਪਾਲ ਸੋਨੀ ) :   ਦਲਿਤ ਵਿਦਿਆਰਥੀ ਨੂੰ ਆਤਮ ਹੱਤਿਆ ਲਈ ਮਜਬੂਰ ਕਰਨ ਨੂੰ ਲੈ ਕੇ ਯੂਨੀਅਨ ਮੰਤਰੀ ਬੰਡਾਰੂ ਦੱਤਾਤਰੇਯਾ ਅਤੇ ਸ਼੍ਰੀਮ੍ਰਤੀ ਇਰਾਨੀ ਦੀ ਬਰਖਾਸਤਗੀ ਅਤੇ ਗ੍ਰਿਫਤਾਰੀ ਦੀ ਮੰਗ ਕਰਦਿਆਂ ਆਮ ਆਦਮੀ ਪਾਰਟੀ ਵੱਲੋਂ ਡਿਪਟੀ ਕਮਿਸ਼ਨਰ ਦਫਤਰ ਸਾਹਮਣੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਇੱਕਠੇ ਹੋਏ ਪਾਰਟੀ ਵਾਲੰਟੀਅਰਜ਼ ਨੇ ਹੱਥਾਂ ਵਿੱਚ ਵੱਖ-ਵੱਖ ਨਾਅਰਿਆਂ ਵਾਲੇ ਬੈਨਰ ਫਡ਼ ਕੇ ਦਲਿਤ ਅਤੇ ਘੱਟ ਗਿਣਤੀ ਖਿਲਾਫ ਹੋ ਰਹੇ ਹਮਲਿਆਂ ਦਾ ਪੁਰਜ਼ੋਰ ਵਿਰੋਧ ਕੀਤਾ।

          ਲੁਧਿਆਣਾ ਜ਼ੋਨ ਕੋਆਰਡੀਨੇਟਰ ਸਾਬਕਾ ਕਰਨਲ ਸੀ. ਐਮ. ਲਖਨਪਾਲ ਨੇ ਕਿਹਾ ਕਿ ਮੋਦੀ ਸਰਕਾਰ ਦੇ ਕੇਂਦਰ ਵਿੱਚ ਸੱਤਾ ਵਿੱਚ ਆਉਂਣ ਤੋਂ ਬਾਦ ਦਲਿਤਾਂ ਨੂੰ ਨਜਾਇਜ਼ ਕਾਰਵਾਈਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਿਸ ਦੇ ਨਤੀਜੇ ਵਜੋਂ ਰੋਹਿਤ ਵਿਮੂਲਾ ਨਾਂਅ ਦੇ ਇੱਕ ਵਿਦਿਆਰਥੀ ਨੂੰ ਮਜ਼ਬੂਰੀ ਵੱਸ ਹੈਦਰਾਬਾਦ ਵਿੱਚ ਖੁਦਕਸ਼ੀ ਕਰਨੀ ਪਈ। ਇਸ ਤਰਾਂ ਦੀਆਂ ਘਟਨਾਵਾਂ ਪੰਜਾਬ ਵਿੱਚ ਵੀ ਵਾਪਰ ਰਹੀਆਂ ਹਨ ਜਿੱਥੇ ਦਲਿਤਾਂ ਨੂੰ ਨਿਸ਼ਾਨਾ ਬਣਾਕੇ ਕਤਲ ਤੱਕ ਕੀਤਾ ਗਿਆ।

ਉਹਨਾਂ ਹੈਦਰਾਬਾਦ ਵਿਖੇ ਘਟੀ ਇਸ ਮੰਦਭਾਗੀ ਘਟਨਾ ਲਈ ਜ਼ਿੰਮੇਵਾਰ ਦੋ ਯੂਨੀਅਨ ਮੰਤਰੀਆਂ ਦੀ ਬਰਖਾਸਤਗੀ ਅਤੇ ਗ੍ਰਿਫਤਾਰੀ ਦੀ ਮੰਗ ਕੀਤੀ । ਅੱਜ ਦੇ ਇਸ ਪ੍ਰਦਰਸ਼ਨ ਵਿੱਚ ਕਰਨਲ ਲਖਨਪਾਲ ਤੋਂ ਇਲਾਵਾ ਲੁਧਿਆਣਾ ਜ਼ੋਨ ਦੇ ਬੂਥ ਆਬਜ਼ਰਵਰ ਅਰੁਣ ਬਾਪਟ, ਬਰੈਵੋ ਸੈਕਟਰ ਕੋਆਰਡੀਨੇਟਰ ਅੰਮ੍ਰਿਤਪਾਲ ਸਿੰਘ, ਚਾਰਲੀ ਸੈਕਟਰ ਕੋਆਰਡੀਨੇਟਰ ਜਗਜੀਵਨ ਡੱਲਾ, ਲੁਧਿਆਣਾ ਜ਼ੋਨ ਯੂਥ ਕੋਆਰਡੀਨੇਟਰ ਅਮਨਦੀਪ ਸਿੰਘ ਮੋਹੀ, ਮਹਿਲਾ ਵਿੰਗ ਪੰਜਾਬ ਮੀਤ ਪ੍ਰਧਾਨ ਰਜਵੰਤ ਕੌਰ, ਕਿਸਾਨ ਅਤੇ ਮਜਦੂਰ ਵਿੰਗ ਪੰਜਾਬ ਦੇ ਜਨਰਲ ਸਕੱਤਰ ਅਹਿਬਾਬ ਸਿੰਘ ਗਰੇਵਾਲ, ਮੀਤ ਪ੍ਰਧਾਨ ਮੋਹਨ ਸਿੰਘ ਵਿਰਕ, ਸਤਜੋਤ ਨਗਰ ਦੇ ਸਰਪੰਚ ਅਤੇ ਆਪ ਆਗੂ ਕੰਵਲਜੀਤ ਸਿੰਘ ਦੂਆ, ਮਜਦੂਰ ਵਿੰਗ ਆਗੂ ਰਜਿੰਦਰਪਾਲ ਕੌਰ ਅਤੇ ਆਪ ਆਗੂ ਪਰਵਿੰਦਰ ਕੌਰ, ਜਗਦੀਪ ਸਿੰਘ ਘੁੰਮਣ ਅਤੇ ਹੋਰ ਵਾਲੰਟੀਅਰ ਸ਼ਾਮਿਲ ਹੋਏ।

ਜਿਲਾ ਬਾਰ ਸੰਘ ਵੱਲੋਂ ਪਠਾਨਕੋਟ ਦੇ ਸ਼ਹੀਦਾਂ ਨੂੰ ਮੋਮਬੱਤੀਆਂ ਬਾਲ ਕੇ ਦਿੱਤੀ ਸ਼ਰਧਾਂਜ਼ਲੀ
*ਪਾਕਿਸਤਾਨ ਨੂੰ ਮੂੰਹ ਤੋਡ਼ ਜਵਾਬ ਦੇਣ ਦੀ ਮੰਗ

ਲੁਧਿਆਣਾ 4 ਜਨਵਰੀ ( ਸਤ ਪਾਲ ਸੋਨੀ ) : ਲੁਧਿਆਣਾ ਦੇ ਜਿਲਾ ਬਾਰ ਸੰਘ ਵੱਲੋਂ ਅੱਜ ਪਠਾਨਕੋਟ ਵਿਖੇ ਹੋਏ ਅੱਤਵਾਦੀ ਹਮਲੇ ਦੌਰਾਨ ਸ਼ਹੀਦ ਹੋਏ ਸੁਰੱਖਿਆ ਕਰਮੀਆਂ ਨੂੰ ਮੋਮਬੱਤੀਆਂ ਬਾਲ ਕੇ ਸ਼ਰਧਾਂਜਲੀਆਂ ਦਿੱਤੀਆਂ ਗਈਆਂ।
ਅੱਜ ਸਵੇਰੇ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਵਿੱਚ ਲੱਗੇ ਸ਼ਹੀਦ ਨਿਰਮਲਜੀਤ ਸਿੰਘ ਸੇਖੋਂ ਦੇ ਬੁੱਤ ਕੋਲ ਵਕੀਲਾਂ ਨੇ ਪਾਕਿਸਤਾਨ ਖਿਲਾਫ ਨਾਅਰੇਬਾਜ਼ੀ ਕਰਦਿਆਂ ਹੱਥਾਂ ਵਿੱਚ ਬਲਦੀਆਂ ਹੋਈਆਂ ਮੋਮਬੱਤੀਆਂ ਲੈ ਕੇ ਸ਼ਹੀਦ ਹੋਏ ਸੈਨਿਕਾਂ ਨੂੰ ਸ਼ਰਧਾਂਜ਼ਲੀ ਦਿੱਤੀ। ਇਸ ਮੌਕੇ ਜ਼ਿਲਾ ਬਾਰ ਸੰਘ ਦੇ ਪ੍ਰਧਾਨ ਵਿਜੇ ਭਾਰਤ ਵਰਮਾ ਨੇ ਸ਼ਹੀਦਾਂ ਦੇ ਪਰਿਵਾਰਾਂ ਨੂੰ ਉਚਿਤ ਮੁਆਵਜ਼ੇ ਦੀ ਮੰਗ ਕਰਦਿਆਂ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਭਾਰਤ ਸਰਕਾਰ ਪਾਕਿਸਤਾਨ ਨੂੰ ਮੂੰਹ ਤੋਡ਼ ਜਵਾਬ ਦੇਵੇ। ਭਾਰਤ ਵੱਲੋਂ ਦੋਸਤੀ ਦਾ ਹੱਥ ਵਧਾਉਂਣ ਦਾ ਜਵਾਬ ਪਾਕਿਸਤਾਨ ਨੇ ਹਮੇਸ਼ਾ ਹੀ ਅੱਤਵਾਦੀ ਹਮਲਿਆਂ ਨਾਲ ਦਿੱਤਾ ਹੈ। ਪਾਕਿਸਤਾਨ ਤੋਂ ਆਏ ਅੱਤਵਾਦੀਆਂ ਦੇ ਹਮਲਿਆਂ ਵਿੱਚ ਸਾਡੇ ਸੈਨਿਕ ਸ਼ਹੀਦ ਹੋ ਰਹੇ ਹਨ। ਇਸ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਦਾ ਮੂੰਹ ਤੋਡ਼ ਜਵਾਬ ਦੇਣ। ਉਨਾਂ ਸ਼ਹੀਦ ਹੋਏ ਸੈਨਿਕਾਂ ਦੇ ਪਰਿਵਾਰਾਂ ਨੂੰ ਉਚਿਤ ਮੁਆਵਜੇ ਦੇ ਨਾਲ ਨਾਲ ਉਨਾਂ ਦੀ ਸੁਰੱਖਿਆ ਅਤੇ ਦੇਖ ਭਾਲ ਕਰਨ ਦੀ ਅਪੀਲ ਕੀਤੀ। ਇਸ ਮੌਕੇ ਉੱਕਤ ਤੋਂ ਇਲਾਵਾ ਰਾਕੇਸ਼ ਭਾਟੀਆ, ਨਰਿੰਦਰ ਆਦਿਆ, ਅਜੇ ਚੋਪਡ਼ਾ, ਹਰੀਸ਼ ਨਾਰੰਗ, ਗੌਰਵ ਅਰੋਡ਼ਾ, ਵਿਸ਼ਾਲ ਰਾਣਾ, ਨਰਿੰਦਰ ਸਿੱਧੂ, ਜਿੱਮੀ ਮਲਹੋਤਰਾ, ਚੇਤਨ ਵਰਮਾ ਤੋਂ ਇਲਾਵਾ ਕੌਂਸਲਰ ਭੁਪਿੰਦਰ ਸਿੰਘ ਭਿੰਦਾ ਸਮੇਤ ਹੋਰ ਵੀ ਹਾਜ਼ਿਰ ਸਨ।