ਆਮ ਆਦਮੀ ਪਾਰਟੀ ਵਲੋਂ 14 ਜਨਵਰੀ ਨੂੰ ਸ਼੍ਰੀ ਮੁੱਕਤਸਰ ਸਾਹਿਬ ਵਿੱਖੇ ਹੋ ਰਹੀ ਕਾਨਫਰੰਸ ਦੀਆਂ ਤਿਆਰੀਆ ਸਬੰਧੀ ਕੀਤੀ ਗਈ ਮੀਟਿੰਗ
ਲੁਧਿਆਣਾ, 29 ਦਸੰਬਰ ( ਸਤ ਪਾਲ ਸੋਨੀ )) : ਆਮ ਆਦਮੀ ਪਾਰਟੀ ਵਲੋਂ ਅੱਜ ਸੈਂਟਰਲ ਲੀਡਰਸ਼ਿਪ ਤੋਂ ਲੁਧਿਆਣਾ ਜ਼ੋਨ ਦੇ ਆਬਜ਼ਰਵਰ ਕਪਿਲ ਭਾਰਦਵਾਜ ਅਤੇ ਜ਼ੋਨ ਕੋਆਰਡੀਨੇਟਰ ਸਾਬਕਾ ਕਰਨਲ ਸੀ. ਐਮ. ਲਖਨਪਾਲ ਦੀ ਦੇਖ-ਰੇਖ ਹੇਠ ਰੋਟਰੀ ਕਲੱਬ ਲੁਧਿਆਣਾ ਵਿਖੇ ਇੱਕ ਵਾਲੰਟੀਅਰਜ਼ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ, ਜਿਸਨੂੰ ਪਾਰਟੀ ਦੇ ਰਾਸ਼ਟਰੀ ਲੀਡਰ ਸੰਜੇ ਸਿੰਘ, ਰਾਸ਼ਟਰੀ ਸੰਗਠਨ ਇੰਚਾਰਜ ਦੁਰਗੇਸ਼ ਪਾਠਕ, ਸੁਬਾ ਕਨਵੀਨਰ ਸੁੱਚਾ ਸਿੰਘ ਛੋਟੇਪੁਰ, ਲੀਗਲ ਸੈੱਲ ਪੰਜਾਬ ਦੇ ਇੰਚਾਰਜ ਹਿੰਮਤ ਸਿੰਘ ਸ਼ੇਰਗਿੱਲ ਅਤੇ ਯੂਥ ਵਿੰਗ ਦੇ ਪੰਜਾਬ ਪ੍ਰਧਾਨ ਹਰਜੋਤ ਸਿੰਘ ਬੈਂਸ ਵਲੋਂ ਸੰਬੋਧਿਤ ਕੀਤਾ ਗਿਆ। ਇਸ ਮੋਕੇ ਪਾਰਟੀ ਦੇ ਬੂਥ, ਸਰਕਲ ਅਤੇ ਸੈਕਟਰ ਕੋਆਰਡੀਨੇਟਰਾਂ ਨੇ ਵੱਡੀ ਗਿਣਤੀ ਵਿੱਚ ਇਸ ਮੀਟਿੰਗ ਵਿੱਚ ਸ਼ਮੂਲੀਅਤ ਕੀਤੀ। ਪਾਰਟੀ ਦੀ ਕੇਂਦਰੀ ਅਤੇ ਸੁਬੇ ਦੀ ਲੀਡਰਸ਼ਿਪ ਨੇ ਪਾਰਟੀ ਵਾਲੰਟੀਅਰਾਂ ਨੂੰ ਸੰਬੋਧਿਤ ਕਰਦਿਆਂ ਪਾਰਟੀ ਦੇ ਮਜਬੂਤ ਸੰਗਠਨ ਅਤੇ ਪਾਰਟੀ ਵਲੋਂ 2017 ਵਿੱਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾ ਦੀਆਂ ਤਿਆਰੀਆਂ ਸੰਬੰਧੀ ਵਿਚਾਰ
ਵਟਾਂਦਰਾ ਕੀਤਾ।
ਉਹਨਾਂ 14ਜਨਵਰੀ ਨੂੰ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਸ਼੍ਰੀ ਅਰਵਿੰਦ ਕੇਜਰੀਵਾਲ ਜੀ ਦੀ ਅਗਵਾਈ ਵਿੱਚ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਹੋ ਰਹੀ ਕਾਨਫਰੰਸ ਦੀਆਂ ਤਿਆਰੀਆਂ ਸੰਬੰਧੀ ਵੀ ਵਿਚਾਰ-ਵਟਾਂਦਰਾ ਕੀਤਾ। ਇਸ ਮੋਕੇ ਮੀਟਿੰਗ ਨੂੰ ਸੰਬੋਧਤ ਕਰਦਿਆਂ ਸੰਜੇ ਸਿੰਘ ਨੇ ਕਿਹਾ ਕਿ ਪੰਜਾਬ ਵਿੱਚ ਫੈਲੇ ਨਸ਼ਿਆਂ ਅਤੇ ਭ੍ਰਿਸ਼ਟਾਚਾਰ ਕਾਰਨ ਅਣਗਿਣਤ ਨੌਜਵਾਨਾਂ ਅਤੇ ਕਿਸਾਨਾਂ ਦੀਆਂ ਜ਼ਿੰਦਗੀਆਂ ਤਬਾਹ ਹੋ ਚੁੱਕੀਆਂ ਹਨ, ਜਿਸ ਲਈ ਸੱਤਾਧਾਰੀ ਅਕਾਲੀ- ਭਾਜਪਾ ਗਠਬੰਧਨ ਅਤੇ ਕਾਂਗਰਸ ਪਾਰਟੀ ਬਰਾਬਰ ਦੇ ਜਿੰਮੇਵਾਰ ਹਨ। ਉਹਨਾਂ ਕਿਹਾ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ਤੇ ਨਸ਼ਿਆਂ ਅਤੇ ਭ੍ਰਿਸ਼ਟਾਚਾਰ ਨੂੰ ਜਡ਼ੋਂ ਖਤਮ ਕਰ ਦਿੱਤਾ ਜਾਵੇਗਾ ਅਤੇ ਦਿੱਲੀ ਦੀ ਤਰਾਂ ਪੰਜਾਬ ਵਿੱਚ ਵੀ ਇਮਾਨਦਾਰ ਅਤੇ ਨਿਵੇਕਲੀ ਰਾਜਨੀਤੀ ਦਾ ਆਗਾਜ਼ ਕੀਤਾ ਜਾਵੇਗਾ।ਸੁੱਚਾ ਸਿੰਘ ਛੋਟੇਪੁਰ ਨੇ ਇਸ ਮੋਕੇ ਬੋਲਦਿਆਂ ਕਿਹਾ ਕਿ ਅਕਾਲੀ ਅਤੇ ਕਾਂਗਰਸ ਪਾਰਟੀਆਂ ਇੱਕੋ ਸਿੱਕੇ ਦੇ ਦੋ ਪਹਿਲੂ ਹਨ। ਇਹ ਦੋਵੇਂ ਆਪਸ ਵਿੱਚ ਮਿਲਕੇ ਫਿਕਸਡ ਮੈਚ ਖੇਡ ਰਹੇ ਹਨ ਅਤੇ ਲੋਕਾਂ ਨੂੰ ਮੂਰਖ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਰ ਪੰਜਾਬ ਦੇ ਲੋਕ ਸਿਆਣੇ ਹਨ ਅਤੇ ਉਹ ਆਪਣਾ ਬੂਰਾ ਭਲਾ ਚੰਗੀ ਤਰਾਂ ਜਾਣਦੇ ਹਨ। ਮੁੱਖ-ਮੰਤਰੀ ਬਾਦਲ ਵਲੋਂ ਆਮ ਆਦਮੀ ਪਾਰਟੀ ਨੂੰ ਦਲ-ਬਦਲੂਆਂ ਦੀ ਪਾਰਟੀ ਦਾ ਜਵਾਬ ਦਿਦਿਂਆਂ ਹੋਇਆਂ ਸੁੱਚਾ ਸਿੰਘ ਛੋਟੇਪੁੱਰ ਨੇ ਕਿਹਾ ਕਿ ਬਾਦਲ ਖੁੱਦ ਦਲ- ਬਦਲੂ ਹੈ ਉਸ ਨੇ ਪਹਿਲੀ ਵਾਰ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਵਜੋਂ ਚੋਣ ਲੜੀ ਸੀ । ਆਮ ਆਦਮੀ ਪਾਰਟੀ ਵਲੋਂ ਸੁਬੇ ਭਰ ਵਿੱਚ ਕਰਵਾਈਆਂ ਜਾ ਰਹੀਆਂ ਰੈਲੀਆਂ ਨੂੰ ਪੰਜਾਬ ਦੀ ਜਨਤਾ ਵਲੋਂ ਮਿਲ ਰਹੇ ਭਾਰੀ ਸਮਰਥਨ ਤੋਂ ਇਹ ਸਪਸ਼ਟ ਹੈ ਕਿ ਲੋਕ ਪੰਜਾਬ ਵਿੱਚੋਂ ਨਸ਼ਿਆਂ ਅਤੇ ਭ੍ਰਿਸ਼ਟਾਚਾਰ ਦਾ ਖਾਤਮਾ ਕਰਕੇ ਇੱਕ ਇਮਾਨਦਾਰ ਰਾਜਨੀਤੀ ਦਾ ਆਗਾਜ਼ ਕਰਨ ਲਈ ਤਿਆਰ-ਬਰ-ਤਿਆਰ ਹਨ।
ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਮਹਾਂ-ਗਠਬੰਧਨ ਸਬੰਧੀ ਪੁੱਛੇ ਜਾਣ 'ਤੇ ਦੁਰਗੇਸ਼ ਪਾਠਕ ਨੇ ਕਿਹਾ ਕਿ ਅਮਰਿੰਦਰ ਸਿੰਘ ਹਾਰ ਸਵੀਕਾਰ ਕਰ ਚੁੱਕੇ ਹਨ ਇਸ ਲਈ ਉਹ ਮਹਾਂ-ਗਠਬੰਧਨ ਦੀਆਂ ਗੱਲਾਂ ਕਰ ਰਹੇ ਹਨ । ਆਮ ਆਦਮੀ ਪਾਰਟੀ ਆਪਣੇ ਬਲਬੁੱਤੇ 'ਤੇ ਪੰਜਾਬ ਵਿੱਚ ਆਪਣੀ ਸਰਕਾਰ ਬਣਾਵੇਗੀ । ਇਸ ਮੌਕੇ ਹਿੰਮਤ ਸਿੰਘ ਸ਼ੇਰਗਿੱਲ ਅਤੇ ਹਰਜੋਤ ਸਿੰਘ ਬੈਂਸ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ । ਪਾਰਟੀ ਲੀਡਰਸ਼ਿਪ ਨੇ ਪਾਰਟੀ ਨੂੰ ਵਾਲੰਟੀਅਰਾਂ ਵਲੋਂ ਮਿਲ ਰਹੇ ਭਰਪੂਰ ਸਹਿਯੋਗ ਦੀ ਸ਼ਲਾਘਾ ਕੀਤੀ ਅਤੇ ਪਾਰਟੀ ਵਾਲੰਟੀਅਰਾਂ ਦਾ ਧੰਨਵਾਦ ਵੀ ਕੀਤਾ ਅਤੇ ਸੁਬੇ ਦੀ ਭਲਾਈ ਲਈ ਪਾਰਟੀ ਵਲੋਂ ਭ੍ਰਿਸ਼ਟਾਚਾਰ ਖਿਲਾਫ ਚਲਾਏ ਗਏ ਇਸ ਸੰਘਰਸ਼ ਨੂੰ ਹੋਰ ਤੇਜ਼ ਕਰਨ ਦੀ ਅਪੀਲ ਕੀਤੀ । ਉਹਨਾਂ 14 ਜਨਵਰੀ ਨੂੰ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਸ਼੍ਰੀ ਅਰਵਿੰਦ ਕੇਜਰੀਵਾਲ ਜੀ ਦੀ ਅਗਵਾਈ ਵਿੱਚ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਮਾਘੀ ਮੇਲੇ ਦੋਰਾਨ ਹੋ ਰਹੀ ਕਾਨਫਰੰਸ ਦੀਆਂ ਤਿਆਰੀਆਂ ਸੰਬੰਧੀ ਵੀ ਵਿਚਾਰ ਚਰਚਾ ਕੀਤੀ ਅਤੇ ਪਾਰਟੀ ਵਾਲੰਟੀਅਰਾਂ ਨੂੰ ਇਸ ਕਾਨਫਰੰਸ ਵਿੱਚ ਵੱਧ-ਚਡ਼ਕੇ ਹਿੱਸਾ ਲੈਣ ਲਈ ਬੇਨਤੀ ਕੀਤੀ।
ਇਸ ਮੋਕੇ ਪਾਰਟੀ ਦੇ ਆਪ ਦਾ ਦਾਨ ਅਭਿਆਨ ਦੇ ਜ਼ੋਨ ਕੋਆਰਡੀਨੇਟਰ ਰਾਜ ਫਤਿਹ ਸਿੰਘ ਦੀ ਅਗਵਾਈ ਵਿੱਚ ਪਾਰਟੀ ਫੰਡ ਇੱਕਠਾ ਕਰਨ ਲਈ ਇੱਕ ਕੈਂਪ ਵੀ ਲਗਾਇਆ ਗਿਆ, ਜਿਸ ਵਿੱਚ ਪਾਰਟੀ ਵਾਲੰਟੀਅਰਜ਼ ਅਤੇ ਪਾਰਟੀ ਸਮਰਥਕਾਂ ਨੇ ਵੱਧ-ਚਡ਼ਕੇ ਸਹਿਯੋਗ ਕੀਤਾ।
ਉਪਰੋਕਤ ਆਗੂਆਂ ਤੋਂ ਇਲਾਵਾ ਪਾਰਟੀ ਦੇ ਕਿਸਾਨ ਅਤੇ ਮਜਦੂਰ ਵਿੰਗ ਪੰਜਾਬ ਦੇ ਜਨਰਲ ਸਕੱਤਰ ਅਹਿਬਾਬ ਸਿੰਘ ਗਰੇਵਾਲ, ਸੀਨੀਅਰ ਮੀਤ ਪ੍ਰਧਾਨ ਕਰਣਵੀਰ ਸਿੰਘ ਟਿਵਾਣਾ, ਮੀਤ ਪ੍ਰਧਾਨ ਮੋਹਨ ਸਿੰਘ ਵਿਰਕ, ਮਹਿਲਾ ਵਿੰਗ ਪੰਜਾਬ ਦੇ ਮੀਤ ਪ੍ਰਧਾਨ ਰਜਵੰਤ ਕੌਰ, ਮਜਦੂਰ ਵਿੰਗ ਲੁਧਿਆਣਾ ਦੇ ਆਗੂ ਰਜਿੰਦਰਪਾਲ ਕੌਰ, ਯੂਥ ਵਿੰਗ ਲੁਧਿਆਣਾ ਦੇ ਕੋਆਰਡੀਨੇਟਰ ਅਮਨਦੀਪ ਸਿੰਘ ਮੋਹੀ, ਐਲਫਾ ਸੈਕਟਰ ਕੋਆਰਡੀਨੇਟਰ ਸੁਖਦੇਵ ਬਾਵਾ, ਬਰੈਵੋ ਸੈਕਟਰ ਕੋਆਰਡੀਨੇਟਰ ਅੰਮ੍ਰਿਤਪਾਲ ਸਿੰਘ ਅਤੇ ਚਾਰਲੀ ਸੈਕਟਰ ਦੇ ਕੋਆਰਡੀਨੇਟਰ ਜੀਵਨ ਸਿੰਘ ਸੰਗੋਵਾਲ ਅਤੇ ਕਈ ਹੋਰ ਆਗੂ ਸ਼ਾਮਿਲ ਹੋਏ ਅਤੇ ਉਹਨਾਂ ਨੇ ਪਾਰਟੀ ਵਾਲੰਟੀਅਰਾਂ ਨਾਲ ਆਪਣੇ ਵਿਚਾਰ ਸਾਂਝੇ ਕੀਤੇ ।

ਅੰਤਰਰਾਸ਼ਟਰੀ ਵੈਸ਼ ਫੈਡਰੇਸ਼ਨ ਦੀ ਰਾਸ਼ਟਰੀ ਕਾਰਜਕਾਰਨੀ ਦੀ ਮੀਟਿੰਗ 26 ਅਤੇ 27 ਨੂੰ ਲੁਧਿਆਣਾ ਵਿਖੇ
*ਰਾਜਪਾਲ, ਮੁੱਖ ਮੰਤਰੀ ਅਤੇ ਦੇਸ਼ ਵਿਦੇਸ਼ ਤੋਂ ਕਈ ਸਖ਼ਸ਼ੀਅਤਾਂ ਕਰਨਗੀਆਂ ਸ਼ਿਰਕਤ


ਲੁਧਿਆਣਾ, 24 ਦਸੰਬਰ ( ਸਤ ਪਾਲ ਸੋਨੀ ) : ਅੰਤਰਰਾਸ਼ਟਰੀ ਵੈਸ਼ ਫੈਡਰੇਸ਼ਨ ਦੀ ਰਾਸ਼ਟਰੀ ਕਾਰਜਕਾਰਨੀ ਦੀ ਮੀਟਿੰਗ ਮਿਤੀ 26 ਅਤੇ 27 ਦਸੰਬਰ, 2015 ਨੂੰ ਪੰਜਾਬ ਯੂਨਿਟ ਦੇ ਚੇਅਰਮੈਨ ਅਤੇ ਕੈਬਨਿਟ ਮੰਤਰੀ ਸ੍ਰੀ ਮਦਨ ਮੋਹਨ ਮਿੱਤਲ ਦੀ ਅਗਵਾਈ ਵਿੱਚ ਸਥਾਨਕ ਫਿਰੋਜ਼ਪੁਰ ਸਡ਼ਕ 'ਤੇ ਸਥਿਤ ਇੱਕ ਹੋਟਲ ਵਿੱਚ ਹੋ ਰਹੀ ਹੈ, ਜਿਸ ਵਿੱਚ ਪੰਜਾਬ ਦੇ ਰਾਜਪਾਲ ਸ੍ਰੀ ਕਪਤਾਨ ਸਿੰਘ ਸੋਲੰਕੀ, ਮਾਨਯੋਗ ਮੁੱਖ ਮੰਤਰੀ ਪੰਜਾਬ ਸ੍ਰ. ਪਰਕਾਸ਼ ਸਿੰਘ ਬਾਦਲ, ਕਈ ਕੈਬਨਿਟ ਮੰਤਰੀ, ਦੇਸ਼ ਭਰ ਤੋਂ ਕਈ ਸੰਸਦ ਮੈਂਬਰ ਅਤੇ ਵੈਸ਼ ਭਾਈਚਾਰੇ ਨਾਲ ਸੰਬੰਧਤ ਦੇਸ਼ ਵਿਦੇਸ਼ ਦੀਆਂ ਪ੍ਰਮੁੱਖ ਸਖ਼ਸ਼ੀਅਤਾਂ ਪਹੁੰਚ ਰਹੀਆਂ ਹਨ।
ਇਸ ਸਮਾਗਮ ਸੰਬੰਧੀ ਸੱਦੀ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਮਦਨ ਮੋਹਨ ਮਿੱਤਲ ਨੇ ਦੱਸਿਆ ਕਿ ਮੀਟਿੰਗ ਦੀ ਪ੍ਰਧਾਨਗੀ ਅੰਤਰਰਾਸ਼ਟਰੀ ਵੈਸ਼ ਫੈਡਰੇਸ਼ਨ ਦੇ ਸੰਸਥਾਪਕ ਪ੍ਰਧਾਨ ਸ੍ਰੀ ਰਾਮਦਾਸ ਅਗਰਵਾਲ ਵੱਲੋਂ ਕੀਤੀ ਜਾਵੇਗੀ। ਇਹ ਮੀਟਿੰਗ ਪਹਿਲੀ ਵਾਰ ਪੰਜਾਬ ਵਿੱਚ ਆਯੋਜਿਤ ਕੀਤੀ ਜਾ ਰਹੀ ਹੈ। ਇਸ ਦੋ ਦਿਨਾਂ ਮੀਟਿੰਗ ਵਿੱਚ ਵੈਸ਼ ਭਾਈਚਾਰੇ ਨਾਲ ਸੰਬੰਧਤ 500 ਤੋਂ ਵਧੇਰੇ ਪ੍ਰਮੁੱਖ ਸਖ਼ਸ਼ੀਅਤਾਂ ਸ਼ਿਰਕਤ ਕਰ ਰਹੀਆਂ ਹਨ। ਮੀਟਿੰਗ ਵਿੱਚ ਵੈਸ਼ ਭਾਈਚਾਰੇ ਦੀ ਬੇਹਤਰੀ ਲਈ ਕੀਤੇ ਜਾ ਚੁੱਕੇ ਜਾਂ ਕੀਤੇ ਜਾਣ ਵਾਲੇ ਕਾਰਜਾਂ ਤੋਂ ਇਲਾਵਾ ਹੋਰ ਸਮਾਜਿਕ, ਆਰਥਿਕ, ਰਾਜਸੀ ਤੇ ਧਾਰਮਿਕ ਮੁੱਦਿਆਂ 'ਤੇ ਚਰਚਾ ਹੋਵੇਗੀ।
ਉਹਨਾਂ  ਦੱਸਿਆ ਕਿ ਮੀਟਿੰਗ ਵਿੱਚ ਸ਼ਾਮਿਲ ਹੋਣ ਵਾਲੇ ਸਾਰੇ ਮੈਂਬਰਾਂ ਨੂੰ 28 ਦਸੰਬਰ, 2015 ਨੂੰ ਮਹਾਨ ਅਜ਼ਾਦੀ ਘੁਲਾਟੀਏ ਲਾਲਾ ਲਾਜਪਤ ਰਾਏ ਜੀ ਦੇ ਜਨਮ ਅਸਥਾਨ ਪਿੰਡ ਢੁੱਡੀਕੇ ਵਿਖੇ ਲਿਜਾਇਆ ਜਾਵੇਗਾ ਤਾਂ ਜੋ ਇਸ ਮਹਾਨ ਯੋਧੇ ਦੀ ਕੁਰਬਾਨੀ ਤੋਂ ਜਾਣੂੰ ਕਰਵਾਇਆ ਜਾ ਸਕੇ। ਇਸ ਤੋਂ ਇਲਾਵਾ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਸ੍ਰੀ ਦਰਬਾਰ ਸਾਹਿਬ, ਦੁਰਗਿਆਣਾ ਮੰਦਰ ਅਤੇ ਜਲਿਆਂ ਵਾਲਾ ਬਾਗ ਦਾ ਦੌਰਾ ਵੀ ਕਰਵਾਇਆ ਜਾਵੇਗਾ। ਸ੍ਰੀ ਮਿੱਤਲ ਨੇ ਦੱਸਿਆ ਦੱਸਿਆ ਕਿ ਫੈਡਰੇਸ਼ਨ ਦੇ ਪੰਜਾਬ ਸਮੇਤ ਦੇਸ਼ ਦੇ 22 ਰਾਜਾਂ ਵਿੱਚ ਯੂਨਿਟ ਕਾਰਜਸ਼ੀਲ ਹਨ, ਜਿਸ ਦਾ ਮੁੱਖ ਦਫ਼ਤਰ ਨਵੀਂ ਦਿੱਲੀ ਵਿਖੇ ਹੈ। ਫੈਡਰੇਸ਼ਨ ਵੱਲੋਂ ਕਈ ਸੰਸਥਾਵਾਂ ਨਾਲ ਮਿਲ ਕੇ ਲੋਡ਼ਵੰਦਾਂ ਦੀ ਸਹਾਇਤਾ ਹਿੱਤ ਮੈਡੀਕਲ ਕੈਂਪ, ਅੱਖਾਂ ਦੀ ਜਾਂਚ ਕੈਂਪ ਲਗਾਏ ਜਾਂਦੇ ਹਨ। ਜਿਸ ਦਾ ਲੱਖਾਂ ਲੋਕ ਫਾਇਦਾ ਲੈਂਦੇ ਹਨ। ਇਸ ਕਾਰਜ ਹਿੱਤ ਫੈਡਰੇਸ਼ਨ ਦੇ ਮੈਂਬਰਾਂ ਵੱਲੋਂ ਖੁਦ ਅਤੇ ਦਾਨੀ ਸੱਜਣਾਂ ਤੋਂ ਫੰਡ ਇਕੱਤਰ ਕੀਤੇ ਜਾਂਦੇ ਹਨ।
ਇਸ ਤੋਂ ਇਲਾਵਾ ਫੈਡਰੇਸ਼ਨ ਵੱਲੋਂ ਵੈਸ਼ ਭਾਈਚਾਰੇ ਨੂੰ ਵਪਾਰ ਅਤੇ ਰੁਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਨ ਹਿੱਤ ਵਪਾਰ ਮੇਲੇ ਅਤੇ ਹੋਰ ਈਵੈਂਟ ਕਰਾਉਣ ਦਾ ਵੀ ਬੀਡ਼ਾ ਚੁੱਕਿਆ ਗਿਆ ਹੈ। ਫੈੱਡਰੇਸ਼ਨ ਵੱਲੋਂ ਪੂਰੇ ਭਾਰਤ (ਉੱਤਰੀ ਤੇ ਦੱਖਣੀ) ਦੇ ਵੈਸ਼ ਭਾਈਚਾਰੇ ਨੂੰ ਇੱਕ ਪਲੇਟਫਾਰਮ 'ਤੇ ਇਕੱਤਰ ਕਰਨ ਹਿੱਤ ਯਤਨ ਕੀਤੇ ਜਾ ਰਹੇ ਹਨ। ਫੈੱਡਰੇਸ਼ਨ ਵੱਲੋਂ ਧਾਰਮਿਕ ਖੇਤਰ ਵਿੱਚ ਵੀ ਕਾਰਜ ਕੀਤੇ ਜਾ ਰਹੇ ਹਨ। ਫੈਡਰੇਸ਼ਨ ਵੱਲੋਂ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਵੈਸ਼ ਭਾਈਚਾਰੇ ਨਾਲ ਸੰਬੰਧਤ 2000 ਦੇ ਕਰੀਬ ਪ੍ਰਮੁੱਖ ਸਖ਼ਸ਼ੀਅਤਾਂ (ਜਿਨਾਂ ਵਿੱਚ ਸਨਅਤਕਾਰ, ਵਪਾਰੀ, ਰਾਜਸੀ ਲੋਕ, ਕਿੱਤਾਕਾਰ, ਸਿਵਲ ਅਧਿਕਾਰੀ, ਐਡਵੋਕੇਟ, ਨਿਆਂਇਕ ਅਧਿਕਾਰੀ ਅਤੇ ਧਾਰਮਿਕ ਆਗੂ ਸ਼ਾਮਿਲ ਹਨ) ਨੂੰ ਇੱਕ ਮੰਚ 'ਤੇ ਇਕੱਠਾ ਕੀਤਾ ਜਾਵੇ ਤਾਂ ਜੋ ਵੈਸ਼ ਭਾਈਚਾਰੇ ਨੂੰ ਹੋਰ ਮਜ਼ਬੂਤ ਕੀਤਾ ਜਾ ਸਕੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੀਟਿੰਗ ਦੇ ਸ੍ਰੀ ਬਾਬੂ ਰਾਮ ਗੁਪਤਾ ਰਾਸ਼ਟਰੀ ਮਹਾਂ ਮੰਤਰੀ, ਸ੍ਰੀ ਸੁਨੀਲ ਸਿੰਗਲਾ ਸਟੇਟ ਇੰਚਾਰਜ ਮੀਡੀਆ ਭਾਜਪਾ, ਮਹੇਸ਼ ਗੁਪਤਾ ਜਨਰਲ ਸਕੱਤਰ ਪੰਜਾਬ ਯੂਨਿਟ,  ਰਾਜੇਸ਼ ਅਗਰਵਾਲ ਪ੍ਰਬੰਧਕ ਪੰਜਾਬ ਯੂਨਿਟ, ਤਰੁਣ ਜੈਨ ਬਾਵਾ ਪ੍ਰਬੰਧਕ ਪੰਜਾਬ ਯੂਨਿਟ, ਅਸ਼ੋਕ ਕੁਮਾਰ ਜੈਨ ਪ੍ਰਬੰਧਕ ਪੰਜਾਬ ਯੂਨਿਟ, ਅਨਿਲ ਗੁਪਤਾ ਪ੍ਰਬੰਧਕ ਪੰਜਾਬ ਯੂਨਿਟ, ਅਨੂਪ ਗੁਪਤਾ ਪ੍ਰਬੰਧਕ ਪੰਜਾਬ ਯੂਨਿਟ,  ਜੀਵਨ ਗੁਪਤਾ, ਇੰਦਰ ਅਗਰਵਾਲ , ਸੰਜੀਵ ਮਲਹੋਤਰਾ ਅਤੇ ਰਵਿੰਦਰ ਕਪਲਿਸ਼ ਸ਼ਾਮਿਲ ਹਨ। 

ਪੰਜਾਬ ਸਰਕਾਰ ਵੱਲੋਂ ਸੰਘਰਸ਼ੀ ਯੋਧਿਆਂ ਨੂੰ ਵਿੱਤੀ ਮਦਦ ਅਤੇ ਹੋਰ ਸਹੂਲਤਾਂ ਦੇਣ ਦਾ ਫੈਸਲਾ
ਸੰਬੰਧਤ ਵਿਅਕਤੀ 5 ਜਨਵਰੀ ਤੱਕ ਦੇ ਸਕਦੇ ਹਨ ਅਰਜੀਆਂ-ਡਿਪਟੀ ਕਮਿਸ਼ਨਰ

ਲੁਧਿਆਣਾ, 19 ਦਸੰਬਰ (ਬਿਊਰੋ ) :  ਜਿਨਾਂ ਸੰਘਰਸ਼ੀ ਯੋਧਿਆਂ ਨੇ ਸੰਕਟ ਕਾਲ ਵਿਰੁਧ (26-06-75 ਤੋਂ 21-03-1977 ਤੱਕ) ਅਤੇ ਪੰਜਾਬੀ ਸੂਬਾ ਮੋਰਚਾ (1955 ਤੋਂ 1965 ਤੱਕ) ਵਿੱਚ ਭਾਗ ਲਿਆ ਸੀ, ਨੂੰ ਪੰਜਾਬ ਸਰਕਾਰ ਨੇ ਵਿੱਤੀ ਸਹਾਇਤਾ ਅਤੇ ਹੋਰ ਸਹੂਲਤਾਂ ਦੇਣ ਦਾ ਫੈਸਲਾ ਕੀਤਾ ਹੈ। ਇਸ ਲਈ ਸੰਬੰਧਤ ਵਿਅਕਤੀਆਂ ਤੋਂ ਅਰਜੀਆਂ ਦੀ ਮੰਗ ਕੀਤੀ ਗਈ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਨੇ ਅਜਿਹੇ ਸੰਘਰਸ਼ੀ ਯੋਧਿਆਂ ਨੂੰ ਵਿੱਤੀ ਸਹਾਇਤਾ ਅਤੇ ਹੋਰ ਸਹੂਲਤਾਂ ਦੇਣ ਦੀ ਮੁਹਿੰਮ ਸ਼ੁਰੂ ਕੀਤੀ ਹੈ, ਜਿਸ ਤਹਿਤ ਇਨਾਂ  ਦਾ ਵੇਰਵਾ ਇਕੱਤਰ ਕੀਤਾ ਜਾ ਰਿਹਾ ਹੈ। ਉਨਾਂ  ਕਿਹਾ ਕਿ ਇਹ ਵਿਅਕਤੀ ਡਿਪਟੀ ਕਮਿਸ਼ਨਰ ਦਫ਼ਤਰ ਦੀ ਰਸੀਦ ਸਾਖ਼ਾ ਅਤੇ ਸੰਬੰਧਤ ਐੱਸ. ਡੀ. ਐੱਮ. ਦਫ਼ਤਰ ਤੋਂ ਨਿਰਧਾਰਤ ਪ੍ਰਫਾਰਮਾ ਪ੍ਰਾਪਤ ਕਰਕੇ ਭਰਨ ਉਪਰੰਤ 5 ਜਨਵਰੀ, 2016 ਤੱਕ ਉਥੇ ਹੀ ਜਮ•ਾ ਕਰਾ ਸਕਣਗੇ। ਅਰਜੀਕਰਤਾ ਨੂੰ ਆਪਣੀ ਅਰਜੀ ਦੇ ਨਾਲ ਸੰਬੰਧਤ ਸਬੂਤ ਵੀ ਨਾਲ ਲਗਾਉਣੇ ਪੈਣਗੇ।
ਸ੍ਰੀ ਅਗਰਵਾਲ ਨੇ ਦੱਸਿਆ ਕਿ ਉਨਾਂ ਇਸ ਪੂਰੇ ਕਾਰਜ ਦੀ ਨਿਗਰਾਨੀ ਦਾ ਜਿੰਮਾ ਵਧੀਕ ਡਿਪਟੀ ਕਮਿਸ਼ਨਰ (ਜ) ਨੂੰ ਸੌਂਪਿਆ ਹੈ।  ਉਨਾਂ  ਦੱਸਿਆ ਕਿ ਪੰਜਾਬ ਸਰਕਾਰ ਨੇ ਇਨਾਂ ਸੰਘਰਸ਼ੀ ਯੋਧਿਆਂ ਨੂੰ ਸੰਘਰਸ਼ ਵਿੱਚ ਹਿੱਸਾ ਲੈਣ ਬਦਲੇ ਇੱਕ ਸਨਮਾਨ ਪੱਤਰ ਦੇਣ ਦਾ ਫੈਸਲਾ ਕੀਤਾ ਹੈ, ਇਸ ਤੋਂ ਇਲਾਵਾ ਹਰੇਕ ਸੰਘਰਸ਼ੀ ਯੋਧੇ ਨੂੰ ਜਾਂ ਉਸਦੇ ਸਵਰਗਵਾਸ ਹੋਣ 'ਤੇ ਉਸਦੀ ਪਤਨੀ/ਪਤੀ/ਪਰਿਵਾਰਕ ਮੈਂਬਰ ਨੂੰ 1000 ਰੁਪਏ ਪ੍ਰਤੀ ਮਹੀਨੇ ਦੀ ਦਰ ਨਾਲ ਵਿੱਤੀ ਸਹਾਇਤਾ ਦਿੱਤੀ ਜਾਵੇਗੀ। ਪੰਜਾਬ ਸਰਕਾਰ ਦੀਆਂ ਸਾਰੀਆਂ ਸਰਕਾਰੀ ਅਤੇ ਅੰਡਰਟੇਕਿੰਗ ਬੱਸਾਂ ਵਿੱਚ ਮੁਫ਼ਤ ਸਫ਼ਰ ਦੀ ਸਹੂਲਤ ਦਿੱਤੀ ਜਾਵੇਗੀ। ਸਰਕਾਰੀ ਦਫ਼ਤਰਾਂ ਵਿੱਚ ਅਜਿਹੇ ਵਿਅਕਤੀਆਂ ਦੀ ਉੱਚਿਤ ਢੰਗ ਨਾਲ ਸੁਣਵਾਈ ਦੀਆਂ ਸੰਬੰਧਤ ਅਧਿਕਾਰੀਆਂ ਨੂੰ ਹਦਾਇਤਾਂ ਕੀਤੀਆਂ ਜਾਣਗੀਆਂ। ਇਨਾਂ ਵਿਅਕਤੀਆਂ ਨੂੰ ਜ਼ਿਲਾ ਪੱਧਰੀ ਆਜ਼ਾਦੀ ਸਮਾਗਮ ਅਤੇ ਗਣਤੰਤਰਤਾ ਦਿਵਸ ਸਮਾਗਮ 'ਤੇ ਰਸਮੀ ਤੌਰ 'ਤੇ ਸੱਦਿਆ ਜਾਇਆ ਕਰੇਗਾ।
ਸ੍ਰੀ ਅਗਰਵਾਲ ਨੇ ਦੱਸਿਆ ਕਿ ਇਨਾਂ ਸੰਘਰਸ਼ੀ ਯੋਧਿਆਂ ਦੀ ਪਛਾਣ ਕਰਨ ਲਈ ਹਰੇਕ  ਜ਼ਿਲਾ ਪੱਧਰ 'ਤੇ ਕਮੇਟੀਆਂ ਦਾ ਗਠਨ ਕਰ ਦਿੱਤਾ ਗਿਆ ਹੈ, ਜਿਸ ਵਿੱਚ ਡਿਪਟੀ ਕਮਿਸ਼ਨਰ, ਜ਼ਿਲਾ ਪੁਲਿਸ ਮੁਖੀ, ਜ਼ਿਲੇ   ਦਾ ਜੇਲ ਸੁਪਰਡੈਂਟ, ਚੇਅਰਮੈਨ  ਜ਼ਿਲਾ ਯੋਜਨਾ ਬੋਰਡ ਅਤੇ ਚੇਅਰਮੈਨ ਜ਼ਿਲਾ ਪ੍ਰੀਸ਼ਦ ਸ਼ਾਮਿਲ ਕੀਤੇ ਗਏ ਹਨ। ਉਨਾਂ   ਅਜਿਹੇ ਵਿਅਕਤੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ 5 ਜਨਵਰੀ, 2016 ਤੱਕ ਆਪਣੀਆਂ ਅਰਜ਼ੀਆਂ ਡਿਪਟੀ ਕਮਿਸ਼ਨਰ ਦਫ਼ਤਰ ਦੀ ਰਸੀਦ ਸਾਖ਼ਾ ਅਤੇ ਸੰਬੰਧਤ ਐੱਸ. ਡੀ. ਐੱਮ. ਦਫ਼ਤਰਾਂ ਵਿੱਚ ਪਹੁੰਚਾਉਣ। ਅਰਜੀ ਦੇਣ ਵੇਜ਼ਿਲਾ ਅਰਜੀਕਰਤਾ ਰਸੀਦ ਜ਼ਰੂਰ ਪ੍ਰਾਪਤ ਕਰੇ।

ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵੱਲੋਂ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਨੂੰ ਫੈਲੋਸ਼ਿਪ ਪ੍ਰਦਾਨ

ਲੁਧਿਆਣਾ, 7 ਦਸੰਬਰ   ( ਬਿਓੂਰੋ) :  ਪੰਜਾਬੀ ਭਾਸ਼ਾ ਅਤੇ ਸੱਭਿਆਚਾਰ ਦੇ ਵਿਕਾਸ ਲਈ ਪਾਏ ਗਏ ਲਾਮਿਸਾਲ ਯੋਗਦਾਨ ਦੇ ਚੱਲਦਿਆਂ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਨੂੰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਵੱਲੋਂ ਤਿੰਨ ਸਾਲ ਲਈ ਫੈਲੋਸ਼ਿਪ ਪ੍ਰਦਾਨ ਕੀਤੀ ਗਈ ਹੈ। ਇਹ ਫੈਲੋਸ਼ਿਪ ਪ੍ਰੋ. ਗਿੱਲ ਵੱਲੋਂ ਖੇਤੀਬਾਡ਼ੀ ਸੱਭਿਆਚਾਰ ਨਾਲ ਸੰਬੰਧਤ ਤਿਆਰ ਕੀਤੇ ਜਾ ਰਹੇ ਪ੍ਰੋਜੈਕਟ 'ਖੇਤੀਬਾਡ਼ੀ ਲੋਕ ਧਾਰਾ' ਬਦਲੇ ਦਿੱਤੀ ਗਈ ਹੈ।
ਇਸ ਫੈਲੋਸ਼ਿਪ ਰੂਪੀ ਸਨਮਾਨ ਲਈ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਸਿੰਡੀਕੇਟ ਦਾ ਧੰਨਵਾਦ ਕਰਦਿਆਂ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਉਨਾਂ ਪੰਜਾਬ ਖੇਤੀਬਾਡ਼ੀ ਯੂਨੀਵਰਸਿਟੀ, ਲੁਧਿਆਣਾ ਵਿੱਚ ਤਿੰਨ ਦਹਾਕੇ ਤੋਂ ਜਿਆਦਾ ਸੇਵਾਵਾਂ ਦਿੱਤੀਆਂ ਹਨ ਅਤੇ ਇਸ ਪ੍ਰੋਜੈਕਟ ਲਈ ਯੂਨੀਵਰਸਿਟੀ ਤੋਂ ਸਹਾਇਤਾ ਲੈਣਗੇ। ਦੱਸਣਯੋਗ ਹੈ ਕਿ ਪ੍ਰੋ. ਗਿੱਲ ਪੰਜਾਬੀ ਸਾਹਿਤ ਅਕਾਦਮੀ, ਲੁਧਿਆਣਾ ਦੇ ਪ੍ਰਧਾਨ ਰਹਿ ਚੁੱਕੇ ਹਨ ਅਤੇ ਮੌਜੂਦਾ ਸਮੇਂ ਮਹਾਰਾਜਾ ਦਲੀਪ ਸਿੰਘ ਯਾਦਗਾਰੀ ਟਰੱਸਟ, ਬੱਸੀਆਂ ਕੋਠੀ ਦੇ ਚੇਅਰਮੈਨ ਵਜੋਂ ਸੇਵਾਵਾਂ ਨਿਭਾਅ ਰਹੇ ਹਨ।
ਪੰਜਾਬੀ ਸਾਹਿਤ ਅਕਾਦਮੀ, ਲੁਧਿਆਣਾ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ ਸਿਰਸਾ ਅਤੇ ਜਨਰਲ ਸਕੱਤਰ ਡਾ. ਅਨੂਪ ਸਿੰਘ ਨੇ ਇੱਕ ਪ੍ਰੈੱਸ ਰਿਲੀਜ਼ ਜਾਰੀ ਕਰਦਿਆਂ ਕਿਹਾ ਕਿ ਪ੍ਰੋ. ਗਿੱਲ ਨੇ ਪੰਜਾਬੀ ਭਾਸ਼ਾ ਅਤੇ ਸੱਭਿਆਚਾਰ ਦਾ ਹਰ ਪੱਖ ਤੋਂ ਵਿਕਾਸ ਕਰਨ ਲਈ ਸਿਰਤੋਡ਼ ਕੰਮ ਕੀਤਾ ਹੈ। ਉਨਾਂ ਨੇ ਵੀ ਪੰਜਾਬੀ ਯੂਨੀਵਰਸਿਟੀ ਦਾ ਇਸ ਸਨਮਾਨ ਲਈ ਧੰਨਵਾਦ ਕੀਤਾ ਹੈ।
ਦੱਸਣਯੋਗ ਹੈ ਕਿ ਪ੍ਰੋ. ਗਿੱਲ ਨੂੰ ਪਿੱਛੇ ਜਿਹੇ ਪੰਜਾਬੀ ਸਾਹਿਤ ਅਕਾਦਮੀ, ਲੁਧਿਆਣਾ ਵੱਲੋਂ ਵੀ ਫੈਲੋਸ਼ਿਪ ਅਤੇ ਪੰਜਾਬ ਸਰਕਾਰ ਵੱਲੋਂ ਸ਼੍ਰੋਮਣੀ ਸਾਹਿਤਕਾਰ ਅਵਾਰਡ ਐਲਾਨ ਕੀਤਾ ਗਿਆ ਸੀ। ਇਨਾਂ ਤੋਂ ਇਲਾਵਾ ਉਨਾਂ ਨੇ ਹੋਰ ਬਹੁਤ ਸਾਰੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਅਵਾਰਡ ਮਿਲੇ ਹੋਏ ਹਨ। ਪ੍ਰੋ. ਗਿੱਲ ਨੇ ਹੁਣ ਤੱਕ ਪੰਜਾਬੀ ਕਵਿਤਾ ਨਾਲ ਸੰਬੰਧਤ 16 ਕਿਤਾਬਾਂ, ਜਿਨਾਂ ਵਿੱਚ ਗੁਲਨਾਰ, ਸ਼ੀਸ਼ਾ ਝੂਠ ਬੋਲਦਾ ਹੈ, ਹਰ ਧੁਖਦਾ ਪਿੰਡ ਮੇਰਾ ਹੈ, ਬੋਲ ਮਿੱਟੀ ਦਿਆ ਬਾਵਿਆ, ਅਗਨ ਕਥਾ, ਖੈਰ ਪੰਜਾਂ ਪਾਣੀਆਂ ਦੀ, ਧਰਤੀ ਨਾਦ, ਫੁੱਲਾਂ ਦੀ ਝਾਂਜਰ, ਪਾਰਦਰਸ਼ੀ, ਮੋਰ ਪੰਖ, ਮਨ ਤੰਦੂਰ, ਕੈਮਰੇ ਦੀ ਅੱਖ ਬੋਲਦੀ, ਸੁਰਖ਼ ਸਮੁੰਦਰ, ਦੋ ਹਰਫ਼ ਰਸੀਦੀ, ਮਨ ਦੇ ਬੂਹੇ ਬਾਰੀਆਂ ਅਤੇ ਤਾਰਿਆਂ ਨਾਲ ਗੱਲਾਂ ਕਰਦਿਆਂ ਪੰਜਾਬੀ ਪਾਠਕਾਂ ਦੀ ਝੋਲੀ ਪਾਈਆਂ ਹਨ।

ਦੇਸ਼ ਵਿਚ ਸਾਰਿਆਂ ਨੂ ਮਿਲਣੀ ਚਾਹੀਦੀ ਹੈ ਉਚ ਤਕਨੀਕੀ ਸਿਖਿਯਾ ਅੱਤੇ ਕਾਨੂੰਨੀ ਅਧਿਕਾਰ _ਸੀ .ਜੇ.ਐਮ ਰਾਜੇਸ਼ ਭਗਤ

ਹੇਲ੍ਪਿੰਗ ਹੈੰਡਸ ਕਲਬ ਦਵਾਰਾ ਕਿੱਤੇ ਜਾ ਰਹੇ ਕਮ ਸਰਾਹਨੀਯ- ਰੋਹਿਤ ਪੁਨਿਆਨੀ

ਲੁਧਿਆਣਾ ੦2 ਦਿਸੰਬਰ ( ਬਿਓੂਰੋ) : ਹੇਲ੍ਪਿੰਗ ਹੈੰਡਸ ਕਲਬ ਏਨ.ਜੀ.ਓ. ਜੋ ਵਖ ਵਖ ਖੇਤਰਾਂ ਵਿਚ ਸਮਾਜ ਸੇਵਾ ਕਰ ਰਹੀ ਹੈ ਉਸਦੇ ਸੰਗਲਾ ਸ਼ਿਵਾਲਾ ਚੋਂਕ ਵਿਖੇ ਮੋਜੂਦ ਮੁਫਤ ਸਿਖਿਆ ਕੇਂਦਰ ਦਾ ਦੂਜਾ ਸਥਾਪਨਾ ਦਿਹਾਡ਼ਾ ਮਨਾਇਆ ਗਿਆ ,ਇਸ ਸਿਖਿਆ ਕੇਂਦਰ ਵਿਚ ਲੋਡ਼ਮੰਦ ਤੇ ਹਰ ਉਮਰ ਦੇ ਲੋਕਾਂ ਨੂੰ ਮੁਫਤ ਕੰਪਿਊਟਰ, ਅੰਗ੍ਰੇਜੀ ਬੋਲਨ ਅਤੇ ਹੋਰ ਕਈ ਖੇਤਰਾਂ ਦੀ ਸਿਖਿਆ ਦਿਤੀ ਜਾਂਦੀ ਹੈ |
ਇਸ ਦਿਹਾਡ਼ੇ ਤੇ ਹੋਣਹਾਰ ਵਿਦਾਰਥੀਆਂ ਦਾ ਹੋਂਸਲਾ ਵਧਾਉਣ ਲਈ ਮੁੱਖ ਮਹਿਮਾਨ ਦੇ ਤੋਰ ਤੇ ਪੁਜੇ ਸੀ.ਜੇ.ਐਮ. ਮਾਨਯੋਗ ਸ੍ਰੀ ਰਾਜੇਸ਼ ਭਗਤ , ਜੀ.ਕੇ. ਗਰੁਪ ਦੇ ਰੋਹਿਤ ਪੁਨਿਆਨੀ, ਸਨਬ੍ਰਾਇਟ ਹੋਜਰੀ ਦੇ , ਮੋਹਿਤ ਜੇਨ ਅਤੇ ਰਾਜੇਸ਼ ਗਰਗ ਪਹੁੰਚੇ | ਸੰਸਥਾ ਦੇ ਮੁਫਤ ਸਿਖਿਆ ਕੇਂਦਰ ਵਿਚ ਮਾਨਯੋਗ ਸਜਨਾਂ ਨੇ ਰਾਸ਼ਟਰ ਗਾਨ ਦੇ ਨਾਲ ਦੀਪ ਜਲਾ ਕੇ ਪ੍ਰੋਗਰਾਮ ਦੀ ਸ਼ੁਰੁਆਤ ਕੀਤੀ, ਹੇਲ੍ਪਿੰਗ ਹੈੰਡਸ ਕਲਬ ਦੇ ਕੋਮੀ ਪ੍ਰਧਾਨ ਰਮਣ ਗੋਇਲ, ਕੋਮੀ ਮੁਖਸਲਾਹਕਾਰ ਅਵਨੀਸ਼ ਮਿੱਤਲ, ਏਡ. ਗਗਨ ਅਰੋਡ਼ਾ, ਪੰਜਾਬ ਪ੍ਰਧਾਨ ਨੀਰਜ ਵਰਮਾ ਨੇ ਆਏ ਹੋਏ ਮੇਹਮਾਨਾਂ ਨੂੰ ਗੁਲਦਸਤਾ ਤੇ ਸਮਮਾਨ ਪ੍ਰਤੀਕ ਦੇ ਸੇ ਸਮਮਾਨਿਤ ਕੀਤਾ |

ਸੀ.ਜੇ.ਐਮ. ਮਾਨਯੋਗ ਸ੍ਰੀ ਰਾਜੇਸ਼ ਭਗਤ ਜੋ ਕੀ ਜਿਲਾ ਕਾਨੂੰਨੀ ਸਹਾਇਤਾ ਅਥਾਰਿਟੀ ਦੇ ਸਚਿਵ ਵੀ ਹਨ ਨੇ ਓਥੇ ਮੋਜੂਦ ਜਨਤਾ ਤੇ ਮੇਮ੍ਬ੍ਰਾਂ ਨੂੰ ਮੁਫਤ ਕਾਨੂੰਨੀ ਮਦਦ ਦੇ ਬਾਰੇ ਵਿਚ ਵਿਸਤਾਰ ਨਾਲ ਜਾਣਕਾਰੀ ਦਿਤੀ ਤੇ ਔਰਤਾਂ ਤੇ ਬਚਿਆਂ ਨੂੰ ਓਹਨਾ ਦੇ ਵਿਸ਼ੇਸ਼ ਕਾਨੂੰਨੀ ਅਧਿਕਾਰਾਂ ਤੋ ਵੀ ਜਾਨੂ ਕਰਵਾਇਆ| ਸ੍ਰੀ ਰਾਜੇਸ਼ ਭਗਤ ਨੇ ਦਸਿਆ ਕੀ ਆਰਥਿਕ ਤੋਰ ਤੇ ਪਿਛਡ਼ੇ ਹੋਏ ਲੋਕ ਮੁਫਤ ਕਾਨੂੰਨ ਦੀ ਮਦਦ ਕਿਸ ਤਰ੍ਹਾਂ ਲੈ ਸਕਦੇ ਹਨ | ਓਹਨਾ ਦੇ ਰੀਡਰ ਮਨੋਹਰ ਲਾਲ ਨੇ ਵੀ ਕਵਿਤਾ ਦੇ ਰੂਪ ਵਿਚ ਕਾਨੂੰਨੀ ਸਹਾਇਤਾ ਪ੍ਰਾਪਤ ਕਿਸ ਤਰ੍ਹਾਂ ਪ੍ਰਾਪਤ ਕਰ ਸਕਦੇ ਹਾਂ |

ਉਸ ਤੋਂ ਬਾਅਦ ਸੰਸਥਾ ਦੇ ਸਿਖਿਆ ਕੇਂਦਰ ਵਿਚ ਪਾਸ ਹੋਏ ਵਿਦਿਆਰਥੀਆ ਨੂੰ ਸੀ.ਜੇ.ਐਮ. ਸ੍ਰੀ ਰਾਜੇਸ਼ ਭਗਤ ਨੇ ਸਰਟੀਫਿਕੇਟ ਤੇ ਮੇਡਲ ਪਾ ਕੇ ਓਹਨਾਂ ਦਾ ਹੋੰਸਲਾਂ ਵਧਾਇਆ ,ਤੇ ਕਿਹਾ ਕੀ ਹੇਲ੍ਪਿੰਗ ਹੇੰਡ੍ਸ ਕਲਬ ਸੰਸਥਾ ਆਮ ਲੋਕਾਂ ਲਈ ਬਹੁਤ ਵਧੀਆ ਕੰਮ ਕਰ ਰਹੀ ਹੈ, ਅਜੇਹੀਆਂ ਸੰਸਥਾਵਾਂ ਸਮਾਜ ਦੇ ਲਈ ਇਕ ਮਿਸਾਲ ਹਣ | ਇਸ ਮੋਕੇ ਤੇ ਸੰਸਥਾ ਦੇ ਕਾਨੂਨੀ ਸਲਾਹਕਾਰ ਰੋਹਿਤ ਛਾਬਡ਼ਾ, ਰਾਜੀਵ ਅਰੋਡ਼ਾ, ਵਰੁਣ ਜੇਨ, ਨਿਖਿਲ ਗੋਇਲ, ਸ਼ਸ਼ੀ ਭੂਸ਼ਣ ਗੋਇਲ, ਡਾ. ਜਗਦੀਪ ਸਿੰਘ, ਡਾ. ਰਮੇਸ਼ ਗੁਪਤਾ, ਨੰਦ ਗੋਪਾਲ, ਗੋਪਾਲ ਸ਼ਰਮਾ, ਰਾਕੇਸ਼ ਸਿੰਗਲਾ, ਅਜੇ ਗੁਪਤਾ, ਮਨੁ ਗੁਪਤਾ, ਰਸ਼ਿਮ ਕਾਲਡ਼ਾ, ਭੁਪੇਸ਼ ਮਿਤਲ, ਅਜਿੰਦਰ ਸਿੰਘ, ਵਿਸ਼ਾਲ ਗਰਗ, ਸੰਜੀਵ ਗਰਗ, ਰਾਜ ਗਰਗ , ਟੋਨੀ ਸ਼ਰਮਾ, ਰਾਕੇਸ਼ ਗੁਪਤਾ, ਸੁਰੇਸ਼ ਆਗਰਵਾਲ , ਪ੍ਰੇਮ ਬੰਗਡ਼ , ਅਨਿਲ ਕੁਮਾਰ, ਇੰਦਰਜੀਤ ਅਤੇ ਮਹਿਲਾ ਵਿੰਗ ਤੋਂ ਸੁਗੰਧੀ ਗੋਇਲ, ਸ਼ੀਤਲ ਬੇਰੀ, ਜਯੋਤੀ ਡੰਗ, ਕਿਰਤੀ ਖੰਨਾ, ਰਜਨੀ ਸਿੰਗਲਾ ਤੇ ਕਈ ਵਿਦਿਆਰਥੀ ਮੋਜੂਦ ਸਨ |

ਰਾਜਨੀਤਿਕ ਪਾਰਟੀਆਂ ਪੰਜਾਬ ਦਾ ਮਾਹੌਲ ਖਰਾਬ ਕਰਨ ਵਾਲੀਆਂ ਤਾਕਤਾਂ ਨੂੰ ਕਰਨ ਬੇਨਕਾਬ-ਬਖਸ਼ੀ

ਲੁਧਿਆਣਾ, 25 ਨਵੰਬਰ (ਬਿਓੂਰੋ) : “ ਦ ਐਂਟੀ ਕਰਾਈਮ ਫਰੰਟ ਅਗੈਂਸਟ ਕਰਪਸ਼ਨ“ ਦੀ ਇਕ ਬੈਠਕ ਮੁੱਖ ਦਫਤਰ ਚੰਦਰ ਨਗਰ ਵਿੱਖੇ ਰਾਸ਼ਟਰੀ ਚੇਅਰਮੈਨ ਯੋਗੇਸ਼ ਬਖਸ਼ੀ ਦੀ ਪ੍ਰਧਾਨਗੀ ਹੇਠ ਹੋਈ , ਜਿਸ ਵਿੱਚ ਪਿੱਛਲੇ ਦਿਨੀਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ, ਸ਼੍ਰੀ ਭਾਗਵਤ ਗੀਤਾ ਅਤੇ ਸ਼੍ਰੀ ਰਮਾਇਣ ਦੇ ਪਵਿੱਤਰ ਗ੍ਰੰਥਾਂ ਦੀ ਹੋਈ ਬੇਅਦਬੀ 'ਤੇ ਚਿੰਤਾ ਪ੍ਰਗਟ ਕਰਦਿਆਂ ਹੋਇਆਂ “ ਦ ਐਂਟੀ ਕਰਾਈਮ ਫਰੰਟ ਅਗੈਂਸਟ ਕਰਪਸ਼ਨ“ ਦੇ ਰਾਸ਼ਟਰੀ ਚੇਅਰਮੈਨ ਯੋਗੇਸ਼ ਬਖਸ਼ੀ ਨੇ ਸਾਰੀਆਂ ਹੀ ਰਾਜਨੀਤਿਕ ਪਾਰਟੀਆਂ ਨੂੰ ਅਪੀਲ ਕੀਤੀ ਕਿ ਉਹ ਗੰਦੀ ਰਾਜਨੀਤੀ ਤੋਂ ਉੱਪਰ ਉੱਠਕੇ ਪੰਜਾਬ ਦਾ ਮਾਹੌਲ ਖਰਾਬ ਕਰਨ ਵਾਲੀਆਂ ਤਾਕਤਾਂ ਨੂੰ ਬੇਨਕਾਬ ਕਰਕੇ ਅਮਨ ਸ਼ਾਂਤੀ ਅਤੇ ਸਦੀਆਂ ਪੁਰਾਣੇ ਆਪਸੀ ਭਾਈਚਾਰੇ ਨੂੰ ਮਜਬੂਤ ਕਰਨ ਦੇ ਲਈ ਆਪਣਾ ਫਰਜ਼ ਨਿਭਾਉਣ । ਇਸ ਮੌਕੇ “ ਦ ਐਂਟੀ ਕਰਾਈਮ ਫਰੰਟ ਅਗੈਂਸਟ ਕਰਪਸ਼ਨ“ ਦੇ ਰਾਸ਼ਟਰੀ ਪ੍ਰਧਾਨ ਵਿਜੈ ਕੁਮਾਰ, ਉੱਪ ਪ੍ਰਧਾਨ ਸੌਰਭ ਬਖਸ਼ੀ,ਰਾਜੂ ਕਸ਼ਯਪ,ਦੀਪਕ ਕੁਮਾਰ,ਅਸ਼ਵਨੀ ਲਾਲੀ, ਉਪਿੰਦਰ ਸਿੰਘ,ਰਾਹੁਲ ਸ਼ਰਮਾ,ਜਗਦੀਪ ਸਿੰਘ,ਰਣਜੀਤ ਸਿੰਘ,ਅਜੀਤ ਵਿਆਸ ,ਮਹੇਸ਼ ਗੁੱਪਤਾ ਅਤੇ ਸੁਰਭੀ ਆਦਿ ਹਾਜ਼ਿਰ ਸਨ।

176ਵਾਂ ਮਹਾਨ ਖੂਨਦਾਨ ਕੈਂਪ ਕਲਯੁੱਗ ਦੇ ਅਵਤਾਰ ਧੰਨ-ਧੰਨ ਸ਼੍ਰੀ ਗੁਰੂ ਨਾਨਕ ਜੀ ਦੇ ਪ੍ਰਕਾਸ਼ ਪੁਰਬ ਦੇ ਸਬੰਧ ਵਿੱਚ ਲਗਾਇਆ ਗਿਆ

ਲੁਧਿਆਣਾ, 22 ਨਵੰਬਰ (ਬਿਓੂਰੋ) : ਗੁਰਦੁਆਰਾ ਸਾਹਿਬ ਬਾਬੇ ਸ਼ਹੀਦ ਅਜਨੋਦ ਵਿਖੇ ਦਸਵੀਂ ਦੇ ਦਿਹਾਡ਼ੇ ਮੌਕੇ ਭਾਈ ਘਨਈਆ ਜੀ ਮਿਸ਼ਨ ਸੇਵਾ ਸੁਸਾਇਟੀ (ਰਜਿ:) ਵੱਲੋਂ ਮਨੁੱਖਤਾ ਦੇ ਭਲੇ ਲਈ 176ਵਾਂ ਮਹਾਨ ਖੂਨਦਾਨ ਕੈਂਪ ਕਲਯੁੱਗ ਦੇ ਅਵਤਾਰ ਧੰਨ-ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਲਗਾਇਆ ਗਿਆ। ਜਿਸ ਨੂੰ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਬਾਬੇ ਸ਼ਹੀਦ ਸਪਰੋਟਸ ਵੈਲਫੇਅਰ ਕਲੱਬ (ਰਜਿ:) ਦੇ ਸਹਿਯੋਗ ਨਾਲ ਭਾਈ ਘਨਈਆ ਜੀ ਮਿਸ਼ਨ ਸੇਵਾ ਸੁਸਾਇਟੀ ਦੇ ਮੁੱਖ ਸੇਵਾਦਾਰ ਜੱਥੇ: ਤਰਨਜੀਤ ਸਿੰਘ ਨਿਮਾਣਾ ਦੀ ਅਗਵਾਈ ਵਿੱਚ ਲਗਾਇਆ ਗਿਆ। ਇਸ ਕੈਂਪ ਦਾ ਉਦਘਾਟਨ ਐਸ.ਡੀ.ਉ ਕਮਲਜੀਤ ਸਿੰਘ ਪਾਵਰਕਾਮ ਦੋਰਾਹਾ ਨੇ ਕੀਤਾ ਉਨਾਂ ਕਿਹਾ ਕਿ ਧੰਨ-ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਦਿਹਾਡ਼ੇ ਨੂੰ ਸਮਰਪਿਤ ਜੱਥੇ: ਨਿਮਾਣਾ ਸਾਹਿਬ ਅਤੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਬਾਬੇ ਸ਼ਹੀਦ ਸਪੋਰਟਸ ਕਲੱਬ ਦੇ ਸਹਿਯੋਗੀਆਂ ਦੀ ਅਣੱਥਕ ਕੋਸ਼ਿਸ਼ ਅਤੇ ਮਿਹਨਤ ਦਾ ਸਦਕਾ ਇਹ ਖੂਨਦਾਨ ਕੈਂਪ ਗੁਰੂ ਨਾਨਕ ਸਾਹਿਬ ਦੀਆਂ ਸਿੱਖਿਆਵਾਂ ਦਾ ਨਤੀਜਾ ਹੈ। ਜੱਥੇ: ਨਿਮਾਣਾ ਅਤੇ ਉਨਾਂ ਦੇ ਸਹਿਯੋਗ ਸਮਾਜ ਸੇਵਾ ਵਿੱਚ ਮੀਲ ਦਾ ਪੱਥਰ ਅੱਗੇ ਵਧਾ ਕੇ ਨਵਾਂ ਰਸਤਾ ਬਣਾ ਰਹੇ ਹਨ। ਇਸ ਮੌਕੇ ਸੁਸਾਇਟੀ ਦੇ ਸੇਵਾਦਾਰ ਬਲਜੀਤ ਸਿੰਘ ਦਿਉਲ, ਰਾਜਬੀਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਕੈਂਪ ਦੌਰਾਨ 77 ਯੂਨਿਟ ਇੱਕਤਰ ਹੋਏ। ਬਲੱਡ ਯੁਨਿਟ ਸਿਵਲ ਹਸਪਤਾਲ ਬੀ.ਟੀ.ਉ ਡਾ: ਗੁਰਿੰਦਰਦੀਪ ਸਿੰਘ ਗਰੇਵਾਲ ਦੀ ਟੀਮ ਦੇ ਨਿੱਘੇ ਸਹਿਯੋਗ ਨਾਲ ਇੱਕਤਰ ਕੀਤਾ। ਇਸ ਮੌਕੇ ਭਾਈ ਘਨਈਆ ਜੀ ਮਿਸ਼ਨ ਸੇਵਾ ਸੁਸਾਇਟੀ ਵੱਲੋਂ ਖੂਨਦਾਨੀਆਂ ਨੂੰ ਸਰਟੀਫਿਕੇਟ ਅਤੇ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਨਿਰੰਜਨ ਸਿੰਘ, ਸਰਬਜੀਤ ਸਿੰਘ ਡੀ.ਸੀ ਸੁਖੀ ਅਜਨੋਦ, ਅਮਰੀਕ ਸਿੰਘ, ਨਿਰਮਲ ਸਿੰਘ, ਗੁਰਬੀਰ ਸਿੰਘ ਸਿੱਧੂ, ਰਿੰਕੂ, ਹਰਦੀਪ ਸਿੰਘ, ਰਛਪਾਲ ਸਿੰਘ ਨਾਲਾ, ਬੱਬੂ ਸਿੱਧੂ, ਜਗਦੇਵ ਸਿੰਘ ਜੱਗੀ, ਅਬਨਿੰਦਰ ਸਿੰਘ ਸਿੱਧੂ ਆਦਿ ਹਾਜ਼ਿਰ ਸਨ।

ਚੜ੍ਹਤ ਪੰਜਾਬ ਦੀ

ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਯਾਦਗਾਰੀ ਕਮੇਟੀ ਵਲੋਂ ਵੱਖ-ਵੱਖ ਸ਼ਖਸੀਅਤਾਂ ਨੂੰ ਪੁਰਸਕਾਰ ਪ੍ਰਦਾਨ

ਲੁਧਿਆਣਾ, 18 ਨਵੰਬਰ (ਬਿਓੂਰੋ) : ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਯਾਦਗਾਰੀ ਕਮੇਟੀ ਲੁਧਿਆਣਾ ਵਲੋਂ ਪਿਛਲੇ ਸਾਲਾਂ ਦੀ ਤਰਾਂ ਇਸ ਵਾਰੀ ਵੀ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੀ ਯਾਦ ਵਿਚ ਹੈਬੋਵਾਲ ਵਿਚ ਇਕ ਵਿਸ਼ਾਲ ਸਮਾਗਮ ਕਰਵਾਇਆ ਗਿਆ। ਯਾਦਗਾਰੀ ਕਮੇਟੀ ਦੀ ਸਰਪ੍ਰਸਤ ਪ੍ਰਿੰਸੀਪਲ ਸ੍ਰੀਮਤੀ ਹਰਭੁਪਿੰਦਰ ਕੌਰ ਸਰਾਭਾ ਦੀ ਦੇਖਰੇਖ ਹੇਠ ਕਰਵਾਇਆ ਗਿਆ ਇਹ ਸਮਾਗਮ ਇਸ ਵਾਰੀ ਸ਼ਹੀਦ ਸਰਾਭਾ ਦੀ ਸ਼ਹੀਦੀ ਸ਼ਤਾਬਦੀ ਨੂੰ ਸਮਰਪਿਤ ਸੀ, ਇਸ ਮੋਕੇ ਡਿਪਟੀ ਕਮਿਸ਼ਨਰ ਸ੍ਰੀ ਰਜ਼ਤ ਅਗਰਵਾਲ ਦੇ ਕਿਸੇ ਜਰੂਰੀਰੁਝਵਿਆਂ ਕਾਰਨ ਪੁਰਸਕਾਰਾਂ ਦੀ ਵੰਡ ਸ: ਪ੍ਰਭਦੀਪ ਸਿੰਘ ਨੱਥੋਵਾਲ ਜਿਲਾ ਲੋਕ ਸੰਪਰਕ ਅਫ਼ਸਰ ਲੁਧਿਆਣਾ ਅਤੇ ਸ੍ਰੀਮਤੀ ਪਰਮਜੀਤ ਕੌਰ ਚਾਹਲ ਜਿਲਾ ਸਿੱਖਿਆ ਅਫ਼ਸਰ ਲੁਧਿਆਣਾ ਨੇ ਕੀਤੀ। ਜਦੋਂ ਕਿ ਸਮਾਗਮ ਦੀ ਪ੍ਰਧਾਨਗੀ ਪ੍ਰੋ: ਰਾਜਿੰਦਰ ਭੰਡਾਰੀ ਉਪ ਚੇਅਰਮੈਨ ਯੋਜਨਾ ਬੋਰਡ ਪੰਜਾਬ ਅਤੇ ਸੀਨੀਅਰ ਅਕਾਲੀ ਆਗੂ ਹਰਬੀਰ ਸਿੰਘ ਇਯਾਲੀ ਨੇ ਕੀਤੀ। ਇਸ ਮੋਕੇ ਕਮੇਟੀ ਵਲੋਂ ਸਮਾਜ ਦੇ ਅਣਗੌਲੇ ਅਤੇ ਦੁੱਖੀ ਵਿਅਕਤੀਆਂ ਦੀ ਸੇਵਾ ਬਦਲੇ ਉਘੀ ਸਮਾਜ ਸੇਵਿਕਾ ਸ੍ਰੀਮਤੀ ਰੁਚੀ ਬਾਵਾ ਨੂੰ ''ਸ੍ਰਹੀਦ ਕਰਤਾਰ ਸਿੰਘ ਸਰਾਭਾ ਯਾਦਗਾਰੀ ਪੁਰਸਕਾਰ'', ਮੰਦਬੁੱਧੀ ਬੱਚਿਆਂ ਨੂੰ ਸਿਖਿਆ ਦੇਣ ਬਦਲੇ ਡਾ. ਨੀਲਮ ਸੋਢੀ ਨੂੰ ''ਮਦਰ ਟਰੇਸਾ ਯਾਦਗਾਰੀ ਪੁਰਸਕਾਰ'', ਲੋਡ਼ਵੰਦ ਮਰੀਜਾਂ ਦੀਆਂ ਅੱਖਾਂ ਦਾ ਮੁਫ਼ਤ ਇਲਾਜ ਕਰਨ ਬਦਲੇ ਡਾ. ਦੀਪਕ ਗੁਪਤਾ ਫ਼ੋਰਟਿਸ ਹਸਪਤਾਲ ਲੁਧਿਆਣਾ ਨੂੰ ''ਡਾ. ਬੀ. ਸੀ. ਰਾਏ ਯਾਦਗਾਰੀ ਪੁਰਸਕਾਰ'', ਖੇਡਾਂ ਵਿਚ ਖਿਡਾਰੀਆਂ ਨੂੰ ਕੌਮਾਂਤਰੀ ਪੱਧਰ ਤੱਕ ਪਹੁੰਚਾਉਣ ਬਦਲੇ ਅਧਿਆਪਕ ਕਿਰਪਾਲ ਸਿੰਘ ਮੁੱਖ ਅਧਿਆਪਕ ਸਰਕਾਰੀ ਹਾਈ ਸਕੂਲ ਲੱਕਡ਼ ਬਜਾਰ ਲੁਧਿਆਣਾ ਨੂੰ ''ਅਮਰਜੀਤ ਸਿੰਘ ਕਾਹਲੋਂ ਯਾਦਗਾਰੀ ਪੁਰਸਕਾਰ'' ਨਾਲ, ਸਮਾਜ ਦੀਆਂ ਗਲਤ ਕਦਰਾਂ ਕੀਮਤਾਂ ਵਿਰੁੱਧ ਟੱਕਰ ਲੈਣ ਬਦਲੇ ਮਿਸ ਰਾਜਵੰਤ ਜੋ ਕਿ ਤੇਜਾਬੀ ਹਮਲੇ ਦਾ ਸ਼ਿਕਾਰ ਹੋਈ ਹੈ, ਨੂੰ ''ਡਾ. ਬੀ. ਆਰ. ਅੰਬੇਦਕਰ ਯਾਦਗਾਰੀ ਪੁਰਸਕਾਰ'', ਮਰੀਜ਼ਾਂ ਦੀ ਈਮਾਨਦਾਰੀ ਅਤੇ ਲਗਨ ਨਾਲ ਸੇਵਾ ਨਿਭਾਉਣ ਬਦਲੇ ਸ੍ਰੀਮਤੀ ਕੁਲਦੀਪ ਸੈਣੀ ਸਟਾਫ਼ ਨਰਸ ਸਿਵਲ ਹਸਪਤਾਲ ਲੁਧਿਆਣਾ ਨੂੰ '' ਨਾਈਟਿੰਗੇਲ ਯਾਦਗਾਰੀ ਪੁਰਸਕਾਰ'' ਨਾਲ ਜਦੋਂ ਕਿ ਸਫ਼ਲ ਸਕੂਲ ਪ੍ਰਬੰਧ ਲਈ ਅਧਿਆਪਕ ਸਦਾਗਰ ਸਿੰਘ ਸਰਾਭਾ ਸਰਕਾਰੀ ਮਿਡਲ ਸਕੂਲ ਗਿਆਸਪੁਰਾ ਨੂੰ ''ਸਫ਼ਲ ਪ੍ਰਬੰਧਕ ਪੁਰਸਕਾਰ'' ਦੇ ਕੇ ਨਿਵਾਜਿਆ ਗਿਆ। ਇਸ ਮੋਕੇ ਸ੍ਰੀ ਭੰਡਾਰੀ, ਸ੍ਰੀ ਨੱਥੋਵਾਲ, ਸ੍ਰੀ ਇਯਾਲੀ ਅਤੇ ਸ੍ਰੀਮਤੀ ਚਾਹਲ ਨੇ ਕਿਹਾ ਕਿ ਉਪ ਸ਼ਖਸੀਅਤਾਂ ਨੂੰ ਉਕਤ ਪੁਰਸਕਾਰ ਦੇ ਕੇ ਅਸੀਂ ਮਾਣ ਮਹਿਸੂਸ ਕਰ ਰਹੇ ਹਾਂ। ਜਦੋਂ ਕਿ ਇਸ ਮੋਕੇ ਕਮੇਟੀ ਦੇ ਪ੍ਰਧਾਨ ਬਲਜੀਤ ਸਿੰਘ ਸਰਾਭਾ ਅਤੇ ਜਿਲਾ ਲੋਕ ਅਦਾਲਤ ਮੈਬਰ ਸੁਖਦੇਵ ਸਿੰਘ ਨੇ ਕਿਹਾ ਕਿ ਪੁਰਸਕਾਰ ਪ੍ਰਾਪਤ ਕਰਨ ਵਾਲੀਆ ਉਕਤ ਸ਼ਖਸੀਅਤਾਂ ਸਮਾਜ ਲਈ ਪ੍ਰੇਰਨਾ ਸਰੋਤ ਹਨ। ਇਸ ਮੋਕੇ ਚੇਅਰਮੈਨ ਨੇਤਰ ਸਿੰਘ ਇਯਾਲੀ, ਸਰਪੰਚ ਪ੍ਰਗਟ ਸਿੰਘ ਇਯਾਲੀ, ਕੌਸਲਰ ਹੇਮ ਰਾਜ ਅਗਰਵਾਲ, ਮਹਾਰਾਜ ਸਿੰਘ ਰਾਜੀ, ਕੁਲਭੂਸ਼ਨ ਸ਼ਰਮਾ,ਇੰਜੀਨੀਅਰ ਸੁਖਦੀਪ ਦੀਪੂ, ਚਰਨਜੀਤ ਕੋਰ ਸਰਾਭਾ, ਬਿੱਨੀ ਕਾਹਲੋਂ, ਕੁਲਦੀਪ ਸਿੰਘ, ਵਰਿੰਦਰ ਸਿੰਘ, ਸੀਨੀਅਰ ਭਾਜਪਾ ਆਗੂ ਸੁਨੀਲ ਮੋਦਗਿੱਲ, ਮੁੱਖ ਅਧਿਆਪਕਾ ਮਨਜੀਤ ਕੌਰ, ਜੋਤਿਸ਼ ਵਿਗਿਆਨੀ ਸੁਖਮਿੰਦਰ ਸਿੰਘ, ਸਮਾਜ ਸੇਵਕ ਸੁਭਾਸ ਬੱਸੀ, ਖੇਡ ਅਫ਼ਸਰ ਅਜੀਤਪਾਲ ਸਿੰਘ, ਅਮਰਜੀਤ ਕੌਰ ਮਾਰਕੀਟਿੰਗ ਅਫ਼ਸਰ ਫ਼ੋਰਟਿਸ ਹਸਪਤਾਲ, ਮੁਲਾਜਮ ਆਗੂ ਵਿਜੈ ਕੁਮਾਰ, ਕਮਲਜੀਤ ਸਰਾਭਾ, ਰਣਵੀਰ ਸਿੰਘ, ਦਵਿੰਦਰ ਸਿੰਘ, ਅਤੇ ਮੁੱਖ ਅਧਿਆਪਕ ਮੰਜਨਾ ਰਾਣੀ ਸਮੇਤ ਸ਼ਹਿਰ ਦੀਆਂ ਹੋਰ ਸ਼ਖਸੀਅਤਾ ਵੀ ਹਾਜਰ ਸਨ। ਇਸ ਮੋਕੇ ਸੁਵਾਮੀ ਸੁਖਪਾਲ ਹੈਬੋਵਾਲ ਨੇ ਸਭ ਤੋਂ ਪਹਿਲਾਂ ਪ੍ਰੋਗਰਾਮ ਦੀ ਸ਼ੁਰੂਆਤੀ ਲਈ ਸ਼ਮਾ ਰੋਸ਼ਨ ਕੀਤੀ।

ਚਡ਼੍ਹਤ ਪੰਜਾਬ ਦੀ

ਸ. ਆਤਮਾ ਸਿੰਘ ਸਾਗਰ ਅਕੈਡਮੀ ਵਲੋਂ ਵਿਸ਼ਵਕਰਮਾ ਦਿਵਸ ਤੇ ਉਘੀਆਂ ਸ਼ਖਸ਼ੀਅਤਾਂ ਨੂੰ ਕੀਤਾ ਸਨਮਾਨਿਤ।
*ਮੇਅਰ ਗੋਹਲਵਡ਼ੀਆ ਨੇ ਕੀਤੀ ਸ਼ਿਰਕਤ


ਲੁਧਿਆਣਾ, 15 ਨਵੰਬਰ    (ਬਿਓੂਰੋ) : ਰਾਮਗਡ਼ੀਆ ਬਰਦਰਹੁਡ (ਰਜਿ:) ਅਤੇ ਲੁਧਿਆਣਾ ਮਸ਼ੀਨ ਟੂਲ ਐਸੋਸੀਏਸ਼ਨ ਵਲੋਂ ਰਾਹੋਂ ਰੋਡ ਪਿੰਡ ਮੇਹਰਬਾਨ ਵਿਖੇ ਐਤਵਾਰ ਵਾਲੇ ਦਿਨ ਬਾਬਾ ਵਿਸ਼ਵਕਰਮਾ ਦਿਵਸ ਮਨਾਇਆ ਗਿਆ।  ਸ. ਆਤਮਾ ਸਿੰਘ ਸਾਗਰ ਅਕੈਡਮੀ ਦੇ ਵਿਚ ਪਡ਼ਦੇ ਬੱਚੇ ਅਤੇ ਉਨਾਂ ਦੇ ਮਾਪਿਆਂ ਨੇ ਵੀ ਵਿਸ਼ੇਸ਼ ਤੋਰ ਤੇ ਹਾਜ਼ਰੀ ਲਵਾਈ । ਅਕੈਡਮੀ ਦੇ ਸਮੂਹ ਸਟਾਫ ਅਤੇ ਉਪਸਿਥਤ ਮੈਂਬਰਾਂ ਨੇ ।ਮੇਅਰ ਹਰਚਰਨ ਸਿੰਘ ਗੋਹਲਵਡ਼ੀਆ ਨੂੰ  ਸਮਾਗਮ ਵਿਚ ਆਉਣ ਤੇ ਜੀ ਆਇਆਂ ਕਿਹਾ।  ਲੁਧਿਆਣਾ ਮਸ਼ੀਨ ਟੂਲ ਐਸੋਸੀਏਸ਼ਨ ਦੇ ਚੇਅਰਮੈਨ ਅਤੇ ਅਕੈਡਮੀ ਦੇ ਡਾਇਰੈਕਟਰ ਕਿਰਪਾਲ ਸਿੰਘ ਸਾਗਰ ਨੇ ਇਸ ਮੋਕੇ ਬੋਲਦਿਆਂ ਕਿਹਾ ਕਿ ਸ਼ਿਲਪਕਲਾ ਦੇ ਬਾਨੀ ਬਾਬਾ ਵਿਸ਼ਵਕਰਮਾ ਨੂੰ ਸਪਰਪਿਤ ਇਹ ਦਿਹਾਡ਼ਾ ਬਡ਼ੀ ਅਹਿਮੀਅਤ ਰੱਖਦਾ ਹੈ। ਬਾਬਾ ਵਿਸ਼ਵਕਰਮਾ ਨੇ ਉਦਯੋਗ ਸਥਾਪਿਤ ਕਰਨ ਵਾਸਤੇ ਅੋਜਾਰਾਂ ਅਤੇ ਮਸ਼ੀਨਾਂ ਦੀ ਤਕਨੀਕ ਇਸ ਦੁਨੀਆ ਨੂੰ ਦਿਤੀ। ਇਸੇ ਤਕਨੀਕ ਦੇ ਸਹਾਰੇ ਅੱਜ ਨਵੇਂ ਨਵੇਂ ਅੋਜਾਰ ਬਣਕੇ ਤਿਆਰ ਹੋ ਰਹੇ ਹਨ ਅਤੇ ਤਕਨੀਕ ਦੀ ਅਪਗਰੇਡੇਸ਼ਨ ਵੀ ਬਾਬਾ ਵਿਸ਼ਵਕਰਮਾ ਦੇ ਆਸਰੇ ਨਾਲ ਹੀ ਹੋ ਰਹੀ ਹੈ। ਇਸ ਮੌਕੇ  ਮੇਅਰ ਹਰਚਰਨ ਸਿੰਘ ਗੋਹਲਵਡ਼ੀਆ ਨੇ ਕਿਹਾ ਕਿ ਜਿਸ ਮੇਜ਼, ਕੁਰਸੀ, ਟੇਬਲ ਅਤੇ ਲੇਕਚਰ ਸਟੈਂਡ ਤੇ ਅੱਜ ਇਹ ਸਾਰਾ ਸਮਾਗਮ ਹੋ ਰਿਹਾ ਹੈ, ਇਹ ਸਭ ਕੁਝ ਦੇਖ ਕੇ ਬਾਬਾ ਵਿਸ਼ਵਕਰਮਾ ਦਾ ਧਿਆਨ ਆਉਂਦਾ ਹੈ ਕਿ ਜਿਨੀ ਵੀ ਸ਼ਿਲਪਕਲਾ ਦੇ ਬਾਨੀ ਦੀ ਉਸਤਤ ਕਰੀ ਜਾਵੇ, ਉਨੀ ਹੀ ਥੋਡ਼ੀ ਹੈ। ਇਸ ਸਮਾਗਮ ਵਿਚ ਸ਼ਹਿਰ ਦੀਆਂ ਪ੍ਰਮੁਖ ਸਖਸ਼ੀਅਤਾਂ ਜਿਨਾਂ ਵਿਚ ਯੂ ਸੀ ਪੀ ਐਮ ਏ ਦੇ ਪ੍ਰਧਾਨ ਚਰਨਜੀਤ ਸਿੰਘ ਵਿਸ਼ਵਕਰਮਾ, ਰਾਮਗਡ਼ੀਆ ਬਰਦਰਹੁਡ ਦੇ ਫਾਉਂਡਰ ਨਰਿੰਦਰ ਸਿੰਘ ਮਠਾਡ਼ੂ, ਪੰਜਾਬ ਪਲਾਈਵੂਡ ਐਸੋਸੀਏਸ਼ਨ ਦੇ ਪ੍ਰਧਾਨ ਇੰਦਰਜੀਤ ਸਿੰਘ ਸੋਹਲ, ਪਨੇਸਰ ਮਕੈਨੀਕਲ ਵਰਕਸ ਗੋਬਿੰਦਗਡ਼ ਦੇ ਜਸਵੰਤ ਸਿੰਘ ਪਨੇਸਰ, ਕੇ ਡਬਲਯੂ ਇੰਜੀਨਿਅਰਿੰਗ ਵਰਕਸ ਦੇ ਅੇਮ ਡੀ ਸ਼੍ਰੀਮਤੀ ਭੁਪਿੰਦਰ ਕੋਰ ਅਤੇ ਡਾ. ਗੁਰਦੀਪ ਕੋਰ ਸਾਗਰ ਨੂੰ ਮੇਅਰ ਨੇ ਵਿਸ਼ਵਕਰਮਾ ਅਨਮੋਲ ਰਤਨ ਅਵਾਰਡ ਨਾਲ ਸਨਮਾਨਤ ਕੀਤਾ । ਸਕੂਲ ਦੇ ਪ੍ਰਬੰਧਕਾਂ ਵਲੋਂ ਗਰੀਬ, ਲੋਡ਼ਵੰਦ ਅਤੇ ਪਡ਼ਾਈ ਵਿਚ ਅੱਵਲ ਆਉਣ ਵਾਲੇ ਬੱਚਿਆਂ ਨੂੰ ਸਾਈਕਲਾਂ ਵੰਡੀਆਂ। ਹਾਜ਼ਿਰ ਬੱਚਿਆਂ ਦੇ ਮਾਪਿਆਂ ਨੇ ਸਕੂਲ ਵਲੋਂ ਸਮਾਗਮ ਵਿਚ ਕੀਤੇ ਪ੍ਰਬੰਧਾਂ ਦੀ ਭਾਰੀ ਸਲਾਘਾ ਕੀਤੀ।  ਸਮਾਗਮ ਵਿਚ ਸਮਾਜਿਕ ਗਾਇਕ ਰੀਤੂ ਮਾਨ ਨੇ ਬਾਬਾ ਵਿਸ਼ਵਕਰਮਾ ਦੀ ਉਸਤਤੀ ਵਿਚ ਗੀਤ ਗਾਇਆ।  ਗਾਇਕ ਕੇ ਦੀਪ ਨੇ ਪੰਜਾਬੀ ਗੀਤ ਗਾ ਕੇ ਸਰੋਤਿਆਂ ਨੂੰ ਨਿਹਾਲ ਕੀਤਾ। ਇਸ  ਮੌਕੇ ਸਕੂਲ ਦੀ ਪ੍ਰਿੰਸੀਪਲ ਮਿਸਜ ਰੇਖਾ ਬੱਗਾ ਨੇ ਵੀ ਬੱਚਿਆਂ ਅਤੇ ਉਨਾਂ ਦੇ ਮਾਪਿਆਂ ਵਲੋਂ ਸਮਾਗਮ ਵਿਚ ਆਉਣ ਅਤੇ ਸਹਿਯੋਗ ਲਈ ਧੰਨਵਾਦ ਕੀਤਾ।  ਸਮਾਗਮ ਵਿਚ ਗੁਰਦਿਆਲ ਸਿੰਘ ਵੱਸਨ, ਅਮਰਜੀਤ ਸਿੰਘ ਸਾਗਰ, ਇਕਬਾਲ ਸਿੰਘ ਮਠਾਡ਼ੂ, ਉਪਕਾਰ ਸਿੰਘ ਸੱਗੂ, ਦਿਦਾਰ ਸਿੰਘ ਜੱਬਲ, ਤਜਿੰਦਰ ਸਿੰਘ ਵਿਰਦੀ, ਰਣਜੀਤ ਸਿੰਘ ਸੋਹਲ, ਮਨਜੀਤ ਸਿੰਘ ਸੋਹਲ, ਕੁਲਵਿੰਦਰ ਸਿੰਘ ਵਿਰਦੀ, ਮਨਜੀਤ ਸਿੰਘ ਵਿਰਸਨ, ਸੁਰਜੀਤ ਸਿੰਘ ਨੋਤਾ, ਸੁਰਜੀਤ ਸਿੰਘ ਲੋਟੇ, ਪ੍ਰਿੰਸੀਪਲ ਰਾਜਾ ਸਿੰਘ, ਜਸਵੰਤ ਸਿੰਘ ਨਾਗੀ, ਮਨਜੀਤ ਸਿੰਘ ਸੋਹਲ, ਸੁਰਜੀਤ ਸਿੰਘ ਸੋਹਲ, ਜੋਰਾਵਰ ਸਿੰਘ ਸਾਗਰ, ਅਰਬਿੰਦਰ ਸਿੰਘ ਮਠਾਡ਼ੂ, ਸਰੂਪ ਸਿੰਘ ਮਠਾਡ਼ੂ ਅਤੇ ਹੋਰ ਭਾਰੀ ਗਿਣਤੀ ਵਿਚ ਰਾਮਗਡ਼ੀਆ ਬਰਾਦਰੀ ਦੀਆਂ ਪ੍ਰਮੁਖ ਸ਼ਖਸ਼ੀਅਤਾਂ ਹਾਜ਼ਿਰ ਸਨ।

ਚੜ੍ਹਤ ਪੰਜਾਬ ਦੀ

ਖੂਨ ਦੇ ਰਿਸ਼ਤਿਆਂ ਅਤੇ ਪਤੀ-ਪਤਨੀ ਦਰਮਿਆਨ ਜਾਇਦਾਦ ਦੇ ਤਬਾਦਲੇ 'ਤੇ ਰਜਿਸਟਰੇਸ਼ਨ ਫੀਸ ਖਤਮ ਕਰਨ ਨਾਲ ਲਾਭਪਾਤਰੀਆਂ ਨੂੰ ਮਿਲੇਗਾ ਵੱਡਾ ਫਾਇਦਾ
• ਜਾਇਦਾਦ ਦੇ ਕਾਨੂੰਨਨ ਤਬਾਦਲੇ ਲਈ ਪਰਿਵਾਰਾਂ ਨੂੰ ਮਿਲੇਗਾ ਉਤਸ਼ਾਹ-ਜ਼ਿਲਾ ਮਾਲ ਅਫ਼ਸਰ
• ਪੰਜਾਬ ਰੈਵੇਨਿਊ ਆਫ਼ੀਸਰਜ਼ ਐਸੋਸੀਏਸ਼ਨ ਵੱਲੋਂ ਸਵਾਗਤ
ਲੁਧਿਆਣਾ, 12 ਨਵੰਬਰ (ਬਿਓੂਰੋ) : ਪੰਜਾਬ ਸਰਕਾਰ ਵੱਲੋਂ ਵੱਡਾ ਲੋਕ ਪੱਖੀ ਫੈਸਲਾ ਲੈਂਦਿਆਂ ਸ਼ਹਿਰੀ ਅਤੇ ਪੇਂਡੂ ਖੇਤਰਾਂ ਵਿਚ ਪਤੀ-ਪਤਨੀ ਅਤੇ ਖੂਨ ਦੇ ਰਿਸ਼ਤਿਆਂ ਦਰਮਿਆਨ ਜਾਇਦਾਦ ਦੇ ਤਬਾਦਲੇ ਤੋਂ ਮੁਕੰਮਲ ਰਜਿਸਟਰੇਸ਼ਨ ਫੀਸ ਤੁਰੰਤ ਪ੍ਰਭਾਵ ਨਾਲ ਖਤਮ ਕਰਨ ਨਾਲ ਰਾਜ ਦੇ ਅਜਿਹੇ ਹਜ਼ਾਰਾਂ ਲਾਭਪਾਤਰੀਆਂ ਨੂੰ ਇਕ ਵੱਡੀ ਰਾਹਤ ਤਾਂ ਮਿਲੇਗੀ ਹੀ ਸਗੋਂ ਇਸ ਨਾਲ ਜਾਇਦਾਦ ਦੇ ਕਾਰੋਬਾਰ ਵਿੱਚ ਵੀ ਤੇਜ਼ੀ ਆਉਣ ਦੀ ਸੰਭਾਵਨਾ ਹੈ।
ਇਹ ਜਾਣਕਾਰੀ ਜ਼ਿਲਾ ਮਾਲ ਅਫ਼ਸਰ ਸ੍ਰੀ ਮੁਕੇਸ਼ ਕੁਮਾਰ ਨੇ ਦਿੰਦਿਆਂ ਦੱਸਿਆ ਕਿ ਪਰਿਵਾਰਾਂ ਨੂੰ ਪਤੀ-ਪਤਨੀ ਅਤੇ ਖੂਨ ਦੇ ਰਿਸ਼ਤਿਆਂ ਜਿਵੇਂਕਿ ਪੁੱਤਰ-ਧੀ, ਪਿਤਾ-ਮਾਤਾ, ਭੈਣ –ਭਰਾ ਅਤੇ ਪੋਤਰੀ-ਪੋਤਰੇ ਦਰਮਿਆਨ ਜਾਇਦਾਦ ਦੇ ਕਾਨੂੰਨਨ ਤਬਾਦਲੇ ਲਈ ਪਰਿਵਾਰਾਂ ਨੂੰ ਉਤਸ਼ਾਹਿਤ ਕਰਨ ਹਿੱਤ ਪੰਜਾਬ ਸਰਕਾਰ ਨੇ ਅਜਿਹੇ ਤਬਾਦਲਿਆਂ ਲਈ ਸਮਾਜਿਕ ਸੁਰੱਖਿਆ ਫੰਡ, ਸਮਾਜਿਕ ਬੁਨਿਆਦੀ ਢਾਂਚਾ ਫੰਡ ਅਤੇ ਅਸਟਾਮ ਡਿਊਟੀ ਨੂੰ ਵੀ ਖਤਮ ਕਰ ਦਿੱਤਾ ਹੈ ਅਤੇ ਇਸ ਸਬੰਧੀ ਲੋੜੀਂਦੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤੀ ਗਈ ਹੈ। ਪੰਜਾਬ ਦੇ ਮਾਲ ਮੰਤਰੀ ਸ. ਬਿਕਰਮ ਸਿੰਘ ਮਜੀਠੀਆ ਵੱਲੋਂ ਵਿਸ਼ੇਸ਼ ਰੁਚੀ ਲੈ ਕੇ ਕਰਵਾਇਆ ਗਿਆ ਇਹ ਫੈਸਲਾ ਰਾਜ ਸਰਕਾਰ ਦੇ ਲੋਕਾਂ ਨੂੰ ਜਾਇਦਾਦ ਦੀ ਕਾਨੂੰਨੀ ਰਜਿਸਟਰੇਸ਼ਨ ਵੱਲ ਪ੍ਰੇਰਿਤ ਕਰਨ ਦੀ ਇੱਛਾ ਮੁਤਾਬਿਕ ਕੀਤਾ ਗਿਆ ਹੈ ਤਾਂ ਜੋ ਲੋਕ ਕੋਈ ਹੋਰ ਢੰਗ ਨਾ ਅਪਣਾਉਣ ਜਿਨਾਂ ਕਾਰਨ ਅੱਗੇ ਪਰਿਵਾਰਕ ਵਿਵਾਦ ਪੈਦਾ ਹੋਣ। ਉਹਨਾਂ ਕਿਹਾ ਕਿ ਇਸ ਫੈਸਲੇ ਨਾਲ ਪੰਜਾਬ ਸਰਕਾਰ ਵੱਲੋਂ ਅਜਿਹੇ ਤਬਾਦਲਿਆਂ ਮੌਕੇ ਇਕ ਵੀ ਪੈਸਾ ਖਰਚ ਨਾ ਹੋਣ ਦੇਣ ਦੇ ਵਾਅਦੇ ਨੂੰ ਪੂਰਾ ਕੀਤਾ ਗਿਆ ਹੈ। ਸ੍ਰ. ਬਿਕਰਮ ਸਿੰਘ ਮਜੀਠੀਆ ਪਿਛਲੇ ਤਿੰਨ ਸਾਲਾਂ ਤੋਂ ਮਾਲ ਕਾਨੂੰਨਾਂ ਦੇ ਸਰਲੀਕਰਨ, ਕਾਨੂੰਨੀ ਵਿਵਾਦਾਂ ਨੂੰ ਘਟਾਉਣ ਤੋਂ ਇਲਾਵਾ ਲੋਕਾਂ ਨੂੰ ਪਰਿਵਾਰ ਅੰਦਰ ਜਾਇਦਾਦ ਦੇ ਕਾਨੂੰਨਨ ਤਬਾਦਲੇ ਲਈ ਉਤਸ਼ਾਹਿਤ ਕਰਨ ਲਈ ਯਤਨ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਰਜਿਸਟਰੇਸ਼ਨ ਅਤੇ ਅਸਟਾਮ ਫੀਸ ਕਾਰਨ ਲੋਕ ਖੂਨ ਦੇ ਰਿਸ਼ਤਿਆਂ ਦੌਰਾਨ ਜਾਇਦਾਦ ਦੇ ਕਾਨੂੰਨੀ ਤਬਾਦਲੇ ਤੋਂ ਟਾਲਾ ਵੱਟਦੇ ਸਨ ਅਤੇ ਨਤੀਜਨ ਪਰਿਵਾਰਾਂ ਵਿੱਚ ਵਿਵਾਦ ਪੈਦਾ ਹੁੰਦੇ ਸਨ।
ਪੰਜਾਬ ਰੈਵੇਨਿਊ ਆਫ਼ੀਸਰਜ਼ ਐਸੋਸੀਏਸ਼ਨ ਵੱਲੋਂ ਸਵਾਗਤ
ਪੰਜਾਬ ਸਰਕਾਰ ਵੱਲੋਂ ਆਮ ਲੋਕਾਂ ਨੂੰ ਜਾਇਦਾਦ ਦੀ ਤਬਦੀਲੀ ਸੰਬੰਧੀ ਦਿੱਤੀ ਭਾਰੀ ਰਿਆਇਤ ਦੇ ਫੈਸਲੇ ਦਾ ਪੰਜਾਬ ਰੈਵੇਨਿਊ ਆਫ਼ੀਸਰਜ਼ ਐਸੋਸੀਏਸ਼ਨ ਨੇ ਭਾਰੀ ਸਵਾਗਤ ਕੀਤਾ ਹੈ। ਇਸ ਸੰਬੰਧੀ ਪੰਜਾਬ ਸਰਕਾਰ ਅਤੇ ਮਾਲ ਮੰਤਰੀ ਸ੍ਰ. ਬਿਕਰਮ ਸਿੰਘ ਮਜੀਠੀਆ ਦਾ ਧੰਨਵਾਦ ਕਰਦਿਆਂ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰ. ਕੰਵਰ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਫੈਸਲੇ ਨਾਲ ਆਮ ਲੋਕਾਂ ਨੂੰ ਵੱਡਾ ਫਾਇਦਾ ਮਿਲੇਗਾ ਅਤੇ ਪਰਿਵਾਰਕ ਝਗੜਿਆਂ ਦੇ ਕਾਨੂੰਨੀ ਖਾਤਮੇ ਵੱਲ ਕਦਮ ਅੱਗੇ ਵਧਣਗੇ।

ਅੱਖਾਂਦਾਨ ਕਰਨ ਵਿੱਚ ਪੰਜਾਬ ਦੇਸ਼ ਚੋਂ ਮੋਹਰੀ-ਡਾ. ਰਮੇਸ਼

ਸੂਫੀ ਗਾਇਕ ਵੱਲੋਂ ਹਰੇਕ ਸਟੇਜ ਤੋਂ ਅੱਖਾਂਦਾਨ ਕਰਨ ਦਾ ਹੋਕਾ ਦੇਣ ਦਾ ਭਰੋਸਾ

ਲੁਧਿਆਣਾ, 5 ਨਵੰਬਰ (ਬਿਓੂਰੋ) : ਲੋਕਾਂ ਵਿੱਚ ਅੱਖਾਂ ਰੂਪੀ ਚਾਨਣ ਵੰਡ ਰਹੀ ਸਥਾਨਕ ਬੀਆਰਐਸ ਨਗਰ ਵਿਖੇ ਸਥਿੱਤ ਪੁਨਰਜੋਤ ਆਈ ਬੈਂਕ ਸੁਸਾਇਟੀ ਰਜਿ. ਦਾ ਅੱਖਾਂਦਾਨ ਕਰਨ ਦਾ ਸੰਦੇਸ਼ ਦਿੰਦਾ 'ਪੁਨਰਜੋਤ ਗੁਲਦਸਤਾ' ਮੈਗਜ਼ੀਨ ਅੱਜ ਸੂਫੀ ਗਾਇਕ ਕਨਵਰ ਗਰੇਵਾਲ ਨੇ ਰਿਲੀਜ਼ ਕੀਤਾ। ਸੁਸਾਇਟੀ ਦੇ ਇੰਚਾਰਜ਼ ਸਟੇਟ ਐਵਾਰਡੀ ਡਾ. ਰਮੇਸ਼ ਨੇ ਇਸ ਮੌਕੇ ਕਰਵਾਏ ਇੱਕ ਸਾਦੇ ਸਮਾਗਮ ਵਿੱਚ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਅੱਖਾਂਦਾਨ ਕਰਨ ਵਿੱਚ ਦੇਸ਼ ਦਾ ਮੋਹਰੀ ਸੂਬਾ ਬਣ ਗਿਆ ਹੈ। ਪੰਜਾਬ ਵਿੱਚ 10 ਲੱਖ ਵਿਅਕਤੀਆਂ ਨੂੰ ਅੱਖਾਂ ਲਾਈਆਂ ਜਾ ਚੁੱਕੀਆਂ ਹਨ। ਪੰਜਾਬੀਆਂ ਅੰਦਰ ਜਾਗਰੂਕਤਾ ਆਉਂਣ ਨਾਲ ਪੰਜਾਬ ਵਿੱਚ ਅੱਜ ਅੱਖਾਂਦਾਨ ਦੀ ਕਰਨ ਦੀ ਸੰਖਿਆ ਵਧ ਗਈ ਹੈ ਜਦੋਂ ਕਿ ਲੈਣ ਵਾਲਿਆਂ ਦੀ ਗਿਣਤੀ ਘੱਟ ਹੈ। ਹੁਣ ਪੰਜਾਬ ਵਿੱਚੋਂ ਅੱਖਾਂ ਬਾਕੀ ਦੇਸ਼ ਨੂੰ ਭੇਜੀਆਂ ਜਾ ਰਹੀਆਂ ਹਨ। ਉਹਨਾਂ ਪੱਤਰਕਾਰਾਂ ਨੂੰ ਵੀ ਅੱਖਾਂਦਾਨ ਕਰਨ ਬਾਰੇ ਲੋਕਾਂ ਨੂੰ ਹੋਕਾ ਦੇਣ ਦੀ ਅਪੀਲ ਕੀਤੀ।
ਮੈਗਜ਼ੀਨ ਰਿਲੀਜ਼ ਕਰਨ ਆਏ ਸੂਫੀ ਗਾਇਕ ਕਨਵਰ ਗਰੇਵਾਲ ਨੇ ਡਾ. ਰਮੇਸ਼ ਦੀਆਂ ਸਮਾਜ ਪ੍ਰਤੀ ਕੀਤੀਆਂ ਜਾ ਰਹੀਆਂ ਸੇਵਾਵਾਂ ਤੋਂ ਪ੍ਰਭਾਵਿਤ ਹੁੰਦਿਆਂ ਮਰਨ ਉਪਰੰਤ ਅੱਖਾਂਦਾਨ ਕਰਨ ਦਾ ਪ੍ਰਣ ਕੀਤਾ। ਉਹਨਾਂ ਕਿਹਾ ਕਿ ਉਹ ਆਪਣੀ ਹਰੇਕ ਸਟੇਜ਼ ਤੋਂ ਲੋਕਾਂ ਨੂੰ ਅੱਖਾਂਦਾਨ ਕਰਨ ਲਈ ਪ੍ਰੇਰਿਤ ਕਰਨਗੇ। ਇਸ ਮੌਕੇ ਉਹਨਾਂ ਆਪਣੇ ਗੀਤ ਦੀਆਂ ਦੋ ਲਾਈਨਾਂ ਗਾ ਕੇ ਲੋਕਾਂ ਨੂੰ ਮਾਨਵਤਾ ਸੇਵਾ ਵਿੱਚ ਲੱਗਣ ਦਾ ਹੋਕਾ ਵੀ ਦਿੱਤਾ।
ਇਸ ਮੌਕੇ ਕੌਂਸਲਰ ਅੰਮ੍ਰਿਤਪਾਲ ਸਿੰਘ, ਸਾਬਕਾ ਮੇਅਰ ਹੰਸਲੋ ਲੰਡਨ ਅਤੇ ਉਹਨਾਂ ਦੀ ਪਤਨੀ ਤੋਂ ਇਲਾਵਾ ਸੁਸਾਇਟੀ ਦੇ ਸਕੱਤਰ ਸੁਭਾਸ਼ ਮਲਿਕ, ਮਨਜੀਤ ਸਿੰਘ ਮਹਿਰਮ, ਰਣਜੀਤ ਝੁਨੇਰ, ਪੁਨਰਜੋਤ ਫਗਵਾੜਾ ਦੇ ਕੋ-ਆਰਡੀਨੇਟਰ ਅਸ਼ੋਕ ਮਹਿਰਾ, ਮੀਡੀਆ ਇੰਚਾਰਜ਼ ਜਤਿੰਦਰ ਸਿੰਘ ਪਮਾਲ, ਜਸਵਿੰਦਰ ਕੁਮਾਰ ਮੈਨੇਜ਼ਰ, ਲਖਵੀਰ ਸਿੰਘ ਲੱਕੀ ਅਤੇ ਗੁਰਨਾਮ ਸਿੰਘ ਆਦਿ ਹਾਜ਼ਿਰ ਸਨ।

ਜਥੇਦਾਰ ਬਲਵੰਤ ਸਿੰਘ ਨੰਦਗੜ ਨੇ ਕੀਤਾ ਵਿਧਾਇਕ ਬੈਂਸ ਭਰਾਵਾਂ ਦਾ ਸਨਮਾਨ

ਲੁਧਿਆਣਾ 3 ਨਵੰਬਰ (ਬਿਓੂਰੋ) :ਟੀਮ ਇਨਸਾਫ ਦੇ ਮੁਖੀ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਤੇ ਵਿਧਾਇਕ ਬਲਵਿੰਦਰ ਸਿੰਘ ਬੈਂਸ ਜੋ ਕਿ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਵਿਰੋਧ ਵਿੱਚ ਕਈ ਦਿਨ ਜੇਲ ਰਹਿ ਕੇ ਆਏ ਹਨ, ਉਹਨਾਂ ਦੇ ਕੋਟ ਮੰਗਲ ਸਿੰਘ ਸਥਿਤ ਗ੍ਰਹਿ ਵਿਖੇ ਪਹੁੰਚ ਕੇ ਅੱਜ ਸਿੰਘ ਸਾਹਿਬ ਜਥੇਦਾਰ ਬਲਵੰਤ ਸਿੰਘ ਨੰਦਗੜ ਨੇ ਜੋ ਕਿ ਸ਼੍ਰੀ ਦਮਦਮਾ ਸਾਹਿਬ ਦੇ ਸਾਬਕਾ ਜਥੇਦਾਰ ਹਨ, ਬੈਂਸ ਭਰਾਵਾਂ ਦਾ ਸਨਮਾਨ ਕੀਤਾ।ਇਸ ਮੋਕੇ ਬੈਂਸ ਭਰਾਵਾਂ ਨੇ ਕਿਹਾ ਕਿ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਤੇ ਨਿਰਦੋਸ਼ਾਂ ਉੱਤੇ ਕੀਤੇ ਗਏ ਤਸ਼ੱਦਦ ਦੇ ਖਿਲਾਫ ਅਵਾਜ ਬੁਲੰਦ ਕਰ ਕੇ ਉਹਨਾਂ ਨੇ ਸਿਰਫ ਆਪਣਾ ਫਰਜ ਨਿਭਾਇਆ ਹੈ ਤੇ ਅਸਲ ਦੋਸ਼ੀਆਂ ਦੀ ਗ੍ਰਿਫਤਾਰੀ ਤੱਕ ਉਹ ਇਸ ਸ਼ਾਂਤਮਈ ਸੰਘਰਸ਼ ਨੂੰ ਜਾਰੀ ਰੱਖਣਗੇ ਤੇ ਇਸ ਲਈ ਉਹਨਾਂ ਨੂੰ ਸਰਕਾਰ ਦੇ ਝੂਠੇ ਪਰਚੇ ਤੇ ਜੇਲਾਂ ਨਹੀਂ ਰੋਕ ਸਕਦੀਆਂ।ਇਸ ਮੋਕੇ ਪ੍ਰਦੀਪ ਗੋਗੀ ਸ਼ਰਮਾ,ਕੋਂਸਲਰ ਪਰਮਿੰਦਰ ਸਿੰਘ ਸੋਮਾ,ਗੁਰਵਿੰਦਰ ਸਿੰਘ ਮੱਕੜ,ਬਲਦੇਵ ਸਿੰਘ ਸਵੱਦੀ ਆਦਿ ਹਾਜ਼ਿਰ ਸਨ।

ਚੜ੍ਹਤ ਪੰਜਾਬ ਦੀ
ਪਿੰਡ ਸੰਗੋਵਾਲ ਵਿਖੇ ਸੰਤ ਬਾਬਾ ਦਰਸ਼ਨ ਸਿੰਘ ਢੱਕੀ ਵਾਲਿਆਂ ਦੇ ਧਾਰਮਿਕ ਦੀਵਾਨ ਅੱਜ ਤੋਂ

ਲੁਧਿਆਣਾ, 30 ਅਕਤੂਬਰ (ਬਿਓੂਰੋ) : ਇਲਾਕੇ ਦੀਆਂ ਸਮੂਹ ਸੰਗਤਾਂ ਵੱਲੋਂ ਸੁਆਮੀ ਸੰਤ ਦਰਬਾਰਾ ਸਿੰਘ ਲੋਪੋਂ ਵਾਲਿਆਂ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਧਾਰਮਿਕ ਸਮਾਗਮ ਅਤੇ ਦੀਵਾਨ ਪਿੰਡ ਸੰਗੋਵਾਲ ਨੇੜੇ ਲੁਧਿਆਣਾ ਵਿਖੇ 31 ਅਕਤੂਬਰ ਅਤੇ 1 ਨਵੰਬਰ ਨੂੰ ਸੰਤ ਬਾਬਾ ਦਰਸ਼ਨ ਸਿੰਘ ਜੀ ਖਾਲਸਾ ਤਪੋਬਣ ਢੱਕੀ ਸਾਹਿਬ ਮਕਸੂਦੜਾ ਦੇ ਲੱਗਣਗੇ। ਇਹ ਧਾਰਮਿਕ ਦੀਵਾਨ ਸ਼ਾਮ 7 ਵਜੇ ਤੋਂ ਰਾਤ 10 ਵਜੇ ਤੱਕ ਲੱਗਣਗੇ। ਇਹਨਾਂ ਧਾਰਮਿਕ ਦੀਵਾਨਾਂ ਵਿੱਚ ਪਿੰਡ ਸੰਗੋਵਾਲ, ਖਾਨਪੁਰ , ਡੰਗੋਰੇ, ਜਰਖੜ, ਡਾਬਾਅਤੇ ਹੋਰ ਇਲਾਕੇ ਦੀਆਂ ਸੰਗਤਾਂ ਵੱਡੀ ਗਿਣਤੀ ਵਿੱਚ ਪੁੱਜਣਗੀਆਂ।ਪ੍ਰਬੰਧਕ ਸਰਿੰਦਰ ਸਿੰਘ ਨੇ ਦੱਸਿਆ ਕਿ ਸੰਤ ਬਾਬਾ ਦਰਸ਼ਨ ਸਿੰਘ ਢੱਕੀ ਸਾਹਿਬ ਵਾਲਿਆਂ ਜੀ ਵੱਲੋਂ ਜਿਥੇ ਕੀਰਤਨ ਵਖਿਆਨ ਰਾਂਹੀ ਸੰਗਤਾਂ ਨੂੰ ਨਿਹਾਲ ਕੀਤਾ ਜਾਵੇਗਾ ਉਥੇ ਸਮੂਹ ਸੰਗਤਾਂ ਵੱਲੋਂ ਸਰਬੱਤ ਦੇ ਭਲੇ ਲਈ ਅਤੇ ਪੰਜਾਬ ਦੀ ਸੁੱਖ ਸ਼ਾਂਤੀ ਲਈ ਅਰਦਾਸ ਵੀ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਇਸ ਸਮਾਗਮ ਵਿੱਚ ਕਈ ਹੋਰ ਕੀਰਤਨੀਏ ਜੱਥੇ ਸੰਗਤਾਂ ਨੁੰ ਗੁਰੂ ਦੇ ਜਸ ਨਾਲ ਨਿਹਾਲ ਕਰਨਗੇ। ਇਸ ਮੌਕੇ ਸੰਗਤਾਂ ਲਈ ਗੁਰੂ ਕਾ ਲੰਗਰ ਅਤੁੱਟ ਵਰਤੇਗਾ।ਇਸ ਸਮਾਗਮ ਦਾ ਢੱਕੀ ਸਾਹਿਬ ਡਾਟ ਟੀ.ਵੀ. ਚੈਨਲ ਤੋਂ ਸਿੱਧਾ ਪ੍ਰਸਾਰਣ ਹੋਵੇਗਾ।

ਬੈਂਸ ਭਰਾਵਾਂ ਦੇ ਵਕੀਲ ਨੇ ਏ.ਡੀ.ਸੀ.ਪੀ. ਕੋਲ ਲਗਾਈ ਜਮਾਨਤ

ਹਾਈਕੋਰਟ ਦੇ ਫੈਸਲੇ ਮੁਤਾਬਿਕ ਸਬੰਧਿਤ ਅਦਾਲਤ ਨੂੰ ਦੋ ਦਿਨਾਂ ਵਿੱਚ ਦੇਣਾ ਹੋਵੇਗਾ ਫੈਸਲਾ

ਲੁਧਿਆਣਾ 29 ਅਕਤੂਬਰ ( ਸਤ ਪਾਲ ਸੋਨੀ ) : ਅਜਾਦ ਵਿਧਾਇਕ ਬੈਂਸ ਭਰਾ ਤੇ ਉਹਨਾਂ ਦੇ ਸਾਥੀਆਂ ਦੀ ਜਮਾਨਤ ਲਈ ਹਾਈਕੋਰਟ ਦੀ ਸੁਣਵਾਈ ਜਿਸ ਵਿੱਚ ਮਾਣਯੋਗ ਜਸਟਿਸ ਹਾਈਕੋਰਟ ਨੇ ਫੈਸਲਾ ਦਿੱਤਾ ਕਿ ਹੇਠਲੀ ਸਬੰਧਿਤ ਅਦਾਲਤ ਜਿਸ ਕੋਲ ਜਮਾਨਤ ਅਰਜੀ ਲਗਾਈ ਜਾਂਦੀ ਹੈ,ਉਸ ਅਦਾਲਤ ਦੁਆਰਾ 2 ਦਿਨਾਂ ਵਿੱਚ ਇਸ ਉੱਤੇ ਫੈਸਲਾ ਦਿੱਤਾ ਜਾਵੇ ਜਿਸ ਤੋਂ ਬਾਅਦ ਕਰਮਜੀਤ ਸਿੰਘ ਬੈਂਸ ਅੱਜ ਆਪਣੇ ਵਕੀਲ ਨੂੰ ਨਾਲ ਲੈ ਕੇ ਏ.ਡੀ.ਸੀ.ਪੀ. ਕੋਲ ਗਏ ਜਿੱਥੇ ਕਿ ਉਹਨਾਂ ਦੀ ਜਮਾਨਤ ਅਰਜੀ ਨੂੰ ਗੰਭੀਰਤਾ ਨਾਲ ਵਿਚਾਰਿਆ ਨਹੀ ਗਿਆ ਤੇ ਹੁਣ ਪਰਿਵਾਰ ਨੂੰ ਸੈਸ਼ਨ ਕੋਰਟ ਦੇ ਫੈਸਲੇ ਦਾ ਇੰਤਜਾਰ ਕਰਨਾ ਹੋਵੇਗਾ । ।ਇਹ ਜਾਣਕਾਰੀ ਕਰਮਜੀਤ ਬੈਂਸ ਤੇ ਉਹਨਾਂ ਦੇ ਵਕੀਲ ਨੇ ਏ.ਡੀ.ਸੀ.ਪੀ ਨੂੰ ਮਿਲਣ ਤੋਂ ਬਾਅਦ ਦਿੱਤੀ। ਇਸ ਮੋਕੇ ਪਰਮਜੀਤ ਸਿੰਘ ਬੈਂਸ.ਪਰਮਿੰਦਰ ਸਿੰਘ ਸੋਮਾ ਕੋਂਸਲਰ,ਪਵਨਦੀਪ ਮਦਾਨ,ਗੁਰਵਿੰਦਰ ਸਿੰਘ ਮੱਕੜ,ਐਡਵੋਕੇਟ ਜਗਮੋਹਨ ਸਿੰਘ ਵੜੈਚ ਹਾਜਿਰ ਸਨ।

ਵਰਲਡ ਕੈਂਸਰ ਕੇਅਰ ਸੰਸਥਾਂ ਵਲੋਂ ਮੋਹੀ ਵਿਖੇ ਵਿਸਾਲ ਮੈਡੀਕਲ ਕੈਂਪ

ਜੋਧਾਂ, 28 ਅਕਤੂਬਰ (ਬਿਓੂਰੋ) : ਗੁਰਦੁਆਰਾ ਪਾਤਸਾਹੀ ਦਸਵੀਂ ਇਤਿਹਾਸਕ ਪਿੰਡ ਮੋਹੀ ਵਿਖੇ ਵਰਲਡ ਕੈਂਸਰ ਕੇਅਰ ਸੰਸਥਾਂ ਵਲੋਂ ਚਲਾਈ ਜਾ ਰਹੀ ਕੈਂਸਰ ਜਾਂਚ ਲੜੀ ਤਹਿਤ ਵਿਸਾਲ ਮਡੀਕਲ ਕੈਂਪ ਲਗਾਇਆ ਗਿਆ। ਐਨਆਰਆਈ ਦਲਜੀਤ ਸਿੰਘ ਥਿੰਦ ਦੀ ਵਿਸੇਸ ਪ੍ਰਧਾਨਗੀ ਹੇਠ ਲਗਾਏ ਕੈਂਪ ਦੌਰਾਨ ਟੀਮ ਇੰਚਾਰਜ ਡਾਕਟਰ ਕੁਲਜੀਤ ਕੌਰ ਦੀ ਟੀਮ ਡਾਕਟਰ ਹਰਪ੍ਰੀਤ ਸਿੰਘ , ਡਾ: ਰੇਨੂੰ ਬਾਲਾ, ਡਾ: ਜਤਿੰਦਰ ਕੌਰ, ਡਾ: ਅਮਨਪ੍ਰੀਤ ਕੌਰ ਅਤੇ ਡਾਕਟਰ ਮਨਦੀਪ ਕੌਰ ਵਲੋਂ 200 ਦੇ ਕਰੀਬ ਮਰੀਜਾਂ ਦਾ ਮੈਡੀਕਲ ਚੈਕਅੱਪ ਕੀਤਾ ਗਿਆ ਅਤੇ ਮਰੀਜਾਂ ਨੂੰ ਸੰਸਥਾਂ ਵਲੋਂ ਮੌਕੇ ਤੇ ਹੀ ਮੁਫਤ ਦਵਾਈਆਂ ਦਿੱਤੀਆਂ ਗਈਆਂ । ਜਿੱਥੇ ਮਰੀਜਾਂ ਦਾ ਸੂਗਰ ਅਤੇ ਬਲੱਡ ਪਰੈਸਰ ਚੈਕ ਕੀਤਾ ਉਥੇ ਮਰੀਜਾਂ ਦੇ ਬਲੱਡ ਸੈਂਪਲ ਲੈਕੇ ਜਾਂਚ ਲਈ ਭੇਜੇ ਗਏ। ਇਸ ਮੌਕੇ ਡਾਕਟਰ ਕੁਲਜੀਤ ਕੌਰ ਨੇ ਦੱਸਿਆ ਕਿ ਵਰਲਡ ਕੈਂਸਰ ਕੇਅਰ ਟਰੱਸਟ ਹੁਣ ਤੱਕ ਪੂਰੇ ਪੰਜਾਬ ਵਿੱਚ 150 ਦੇ ਕਰੀਬ ਕੈਂਪ ਲਗਾ ਚੁੱਕਾ ਹੈ ਅਤੇ ਇਸ ਤੋਂ ਇਲਾਵਾ ਟਰੱਸਟ ਵਲੋਂ ਲੋਕਾਂ ਨੂੰ ਕੈਂਸਰ ਪ੍ਰਤੀ ਜਾਗਰੂਕ ਕਰਨ ਲਈ ਵੱਖ ਵੱਖ ਗਤੀਵਿਧੀਆਂ ਕਰ ਰਿਹਾ ਹੈ। ਉਨਾਂ ਅੱਗੇ ਦੱਸਿਆ ਕਿ ਇਹ ਟਰੱਸਟ ਅੰਤਰ ਰਾਸਟਰੀ ਸੰਸਥਾਂ ਹੈ ਜੋ ਕਿ ਇੰਗਲੈਂਡ ਤੋਂ ਕੁਲਵੰਤ ਸਿੰਘ ਧਾਲੀਵਾਲ , ਗੁਰਪਾਲ ਸਿੰਘ ਉਪਲ ਵਲੋਂ ਸਮਾਜ ਸੇਵੀਆਂ ਦੇ ਵਿਸੇਸ ਸਹਿਯੋਗ ਨਾਲ ਚਲਾਈ ਜਾ ਰਹੀ ਹੈ । ਇਸ ਮੌਕੇ ਮਾਸਟਰ ਬਲਦੇਵ ਸਿੰਘ ਮੋਹੀ, ਪ੍ਰਧਾਨ ਚਰਨਜੀਤ ਸਿੰਘ ਮੋਹੀ, ਪ੍ਰਿੰਸੀਪਲ ਪ੍ਰੇਮ ਸਿੰਘ ਰਕਬਾ, ਡੀਪੀ ਪਰਮਜੀਤ ਸਿੰਘ , ਹਰਚੰਦ ਸਿੰਘ ਮੋਹੀ ਅਤੇ ਬਲਦੇਵ ਸਿੰਘ ਆਦਿ ਹਾਜ਼ਿਰ ਸਨ।

ਸਮਾਜ ਨੂੰ ਸਿਹਤਮੰਦ ਬਣਾਉਣ ਲਈ ਬਿਮਾਰੀਆਂ ਅਤੇ ਨਸ਼ਿਆਂ ਦਾ ਖਾਤਮਾ ਜ਼ਰੂਰੀ-ਨੱਥੋਵਾਲ
* ਰੋਟਰੀ ਕਲੱਬ ਲੁਧਿਆਣਾ ਉਤਰੀ ਵੱਲੋਂ ਪੋਲਿਓ ਦੇ ਖਾਤਮੇ ਲਈ ਜਾਗਰੂਕਤਾ ਰੈਲੀ

ਲੁਧਿਆਣਾ, 24 ਅਕਤੂਬਰ (ਬਿਓੂਰੋ) : ਮਨੁੱਖ ਦੀ ਜੀਵਨਸ਼ੈਲੀ ਵਿਚ ਆਈਆਂ ਵੱਡੀਆਂ ਤਬਦੀਲੀਆਂ ਕਾਰਨ ਹਰ ਮਨੁੱਖ ਤਰਾਂ ਤਰਾਂ ਦੀਆਂ ਭਿਆਨਕ ਬਿਮਾਰੀਆਂ ਦੀ ਜਕੜ ਵਿਚ ਆ ਰਿਹਾ ਹੈ। ਇਹ ਵਿਚਾਰ ਸ: ਪ੍ਰਭਦੀਪ ਸਿੰਘ ਨੱਥੋਵਾਲ ਜ਼ਿਲਾ ਲੋਕ ਸੰਪਰਕ ਅਫ਼ਸਰ ਲੁਧਿਆਣਾ ਨੇ ਰੋਟਰੀ ਕਲੱਬ ਉਤਰੀ ਵੱਲੋਂ ਵੱਖ-ਵੱਖ ਵਿਦਿਅਕ ਅਦਾਰਿਆਂ ਦੇ ਸਹਿਯੋਗ ਨਾਲ ਰੋਟਰੀ ਇੰਟਰਨੈਸ਼ਨਲ ਦੀਆਂ ਹਦਾਇਤਾਂ ਨੂੰ ਮੁੱਖ ਰੱਖਦੇ ਹੋਏ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਮਿਲਰਗੰਜ ਢੋਲੇਵਾਲ ਵਿਖੇ ਪੋਲੀਓ ਖਾਤਮੇ ਸਬੰਧੀ ਜਾਗਰੂਕਤਾ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕਰਦਿਆਂ ਪ੍ਰਗਟ ਕੀਤੇ। ਇਸ ਮੌਕੇ ਸ: ਨੱਥੋਵਾਲ ਨੇ ਅੱਗੇ ਕਿਹਾ ਕਿ ਮਨੁੱਖ ਦੀਆਂ ਗਲਤੀਆਂ ਕਾਰਨ ਸਮੁੱਚਾ ਸਮਾਜ ਨਸ਼ਿਆਂ ਅਤੇ ਨਸ਼ਿਆਂ ਤੋਂ ਪੈਦਾ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਇਲਾਵਾ ਆਮ ਬਿਮਾਰੀਆਂ ਦੀ ਲਪੇਟ ਵਿਚ ਆ ਰਿਹਾ ਹੈ। ਇਸ ਲਈ ਸਮਾਜ ਨੂੰ ਇਕ ਸਿਹਤਮੰਦ ਸਮਾਜ ਬਣਾਉਣ ਲਈ ਨਸ਼ਿਆਂ ਅਤੇ ਬਿਮਾਰੀਆਂ ਤੋਂ ਬਚਾਉਣ ਲਈ ਜਾਗਰੂਕਤਾ ਪੈਦਾ ਕਰਨਾ ਸਮੇਂ ਦੀ ਲੋੜ ਹੈ। ਇਸ ਮੌਕੇ ਪ੍ਰਿੰਸੀਪਲ ਸ੍ਰੀਮਤੀ ਗੁਰਵਿੰਦਰ ਕੌਰ ਦੀ ਅਗਵਾਈ ਹੇਠ ਕੱਢੀ ਗਈ ਰੈਲੀ ਨੂੰ ਸੰਬੋਧਨ ਕਰਦਿਆਂ ਰੋਟਰੀ ਕਲੱਬ ਦੇ ਪ੍ਰਧਾਨ ਰੋਟੇਰੀਅਨ ਗਿਆਨ ਸਿੰਘ ਸੈਣੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਸੰਸਾਰ ਸਿਹਤ ਸੰਸਥਾ ਅਤੇ ਰੋਟਰੀ ਇੰਟਰਨੈਸ਼ਨਲ ਦੇ ਸਾਂਝੇ ਯਤਨਾ ਸਦਕਾ ਅੱਜ ਭਾਰਤ ਪੋਲੀਓ ਮੁਕਤ ਦੇਸ਼ ਬਣ ਗਿਆ ਹੈ, ਪਰ ਫਿਰ ਵੀ ਸਾਡੇ ਗੁਆਂਢੀ ਦੇਸ਼ ਪਾਕਿਸਤਾਨ ਅਤੇ ਹੋਰ ਦੇਸ਼ਾਂ ਵਿਚ ਪੋਲੀਓ ਦੇ ਮਾਮਲੇ ਸਾਹਮਣੇ ਆਉਣ ਕਰਕੇ ਸਾਨੂੰ ਸੁਚੇਤ ਰਹਿਣ ਦੀ ਜ਼ਰੂਰਤ ਹੈ ਤਾਂ ਜੋ ਸਾਡੇ ਦੇਸ਼ ਵਿਚ ਮੁੜ ਨਾਮੁਰਾਦ ਪੋਲੀਓ ਬਿਮਾਰੀ ਨਾ ਆਣ ਟੱਪਕੇ। ਇਸ ਮੌਕੇ ਉਪ ਪ੍ਰਿੰਸੀਪਲ ਸ੍ਰੀਮਤੀ ਹਰਦੀਪ ਕੌਰ ਅਤੇ ਕਲੱਬ ਦੇ ਜਨਰਲ ਸਕੱਤਰ ਡੀ ਐਸ ਮੱਕੜ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਸਿਹਤਮੰਦ ਸਮਾਜ ਦੀ ਸਿਰਜਣਾ ਲਈ ਸੰਤੁਲਿਤ ਖੁਰਾਕ ਦੇ ਨਾਲ ਨਾਲ ਉਸਾਰੂ ਸੋਚ ਦਾ ਹੋਣਾ ਵੀ ਬਹੁਤ ਜ਼ਰੂਰੀ ਹੈ। ਇਸ ਮੌਕੇ ਰੋਟੇਰੀਅਨ ਦੀ ਰੈਲੀ ਵਿਚ ਸ਼ਾਮਿਲ ਹੋਏ ਅਤੇ ਆਪਣੇ ਵਿਚਾਰ ਰੱਖੇ। ਇਸ ਮੌਕੇ ਜਸਵੀਰ ਸਿੰਘ ਕੋ ਆਰਡੀਨੇਟਰ ਐਜੂਸੈਟ ਲੁਧਿਆਣਾ, ਸ੍ਰੀਮਤੀ ਸੁਜਾਤਾ ਸ਼ਰਮਾ, ਰੋਟੇਰੀਅਨ ਰੋਹਿਤ ਜਿੰਦਲ, ਸਰਬਜੀਤ ਸਿੰਘ, ਮੁਨੀਸ਼ ਕੁਮਾਰ, ਰਾਜਵਿੰਦਰ ਕੌਰ, ਪਰਮਿੰਦਰ ਕੌਰ, ਗੁਰਮੇਲ ਕੌਰ, ਸੁਧਾ ਵਰਮਾ, ਬਲਵਿੰਦਰ ਕੌਰ, ਮੁਨੀਸ਼ ਤੋਂ ਇਲਾਵਾ ਸਰਕਾਰੀ ਕਾਲਜ ਲੜਕੀਆਂ ਲੁਧਿਆਣਾ, ਜੀ ਪੀ ਐਨ ਖਾਲਸਾ ਕਾਲਜ, ਪ੍ਰਤਾਪ ਕਾਲਜ ਆਫ਼ ਐਜੂਕੇਸ਼ਨ ਲੁਧਿਆਣਾ ਵਿਚ ਸਥਾਪਿਤ ਰੋਟਰੈਕਟ ਕਲੱਬ ਦੇ ਮੈਂਬਰਾਂ ਨੇ ਰੈਲੀ ਨੂੰ ਸਫ਼ਲ ਬਣਾਉਣ ਲਈ ਵੱਡਾ ਸਹਿਯੋਗ ਦਿੱਤਾ। ਰੈਲੀ ਢੋਲੇਵਾਲ ਸਕੂਲ ਤੋਂ ਸ਼ੁਰੂ ਹੋ ਕੇ ਵੱਖ ਵੱਖ ਥਾਵਾਂ ਤੋਂ ਗੁਜ਼ਰਦੀ ਹੋਈ ਵਾਪਸ ਢੋਲੇਵਾਲ ਸਕੂਲ ਵਿਚ ਹੀ ਖਤਮ ਹੋਈ।

ਆਜਾਦ ਵੈਲਫੇਅਰ ਸੋਸਾਇਟੀ ਦੁਆਰਾ ਦੋ ਜਰੂਰਤਮੰਦ ਲੜਕੀਆਂ ਦਾ ਵਿਆਹ ਕਰਵਾਇਆ ਗਿਆ 

*ਜਰੂਰਤਮੰਦ ਦੀ ਮਦਦ ਕਰਨਾ ਹੀ ਪ੍ਰਮਾਤਮਾ ਦੀ ਸੱਚੀ ਬੰਦਗੀ : ਸੁਕੇਸ ਕਾਲੀਆ, ਬਿਟੂ ਗੁੰਬਰ

ਲੁਧਿਆਣਾ, 23 ਅਕਤੂਬਰ (ਬਿਓੂਰੋ) : ਆਜਾਦ ਵੈਲਵੇਅਰ ਸੁਸਾਇਟੀ ਦੇ ਵੱਲੋ' ਅਸ਼ੋਕ ਨਗਰ ਪਿੱਪਲ ਵਾਲਾ ਚੋ'ਕ ਵਿੱਚ ਪ੍ਰਧਾਨ ਜੋਗਿੰਦਰ ਕਪੂਰ ਅਤੇ ਸਮਾਜਸੇਵੀ ਸ਼ਿਵ ਕੁਮਾਰ ਵਰਮਾ ਦੀ ਦੇਖਰੇਖ ਹੇਠ ਦਾਨੀ ਸੱਜਣਾ ਦੇ ਸਹਿਯੋਗ ਨਾਲ ਦੋ ਜਰੂਰਤਮੰਦ ਗਰੀਬ ਪਰਿਵਾਰਾਂ ਦੀਆਂ ਕੁੜੀਆਂ ਦੇ ਵਿਆਹ ਕੀਤੇ ਗਏ । ਇਹ ਵਿਆਹ ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜੂਰੀ ਵਿੱਚ ਲਾਵਾਂ ਫੇਰੇ ਕਰਕੇ  ਕਰਵਾਏ ਗਏ । ਇਸ ਸ਼ੁੱਭ ਮੋਕੇ ਤੇ ਪੰਜਾਬ ਰਾਜ ਬਾਲ ਅਧਿਕਾਰੀ ਆਯੋਗ ਦੇ ਚੇਅਰਮੈਨ ਸੁਕੇਸ ਕਾਲੀਆ, ਪ੍ਰਧਾਨ ਜੋਗਿੰਦਰ ਕਪੂਰ, ਸ਼ਿਵ ਕੁਮਾਰ ਵਰਮਾ, ਸਮਾਜਸੇਵੀ  ਬਿਟੂ ਗੁੰਬਰ, ਅਵਿਨਾਸ਼ ਸਿੱਕਾ, ਅਸ਼ੋਕ ਸਰਸਵਾਲ ਨੇ ਨਵੇ' ਵਿਆਹੇ ਜੋੜਿਆਂ ਨੂੰ ਆਸ਼ੀਰਵਾਦ ਦਿੰਦੇ ਹੋਏ ਕਿਹਾ ਕਿ  ਜਰੂਰਤਮੰਦ ਲੜਕੀਆਂ ਦਾ ਵਿਆਹ ਕਰਵਾਉਣਾ ਇਕ ਬਹੁਤ ਹੀ ਪੁੰਨ ਵਾਲਾ ਕੰਮ ਹੈ ਅਤੇ ਪ੍ਰਮਾਤਮਾ ਦੀ ਸੱਚੀ ਬੰਦਗੀ ਹੈ । । ਉਨਾਂ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਸੋਸਾਇਟੀ ਪਿਛਲੇ ਲੰਮੇ ਸਮੇ ਤੋ ਲਗਾਤਾਰ ਜਰੂਰਤਮੰਦ ਕੁੜੀਆਂ ਦੇ ਵਿਆਹ ਕਰਵਾਉਦੀ ਆ ਰਹੀ ਹੈ ਅਤੇ ਅੱਗੇ ਵੀ ਇਹ ਧਾਰਮਿਕ ਅਤੇ ਸਮਾਜਿਕ ਕੰਮ ਜਾਰੀ ਰੱਖੇਗੀ । ਸੋਸਾਇਟੀ ਵੱਲੋ ਨਵੇ ਵਿਆਹੇ ਜੋੜਿਆਂ ਨੂੰ ਘਰ ਗ੍ਰਿਹਸਤੀ ਚਲਾਉਣ ਵਾਲੇ ਘਰੇਲੂ ਜਰੂਰਤ ਦਾ ਸਮਾਨ ਵੀ ਦਿੱਤਾ ਗਿਆ । । ਇਸ ਮੋਕੇ ਤੇ ਪੰਜਾਬ ਰਾਜ ਬਾਲ ਅਧਿਕਾਰੀ ਆਯੋਗ ਦੇ ਚੇਅਰਮੈਨ ਸੁਕੇਸ ਕਾਲੀਆ, ਸਮਾਜਸੇਵੀ ਬਿਟੂ ਗੁੰਬਰ, ਸਮਾਜਸੇਵੀ ਅਵਿਨਾਸ਼ ਸਿੱਕਾ, ਅਸ਼ੋਕ ਸਰਸਵਾਲ , ਮੋਹਮਦ ਨਸੀਮ , ਮਦਨ ਲਾਲ ਸਭਰਵਾਲ ਸੁਸੀਲ ਕੁਮਾਰ, ਕੰਵਰਦੀਪ ਸਿੰਘ ਜੋਲੀ, ਸੰਜੈ ਵਰਮਾ, ਵਿਸ਼ਾਲ ਕਪੂਰ, ਸੰਜੈ ਧੀਮਾਨ, ਦੀਪਕ, ਸਾਮ ਲਾਲ, ਸਤੀਸ ਕੁਮਾਰ, ਵਿਜੈ ਕੁਮਾਰ ਵਰਮਾ, ਦਿਨੇਸ ਅਗਰਵਾਲ, ਸੰਜੈ ਗੁਪਤਾ, ਰਾਹੁਲ, ਅਵਤਾਰ ਸਿੰਘ, ਬੋਬੀ ਵਰਮਾ, ਸੁਧੀਰ ਅਤੇ ਹੋਰ ਬਹੁਤ ਸਾਰੇ ਸੋਸਾਇਟੀ ਦੇ ਮੈਂਬਰ ਹਾਜ਼ਿਰ ਸਨ।