ਸ਼ਹੀਦ ਬਾਬਾ ਜੀਵਨ ਸਿੰਘ ਦਾ ਜਨਮ ਸਮਾਗਮ ਇਕ ਮੀਲ ਪੱਥਰ ਸਾਬਤ ਹੋਵੇਗਾ : ਕਰੀਮਪੁਰੀ
* ਪੰਥਕ ਪਾਰਟੀ ਨੇ ਬਾਬਾ ਜੀਵਨ ਸਿੰਘ ਨੂੰ ਬਣਦਾ ਸਨਮਾਨ ਨਹੀਂ ਦਿਤਾ

ਲੁਧਿਆਣਾ, 31 ਅਗਸਤ ( ਸਤ ਪਾਲ ਸੋਨੀ ) : ਆਪਣੇ ਆਪ ਨੂੰ ਪੰਥਕ ਪਾਰਟੀ ਅਤੇ ਪੰਥਕ ਸਰਕਾਰ ਕਹਾਉਣ ਵਾਲੇ ਸ਼੍ਰੋਮਣੀ ਅਕਾਲੀ ਦਲ ਨੇ ਕੌਮ ਦੇ ਸ਼ਹੀਦ ਬਾਬਾ ਜੀਵਨ ਸਿੰਘ ਜਿਸਨੇ ਕੌਮ ਤੇ ਧਰਮ ਦੀ ਰਖਵਾਲੀ ਅਤੇ ਆਨ ਸ਼ਾਨ ਦੀ ਖਾਤਰ ਸ਼ਹੀਦੀ ਪ੍ਰਾਪਤ ਕੀਤੀ ਸੀ ਨੂੰ ਬਣਦਾ ਸਨਮਾਨ ਨਹੀਂ ਦਿਤਾ। ਇਨਾਂ ਸਬਦਾਂ ਦਾ ਪ੍ਰਗਟਾਵਾ ਸ੍ਰੀ ਗੁਰੂ ਰਵਿਦਾਸ ਮੰਦਰ ਬਸਤੀ ਜੋਧੇਵਾਲ ਵਿਖੇ ਬਸਪਾ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਸੂਬਾ ਪ੍ਰਧਾਨ ਅਵਤਾਰ ਸਿੰਘ ਕਰੀਮਪੁਰੀ ਸਾਬਕਾ ਰਾਜ ਸਭਾ ਮੈਂਬਰ ਨੇ ਕੀਤਾ।  ਉਨਾਂ ਅੱਗੇ ਕਿਹਾ ਕਿ ਮੋਗਾ ਵਿਖੇ ਬਸਪਾ ਵਲੋਂ ਸ਼ਹੀਦ ਬਾਬਾ ਜੀਵਨ ਸਿੰਘ ਜੀ ਦਾ ਜਨਮ ਦਿਨ ਬਹੁਜਨ ਸਮਾਜ ਦੇ ਮਹਾਂਪੁਰਸਾਂ ਨੂੰ ਸਨਮਾਨ ਦੇਣ ਲਈ ਸੂਬਾ ਪੱਧਰ 'ਤੇ ਮਨਾਇਆ ਜਾ ਰਿਹਾ ਹੈ। ਸ: ਕਰੀਮਪੁਰੀ ਨੇ ਕਿਹਾ ਕਿ ਮਨੂੰ ਸਮਰਿਤੀ ਦੇ ਤਹਿਤ 6 ਹਜ਼ਾਰ ਜਾਤੀਆਂ ਵਿਚ ਵੰਡੇ ਲੋਕਾਂ ਨੂੰ ਕਾਂਗਰਸ, ਭਾਜਪਾ ਤੇ ਅਕਾਲੀਆਂ ਨੇ ਇੱਕ ਤਾਂ ਕੀ ਕਰਨਾ ਹੈ ਸਗੋਂ ਅਪਣੀਆਂ ਸਰਕਾਰਾਂ ਆਉਣ ਤੇ ਇਨਾਂ ਨੇ ਦਲਿਤਾਂ, ਗਰੀਬਾਂ, ਪੱਛੜਾ ਵਰਗ 'ਤੇ ਅੱਤਿਆਚਾਰ ਕੀਤੇ ਹਨ। ਉਨਾਂ ਕਿਹਾ ਕਿ ਇਹ ਬੇਈਮਾਨ ਰਾਜਨੀਤਿਕ ਦਲ ਪੱਛੜੀਆਂ ਸ਼੍ਰੇਣੀਆਂ ਦੇ ਭਲੇ  ਦੀ ਮੰਡਲ ਕਮਿਸ਼ਨ ਰਿਪੋਰਟ ਲਾਗੂ ਨਹੀਂ ਕਰ ਰਹੇ।  ਉਨਾਂ ਕਿਹਾ ਕਿ ਕੇਂਦਰ ਦੀ ਸਰਕਾਰ ਨੇ ਝੂਠੇ ਵਾਅਦੇ ਕਰਕੇ ਆਮ ਲੋਕਾਂ ਨਾਲ ਤਾਂ ਧੋਖਾ ਕੀਤਾ ਹੀ ਸੀ ਇਸ ਨੇ ਵਨ ਰੈਂਕ ਵਨ ਪੈਨਸ਼ਨ ਲਾਗੂ ਨਾ ਕਰਕੇ ਦੇਸ਼ ਦੇ ਰਖਵਾਲਿਆਂ ਨਾਲ ਧੋਖਾ ਕਰਕੇ ਵੱਡਾ ਪਾਪ ਕਮਾਇਆ ਹੈ ਅਤੇ ਅੱਜ ਅਪਣੇ ਹੱਕ ਲੈਣ ਲਈ ਸਰਹੱਦਾਂ ਦੇ ਰਾਖਿਆਂ ਨੂੰ ਸੰਘਰਸ਼ ਕਰਨਾ ਪੈ ਰਿਹਾ ਹੈ। ਸ. ਕਰੀਮਪੁਰੀ ਨੇ ਕਿਹਾ ਕਿ ਦੇਸ਼ ਵਿਚ ਸਿੱਖਾਂ ਦੀ ਗਿਣਤੀ ਘੱਟ ਰਹੀ ਹੈ। ਸ. ਕਰੀਮਪੁਰੀ ਨੇ ਕਿਹਾ ਕਿ ਸਮਾਜ ਦੇ ਬੁੱਧੀਜੀਵੀ ਅਤੇ ਪਤਵੰਤਿਆਂ ਦੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ ਸ਼ਹੀਦ ਬਾਬਾ ਜੀਵਨ ਸਿੰਘ ਦਾ ਜਨਮ ਦਿਨ ਸਮਾਗਮ ਮੀਲ ਪੱਥਰ ਸਾਬਤ ਹੋਵੇਗਾ। ਸ. ਕਰੀਮਪੁਰੀ ਨੇ ਕਿਹਾ ਕਿ ਬਸਪਾ ਪੰਜਾਬੀਆਂ ਦੇ ਹਿੱਤਾਂ ਲਈ ਸੰਘਰਸ਼ ਜਾਰੀ ਰੱਖੇਗੀ। ਇਸ ਮੌਕੇ 'ਤੇ ਠੇਕੇਦਾਰ ਹਰਭਜਨ ਸਿੰਘ, ਜੋਗਾ ਸਿੰਘ ਪਨੋਦੀਆ, ਬਲਵਿੰਦਰ ਬਿੱਟਾ, ਸ਼ਿਵ ਚੰਦ ਗੋਗੀ, ਲਾਲਜੀ ਪ੍ਰਤਾਪ ਗੌਤਮ, ਜੀਤ ਰਾਮ ਬਸਰਾ, ਰਜਿੰਦਰ ਨਿੱਕਾ, ਸੰਜੀਵ ਵਿਸ਼ਵਕਰਮਾ, ਭਾਨੂੰ ਯਾਦਵ, ਨਿਰਮਲ ਸਿੰਘ ਸਾਇਆ, ਪਰਗਨ ਬਿਲਗਾ, ਅੰਮ੍ਰਿਤਸਰੀਆ ਜਨਾਗਲ, ਨੇਤਰ ਸਿੰਘ ਸੈਣੀ, ਆਦਿ ਵੀ ਹਾਜ਼ਿਰ ਸਨ।

ਜ਼ਿਲਾ  ਲੁਧਿਆਣਾ ਦੇ 383 ਖ਼ਿਡਾਰੀ 56 ਲੱਖ ਤੋਂ ਵਧੇਰੇ ਰਾਸ਼ੀ ਨਾਲ ਸਨਮਾਨਿਤ
*ਪੰਜਾਬ ਸਰਕਾਰ ਨੇ ਖੇਡਾਂ ਦੇ ਵਿਕਾਸ ਲਈ 200 ਕਰੋੜ ਦਾ ਵਿਸ਼ੇਸ਼ ਫੰਡ ਕਾਇਮ ਕੀਤਾ-ਢਿੱਲੋਂ


ਲੁਧਿਆਣਾ 29 ਅਗਸਤ  ( ਸਤ ਪਾਲ ਸੋਨੀ )  : ਅੱਜ ਸਥਾਨਕ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਪਾਲ ਆਡੀਟੋਰੀਅਮ ਵਿਖੇ  ਵੱਖ-ਵੱਖ ਖੇਡਾਂ ਵਿੱਚ ਪੰਜਾਬ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰਨ ਵਾਲੇ ਜ਼ਿਲਾ  ਲੁਧਿਆਣਾ ਦੇ 383 ਖ਼ਿਡਾਰੀਆਂ ਦਾ ਪੰਜਾਬ ਸਰਕਾਰ ਵੱਲੋਂ ਲੱਖਾਂ ਰੁਪਏ ਦੀ ਇਨਾਮੀ ਰਾਸ਼ੀ ਨਾਲ ਸਨਮਾਨ ਕੀਤਾ ਗਿਆ। ਪੰਜਾਬ ਸਰਕਾਰ ਦੇ ਸਿੰਚਾਈ ਮੰਤਰੀ ਸ੍ਰ. ਸ਼ਰਨਜੀਤ ਸਿੰਘ ਢਿੱਲੋਂ ਨੇ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਕੇ ਖ਼ਿਡਾਰੀਆਂ ਨੂੰ 56 ਲੱਖ 75 ਹਜ਼ਾਰ 300 ਰੁਪਏ ਦੀ ਰਾਸ਼ੀ ਨਾਲ ਸਨਮਾਨ ਕੀਤਾ।
ਇਸ ਮੌਕੇ ਖ਼ਿਡਾਰੀਆਂ ਅਤੇ ਖੇਡ ਪ੍ਰੇਮੀਆਂ ਦੇ ਵੱਡੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਸ੍ਰ. ਢਿੱਲੋਂ ਨੇ ਜਿੱਥੇ ਖ਼ਿਡਾਰੀਆਂ ਨੂੰ ਵਧਾਈ ਦਿੱਤੀ, ਉਥੇ ਸੁਨਹਿਰੇ ਭਵਿੱਖ ਲਈ ਸ਼ੁਭ ਕਾਮਨਾਵਾਂ ਵੀ ਦਿੱਤੀਆਂ। ਉਨਾਂ ਕਿਹਾ ਕਿ ਪੰਜਾਬ ਸਰਕਾਰ ਸੂਬੇ ਵਿੱਚ ਖੇਡਾਂ ਦੇ ਵਿਕਾਸ ਲਈ ਦ੍ਰਿੜ ਸੰਕਲਪ ਹੈ। ਇਸੇ ਦਿਸ਼ਾ ਵਿੱਚ ਚੱਲਦਿਆਂ ਪੰਜਾਬ ਸਰਕਾਰ ਨੇ ਬਜਟ ਵਿੱਚ ਖੇਡਾਂ ਦੇ ਵਿਕਾਸ ਲਈ 200 ਕਰੋੜ ਰੁਪਏ ਦਾ ਵਿਸ਼ੇਸ਼ ਫੰਡ ਕਾਇਮ ਕੀਤਾ ਹੈ। ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸ੍ਰ. ਸੁਖਬੀਰ ਸਿੰਘ ਬਾਦਲ ਦੀ ਵਿਸ਼ੇਸ਼ ਦਿਲਚਸਪੀ ਤਹਿਤ ਪੰਜਾਬ ਸਰਕਾਰ ਨੇ ਫੈਸਲਾ ਕੀਤਾ ਹੈ ਕਿ 125 ਖ਼ਿਡਾਰੀਆਂ ਨੂੰ ਸਰਕਾਰੀ ਨੌਕਰੀਆਂ ਨਾਲ ਨਿਵਾਜ਼ਿਆ ਜਾਵੇਗਾ।ਉਨਾਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਯਤਨਾਂ ਸਦਕਾ ਪੰਜਾਬੀਆਂ ਦੀ ਮਾਂ ਖੇਡ ਕਬੱਡੀ ਅੱਜ ਵਿਸ਼ਵ ਦੇ ਕੋਨੇ-ਕੋਨੇ ਵਿੱਚ ਖੇਡੀ ਜਾਣ ਲੱਗੀ ਹੈ। ਇਸ ਤੋਂ ਇਲਾਵਾ ਹੋਰ ਖੇਡਾਂ ਨੂੰ ਵੀ ਮੈਦਾਨੀ ਪੱਧਰ ਤੋਂ ਉੱਪਰ ਚੁੱਕਣ ਲਈ ਯਤਨ ਕੀਤੇ ਜਾ ਰਹੇ ਹਨ।
ਦੱਸਣਯੋਗ ਹੈ ਕਿ ਅੱਜ ਦੇ ਸਮਾਗਮ ਵਿੱਚ ਸਾਲ 2010-11 ਦੇ 53 ਖਿਡਾਰੀਆਂ ਨੂੰ 8 ਲੱਖ 5 ਹਜ਼ਾਰ 800 ਰੁਪਏ, ਸਾਲ 2011-12 ਦੇ 59 ਖਿਡਾਰੀਆਂ ਨੂੰ 11 ਲੱਖ 18 ਹਜ਼ਾਰ 600 ਰੁਪਏ, 2012-13 ਦੇ 77 ਖਿਡਾਰੀਆਂ ਨੂੰ 10 ਲੱਖ 42 ਹਜ਼ਾਰ 900 ਰੁਪਏ, ਸਾਲ 2013-14 ਅਤੇ ਸਾਲ 2014-15 ਦੇ 194 ਖਿਡਾਰੀਆਂ ਨੂੰ 27 ਲੱਖ 8 ਹਜ਼ਾਰ ਰੁਪਏ (ਕੁੱਲ 56 ਲੱਖ 75 ਹਜ਼ਾਰ 300 ਰੁਪਏ) ਦੀ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਸਮਾਗਮ ਦੌਰਾਨ ਅਮਰੀਕਾ ਵਿਖੇ ਪਿੱਛੇ ਜਿਹੇ ਸੰਪੰਨ ਹੋਈਆਂ ਵਿਸ਼ੇਸ਼ ਉਲੰਪਿਕ ਖੇਡਾਂ ਦੇ ਸਾਈਕਲਿੰਗ ਵਰਗ ਵਿੱਚ ਦੋ ਸੋਨ ਤਮਗੇ ਜਿੱਤਣ ਵਾਲੇ ਰਾਜਵੀਰ ਸਿੰਘ, ਵਿਸ਼ਵ ਚੈਂਪੀਅਨ ਮੁੱਕੇਬਾਜ਼ ਮਨਦੀਪ ਕੌਰ, ਐੱਨ. ਬੀ. ਏ. ਲਈ ਚੁਣੇ ਗਏ ਸਤਨਾਮ ਸਿੰਘ ਭੰਮਰਾ ਦੇ ਪਿਤਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਸਮਾਗਮ ਦੌਰਾਨ ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰ. ਕੁਲਦੀਪ ਸਿੰਘ ਵੈਦ, ਵਧੀਕ ਡਿਪਟੀ ਕਮਿਸ਼ਨਰ ਪੁਲਿਸ ਸ੍ਰ. ਮੁਖਵਿੰਦਰ ਸਿੰਘ ਭੁੱਲਰ, ਜ਼ਿਲਾ ਖੇਡ ਅਫ਼ਸਰ ਸ੍ਰ. ਸਤਪਾਲ ਸਿੰਘ, ਸ੍ਰ. ਤੇਜਾ ਸਿੰਘ ਧਾਲੀਵਾਲ, ਪੀ.ਏ. ਸ੍ਰ. ਰਛਪਾਲ ਸਿੰਘ ਅਤੇ ਹੋਰ ਪ੍ਰਮੁੱਖ ਸਖ਼ਸੀਅਤਾਂ ਵੀ ਹਾਜ਼ਿਰ ਸਨ ।

ਜਰਖੜ ਅਕੈਡਮੀ ਨੇ ਹਾਕੀ ਦੇ ਜਾਦੂਗਰ ਧਿਆਨਚੰਦ ਦਾ 110ਵਾਂ ਜਨਮ ਦਿਹਾੜਾ ਮਨਾਇਆ
ਖਿਡਾਰੀਆਂ ਅਤੇ ਮਹਿਮਾਨਾਂ ਨੇ ਧਿਆਨਚੰਦ ਦੇ ਆਦਮਕੱਦ ਬੁੱਤ 'ਤੇ ਕੀਤੇ ਫੁੱਲ ਭੇਂਟ, ਪ੍ਰਦਰਸ਼ਨੀ ਮੈਚ ਪ੍ਰਿਥੀਪਾਲ ਇਲੈਵਨ ਜੇਤੂ

ਲੁਧਿਆਣਾ, 28 ਅਗਸਤ ( ਸਤ ਪਾਲ ਸੋਨੀ ) : ਮਾਤਾ ਸਾਹਿਬ ਕੌਰ ਹਾਕੀ ਅਕੈਡਮੀ ਜਰਖੜ ਨੇ ਹਾਕੀ ਦੇ ਜਾਦੂਗਰ ਮੇਜਰ ਧਿਆਨਚੰਦ ਦਾ 110ਵਾਂ ਜਨਮ ਦਿਹਾੜਾ ਬਹੁਤ ਹੀ ਸਤਿਕਾਰ ਅਤੇ ਖੇਡ ਭਾਵਨਾ ਨਾਲ ਮਨਾਇਆ। ਇਸ ਮੌਕੇ 'ਤੇ ਜਰਖੜ ਸਟੇਡੀਅਮ ਵਿੱਚ ਸਥਾਪਿਤ ਕੀਤੇ ਮੇਜਰ ਧਿਆਨਚੰਦ ਦੇ ਆਦਮਕੱਦ ਬੁੱਤ ਉਤੇ ਸਮੂਹ ਖਿਡਾਰੀਆਂ ਅਤੇ ਮੁੱਖ ਮਹਿਮਾਨਾਂ ਨੇ ਸ਼ਰਧਾ ਦੇ ਫੁੱਲ ਭੇਂਟ ਕਰਦਿਆਂ  ਉਨਾਂ ਦੀ ਯਾਦ ਨੂੰ ਸਿਜਦਾ ਕੀਤਾ।
ਇਸ ਮੌਕੇ ਬਹੁਤ ਹੀ ਪ੍ਰਭਾਵਸ਼ਾਲੀ ਅਤੇ ਸਾਦੇ ਸਮਾਗਮ ਦੌਰਾਨ ਮੁੱਖ ਮਹਿਮਾਨ ਸ. ਰਛਪਾਲ ਸਿੰਘ ਪਾਲੀ ਸਾਬਕਾ ਅੰਤਰਰਾਸ਼ਟਰੀ ਖਿਡਾਰੀ ਅਤੇ ਮੁੱਖ ਮਹਿਮਾਨ ਸਾਬਕਾ ਖੇਡ ਨਿਰਦੇਸ਼ਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ, ਉਪ ਜ਼ਿਲਾ ਸਿੱਖਿਆ ਅਫ਼ਸਰ ਅਜੀਤਪਾਲ ਸਿੰਘ, ਉਘੇ ਸਮਾਜ ਸੇਵੀ ਅਰਵਿੰਦਰ ਸਿੰਘ, ਖੇਡ ਲੇਖਕ ਜਗਰੂਪ ਸਿੰਘ ਜਰਖੜ ਅਤੇ ਹੋਰਨਾਂ ਬੁਲਾਰਿਆਂ ਨੇ ਆਪਣੇ ਪ੍ਰਧਾਨਗੀ ਭਾਸ਼ਣ ਵਿੱਚ ਮੇਜਰ ਧਿਆਨਚੰਦ ਨੂੰ ਯਾਦ ਕਰਦਿਆਂ ਅਤੇ ਉਨਾਂ  ਦੀਆਂ ਪ੍ਰਾਪਤੀਆਂ ਦਾ ਜ਼ਿਕਰ ਕਰਦਿਆਂ ਜਿਥੇ ਬੱਚਿਆਂ ਨੂੰ ਉਨਾਂ ਵਰਗੇ ਮਹਾਨ ਖਿਡਾਰੀ ਬਣਨ ਲਈ ਪ੍ਰੇਰਿਤ ਕੀਤਾ ਉਥੇ ਭਾਰਤ ਸਰਕਾਰ ਤੋਂ ਹਾਕੀ ਦੇ ਜਾਦੂਗਰ ਨੂੰ ਭਾਰਤ ਰਤਨ ਐਵਾਰਡ ਦੇਣ ਦੀ ਮੰਗ ਕੀਤੀ। ਇਸ ਮੌਕੇ ਮੇਜਰ ਧਿਆਨਚੰਦ ਦੀ ਯਾਦ ਵਿੱਚ ਹਾਕੀ ਦਾ ਇਕ ਪ੍ਰਦਰਸ਼ਨੀ ਮੈਚ ਖੇਡਿਆ ਗਿਆ। ਜਿਸ ਵਿੱਚ ਉਲੰਪੀਅਨ ਪ੍ਰਿਥੀਪਾਲ ਸਿੰਘ ਹਾਕੀ ਇਲੈਵਨ ਨੇ ਜਗਤਾਰ ਇਲੈਵਨ ਜਰਖੜ ਨੂੰ 8-7 ਨਾਲ ਹਰਾਇਆ। ਜਦਕਿ ਅਰਵਿੰਦਰ ਸਿੰਘ ਨੇ ਜਰਖੜ ਅਕੈਡਮੀ ਵਾਸਤੇ 21 ਹਜ਼ਾਰ ਵਿੱਤੀ ਸਹਾਇਤਾ ਵਜੋਂ ਦਿੱਤੇ। ਇਸ ਮੌਕੇ ਜਰਖੜ ਹਾਕੀ ਅਕੈਡਮੀ ਦੇ ਸਮੂਹ ਪ੍ਰਬੰਧਕਾਂ ਨੇ ਧਿਆਨ ਚੰਦ ਦੇ ਜਨਮ ਦਿਨ ਦੀ ਖੁਸ਼ੀ ਵਿੱਚ ਬੱਚਿਆਂ ਨੂੰ ਲੱਡੂ ਵੰਡੇ।
ਇਸ ਮੌਕੇ ਸਰਪੰਚ ਦਪਿੰਦਰ ਸਿੰਘ ਜਰਖੜ ਅਤੇ ਪ੍ਰਿੰਸੀਪਲ ਹਰਦੇਵ ਸਿੰਘ ਜਰਖੜ ਸਕੂਲ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਿਆ। ਇਸ ਮੌਕੇ ਸਰਪੰਚ ਬਲਵਿੰਦਰ ਸਿੰਘ ਮਹਿਮੂਦਪੁਰਾ, ਪਰਮਜੀਤ ਸਿੰਘ ਨੀਟੂ, ਸਰਪੰਚ ਬਲਜੀਤ ਸਿੰਘ ਗਿੱਲ, ਸੰਦੀਪ ਸਿੰਘ ਪੰਧੇਰ, ਗੁਰਸਤਿੰਦਰ ਸਿੰਘ ਪ੍ਰਗਟ, ਮਾਸਟਰ ਸ਼ਿੰਗਾਰਾ ਸਿੰਘ ਜਰਖੜ, ਸੁਖਜੀਤ ਸਿੰਘ ਦੋਰਾਹਾ, ਤਜਿੰਦਰ ਸਿੰਘ ਜਰਖੜ, ਮਨਮਿੰਦਰ ਸਿੰਘ ਹੈਪੀ, ਪਹਿਲਵਾਨ ਹਰਮੇਲ ਸਿੰਘ ਕਾਲਾ, ਹਰਬੰਸ ਸਿੰਘ ਗਿੱਲ, ਮੈਡਮ ਪਰਮਜੀਤ ਕੌਰ, ਲੈਕਚਰਾਰ ਸੁਖਵਿੰਦਰ ਸਿੰਘ, ਮੈਡਮ ਸੁਰਿੰਦਰ ਕੌਰ, ਲੈਕਚਰਾਰ ਦੇਸ਼ਰਾਜ, ਦਲਵੀਰ ਸਿੰਘ ਜਰਖੜ, ਜਸਮੇਲ ਸਿੰਘ ਨੋਕਵਾਲ, ਬਾਬਾ ਰੁਲਦਾ ਸਿੰਘ, ਕੋਚ ਗੁਰਸਤਿੰਦਰ ਸਿੰਘ ਪ੍ਰਗਟ ਆਦਿ ਸਕੂਲ ਦਾ ਸਮੂਹ ਸਟਾਫ, ਸਕੂਲੀ ਬੱਚੇ ਅਤੇ ਇਲਾਕੇ ਦੇ ਹੋਰ ਪਤਵੰਤੇ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ। ਜਿਨਾਂ

ਨੇ ਮੇਜਰ ਧਿਆਨਚੰਦ ਨੂੰ ਯਾਦ ਕਰਦਿਆਂ ਉਨਾਂ ਦੇ ਜਨਮਦਿਨ 'ਤੇ ਉਨਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। 

ਲੁਧਿਆਣਾ ਬਣੇਗਾ ਉੱਤਰੀ ਭਾਰਤ ਦਾ ਸਭ ਤੋਂ ਸੁਰੱਖਿਅਤ ਸ਼ਹਿਰ
*ਹਰ ਹਰਕਤ 'ਤੇ ਨਜ਼ਰ ਰੱਖਣਗੇ ਥਾਂ-ਥਾਂ ਲੱਗੇ ਕੈਮਰੇ
*ਪੁਲਿਸ ਕਮਿਸ਼ਨਰੇਟ ਲੁਧਿਆਣਾ ਵੱਲੋਂ 'ਸੇਫ਼ ਸਿਟੀ ਪ੍ਰੋਜੈਕਟ' ਦਾ ਆਰੰਭ
*ਇੱਕ ਸਾਲ ਵਿੱਚ ਹੋ ਜਾਵੇਗਾ ਮੁਕੰਮਲ


ਲੁਧਿਆਣਾ, 27 ਅਗਸਤ  (  ਗਗਨ ਅਰੋੜਾ )   : ਪੰਜਾਬ ਸਰਕਾਰ ਨੇ ਸੂਬੇ ਦੇ ਸਨਅਤੀ ਅਤੇ ਵੱਡੇ ਸ਼ਹਿਰ ਲੁਧਿਆਣਾ ਨੂੰ ਅਪਰਾਧਕ ਅਤੇ ਹੋਰ ਗੈਰ ਸਮਾਜੀ ਗਤੀਵਿਧੀਆਂ ਤੋਂ ਮੁਕਤ ਕਰਨ ਦੇ ਮਕਸਦ ਨਾਲ ਸ਼ਹਿਰ ਵਿੱਚ 'ਸੇਫ਼ ਸਿਟੀ ਪ੍ਰੋਜੈਕਟ' ਸ਼ੁਰੂ ਕਰ ਦਿੱਤਾ ਹੈ, ਜਿਸ ਦਾ ਕੰਮ ਅਗਲੇ ਇੱਕ ਸਾਲ ਵਿੱਚ ਮੁਕੰਮਲ ਹੋ ਜਾਵੇਗਾ। ਇਸ ਪ੍ਰੋਜੈਕਟ ਦੇ ਮੁਕੰਮਲ ਹੋਣ ਨਾਲ ਲੁਧਿਆਣਾ ਉੱਤਰੀ ਭਾਰਤ ਦਾ ਪਹਿਲਾ ਸੁਰੱਖਿਅਤ ਸ਼ਹਿਰ ਬਣ ਜਾਵੇਗਾ, ਜਿੱਥੇ ਕਿ ਅਪਰਾਧਕ ਅਤੇ ਗੈਰ ਸਮਾਜੀ ਗਤੀਵਿਧੀਆਂ ਲਗਭਗ ਬੰਦ ਹੋ ਜਾਣਗੀਆਂ ਅਤੇ ਗੈਰ ਸਮਾਜੀ ਅਨਸਰ ਮੌਕੇ 'ਤੇ ਦਬੋਚੇ ਜਾਇਆ ਕਰਨਗੇ। ਇਸ ਪ੍ਰੋਜੈਕਟ ਦੀ ਸ਼ੁਰੂਆਤ ਅੱਜ ਸ੍ਰ. ਪ੍ਰੋਮੋਦ ਬਾਨ, ਆਈ. ਜੀ. ਕਾਊਂਟਰ ਇੰਟੈਲੀਜੈਂਟ, ਪੰਜਾਬ ਪੁਲਿਸ ਵੱਲੋਂ ਭੂਮੀ ਪੂਜਨ ਨਾਲ ਕੀਤੀ ਗਈ। ਇਸ ਮੌਕੇ ਪੁਲਿਸ ਕਮਿਸ਼ਨਰ ਸ੍ਰ. ਪਰਮਰਾਜ ਸਿੰਘ ਉਮਰਾਨੰਗਲ, ਨਗਰ ਨਿਗਮ ਕਮਿਸ਼ਨਰ ਸ੍ਰ. ਜੀ. ਕੇ. ਸਿੰਘ ਧਾਲੀਵਾਲ, ਡਿਪਟੀ ਕਮਿਸ਼ਨਰ ਪੁਲਿਸ ਸ੍ਰੀ ਨਰਿੰਦਰ ਭਾਰਗਵ, ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰ. ਕੁਲਦੀਪ ਸਿੰਘ ਵੈਦ, ਰਿਲਾਇਸ ਜੀਓ ਕੰਪਨੀ ਦੇ ਸ੍ਰੀ ਅਮਿਤ ਰਾਜਧਨ ਅਤੇ ਹੋਰ ਹਾਜ਼ਿਰ ਸਨ। 
ਇਸ ਪ੍ਰੋਜੈਕਟ ਬਾਰੇ ਜਾਣਕਾਰੀ ਦਿੰਦਿਆਂ ਸ੍ਰੀ ਬਾਨ ਅਤੇ ਸ੍ਰ. ਉਮਰਾਨੰਗਲ ਨੇ ਦੱਸਿਆ ਕਿ ਅੱਜ ਦੇ ਯੁੱਗ ਵਿੱਚ ਪੁਲਿਸ ਦੇ ਕੰਮਕਾਜ ਨੂੰ ਸੁਚਾਰੂ, ਸੁਰੱਖਿਅਤ ਤੇ ਆਧੁਨਿਕ ਬਨਾਉਣ ਦੀ ਜ਼ਰੂਰਤ ਮਹਿਸੂਸ ਕੀਤੀ ਜਾ ਰਹੀ ਹੈ। ਪੁਲਿਸ ਆਧੁਨਿਕੀਕਰਨ ਦੇ ਕੰਮ ਨੂੰ ਅੱਗੇ ਵਧਾਉਦਿਆਂ ਹੋਇਆ ਇਸ ਪ੍ਰੋਜੈਕਟ ਨੂੰ ਸ਼ੁਰੂ ਕੀਤਾ ਗਿਆ ਹੈ, ਜਿਸ ਅਧੀਨ ਲੁਧਿਆਣਾ ਪੁਲਿਸ ਕਮਿਸ਼ਨਰੇਟ ਦੇ ਅਧਿਕਾਰ ਖੇਤਰ ਵਿੱਚ ਆਉਦੀਆਂ ਜਨਤਕ ਥਾਵਾਂ (ਜਿਵੇਂਕਿ ਚੌਂਕ, ਚੁਰਾਹੇ, ਵਪਾਰਕ ਖੇਤਰ, ਵਿੱਦਿਅਕ ਖੇਤਰ, ਮਹੱਤਵਪੂਰਨ ਥਾਵਾਂ ਆਦਿ) ਦੀ ਨਿਗਰਾਨੀ ਲਈ ਕੈਮਰੇ ਲਗਾਏ ਜਾਣਗੇ। 
ਉਨ•ਾਂ ਦੱਸਿਆ ਕਿ ਇਸ ਪ੍ਰੋਜੈਕਟ ਦੇ ਮੁਕੰਮਲ ਹੋਣ ਨਾਲ ਸ਼ਹਿਰ ਦੀ ਆਵਾਜਾਈ ਸਮੱਸਿਆ ਨੂੰ ਹੱਲ ਕੀਤਾ ਜਾ ਸਕੇਗਾ। ਇਸ ਤੋਂ ਇਲਾਵਾ ਸ਼ੱਕੀ ਵਿਅਕਤੀਆਂ, ਗੱਡੀਆਂ, ਵਸਤੂਆਂ ਦੀ ਨਿਗਰਾਨੀ ਰੱਖੀ ਜਾ ਸਕੇਗੀ ਤਾਂ ਜੋ ਜਾਨਮਾਲ ਦੀ ਰਾਖੀ ਕੀਤੀ ਜਾ ਸਕੇ। ਕੁਦਰਤੀ ਆਫ਼ਤਾਂ ਮੌਕੇ ਪ੍ਰਬੰਧਨ ਕੰਮਾਂ ਵਿੱਚ ਸਹਾਇਤਾ ਮਿਲੇਗੀ। ਇਸ ਨਾਲ ਕਾਨੂੰਨ ਵਿਵਸਥਾ ਨੂੰ ਦਰੁਸਤ ਰੱਖਣ ਅਤੇ ਤਫ਼ਤੀਸ਼ ਕਾਰਜਾਂ ਵਿੱਚ ਸਹਾਇਤਾ ਮਿਲੇਗੀ। ਉਨ•ਾਂ ਉਮੀਦ ਜਤਾਈ ਕਿ ਇਸ ਪ੍ਰੋਜੈਕਟ ਦੇ ਮੁਕੰਮਲ ਹੋਣ ਨਾਲ ਸਮਾਜ ਵਿਰੋਧੀ ਅਨਸਰਾਂ ਵਿੱਚ ਕਾਨੂੰਨ ਦਾ ਡਰ ਤੇ ਆਮ ਨਾਗਰਿਕਾਂ ਵਿੱਚ ਸੁਰੱਖਿਆ ਦੀ ਭਾਵਨਾ ਪੈਦਾ ਹੋਵੇਗੀ। 
ਸ੍ਰ. ਉਮਰਾਨੰਗਲ ਨੇ ਦੱਸਿਆ ਕਿ ਇਸ ਸਾਰੇ ਪ੍ਰੋਜੈਕਟ ਦਾ ਕੰਟਰੋਲ ਰੂਮ ਪੁਲਿਸ ਲਾਇਨ, ਲੁਧਿਆਣਾ ਵਿਖੇ ਹੋਵੇਗਾ। ਇਸਤੋਂ ਇਲਾਵਾ ਕਮਿਸ਼ਨਰ ਪੁਲਿਸ ਦਫਤਰ ਅਤੇ ਏ.ਸੀ.ਪੀਜ਼/ਏ.ਡੀ.ਸੀ.ਪੀਜ਼ ਦਫਤਰਾਂ ਵਿੱਚ ਸਬ-ਕੰਟਰੋਲ ਰੂਮ ਸਥਾਪਿਤ ਕੀਤੇ ਜਾ ਰਹੇ ਹਨ। ਉੱਚ ਅਧਿਕਾਰੀ ਆਪਣੇ ਦਫਤਰਾਂ ਵਿੱਚ ਸ਼ਹਿਰ ਦੇ ਵੱਖ-ਵੱਖ ਥਾਵਾਂ ਦੀ ਨਜ਼ਰਸਾਨੀ ਕਰ ਸਕਣਗੇ। ਇਸ ਲਈ ਸਥਾਪਿਤ ਕੰਟਰੋਲ ਰੂਮ ਵਿੱਚ ਹਰ ਦਿਨ 24 ਘੰਟੇ ਪੁਲਿਸ ਕਰਮਚਾਰੀ ਤਾਇਨਾਤ ਰਹਿਣਗੇ। ਇਸ ਪ੍ਰੋਜੈਕਟ ਨੂੰ ਕਨੈਕਟਿਵਿਟੀ ਅਤੇ ਬੈਂਡਵਿਡਥ ਰਿਲਾਇੰਸ ਜੀਓ ਕੰਪਨੀ ਵੱਲੋਂ ਮੁਹੱਈਆ ਕਰਵਾਈ ਜਾਵੇਗੀ। ਇਹ ਪ੍ਰੋਜੈਕਟ ਇੱਕ ਸਾਲ ਦੇ ਵਿੱਚ ਮੁਕੰਮਲ ਕਰਕੇ ਲੁਧਿਆਣਾ ਵਾਸੀਆਂ ਨੂੰ ਸਮਰਪਿਤ ਕਰ ਦਿੱਤਾ ਜਾਵੇਗਾ। 

ਢੰਡਾਰੀ ਕਲਾਂ ਵਿਖੇ ਢੱਕੀ ਵਾਲੇ ਮਹਾਪੁਰਸ਼ਾਂ ਦੇ ਦੋ ਰੋਜ਼ਾ ਧਾਰਮਿਕ ਦੀਵਾਨ ਸਜਾਏ ਗਏ ।

ਲੁਧਿਆਣਾ 26 ਅਗਸਤ   ( ਸਤ ਪਾਲ ਸੋਨੀ ) : ਸੰਤ ਬਾਬਾ ਕੇਅਰ ਦਾਸ ਜੀ ਕੂਕਰਾਂ ਵਾਲਿਆਂ ਦੀ 31ਵੀਂ ਯਾਦ ਨੂੰ ਸਮਰਪਿਤ ਢੰਡਾਰੀ ਕਲਾਂ (ਲੁਧਿ.) ਵਿਖੇ ਸੰਤ ਬਾਬਾ ਦਰਸ਼ਨ ਸਿੰਘ ਜੀ ਤਪੋਵਣ ਢੱਕੀ ਸਾਹਿਬ ਮੁਕਸੂਦੜਾ ਵਾਲਿਆਂ ਦੇ ਦੋ ਰੋਜ਼ਾ ਧਾਰਮਿਕ ਦੀਵਾਨ ਸਜਾਏ ਗਏ। ਬਾਬਾ ਜੀ ਨੇ ਆਪਣੇ ਪ੍ਰਵਚਨਾ ਵਿੱਚ ਆਖਿਆ ਕਿ ਸਾਨੂੰ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਤੇ ਵੱਧ ਤੋਂ ਵੱਧ ਵਿਸ਼ਵਾਸ ਰੱਖਣਾ ਚਾਹੀਦਾ ਹੈ ਅਤੇ ਬਾਣੀ ਪੜ•ਨੀ ਅਤੇ ਉਸ ਤੇ ਅਮਲ ਕਰਨਾ ਉਸ ਤੋਂ ਵੀ ਵੱਧ ਜਰੂਰੀ ਹੈ। ਬਾਬਾ ਜੀ ਨੇ ਆਖਿਆ ਕਿ ਇਨਸਾਨੀ ਜਾਮਾ ਸਾਨੂੰ 84 ਲੱਖ ਜੂਨਾਂ ਦੇ  ਭੁਗਤਾਨ ਤੋਂ ਬਾਅਦ ਨਸੀਬ ਹੋਇਆ ਹੈ, ਸੋ ਸਾਨੂੰ ਵੀ ਚਾਹੀਦਾ ਹੈ ਕਿ ਇਸ ਜਨਮ ਦੇ ਵਿੱਚ ਵੱਧ ਤੋਂ ਵੱਧ ਸਿਮਰਨ ਕਰੀਏ ਤੇ ਆਪਣੇ ਮੁਨੱਖੀ ਜੀਵਨ ਨੂੰ ਸਫਲ ਕਰੀਏ । ਸਾਨੂੰ ਕਦੇ  ਕਿਸੇ ਵੀ ਜੀਵ ਨੂੰ ਵੀ ਕਦੇ ਵੀ ਦੁੱਖ ਨਹੀਂ ਪਹੁੰਚਾਉਣਾ ਚਾਹੀਦਾ ਅਤੇ ਪ੍ਰਮਾਤਮਾ ਤੁਹਾਨੂੰ ਕਦੇ ਵੀ ਦੁੱਖ ਨਹੀਂ ਦੇਵੇਗਾ । ਬਾਬਾ ਜੀ ਨੇ ਅੱਗੇ ਆਖਿਆ ਕਿ ਇਸ ਲਈ ਸਾਨੂੰ ਮਾੜੀ ਸੰਗਤ, ਨਸ਼ੇ ਅਤੇ ਹੋਰ ਮਾੜੇ ਕਰਮ ਕਮਾਉਣ ਤੋਂ ਬਚਣਾ ਚਾਹੀਦਾ ਹੈ   ।    ਬਾਬਾ ਜੀ ਨੇ ਆਖਿਰ ਵਿੱਚ ਆਖਿਆ ਕਿ ਸਾਨੂੰ ਸਾਰਿਆ ਨੂੰ ਖੰਡੇ ਬਾਟੇ ਦਾ ਅੰਮ੍ਰਿਤ ਛਕ ਕੇ ਕਲਗੀਧਰ ਦਸ਼ਮੇਸ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀਆਂ ਖੁਸ਼ੀਆਂ ਦੇ ਪਾਤਰ ਬਣਨਾ ਚਾਹੀਦਾ ਹੈ । ਸਾਨੂੰ ਸਾਰਿਆਂ ਨੂੰ ਵਾਤਾਵਰਨ ਦੀ ਸੰਭਾਲ ਕਰਨੀ ਚਾਹੀਦਾ ਹੈ ਵੱਧ ਤੋਂ ਵੱਧ ਰੁੱਖ ਲਗਾਉਣੇ ਚਾਹੀਦੇ ਹਨ ਤਾਂ ਕਿ ਅਸੀਂ ਪ੍ਰਦੂਸ਼ਣ ਮੁਕਤ ਸਮਾਜ ਦੀ ਸਿਰਜਨਾ ਕਰ ਸਕੀਏ ।

ਸੰਸਦ ਸੈਸ਼ਨ ਨਾ ਚੱਲਣ ਦੇਣ ਤੋਂ ਨਰਾਜ਼ ਕੇਂਦਰੀ ਮੰਤਰੀ ਕਥੂਰੀਆ ਨੇ ਖੋਲੀ ਕਾਂਗਰਸ ਦੀ ਪੋਲ
ਲੁਧਿਆਣਾ, 24 ਅਗਸਤ ( ਸਤ ਪਾਲ ਸੋਨੀ ) : ਇਥੋਂ ਦੇ ਸੰਸਦ ਰਵਨੀਤ ਸਿੰਘ ਬਿੱਟੂ ਤੇ ਕਾਂਗਰਸ ਨਾਲ ਸੰਸਦ ਸੈਸ਼ਨ ਨਾ ਚੱਲਣ ਦੇਣ ਦਾ ਦੋਸ਼ ਲਾਉਂਦਿਆਂ ਭਾਜਪਾ ਦੇ ਕੇਂਦਰੀ ਮੰਤਰੀ ਰਮਾ ਸ਼ੰਕਰ ਕਥੂਰੀਆ ਨੇ ਭਾਜਪਾ ਅਹੁਦੇਦਾਰਾਂ ਅਤੇ ਵਰਕਰਾਂ ਸਮੇਤ ਸਥਾਨਕ ਫਿਰੋਜਪੁਰ ਰੋਡ ਤੇ ਜ਼ਿਲ•ਾ ਪ੍ਰਬੰਧਕੀ ਕੰਪਲੈਕਸ ਦੇ ਬਾਹਰ ਧਰਨਾ ਲਾਇਆ।  ਉਨਾਂਕਿਹਾ ਕਿ ਸਾਂਸਦ ਬਿੱਟੂ ਨੇ ਕਾਂਗਰਸ ਪਾਰਟੀ ਦੇ ਹੋਰ ਸਾਂਸਦਾਂ ਨਾਲ ਆਪਣੇ ਆਪਣੇ ਹਲਕੇ ਦੀ ਵਿਕਾਸ ਦੀ ਯੋਜਨਾਵਾਂ ਬਨਾਉਂਣ ਦੀ ਬਜਾਏ ਨਿੱਜੀ ਸਵਾਰਥਾਂ ਦੀ ਪੂਰਤੀ ਲਈ ਕਰੋੜਾਂ ਰੁਪਏ ਦੇ ਖਰਚ ਨਾਲ ਚੱਲਣ ਵਾਲੀ ਸੰਸਦ ਦਾ ਕੰਮਕਾਰ ਠੱਪ ਕਰੀ ਰੱਖਿਆ। ਉਨਾਂ  ਕਿਹਾ ਕਿ ਕਾਂਗਰਸ ਸੱਤਾ ਚੋਂ ਬਾਹਰ ਹੋਣ ਕਾਰਨ ਬੁਖਲਾ ਗਈ ਹੈ ਜਿਸ ਕਰਕੇ ਸਿਧਾਂਤਾਂ ਦੀ ਗੱਲ ਕਰਕੇ ਲੋਕਾਂ ਨੂੰ ਗੁਮਰਾਹ ਕਰ ਰਹੀ ਹੈ। ਇਸ ਮੌਕੇ ਹਾਜ਼ਿਰ ਪੰਜਾਬ ਭਾਜਪਾ ਪ੍ਰਧਾਨ ਕਮਲ ਸ਼ਰਮਾ ਨੇ ਕਿਹਾ ਕਿ ਨਹਿਰੂ ਗਾਂਧੀ ਪਰਿਵਾਰ ਦਾ ਸੱਤਾ ਤੋਂ ਲਾਂਭੇ ਹੋਣ ਨਾਲ ਕਾਂਗਰਸ ਨੇ ਸੰਸਦ ਦਾ ਸਾਰਾ ਸੈਸ਼ਨ ਹੀ ਬਰਬਾਦ ਕਰ ਦਿੱਤਾ ਜਿਸ ਨਾਲ ਦੇਸ਼ ਦੇ ਵਿਕਾਸ ਲਈ ਬਣਨ ਵਾਲੀਆਂ ਯੋਜਨਾਵਾਂ ਨਹੀਂ ਬਣ ਸਕੀਆਂ। ਇਸ ਲਈ ਭਾਜਪਾ ਨੇ ਕਾਂਗਰਸ ਦੀ ਪੋਲ ਖੋਲਣ ਲਈ ਕਾਂਗਰਸੀ ਸਾਂਸਦਾਂ ਦੇ ਹਲਕਿਆਂ ਵਿੱਚ ਧਰਨੇ ਅਤੇ ਪ੍ਰੈਸ ਕਾਨਫਰੰਸਾਂ ਕਰਨ ਦਾ ਫੈਸਲਾ ਕੀਤਾ ਹੈ।
                ਧਰਨੇ ਤੋਂ ਬਾਦ• ਸਥਾਨਕ ਸਰਕਟ ਹਾਊਸ ਵਿੱਚ ਇੱਕ ਪੱਤਰਕਾਰ ਸੰਮੇਲਨ ਦੌਰਾਨ ਕੇਂਦਰੀ ਮੰਤਰੀ ਕਥੂਰੀਆ ਨੇ ਕਿਹਾ ਕਿ ਸੰਸਦ ਸੈਸ਼ਨ ਨਾ ਚੱਲਣ ਕਾਰਨ ਜਨਤਾ ਦਾ ਕਰੋੜਾਂ ਰੱਪਿਆ ਬਰਬਾਦ ਹੋ ਗਿਆ। ਵਿਕਾਸ ਲਈ ਬਣਨ ਵਾਲੀਆਂ ਯੋਜਨਾਵਾਂ ਨਾ ਬਣਨ ਨਾਲ ਵਿਕਾਸ ਦੀ ਰਫਤਾਰ ਧੀਮੀ ਹੋਈ ਹੈ।  ਉਨਾਂ ਨੇ ਸੰਸਦ ਨਾ ਚੱਲਣ ਦੇਣ ਨੂੰ ਲੋਕਤੰਤਰ ਦਾ ਕਤਲ ਦੱਸਦਿਆਂ ਕਿਹਾ ਕਿ ਕਾਂਗਰਸ ਨੇ ਅਜਿਹਾ ਕਰਕੇ ਲੋਕਤੰਤਰ ਦੇ ਮੰਦਿਰ ਦਾ ਅਪਮਾਨ ਕੀਤਾ ਹੈ। ਦੇਸ਼ ਦੇ ਵਿਕਾਸ ਲਈ ਬਣਨ ਵਾਲੇ ਕਈ ਮਹੱਤਵ ਪੂਰਨ ਬਿਲ ਪੇਸ਼ ਨਹੀਂ ਹੋ ਸਕੇ। ਇੱਕ ਸਵਾਲ ਦੇ ਜਵਾਬ ਵਿੱਚ  ਉਨਾਂ ਕਿਹਾ ਕਿ ਭਾਜਪਾ ਨੇ ਲੰਮਾ ਸਮਾਂ ਵਿਰੋਧੀ ਧਿਰ ਹੁੰਦਿਆਂ ਕਦੇ ਵੀ ਸੰਸਦ ਦੀ ਮਰਿਆਦਾ ਨਹੀਂ ਭੰਗ ਕੀਤੀ। ਸੰਸਦ ਦੇ ਵਿਸ਼ੇਸ਼ ਸਤਰ ਦੇ ਜਵਾਬ ਵਿੱਚ ਉਨਾਂ ਕਿਹਾ ਕਿ ਇਸ ਬਾਰੇ ਅਜੇ ਕੋਈ ਫੈਸਲਾ ਨਹੀਂ ਹੋਇਆ। ਬਿਹਾਰ ਦੀ ਤਰਜ਼ ਤੇ ਪੰਜਾਬ ਨੂੰ ਪੈਕੇਜ਼ ਦੇ ਜਵਾਬ ਵਿੱਚ  ਉਨਾਂ ਕਿਹਾ ਕਿ ਬਿਹਾਰ ਅਤੇ ਪੰਜਾਬ ਵਿੱਚ ਅੰਤਰ ਹੈ। ਬਿਹਾਰ ਪੰਜਾਬ ਨਾਲੋਂ ਕਾਫੀ ਪੱਛੜਿਆ ਹੋਇਆ ਹੈ। ਮੁੱਖ ਮੰਤਰੀ ਬਾਦਲ ਨੂੰ ਮੋਦੀ ਵੱਲੋਂ ਮਿਲਣ ਲਈ ਸਮਾਂ ਨਾ ਦੇਣ ਦਾ  ਉਨਾਂ ਨੂੰ ਢੁਕਵਾਂ ਜਵਾਬ ਨਾ ਸੁੱਝਿਆ। ਪਿਆਜ ਦੀ ਮਹਿੰਗਾਈ ਦੇ ਜਵਾਬ ਵਿੱਚ ਵੀ ਕੇਂਦਰੀ ਮੰਤਰੀ ਉਲਝਦੇ ਨਜ਼ਰ ਆਏ। ਹੋਰ ਵੀ ਕਈ ਸਵਾਲਾਂ ਦੇ ਜਵਾਬ ਦੇਣ ਸਮੇਂ ਕੇਂਦਰੀ ਮੰਤਰੀ ਉਲਝੇ ਨਜਰ ਆਏ। ਭਾਜਪਾ ਅਤੇ ਅ ਰਾਕੇਸ਼ ਲੀ ਦਲ ਦੇ ਹੇਠਲੇ ਕੈਡਰ ਵਿੱਚ ਟਕਰਾਅ ਦੇ ਜਵਾਬ ਵਿੱਚ ਉਨਾਂ  ਕਿਹਾ ਕਿ ਅਕਾਲੀ ਦਲ ਨਾਲ ਗਠਬੰਧਨ ਚੱਲਦਾ ਰਹੇਗਾ, ਜੋ ਵੀ ਸਮੱਸਿਆ ਕੈਡਰ ਵਿੱਚ ਹੈ ਹੱਲ ਕਰ ਲਈ ਜਾਵੇਗੀ।
               ਇਸ ਮੌਕੇ ਪੰਜਾਬ ਭਾਜਪਾ ਦੇ ਸਾਬਕਾ ਪ੍ਰਧਾਨ ਰਜਿੰਦਰ ਭੰਡਾਰੀ, ਮਹਾਂ ਮਤਰੀ ਰਾਕੇਸ਼ ਰਾਠੌਰ, ਸਕੱਤਰ ਜੀਵਨ ਗੁਪਤਾ, ਖਜਾਂਚੀ ਗੁਰਦੇਵ ਸ਼ਰਮਾ ਦੇਬੀ, ਸੀਨੀ. ਡਿਪਟੀ ਮੇਅਰ ਸੁਨੀਤਾ ਅੱਗਰਵਾਲ, ਡਿਪਟੀ ਮੇਅਰ ਆਰ. ਡੀ. ਸ਼ਰਮਾ, ਰਾਕੇਸ਼ ਕਪੂਰ, ਕੌਂਸਲਰ ਗੁਰਦੀਪ ਨੀਟੂ,ਭਾਜਪਾ ਐਸਸੀ ਮੋਰਚਾ ਦੇ ਜ਼ਿਲ•ਾ ਵਾਈਸ ਪ੍ਰਧਾਨ ਕਮਾਂਡਰ ਬਲਬੀਰ ਸਾਂਪਲਾ, ਸੁਨੀਲ ਮੌਦਗਿੱਲ, ਰਾਜੇਸ਼ਵਰੀ ਗੋਸਾਂਈ ਸਮੇਤ ਹੋਰ ਵੀ ਅਹੁਦੇਦਾਰ ਹਾਜ਼ਿਰ ਸਨ।

ਦਲਿਤ ਨੌਜਵਾਨ ਦੀ ਮੌਤ ਲਈ ਜਿੰਮੇਵਾਰ ਦੋਸ਼ੀ ਤੁਰੰਤ ਗ੍ਰਿਫਤਾਰ ਕੀਤੇ ਜਾਣ - ਸ. ਕਰੀਮਪੁਰੀ
ਘਟਨਾ ਦੀ ਉਚ ਪੱਧਰੀ ਜਾਂਚ ਕੀਤੀ ਜਾਵੇ, ਪੀੜਤ ਪਰਿਵਾਰ ਨੂੰ ਮੁਆਵਜਾ ਦਿੱਤਾ ਜਾਵੇ

ਲੁਧਿਆਣਾ 21 ਅਗਸਤ ( ਸਤ ਪਾਲ ਸੋਨੀ ) : ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੇ ਸੂਬਾ ਪ੍ਰਧਾਨ ਤੇ ਸਾਬਕਾ ਰਾਜਸਭਾ ਮੈਂਬਰ ਸ. ਅਵਤਾਰ ਸਿੰਘ ਕਰੀਮਪੁਰੀ ਨੇ ਜਿਲ•ੇ ਦੇ ਪਿੰਡ ਆੰਡਲੂ ਵਿਚ ਦਲਿਤ ਨੌਜਵਾਨ ਜਗਤਾਰ ਸਿੰਘ ਉਰਫ ਨਿੱਕਾ 'ਤੇ ਪਿੰਡ ਦੇ ਹੀ ਪ੍ਰਭਾਵਸ਼ਾਲੀ ਲੋਕਾਂ ਵਲੋਂ ਅਤਿਆਚਾਰ ਤੇ ਫਿਰ ਉਸਦੀ ਮੌਤ ਦੀ ਘਟਨਾ ਦੀ ਸਖਤ ਸ਼ਬਦਾਂ ਵਿਚ ਨਿੰਦਾ ਕੀਤੀ ਤੇ ਦਲਿਤ ਨੌਜਵਾਨ ਦੀ ਮੌਤ ਦੇ ਜਿੰਮੇਵਾਰ ਲੋਕਾਂ ਖਿਲਾਫ ਸਖਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਸ. ਕਰੀਮਪੁਰੀ ਨੇ ਬਸਪਾ ਦੇ ਮੰਡਲ ਕੋਆਰਡੀਨੇਟਰ ਸ਼ਿਵਚੰਦ ਗੋਗੀ, ਨੇਤਰ ਸਿੰਘ ਸੈਣੀ, ਭਰਪੂਰ ਸਿੰਘ ਤੇ ਹੋਰ ਨੇਤਾਵਾਂ ਨਾਲ ਪਿੰਡ ਦਾ ਦੌਰਾ ਕੀਤਾ।ਉਨਾਂ  ਘਟਨਾ ਬਾਰੇ ਜਾਣਕਾਰੀ ਹਾਸਿਲ ਕੀਤੀ ਤੇ ਪਰਿਵਾਰਕ ਮੈਂਬਰਾਂ ਨਾਲ ਦੁੱਖ ਦਾ ਵੀ ਪ੍ਰਗਟਾਵਾ ਕੀਤਾ। ਇਸ ਮੌਕੇ 'ਤੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਸ. ਕਰੀਮਪੁਰੀ ਨੇ ਕਿਹਾ ਕਿ ਪਿੰਡ ਦੇ ਹੀ ਪ੍ਰਭਾਵਸ਼ਾਲੀ ਲੋਕਾਂ ਵਲੋਂ ਜਗਤਾਰ ਸਿੰਘ 'ਤੇ ਚੋਰੀ ਦਾ ਇਲਜਾਮ ਲਗਾ ਕੇ 14 ਅਗਸਤ ਨੂੰ ਉਸਨੂੰ ਪਿੰਡ ਦੇ ਹੀ ਇਕ ਪ੍ਰਾਈਵੇਟ ਸਕੂਲ ਵਿਚ ਬੁਲਾ ਕੇ ਉਸ ਨਾਲ ਬੁਰੀ  ਤਰਾਂ ਕੁੱਟਮਾਰ ਕੀਤੀ ਗਈ। ਉਸਨੇ ਆਪਣੇ ਸਾਥੀਆਂ ਨੂੰ ਕਿਹਾ ਸੀ ਕਿ ਉਸ 'ਤੇ ਝੂਠਾ ਦੋਸ਼ ਲਗਾ ਕੇ ਉਸ ਨਾਲ ਕੁੱਟਮਾਰ ਕਰਕੇ ਉਸਦੀ ਬੇਇੱਜਤੀ ਕੀਤੀ ਗਈ ਹੈ ਤੇ ਅਗਲੇ ਦਿਨ ਹੀ ਪਿੰਡ ਵਿਚ ਹੀ ਇਕ ਖੇਤ ਵਿਚ ਉਸਦੀ ਲਾਸ਼ ਲਟਕਦੀ ਮਿਲੀ। ਸ. ਕਰੀਮਪੁਰੀ ਨੇ ਕਿਹਾ ਕਿ ਹਾਲਾਂਕਿ ਪੁਲਿਸ ਨੇ 15 ਅਗਸਤ ਨੂੰ ਪਿੰਡ ਦੇ 7 ਲੋਕਾਂ ਖਿਲਾਫ ਆਤਮਹੱਤਿਆ ਲਈ ਮਜਬੂਰ ਕਰਨ ਦੇ ਦੋਸ਼ ਤਹਿਤ ਮਾਮਲਾ ਦਰਜ ਕਰ ਲਿਆ ਸੀ, ਪਰ ਅਜੇ ਤੱਕ ਕਿਸੇ ਦੀ ਵੀ ਗ੍ਰਿਫਤਾਰ ਨਹੀਂ ਕੀਤੀ ਗਈ ਹੈ। ਇਨਾਂ ਦੋਸ਼ੀਆਂ ਵਿਚ ਇਕ ਪ੍ਰਾਈਵੇਟ ਸਕੂਲ ਦਾ ਮਾਲਿਕ ਤੇ ਦੋ ਪਿੰਡ ਦੇ ਸਾਬਕਾ ਸਰਪੰਚ ਹਨ। ਸ. ਕਰੀਮਪੁਰੀ ਨੇ ਕਿਹਾ ਕਿ ਦੋਸ਼ੀਆਂ ਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਜਾਵੇ ਤੇ ਇਸਦੇ ਨਾਲ ਹੀ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕੀਤੀ ਜਾਵੇ ਤੇ ਪਤਾ ਲਗਾਇਆ ਜਾਵੇ ਕਿ ਦਲਿਤ ਨੌਜਵਾਨ ਦੀ ਮੌਤ ਦਾ ਕਾਰਨ ਖੁਦਕੁਸ਼ੀ ਹੈ ਜਾਂ ਫਿਰ ਉਸਨੂੰ ਮਾਰਿਆ ਗਿਆ ਹੈ। ਸ. ਕਰੀਮਪੁਰੀ ਨੇ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਡੀਸੀ ਲੁਧਿਆਣਾ ਨਾਲ ਵੀ ਮੁਲਾਕਾਤ ਕੀਤੀ ਤੇ ਪੀੜਿਤ ਪਰਿਵਾਰ ਲਈ ਮੁਆਵਜੇ ਦੀ ਵੀ ਮੰਗ ਕੀਤੀ। ਇਸ ਮੌਕੇ 'ਤੇ ਉਨਾਂ  ਇਹ ਵੀ ਕਿਹਾ ਕਿ ਅਕਾਲੀ ਭਾਜਪਾ ਸਰਕਾਰ ਵਿਚ ਦਲਿਤਾਂ ਗਰੀਬਾਂ ਤੇ ਅਤਿਆਚਾਰਾਂ ਵਿਚ ਵਾਧਾ ਹੋਇਆ ਹੈ ਤੇ ਉਨਾਂ  ਨੂੰ ਇਨਸਾਫ ਦੇਣ ਲਈ ਸਰਕਾਰ ਤੇ ਉਸਦੇ ਪ੍ਰਭਾਵ ਹੇਠ ਕੰਮ ਕਰਨ ਵਾਲਾ ਪ੍ਰਸ਼ਾਸ਼ਨ ਤਿਆਰ ਨਹੀਂ ਹੈ। ਉਨਾਂ ਕਿਹਾ ਕਿ ਬਸਪਾ ਪੀੜਿਤ ਪਰਿਵਾਰ ਦੇ ਨਾਲ ਹੈ ਤੇ ਇਨਸਾਫ ਲਈ ਸੰਘਰਸ਼ ਕਰੇਗੀ।

ਮਹਿਲਾ ਕਾਂਗਰਸ ਨੇ ਸਵ. ਰਾਜੀਵ ਗਾਂਧੀ ਜੇ ਜਨਮ ਦਿਹਾੜੇ ਤੇ ਵੰਡੇ ਤੁਲਸੀ ਦੇ ਬੂਟੇ

ਲੁਧਿਆਣਾ, 20 ਅਗਸਤ ( ਸਤ ਪਾਲ ਸੋਨੀ ) :   ਮਹਿਲਾ ਕਾਂਗਰਸ ਨੇ ਸਾਬਕਾ ਪ੍ਰਧਾਨ ਮੰਤਰੀ ਸਵ. ਰਾਜੀਵ ਗਾਂਧੀ ਦੇ ਜਨਮ ਦਿਹਾੜੇ ਤੇ ਗੁਰੁ ਅਰਜਨ ਦੇਵ ਨਗਰ ਵਿਖੇ ਸਕੂਲੀ ਬੱਚਿਆਂ, ਸਥਾਨਕ ਲੋਕਾਂ ਅਤੇ ਦੁਕਾਨਦਾਰਾਂ ਨੂੰ ਤੁਲਸੀ ਦੇ ਬੂਟੇ ਵੰਡ ਕੇ ਵਾਤਾਵਰਨ ਸ਼ੁਧੀ ਦੀ ਪ੍ਰੇਰਣਾ ਦੇ ਕੇ ਤੁਲਸੀ ਦੀ ਸੇਵਾ ਕਰਨ ਦਾ ਸੰਕਲਪ ਕਰਵਾਇਆ। ਮਹਿਲਾ ਕਾਂਗਰਸ ਪ੍ਰਧਾਨ ਲੀਨਾ ਟਪਾਰੀਆ ਨੇ ਸਵ. ਰਾਜੀਵ ਗਾਂਧੀ ਦੇ ਜੀਵਨ ਤੇ ਚਰਚਾ ਕਰਦੇ ਹੋਏ ਕਿਹਾ ਕਿ ਉਨ•ਾਂ ਅਪਣੇ ਪ੍ਰਧਾਨ ਮੰਤਰੀ ਕਾਲ ਵਿੱਚ ਜਿਥੇ ਭਾਰਤ ਨੂੰ ਆਈ ਟੀ ਦੇ ਖੇਤਰ ਵਿੱਚ ਆਤਮ ਨਿਰਭਰ ਬਣਾ ਕੇ ਦੁਨੀਆ ਦੇ ਵਿਕਾਸਸ਼ੀਲ ਦੇਸ਼ਾਂ ਦੀ ਕਤਾਰ ਵਿੱਚ ਖੜਾ ਕੀਤਾ ਉਥੇ ਅਪਣੇ ਸ਼ਰੀਰ ਦੀਆਂ ਰਗਾਂ ਵਿੱਚ ਦੌੜਦੀ ਖੂਨ ਦੀ ਆਖਰੀ ਬੂੰਦ ਤਕ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਦੇ ਪਹੇਰੇਦਾਰ ਬਣਕੇ ਦੇਸ਼ ਵਿਰੋਧੀ ਤਾਕਤਾਂ ਦੇ ਸਾਹਮਣੇ ਗੋਡੇ ਟੇਕਨ ਦੀ ਬਜਾਏ ਆਪਾ ਵਾਰ ਕੇ ਸਾਨੂੰ ਦੇਸ਼ ਲਈ ਕੁਛ ਕਰ ਵਿਖਾਉਣ ਦੀ ਪ੍ਰੇਰਣਾ ਵੀ ਦਿੱਤੀ। ਇਸ ਮੌਕੇ  ਅਰੁਣਾ ਟਪਾਰੀਆ, ਅਲਕਾ ਮਲਹੌਤਰਾ, ਗੁਰਪ੍ਰੀਤ ਸਿੱਧੂ, ਹਰਦੀਪ ਕੌਰ, ਦਲਜੀਤ ਕੌਰ,ਰਾਧਾ ਸਹਿਗਲ, ਨੀਲਮ ਦੱਤਾ, ਨੀਲਮ ਢੀਂਗਰਾ, ਬਲਬੀਰ ਕੌਰ, ਮਮਤਾ ਰਾਣੀ, ਸੁਨੀਤਾ ਸ਼ਰਮਾ, ਅਸ਼ਵਿੰਦਰ ਕੌਰ, ਸਵੇਤਾ ਵਰਮਾ, ਨੇਹਾ ਸ਼ਰਮਾ, ਵੰਦਨਾ ਜੈਨ ਸਮੇਤ ਹੋਰ ਵੀ ਹਾਜ਼ਿਰ ਸਨ ।

ਬਲੱਡ ਗਰੁੱਪ ਇਕੋ ਜਿਹਾ ਨਾ ਹੋਣ 'ਤੇ ਵੀ ਮੁਮਕਿਨ ਹੈ ਕਿਡਨੀ ਟਰਾਂਸਪਲਾਂਟ
*ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਵਿਚ ਇਸ ਤਕਨੀਕ ਦਾ ਫਾਇਦਾ ਕਈ ਲੋਕਾਂ ਨੇ ਉਠਾਇਆ

ਲੁਧਿਆਣਾ, 19 ਅਗਸਤ ( ਸਤ ਪਾਲ ਸੋਨੀ )  : ਇਕ ਸਮਾਂ ਸੀ ਜਦੋਂ ਕਿਡਨੀ ਦਾਨ ਕਰਨ ਵਾਲੇ ਅਤੇ ਮਰੀਜ ਦੇ ਬਲੱਡ ਗਰੁੱਪ ਇਕੋ ਜਿਹੇ ਨਾ ਹੋਣ 'ਤੇ ਟਰਾਂਸਪਲਾਂਟ ਹੋ ਨਹੀਂ ਸਕਦਾ ਸੀ। ਪਰ ਹੁਣ ਲੈਟੇਸਟ ਅਤੇ ਐਡਵਾਂਸਡ ਤਕਨੀਕ ਦੀ ਬਦੌਲਤ ਇਹ ਬਦਲ ਚੁੱਕਾ ਹੈ। ਮੋਹਾਲੀ ਦਾ ਫੋਰਟਿਸ ਹਸਪਤਾਲ ਸਫਲਤਾਪੂਰਵਕ ਏ. ਬੀ. ਓ. ਇਨਕੰਪੈਟਿਬਲ ਟਰਾਂਸਪਲਾਂਟ ਕਰਦਾ ਆ ਰਿਹਾ ਹੈ ਜਿਸ ਨਾਲ ਕਈ ਮਰੀਜਾਂ ਨੂੰ ਮੰਨੋ ਨਵੀਂ ਜਿੰਦਗੀ ਮਿਲ ਰਹੀ ਹੋਵੇ। ਇਹ ਤਕਨੀਕ ਇਨਾਂ ਮਰੀਜਾਂ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ। ਅੱਜ ਸ਼ਹਿਰ ਵਿਚ ਪੁੱਜੇ ਡਾ. ਪ੍ਰਿਯਦਰਸ਼ੀ ਰੰਜਨ (ਕੰਸਲਟੇਂਟ-ਯੂਰੋਲੋਜੀ ਅਤੇ ਚੀਫ ਕਿਡਨੀ ਟਰਾਂਸਪਲਾਂਟ ਸਰਜਨ) ਨੇ ਪ੍ਰੈਸ ਕਾਨਫਰੰਸ ਰਾਹੀਂ ਮੀਡੀਆ ਨਾਲ ਏ. ਬੀ. ਓ. ਇਨਕੰਪੈਟਿਬਲ  ਟਰਾਂਸਪਲਾਂਟ ਦੇ ਵਿਸ਼ੇ 'ਤੇ ਗੱਲ ਕੀਤੀ।
ਡਾ. ਰੰਜਨ ਨੇ ਕਿਹਾ, 'ਪ੍ਰੰਾਪਰਿਕ ਇਲਾਜ ਵਿਚ ਟਰਾਂਸਪਲਾਂਟ ਦੇ ਲਈ ਇਕੋ ਜਿਹੇ ਬਲੱਡ ਗਰੁੱਪ ਦੀ ਜਰੂਰਤ ਪੈਂਦੀ ਸੀ ਤਾਂ ਕਿ ਕਿਡਨੀ ਦੇ ਕੰਮ ਕਰਨ ਦੇ ਚਾਂਸ ਬਣੇ ਰਹਿਣ। ਹਾਲਾਂਕਿ ਹੁਣ ਅਜਿਹਾ ਕੋਈ ਜਰੂਰੀ ਨਹੀਂ ਕਿ ਡੋਨਰ ਅਤੇ ਮਰੀਜ ਦਾ ਬਲੱਡ ਗਰੁੱਪ ਟਰਾਂਸਪਲਾਂਟ ਦੇ ਲਈ ਇਕੋ ਜਿਹਾ ਹੋਵੇ। ਅੱਜ ਕੱਲ ਏ. ਬੀ. ਓ. ਇਨਕੰਪੈਟਿਬਲ ਬਲੱਡ ਟਾਈਪ ਕਿਡਨੀ ਟਰਾਂਸਪਲਾਂਟ ਇਕ ਸੱਚਾਈ ਹੈ ਅਤੇ ਫੋਰਟਿਸ ਮੋਹਾਲੀ ਵਿਚ ਇਸ ਤਰਾਂ ਦੇ ਟਰਾਂਸਪਲਾਂਟ ਸਫਲਤਾਪੂਰਵਕ ਕੀਤੇ ਜਾ ਰਹੇ ਹਨ।' ਡਾ. ਰੰਜਨ ਨੇ ਯੂ. ਏ. ਐਸ. ਦੇ ਜਾਨਸ ਹਾਪਿਕੰਸ ਦੇ ਇਨਕੰਪੈਟਿਬਲ ਕਿਡਨੀ ਟਰਾਂਸਪਲਾਂਟ ਸੈਂਟਰ ਤੋਂ ਪ੍ਰੋ. ਰਾਬਰਟ ਮੋਂਟਗੋਮਰੀ, ਜਿਨਾਂ ਨੂੰ ਇਨਕੰਪੈਟਿਬਲ ਕਿਡਨੀ ਪ੍ਰੋਗਰਾਮ ਦਾ ਪਿਤਾਮਾ ਵੀ ਕਿਹਾ ਜਾਂਦਾ ਹੈ, ਦੇ ਮਾਰਗਦਰਸ਼ਨ ਵਿਚ ਟਰੇਨਿੰਗ ਹਾਸਲ ਕੀਤੀ ਹੈ। ਡਾ. ਰੰਜਨ ਨੇ ਕਿਹਾ ਕਿ ਦੁਨੀਆ ਭਰ ਵਿਚ ਉਨਾਂ ਮਰੀਜਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ ਜਿਨਾਂ ਦੀ ਕਿਡਨੀ ਕੰਮ ਕਰਨਾ ਬੰਦ ਕਰ ਦਿੰਦੀ ਹੈ। ਅਜਿਹੇ ਵਿਚ ਕਿਡਨੀ ਟਰਾਂਸਪਲਾਂਟ ਹੀ ਇਕਮਾਤਰ ਰਸਤਾ ਹੈ। ਇਸ ਤਕਨੀਕ ਨਾਲ ਅਣਗਿਣਤ ਜਿੰਦਗੀਆਂ ਬਚਾਉਣਾ ਮੁਮਕਿਨ ਹੈ। ਉਨਾਂ ਨੇ ਜਾਣਕਾਰੀ ਦਿੱਤੀ ਕਿ ਏ. ਬੀ.ਓ. ਇਕੰਪੈਟਿਬਲ ਟ੍ਰਾਂਸਪਲਾਂਟੇਸ਼ਨ ਦੀ ਤਿਆਰੀ ਦੇ ਲਈ ਇਕ ਸਰਲ ਜਿਹਾ ਬਲੱਡ ਟੈਸਟ ਕੀਤਾ ਜਾਂਦਾ ਹੈ ਜਿਸ ਨਾਲ ਬਲੱਡ ਸਟ੍ਰੀਮ ਵਿਚ ਐਂਟੀਬਾਡੀ ਦੀ ਮਾਤਰਾ ਜਾਣੀ ਜਾਂਦੀ ਹੈ। ਜਿਆਦਾਤਰ ਲੋਕਾਂ ਵਿਚ ਐਂਟੀਬਾਡੀ ਦਾ ਇੰਨਾ ਪੱਧਰ ਹੁੰਦਾ ਹੈ ਜਿਸ ਦਾ ਇਲਾਜ ਮੁਮਕਿਨ ਹੈ। ਡਾ. ਰੰਜਨ ਨੇ ਇਸ ਤਕਨੀਕ 'ਤੇ ਅੱਗੇ ਗੱਲ ਕਰਦੇ ਹੋਏ ਕਿਹਾ ਕਿ ਇੰਮਯੂਨ ਕੰਡੀਸ਼ਨਿੰਗ ਵਰਗੀ ਨਵੀਂ ਤਕਨੀਕ ਦੀ ਬਦੌਲਤ ਕਿਸੇ ਵੀ ਬਲੱਡ ਗਰੁੱਪ ਦੇ ਅੰਗਾਂ ਨੂੰ ਟਰਾਂਸਪਲਾਂਟ ਕਰਨਾ ਮੁਮਕਿਨ ਹੈ। ਇਹ ਉਨਾਂ ਲੋਕਾਂ ਲਈ ਇਕ ਵਰਦਾਨ ਹੈ ਜਿਨਾਂ ਦੇ ਪਰਿਵਾਰ ਵਿਚ ਸਮਾਨ ਬਲੱਡ ਗਰੁੱਪ ਵਾਲੇ ਡੋਨਰ ਨਹੀਂ ਹਨ। 
ਡਾ. ਰੰਜਨ ਨੇ ਅੱਗੇ ਕਿਹਾ, 'ਇਨਾਂ ਪੇਚਿਦਾ ਕਿਡਨੀ ਟਰਾਂਸਪਲਾਂਟ ਵਿਚ ਇਕ ਪ੍ਰਕਿਰਿਆ ਅਜਿਹੀ ਵੀ ਕੀਤੀ ਜਾਂਦੀ ਹੈ ਜਿੱਥੇ ਮਰੀਜ ਦੇ ਬਲੱਡ ਪਲਾਜਮਾ ਵਿਚੋਂ ਐਂਟੀਬਾਡੀਜ ਨੂੰ ਕੱਢ ਦਿੱਤਾ ਜਾਂਦਾ ਹੈ। ਇਸ ਨੂੰ ਪਲਾਜਮਾਫੇਰੇਸਿਸ ਕਿਹਾ ਜਾਂਦਾ ਹੈ। ਇਹ ਯਕੀਨੀ ਕਰਦਾ ਹੈ ਕਿ ਮਰੀਜ ਕਿਸੇ ਦੂਸਰੇ ਬਲੱਡ ਗਰੁੱਪ ਵਾਲੇ ਰਿਸ਼ਤੇਦਾਰ ਤੋਂ ਕਿਡਨੀ ਲੈ ਸਕਦਾ ਹੈ ਅਤੇ ਇਹ ਉਨਾਂ ਦੇ ਸਰੀਰ ਵਿਚ ਬਿਨਾਂ ਕਿਸੇ ਦਿੱਕਤ ਦੇ ਆਪਣੀ ਜਗਾ ਬਣਾ ਲਵੇਗੀ। ਸਾਡੇ ਕੋਲ ਬੈਸਟ ਪਲਾਜਮਾਫੇਰੇਸਿਸ ਮਸ਼ੀਨਾਂ ਹਨ ਜੋ ਕਿ ਅਸਰਦਾਰ ਤਰੀਕੇ ਨਾਲ ਟਰਾਂਸਪਲਾਂਟ ਤੋਂ ਪਹਿਲਾਂ ਅਤੇ ਬਾਅਦ ਵਿਚ ਐਂਟੀ-ਬਲੱਡ ਗਰੁੱਪ ਐਂਟੀਬਾਡੀਜ ਨੂੰ ਸਾਫ ਕਰ ਸਕਦੀ ਹੈ। ਇਸ ਪ੍ਰਕਿਰਿਆ ਵਿਚ ਅਗਲਾ ਕਦਮ ਕਿਡਨੀ ਟਰਾਂਸਪਲਾਂਟ ਸਰਜਰੀ ਨੂੰ ਸ਼ੈਡਿਊਲ ਕਰਨਾ ਅਤੇ ਮਰੀਜ ਨੂੰ ਪ੍ਰੀ-ਟਰਾਂਸਪਲਾਂਟ ਦੇ ਲਈ ਟ੍ਰੀਟਮੈਂਟ ਦੇਣਾ ਹੈ ਜਿਸ ਨਾਲ ਬਲੱਡ ਗਰੁਪ ਐਂਟੀਬਾਡੀ ਘੱਟ ਹੋ ਸਕੇ। 
ਡਾ. ਰੰਜਨ ਨੇ ਹੋਰ ਜਾਣਕਾਰੀ ਦਿੱਤੀ ਕਿ ਆਪ੍ਰੇਸ਼ਨ ਦੇ ਦੋ ਤੋਂ ਤਿੰਨ ਹਫਤਿਆਂ ਦੇ ਬਾਅਦ ਦਵਾਈਆਂ ਅਤੇ ਇਲਾਜ ਦਾ ਤਰੀਕਾ ਠੀਕ ਉਵੇਂ ਦਾ ਹੋ ਜਾਂਦਾ ਹੈ ਜਿਵੇ ਕਿਸੇ ਕੰਪੈਟਿਬਲ ਬਲੱਡ ਗਰੁੱਪ ਵਾਲੇ ਟਰਾਂਸਪਲਾਂਟ ਦੇ ਮਰੀਜ ਦਾ। ਪਰ ਇਹ ਜਰੂਰ ਹੈ ਕਿ ਅਜਿਹੇ ਮਰੀਜਾਂ ਨੂੰ ਟਰਾਂਸਪਲਾਂਟ ਦੇ ਬਾਅਦ ਬਹੁਤ ਹੀ ਸਾਵਧਾਨੀ ਨਾਲ ਟ੍ਰੀਟ ਕੀਤਾ ਜਾਂਦਾ ਹੈ।   

ਤੀਆਂ ਪੁਰਾਤਨ ਸੱਭਿਆਚਾਰ ਦਾ ਰੰਗੀਲਾ ਅੰਗ - ਜਗੀਰ ਕੌਰ



ਲੁਧਿਆਣਾ, 18 ਅਗਸਤ  ( ਸਤ ਪਾਲ ਸੋਨੀ ) : ਤੀਆਂ ਸਾਡੇ ਪੁਰਾਤਨ ਸੱਭਿਆਚਾਰਕ ਵਿਰਸੇ ਦਾ ਰੰਗੀਲਾ ਅਤੇ ਅਨੋਖਾ ਅੰਗ ਹੈ, ਇਹ ਤਿਉਹਾਰ ਬਾਕੀ ਸਾਰੇ ਤਿਉਹਾਰਾਂ ਨਾਲੋਂ ਨਿਵੇਕਲਾ ਇਸ ਕਰਕੇ ਵੀ ਹੈ ਕਿ ਇਹ ਸਿਰਫ ਪੰਜਾਬੀ ਮੁਟਿਆਰਾਂ ਤੇ ਔਰਤਾਂ ਦਾ ਤਿਉਹਾਰ ਹੈ, ਇਹ ਤਿਉਹਾਰ ਖਾਸ ਕਰਕੇ ਵਿਆਹੀਆਂ ਤੇ ਕੁਆਰੀਆਂ ਲੜਕੀਆਂ ਦਾ ਹੈ, ਜਿਸ ਵਿੱਚ ਸ਼ਾਮਲ ਹੋਣ ਲਈ ਵਿਆਹੀਆਂ ਕੁੜੀਆਂ ਆਪਣੇ ਸਹੁਰੇ ਪਿੰਡ ਤੋਂ ਪੇਕੇ ਪਿੰਡ ਵਿਸ਼ੇਸ਼ ਤੌਰ ਤੇ ਆਉਂਦੀਆਂ ਹਨ ਤੇ ਆਪਣੀਆਂ ਸਹੇਲੀਆਂ ਨਾਲ ਮਿਲਕੇ ਪੀਂਘਾਂ ਝੂਟਦੀਆਂ ਹਨ, ਕਿੱਕਲੀਆਂ ਪਾਉਦੀਆਂ ਹਨ ਤੇ ਗਿੱਧੇ ਦੇ ਪਿੜ ਵਿੱਚ ਰੰਗ ਬਿਰੰਗੀਆਂ ਬੋਲੀਆਂ ਪਾ ਕੇ ਆਪਣੇ ਦਿਲ ਦੇ ਵਲਵਲੇ ਆਪਣੀਆਂ ਹਾਨਣਾਂ ਨਾਲ ਸਾਂਝੇ ਕਰਦੀਆਂ ਹਨ। ਇਨ•ਾਂ ਸ਼ਬਦਾਂ ਦਾ ਪ੍ਰਗਟਾਵਾ ਬੀਬੀ ਜਗੀਰ ਕੌਰ ਪ੍ਰਧਾਨ ਇਸਤਰੀ ਅਕਾਲੀ ਦਲ ਬਾਦਲ ਨੇ ਲੁਧਿਆਣਾ ਦੇ ਵਾਰਡ ਨੰਬਰ 62 ਸਥਿਤ ਈਸ਼ਰ ਨਗਰ ਗਲੀ ਨੰਬਰ 9 ਵਿੱਖੇ ਇਸਤਰੀ ਅਕਾਲੀ ਦਲ ਦੀ ਜੱਥੇਬੰਦਕ ਸਕੱਤਰ ਬੀਬੀ ਜਸਪਾਲ ਕੌਰ ਵਲੋਂ ਕਰਵਾਏ ਤੀਆਂ ਦੀ ਵਿਸ਼ਾਲ ਇਕੱਠ ਨੂੰ ਸੰਬੋਧਨ ਕਰਦੇ ਕਹੇ। ਉਨ•ਾਂ ਕਿਹਾ ਕਿ ਅੱਜ ਦੇ ਯੁੱਗ ਵਿੱਚ ਔਰਤਾਂ ਮਰਦਾਂ ਨਾਲੋਂ ਕਿਸੇ ਪੱਖੋਂ ਘੱਟ ਨਹੀਂ ਹਨ।
ਇਸ ਮੌਕੇ ਮੁਟਿਆਰਾਂ ਨੇ ਗਿੱਧਾ ਪਾ ਕੇ ਬੋਲੀਆਂ ਨਾਲ ਐਸਾ ਪੰਜਾਬੀ ਸੱਭਿਆਚਾਰਕ ਰੰਗ ਬੰਨਿਆ ਕਿ ਬੀਬੀ ਜਗੀਰ ਕੌਰ ਵੀ ਪ੍ਰਭਾਵਿਤ ਹੋਣੋਂ ਨਾ ਰਹਿ ਸਕੇ ਤੇ ਖੁਦ ਗਿੱਧਾ ਪਾਉਣ ਲੱਗ ਪਏ। ਕੁੜੀਆਂ ਨੇ 'ਮੇਰੀ ਸੱਸ ਬੜੀ ਕੁਪੱਤੀ, ਮੈਨੁੰ ਪਾਉਣ ਨਾ ਦਿੰਦੀ ਜੁੱਤੀ' 'ਅਸੀਂ ਜੁੱਤੀ ਪਾਉਣੀ ਐਂ, ਮੁੰਡਿਆ ਰਾਜੀ ਰਹਿ ਜਾਂ ਗੁੱਸੇ, ਤੇਰੀ ਮਾਂ ਖੜਕਾਉਣੀ ਐਂ' 'ਕੁੜਤੀ ਲੈਣੀ ਆਉਣ ਜਾਣ ਨੂੰ, ਭਾਂਵੇ ਵਿਕ ਜੇ ਮੁੰਡੇ ਦਾ ਬਾਪੂ' ਤੇ 'ਫਿਰ ਅੱਖੀਆਂ ਮਾਰ ਗਿਆ, ਜੈਲਦਾਰ ਦਾ ਪੋਤਾ' 'ਬਾਹਾਂ ਗੋਰੀਆਂ ਚ ਕੱਲੀ ਕੱਲੀ ਵੰਗ ਬੋਲਦੀ, ਉਡ ਜਾਂਵੇ ਤੂੰ ਹਵਾ ਚ ਜਦੋਂ ਲੰਮੇ ਵਾਲ ਖੋਲਦੀ' 'ਆਉਂਦੀ ਕੁੜੀਏ, ਜਾਂਦੀਏ ਕੁੜੀਏ, ਚੱਕ ਲੈ ਟੋਕਰਾ ਨੜਿਆਂ ਦਾ, ਕਿੱਥੇ ਲਾਹੇਂਗੀ, ਇਹ ਸਾਰਾ ਪਿੰਡ ਛੜਿਆਂ ਦਾ' ਆਦਿ ਦਰਜਨਾਂ ਬੋਲੀਆਂ ਪਾ ਕੇ ਸਮਾਂ ਬੰਨ ਦਿੱਤਾ। ਇਸ ਮੌਕੇ ਜਸਪਾਲ ਕੌਰ ਦੀ ਅਗਵਾਈ ਵਿੱਚ ਬੀਬੀ ਜਗੀਰ ਕੌਰ ਨੂੰ ਸਨਮਾਨ ਚਿੰਨ, ਲੋਈ ਤੇ ਸਿਰੋਪਾ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਜਨਰਲ ਸਕੱਤਰ ਪੰਜਾਬ ਬੀਬੀ ਨਰਿੰਦਰ ਕੌਰ ਲਾਂਬਾ, ਨਿਰਮਲ ਕੌਰ ਖੰਨਾ, ਮਨਵਿੰਦਰ ਕੌਰ, ਪੂਨਮ ਅਰੋੜਾ, ਅਵਨੀਤ ਕੌਰ ਖਾਲਸਾ, ਸੁਖਵਿੰਦਰ ਕੌਰ ਸੁੱਖੀ, ਤਲਵਿੰਦਰ ਕੌਰ, ਨਸੀਬ ਕੌਰ ਢਿਲੋਂ, ਰਾਣੀ ਧਾਲੀਵਾਲ ਤੇ ਹੋਰ ਇਲਾਕੇ ਦੀਆਂ ਬੀਬੀਆਂ ਸ਼ਾਮਲ ਸਨ। ਬੀਬੀ ਜਗੀਰ ਕੌਰ ਨਾਲ ਸਵਰਨ ਸਿੰਘ ਜੋਸ਼, ਚੇਅਰਮੈਨ ਮਾਰਕੀਟ ਕਮੇਟੀ ਭੁੱਲਥ,ਬਲਬੀਰ ਸਿੰਘ ਸਰਪੰਚ ਤੇ ਅਮਰੀਕ ਸਿੰਘ ਵੀ ਹਾਜ਼ਿਰ ਸਨ । ਸਮਾਗਮ ਦੌਰਾਨ ਮਾਲ•ਪੂੜੇ, ਬਦਾਮਾਂ ਵਾਲੀ ਖੀਰ ਤੇ ੁਮੱਠੇ ਗੁਲਗੁਲਿਆਂ ਸਮੇਤ ਨਮਕੀਨ ਪਕੌੜਿਆਂ ਦਾ ਅਤੁੱਟ ਲੰਗਰ ਵਰਤਾਇਆ ਗਿਆ।

ਐਸਪੀਐਸ ਹਸਪਤਾਲ ਨੇ ਥੈਲੇਸੀਮੀਆ ਨਾਲ ਪੀੜਿਤ 50 ਬੱਚੇ ਗੋਦ ਲਏ
*ਜਿੰਦਗੀ ਲਾਈਵ ਫਾਉਂਡੇਸ਼ਨ ਦੇ ਨਾਲ ਮਿਲਕੇ ਮੈਡੀਕਲ ਸੁਵਿਧਾ ਦੇਵੇਗਾ ਹਸਪਤਾਲ

ਲੁਧਿਆਣਾ, 17 ਅਗਸਤ  (ਸਤ ਪਾਲ ਸੋਨੀ ) :ਸਤਿਗੁਰ ਪ੍ਰਤਾਪ ਸਿੰਘ (ਐਸਪੀਐਸ) ਹਸਪਤਾਲ ਨੇ ਜਿਓ ਜਿੰਦਗੀ ਅਭਿਆਨ ਦੇ ਤਹਤ ਜਿੰਦਗੀ ਲਾਈਵ ਫਾਉਂਡੇਸ਼ਨ ਦੇ ਸਹਿਯੋਗ ਨਾਲ ਥੈਲੇਸੀਮੀਆ ਨਾਲ ਪੀੜਿਤ 50 ਬੱਚਿਆਂ ਨੂੰ ਗੋਦ ਲਿਆ ਹੈ। ਹਸਪਤਾਲ ਇਹਨਾਂ ਬੱਚਿਆਂ ਨੂੰ ਮੈਡੀਕਲ ਸੁਵਿਧਾ ਦੇਵੇਗਾ।
ਆਜਾਦੀ ਦਿਵਸ ਦੇ ਸੰਬੰਧ ਵਿੱਚ ਹਸਪਤਾਲ ਵਿੱਚ ਹੋਏ ਪ੍ਰੋਗ੍ਰਾਮ ਦੌਰਾਨ ਥੈਲੇਸੀਮੀਆ ਨਾਲ ਪੀੜਿਤ ਬੱਚਿਆਂ ਦੇ ਇੰਸੇਟਿਵ ਕੇਅਰ ਵਿਭਾਗ ਦੀ ਅਸੋਸਿਏਟ ਕੰਸਲਟੈਂਟ ਡਾ. ਮਹਿਕ ਬੰਸਲ ਦੇ ਮੁਤਾਬਿਕ ਥੈਲੇਸੀਮੀਆ ਬੱਚਿਆਂ ਨੂੰ ਵਿਰਾਸਤ ਵਿੱਚ ਮਿਲਣ ਵਾਲੀ ਬੀਮਾਰੀ ਹੈ। ਰੈਡ ਬਲੱਡ ਸੈਲ ਦੀ ਕਮੀ ਦੇ ਕਾਰਣ ਹੋਣ ਵਾਲਾ ਅਨੀਮਿਆ ਥੈਲੇਸੀਮੀਆ ਦਾ ਕਾਰਣ ਬਣਦਾ ਹੈ। ਜਿਹਨਾਂ ਬੱਚਿਆਂ ਵਿੱਚ ਇੱਕ ਜੀਨ ਹੋਵੇ, ਉਹਨਾਂ ਨੂੰ ਮਾਈਨਰ ਅਤੇ ਜਿਹਨਾਂ ਵਿੱਚ ਦੋ ਜੀਨ ਹੋਣ ਉਹਨਾਂ ਨੂੰ ਮੇਜਰ ਥੈਲੇਸੀਮਿਕ ਕਿਹਾ ਜਾਂਦਾ ਹੈ। ਮੇਜਰ ਥੈਲੇਸੀਮਿਕ ਬੱਚਿਆਂ ਵਿੱਚ 6 ਮਹੀਨੇ ਤੋਂ 1 ਸਾਲ ਦੀ ਉਮਰ ਵਿੱਚ ਜਾਨਲੇਵਾ ਅਨੀਮਿਆ ਹੋਣ ਦਾ ਖਤਰਾ ਰਹਿੰਦਾ ਹੈ।
ਹਸਪਤਾਲ ਦੇ ਐਮਡੀ ਜੁਗਦੀਪ ਸਿੰਘ ਨੇ ਕਿਹਾ ਕਿ ਹਸਪਤਾਲ ਮੈਨੇਜਮੈਂਟ ਅਤੇ ਕਰਮਚਾਰੀ ਇਸ ਨੇਕ ਕੰਮ ਵਿੱਚ ਯੋਗਦਾਨ ਪਾ ਕੇ ਖੁਸ਼ੀ ਮਹਿਸੂਸ ਕਰ ਰਹੇ ਹਨ। ਉਹਨਾਂ ਨੇ ਉਮੀਦ ਜਤਾਈ ਕਿ ਜਿੰਦਗੀ ਲਾਈਵ ਫਾਉਂਡੇਸ਼ਨ ਭਵਿੱਖ ਵਿੱਚ ਵੀ ਇਸ ਤਰਾਂ ਦੇ ਕੰਮਾਂ ਵਿੱਚ ਹਸਪਤਾਲ ਨੂੰ ਸਹਿਯੋਗ ਦਿੰਦਾ ਰਹੇਗਾ। ਉਹਨਾਂ ਦੱਸਿਆ ਕਿ ਫਾਉਂਡੇਸ਼ਨ ਦੇ ਥੈਲੇਸੀਮਿਕ ਬੱਚਿਆਂ ਵਾਸਤੇ ਚਲਾਏ ਜਾ ਰਹੇ ਮਾਨਵਤਾ ਧਾਮ ਵਿਖੇ ਹਸਪਤਾਲ ਵੱਲੋਂ ਇੱਕ ਸੈਂਟਰ ਸਥਾਪਿਤ ਕੀਤਾ ਜਾਵੇਗਾ। ਜਿਸ ਵਿੱਚ ਥੈਲੇਸੀਮਿਕ ਪੀੜਿਤਾਂ ਦੇ ਸਸਤੀ ਦਰ ਤੇ ਟੈਸਟ ਕੀਤੇ ਜਾਣਗੇ। ਫਾਉਂਡੇਸ਼ਨ ਕੇ ਜਨਰਲ ਸਕੱਤਰ ਯੋਗੇਸ਼ ਗੁਪਤਾ ਨੇ ਕਿਹਾ ਕਿ ਉਹਨਾਂ ਨੇ ਬੱਚਿਆਂ ਨੂੰ ਇਹ ਮਦਦ ਦਿਲਾਉਣ ਲਈ ਕਾਫੀ ਸਮੇਂ ਤੱਕ ਫਾਲੋ ਕੀਤਾ ਹੈ। ਅੱਜ ਇਹਨਾਂ ਨੂੰ ਦਵਾਈਆਂ ਵੰਡ ਕੇ ਉਹਨਾਂ ਨੂੰ ਕਾਫੀ ਖੁਸ਼ੀ ਮਹਿਸੂਸ ਹੋ ਰਹੀ ਹੈ।

ਮੇਅਰ ਨੇ ਕੀਤਾ ਨੱਥੂ ਸਵੀਟਸ ਐੰਡ ਰੈਸਟ੍ਰੋਰੈਂਟ ਦਾ ਉਦਘਾਟਨ

-ਪੁਲਿਸ ਕਮਿਸ਼ਨਰ, ਡਿਪਟੀ ਮੇਅਰ ਅਤੇ ਪ੍ਰਵੀਨ ਬਾਂਸਲ ਬਤੌਰ ਮੁਖ ਮਹਿਮਾਨ ਪੁੱਜੇ

ਲੁਧਿਆਣਾ, 17 ਅਗਸਤ  (ਸਤ ਪਾਲ ਸੋਨੀ ) : ਅਗਰਸੇਨ ਗਰੁੱਪ ਦੀ ਦਿੱਲੀ ਮਸ਼ਹੂਰ ਨੱਥੂ ਸਵੀਟਸ ਐੰਡ ਰੈਸਟ੍ਰੋਰੈਂਟ ਦਾ ਉਦਘਾਟਨ ਸ਼ਹਿਰ ਦੇ ਮੇਅਰ ਹਰਚਰਨ ਸਿੰਘ ਗੋਹਲਵੜਿਆ ਨੇ ਸੋਮਵਾਰ ਨੂੰ ਮਲਹਾਰ ਰੋਡ ਮੌਜੂਦ ਫਲੇਮਜ ਮਾਲ ਦੇ ਸਾਹਮਣੇ ਕੀਤਾ। ਇਸ ਮੌਕੇ 'ਤੇ ਪੁਲਿਸ ਕਮਿਸ਼ਨਰ ਪਰਮਰਾਜ ਸਿੰਘ ਉਮਰਾਨੰਗਲ, ਡਿਪਟੀ ਮੇਅਰ ਆਰ.ਡੀ.ਸ਼ਰਮਾਂ ਅਤੇ ਭਾਜਪਾ ਸ਼ਹਿਰੀ ਜਿਲਾ ਪ੍ਰਧਾਨ ਪ੍ਰਵੀਨ ਬਾਂਸਲ  ਨੇ ਰੈਸਟ੍ਰੋਰੈਂਟ ਵਿੱਚ ਮੌਜੂਦ ਲਜੀਜ਼ ਖਾਣੇ ਦਾ ਆਨੰਦ ਮਾਣਿਆ। ਇਸ ਮੌਕੇ ਉਹਨਾਂ ਨੇ ਰੈਸਟ੍ਰੋਰੈਂਟ ਵੱਲੋਂ ਪਰੋਸੇ ਗਏ ਖਾਣੇ ਦੀ ਸਰਾਹਨਾ ਵੀ ਕੀਤੀ।
ਇਹ ਜਾਣਕਾਰੀ ਦਿੰਦੇ ਹੋਏ ਰੈਸਟ੍ਰੋਰੈਂਟ ਮਾਲਿਕ ਰਾਕੇਸ਼ ਜੈਨ, ਨੀਸ਼ੂ ਮੋਦੀ, ਵਰੂਣ ਗੋਇਲ ਨੇ ਦੱਸਿਆ ਕਿ ਰੈਸਟ੍ਰੋਰੈਂਟ ਵਿੱਚ ਮਿਲਣ ਵਾਲਾ ਖਾਣਾ ਸ਼ੁਧ ਸਮਗਰੀ ਨਾਲ ਤਿਆਰ ਕੀਤਾ ਜਾਂਦਾ ਹੈ। ਉਹਨਾਂ ਅੱਗੇ ਦੱਸਿਆ ਕਿ ਸਾਡੇ ਰੈਸਟ੍ਰੋਰੈਂਟ ਵਿੱਚ ਲੁਧਿਆਣਾ ਵਾਸੀਆਂ ਲਈ ਵਿਸ਼ੇਸ਼ ਤੌਰ ਤੇ ਚਨਾ ਭਟੂਰਾ, ਟਿੱਕੀ, ਚਾਟ ਪਾਪੜੀ, ਜਲੇਬੀ, ਸਮੋਸਾ, ਮਟਰ ਕੁਲਚਾ ਅਤੇ ਹੋਰ ਵੀ ਬਹੁਤ ਤਰ•ਾਂ ਦੀਆਂ ਮਿਠਾਈਆਂ ਮੌਜੂਦ ਹਨ। ਨੱਥੂ ਸਵੀਟਸ ਐਂਡ ਰੈਸਟ੍ਰੋਰੈਂਟ ਦੇ ਉਦਘਾਟਨ ਦੇ ਮੌਕੇ 'ਤੇ ਵਿਸ਼ੇਸ਼ ਤੌਰ ਤੇ ਸਵਾਮੀ ਵਿਵੇਕ ਭਾਰਤੀ ਜੀ, ਕੋਂਸਲਰ ਭੁਪਿੰਦਰ ਸਿੰਘ ਭਿੰਦਾ, ਕੋਂਸਲਰ ਮਿੰਟੂ ਸ਼ਰਮਾਂ, ਐਡਵੋਕੇਟ ਪੀ.ਐਸ.ਘੁੰਮਣ, ਕਾਂਗਰਸੀ ਨੇਤਾ ਕੁਲਵੰਤ ਸਿੰਘ ਸਿੱਧੂ, ਅਕਾਲੀ ਨੇਤਾ ਮਨਪ੍ਰੀਤ ਸਿੰਘ ਬੰਟੀ, ਸੀਨੀਅਰ ਭਾਜਪਾ ਨੇਤਾ ਵਿਜੇ ਦਾਦੂ, ਅਗਰਵਾਲ ਸੰਮੇਲਨ ਦੇ ਚੇਅਰਮੈਨ ਅੰਮ੍ਰਿਤ ਲਾਲ ਅਗਰਵਾਲ ਆਦਿ ਵੀ ਮੌਜੂਦ ਸਨ।

ਧੰਨ ਧੰਨ ਬਾਬਾ ਨੰਦ ਸਿੰਘ ਜੀ ਦੀ ਸਲਾਨਾ ਬਰਸੀ ਨੂੰ ਸਮਰਪਿਤ ਕੈਂਸਰ ਜਾਂਚ ਕੈਂਪ ਲੱਗਣਗੇ
*ਵਰਲੱਡ ਕੈਂਸਰ ਕੇਅਰ ਦੀਆਂ ਟੀਮਾਂ 24 ਤੋਂ 29 ਅਗਸਤ ਤਕ ਨਾਨਕਸਰ
ਜਗਰਾਓ 'ਚ ਕਰੇਗੀ ਸੇਵਾ
.
ਲੁਧਿਆਣਾ, 16 ਅਗਸਤ  ( ਸਤ ਪਾਲ ਸੋਨੀ ) :     ਪੰਜਾਬ ਭਰ 'ਚ ਲੋਕੰ ਨੂੰ ਕੈਂਸਰ ਦੇ ਪ੍ਰਤਿ ਜਾਗਰੂਕ ਕਰ ਰਹੀ ਵਰਲੱਡ ਕੈਂਸਰ ਕੇਅਰ ਸੰਸਥਾ ਅੰਮ੍ਰਿਤਸਰ 'ਚ ਸ੍ਰੀ ਹਰਿਮੰਦਰ ਸਾਹਿਬ 'ਚ 3 ਦਿਨਾਂ ਵਿਸ਼ਾਲ ਮੈਗਾ ਕੈਂਪ ਦੇ ਬਾਅਦ ਹੁਣ ਸੰਤ ਬਾਬਾ ਲੱਖਾ ਸਿੰਘ ਨਾਨਕਸਰ ਵਾਲਿਆ ਦੀ ਅਗਵਾਈ 'ਚ ਧੰਨ ਧੰਨ ਬਾਬਾ ਨੰਦ ਸਿੰਘ ਜੀ ਦੀ ਸਲਾਨਾ ਬਰਸੀ ਦੇ ਮੌਕੇ 'ਤੇ ਵਿਸ਼ਾਲ ਕੈਂਸਰ ਚਾਂਜ ਕੈਂਪ 24 ਤੋਂ 29 ਅਗਸਤ ਤਕ ਲਾਏ ਜਾ ਰਹੇ ਹਨ। ਸੰਤ ਬਾਬਾ ਲੱਖਾ ਸਿੰਘ ਵੱਲੋਂ ਵਰਲੱਡ ਕੈਂਸਰ ਦੀ ਟੀਮ ਦੇ ਨਾਲ ਹੋਈ ਇਕ ਮੀਟਿੰਗ ਦੇ ਦੌਰਾਨ ਕੈਂਸਰ ਜਾਂਚ ਕੈਂਪ ਦੀ ਰੂਪ ਰੇਖਾ ਤਿਆਰ ਕੀਤੀ ਗਈ ਅਤੇ ਇੰਨਾ ਕੈਂਪਾ ਦੇ ਦੌਰਾਨ ਆਈ ਹੋਈਆ ਸਾਧ-ਸੰਗਤਾ ਨੂੰ ਵੱਧ ਤੋਂ ਵੱਧ ਕੈਂਸਰ ਪ੍ਰਤਿ ਜਾਗਰੂਕ ਕਰਨ ਦੀ ਜਾਂਚ ਦੇ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ।
 ਕੈਂਸਰ ਕੇਅਰ ਟੀਮ ਦੇ ਇੰਚਾਰਜ ਧਰਮਿੰਦਰ ਢਿੱਲੋਂ ਨੇ ਦਸਿਆ ਕਿ ਇਨਾਂ ਕੈਂਪਾ ਦੇ ਦੌਰਾਨ ਵੱਧ ਤੋਂ ਵੱਧ ਕੈਂਸਰ ਦੇ ਕਈ ਸਾਰੇ ਟੈਸਟ ਬਿਲਕੁਲ ਫ੍ਰੀ ਕੀਤੇ ਜਾਣਗੇ। ਜਿਨਾ 'ਚ ਔਰਤਾਂ ਦੀ ਛਾਤੀ ਦੇ ਕੈਂਸਰ ਦੇ ਲਈ ਮੈਮੋਗ੍ਰਾਫੀ ਟੈਕਸਟ, ਔਰਤਾਂ ਦੀ ਬੱਚੇਦਾਨੀ ਦੇ ਕੈਂਸਰ ਦੇ ਲਈ ਪੀ.ਐਸ.ਏ ਟੈਸਟ, ਮੁੰਹ ਦੇ ਕੈਂਸਰ ਦੇ ਲਈ ਐਂਡੋਸਕਾਪੀ ਟੈਸਟ ਅਤੇ ਇਸਦੇ ਇਲਾਵਾ ਕਈ ਤਰਾਂ ਦੇ ਜਨਰਲ ਟੈਸਟ ਅਤੇ ਦਵਾਵਾਂ ਬਿਲਕੁਲ ਫ੍ਰੀ ਦਿੱਤੀਆਂ ਜਾਣਗੀਆ। ਉਨਾਂ ਦੱਸਿਆ ਕਿ ਇਨਾਂ ਕੈਂਪਾ ਦੇ ਦੌਰਾਨ ਕਈ ਤਰਾਂ ਦੇ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ, ਜਿਸ 'ਚ ਸਾਫ ਪਾਣੀ, ਲੰਗਰ ਦੀ ਵਿਵਸਥਾ ਆਦਿ ਉਪਲੱਬਧ ਕਰਵਾਈ ਜਾਵੇਗੀ ਤਾਕਿ ਸੰਗਤਾ ਨੂੰ ਕਿਸੇ ਤਰਾ ਦੀ ਪਰੇਸ਼ਾਨੀ ਨ ਹੋਵੇ।
 ਉਨਾਂ ਦੱਸਿਆ ਕਿ ਕੈਂਸਰ ਪੂਰੀ ਦੁਨੀਆ ਦੇ ਲਈ ਗੰਭੀਰ ਸਮਸਿਆ ਬਣਿਆ ਹੋਇਆ ਹੈ ਅਤੇ ਪੂਰੀ ਦੁਨੀਆਂ ਦੀ ਸਰਕਾਰਾਂ ਇਸ ਦੀ ਰੋਕਥਾਮ 'ਚ ਲਗੀ ਹੋਈਆ ਹਨ। ਇਸ ਗੱਲ ਨੂੰ ਮੁੱਖ ਰਖਦਿਆ ਹੋਏ ਸੰਤ ਬਾਬਾ ਲੱਖਾ ਸਿੰਘ ਜੀ ਨੇ ਸੰਤ ਮਹਾਰਾਜ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵੀ ਅੱਗੇ ਆ ਕੇ ਸੰਗਤਾ ਨੂੰ ਇਸ ਬੀਮਾਰੀ ਦੀ ਜਾਂਚ ਕਰਵਾਉਣ ਅਤੇ ਆਪਣੇ ਗੁਰੂਆਂ ਪੀਰਾਂ ਦੀ ਬਰਸੀਆਂ ਵਰਲੱਡ ਕੈਂਸਰ ਕੇਅਰ ਦੇ ਕੈਂਪ ਲਗਾ ਕੇ ਮਨਾਉਣ। ਉਨਾਂ ਸਥਾਨਿਕ ਲੋਕਾਂ ਨੂੰ ਅਪੀਲ ਕਰਦਿਆ ਕਿਹਾ ਕਿ ਉਹ ਇਸ ਸੁਵੀਧਾ ਦਾ ਲਾਭ ਲੈਦਿਆਂ ਹੋਇਆ ਕੈਂਸਰ ਦੇ ਪ੍ਰਤੀ ਜਾਗਰੂਕ ਹੋਣ ਅਤੇ ਇਸ ਕੈਂਪ ਦਾ ਜਿਆਦਾ ਤੋਂ ਜਿਆਦਾ ਲਾਭ ਚੁਕਣ।

ਦੇਸ਼ ਵਾਸੀਆ ਨੂੰ ਆਜ਼ਾਦੀ ਦਿਹਾੜੇ ਦੀ ਲੱਖ ਲੱਖ ਵਧਾਈ ਹੋਵੇ

ਦੇਸ਼ ਵਾਸੀਆ ਨੂੰ ਆਜ਼ਾਦੀ ਦਿਹਾੜੇ ਦੀ ਲੱਖ ਲੱਖ ਵਧਾਈ ਹੋਵੇ

ਦੇਸ਼ ਵਾਸੀਆ ਨੂੰ ਆਜ਼ਾਦੀ ਦਿਹਾੜੇ ਦੀ ਲੱਖ ਲੱਖ ਵਧਾਈ ਹੋਵੇ

ਦੇਸ਼ ਵਾਸੀਆ ਨੂੰ ਆਜ਼ਾਦੀ ਦਿਹਾੜੇ ਦੀ ਲੱਖ ਲੱਖ ਵਧਾਈ ਹੋਵੇ

ਚੜ੍ਹਤ ਪੰਜਾਬ ਦੀ

ਸੀਟੀ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਨੇ ਜ਼ਰੂਰਤਮੰਦਾ ਨਾਲ ਮਨਾਇਆ ਆਜ਼ਾਦੀ ਦਿਵਸ 
*ਵਿਦਿਆਰਥੀਆਂ ਨੇ ਸ਼ਹਿਰ ਦੇ ਵੱਖ-ਵੱਖ ਘਰਾਂ ਚੋਂ ਇੱਕ ਮੁੱਠੀ ਚਾਵਲ ਅਤੇ ਦਾਲ ਇਕੱਠੇ ਕਰ ਜ਼ਰੂਰਮੰਦਾ ਲਈ ਭੋਜ ਤਿਆਰ ਕੀਤਾ ਗਿਆ

ਲੁਧਿਆਣਾ, 13 ਅਗਸਤ ( ਸਤ ਪਾਲ ਸੋਨੀ ) :   ਭਾਰਤ ਦੇ 69ਵੇਂ ਆਜ਼ਾਦੀ ਦਿਵਸ ਨੂੰ ਖਾਸ ਬਣਾਉਣ ਲਈ ਸੀਟੀ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਦੇ ਇੱਕ ਮੁੱਠੀ ਚਾਵਲ ਅਤੇ ਦਾਲ ਗਤਿਵਿਧੀ ਦੀ ਸ਼ੁਰੂਆਤ ਕੀਤੀ। ਇਸਦੇ ਤਹਿਤ ਸ਼ਹਿਰ ਦੇ ਵੱਖ-ਵੱਖ ਘਰਾਂ ਚੋਂ ਇੱਕ ਮੁੱਠੀ ਚਾਵਲ ਅਤੇ ਦਾਲ ਇਕੱਠੇ ਕਰ ਵਿਦਿਆਰਥੀਆਂ ਵਲੋਂ ਜ਼ਰੂਰਮੰਦਾਂ  ਲਈ ਭੋਜ ਤਿਆਰ ਕੀਤਾ ਗਿਆ। 
ਸੀਟੀ ਇੰਸਟੀਚਿਊਟ ਆਫ ਹੋਟਲ ਮੈਨੇਜਮੇਂਟ ਦੇ ਵਿਦਿਆਰਥੀਆਂ ਨੇ ਇਸ ਖਾਸ ਗਤਿਵਿਧੀ ਦਾ ਆਯੋਜਨ ਕੀਤਾ। ਇਸਦੇ ਤਹਿਤ ਉਨ•ਾਂ ਨੇ ਖਾਸ ਪ੍ਰੋਗ੍ਰਾਮ ਨੂੰ ਆਜ਼ਾਦੀ ਦੇ ਦਿਨ ਤੇ ਮਨਾਉਣ ਦਾ ਵਿਚਾਰ ਕਰ ਜਮਾਲਪੁਰ ਰੋਡ ਅਤੇ ਪ੍ਰੀਤ ਪੈਲੇਸ  ਵਿਖੇ ਮਨਾਇਆ। ਵਿਦਿਆਰਥੀਆਂ ਨੇ ਆਪਣੀ ਇਸ ਇੱਕ ਮੁੱਠੀ ਦਾਲ ਅਤੇ ਚਾਵਲ ਇਕੱਠੇ ਕਰਨ ਦੀ ਕ੍ਰਿਆ ਸਮੇਂ ਸਾਰੇ ਸ਼ਹਿਰਵਾਸਿਆਂ ਨੂੰ ਨੂੰ ਦੇਸ਼ ਸਹਿਤ ਦੇਸ਼ਵਾਸਿਆਂ ਦੇ ਹਿਤ ਵਿੱਚ ਕਾਰਜ ਕਰਨ ਲਈ ਅਪੀਲ ਕੀਤੀ। ਜਿਸਦੀ ਸ਼ੁਰੂਆਤ ਉਨ•ਾਂ ਨੂੰ ਸ਼ਹਿਰ ਦੇ ਜ਼ਰੂਰਤਮੰਦਾ ਦਾ ਪੇਟ ਭਰਣ ਦੀ ਕਸਮ ਲੈ ਕੇ ਕਰਨ ਲਈ ਪ੍ਰੇਰਿਤ ਕੀਤਾ।
ਮੈਨੇਜਿੰਗ ਡਾਇਰਕੈਟਰ ਸ਼੍ਰੀ ਮਨਬੀਰ ਸਿੰਘ ਨੇ ਦੱਸਿਆ ਕਿ ਵਿਦਿਆਰਥੀਆਂ ਵਜੋਂ ਖਾਸ ਤੌਰ ਤੇ ਖਾਣੇ ਨੂੰ ਬਣਾਇਆ ਅਤੇ ਭੋਜ ਨੂੰ ਤਿਆਰ ਕੀਤਾ ਗਿਆ ਹੈ। ਇਸਦੇ ਲਈ ਵਲੰਟੀਅਰ ਵਿਦਿਆਰਥੀਆਂ ਨੇ ਲੁਧਿਆਣਾ ਸ਼ਹਿਰ ਦੇ ਵੱਖ-ਵੱਖ ਇਲਾਕੇ ਦੇ ਘਰਾਂ ਚੋਂ ਇੱਕ ਮੁੱਠੀ ਚਾਵਲ ਅਤੇ ਦਾਲ ਇਕੱਠੇ ਕਰ ਭੋਜ ਤਿਆਰ ਕੀਤਾ ਹੈ। ਸੀਟੀ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਦੇ ਚੇਅਰਮੈਨ ਸ. ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਜੇਕਰ ਸਾਰਾ ਸਮਾਜ ਇਸ ਚੰਗੇ ਕਾਰਜ ਦੇ ਵੱਲ ਕੰਮ ਕਰੇਗਾ ਤਾ ਲੁਧਿਆਣਾ ਵਿੱਚ ਕਿਸੇ ਨੂੰ ਭੁੱਖ ਢਿਡ ਸੌਣ ਦੀ ਲੋੜ ਨਹੀ ਪਵੇਗੀ। ਸਾਰਿ•ਆਂ ਨੂੰ ਦੇਸ਼ ਦੇ 69ਵੇਂ ਆਜ਼ਾਦੀ ਦਿਵਸ ਦੇ ਇਸ ਰਾਹ ਦੇ ਅੱਗੇ ਵੱਧਣ ਲਈ ਕਸਮ ਲੈਣੀ ਚਾਹੀਦੀ ਹੈ। ਉਨ•ਾਂ ਨੇ ਕਿਹਾ ਕਿ ਕਈ ਵਾਰ ਦੇਖਿਆਂ ਜਾਂਦਾ ਹੈ ਘਰਾਂ ਵਿੱਚ ਬਹੁਤ ਸਾਰਾ ਖਾਣਾ ਬਰਬਾਦ ਹੁੰਦਾ ਹੈ। ਜਿਸ ਨੂੰ ਕਿਸੇ ਜ਼ਰੂਰਤਮੰਦ ਨੂੰ ਦੇਣ ਦੀ ਥਾਂ ਕੁੜੇ ਦੇ ਢੇਰ ਵਿੱਚ ਸੁੱਟ ਦਿੱਤਾ ਜਾਂਦਾ ਹੈ। ਉਹਨਾਂ ਨੇ ਕਿਹਾ ਕਿ ਮੇਰਾ ਮੰਨ•ਣਾਂ ਹੈ ਕਿ ਸਾਨੂੰ ਸਾਰਿਆਂ ਨੂੰ ਇਸ ਪੱਖ ਵੱਲ ਰੱਲ ਕੇ ਕੰਮ ਕਰਨ ਦੀ ਲੋੜ ਹੈ ਤਾਂ ਜੋ ਕਿ ਇਸ ਅਣਚਾਹੀ ਬਰਬਾਦੀ ਨੂੰ ਰੋਕਿਆਂ ਜਾ ਸਕੇ  ।

ਪੰਜਾਬ ਸਰਕਾਰ ਵੱਲੋਂ 11700 ਰੈਗੂਲਰ ਅਧਿਆਪਕਾਂ ਦੀ ਭਰਤੀ ਜਲਦ-ਚੀਮਾ

* ਸਿੱਖਿਆ ਮੰਤਰੀ ਵੱਲੋਂ ਸ਼ਹੀਦ ਕਰਨੈਲ ਸਿੰਘ ਨਗਰ ਵਿਖੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਇਮਾਰਤ ਦਾ ਉਦਘਾਟਨ

ਲੁਧਿਆਣਾ, 11 ਅਗਸਤ ( ਸਤ ਪਾਲ ਸੋਨੀ ) : ਪੰਜਾਬ ਵਿੱਚ ਸਿੱਖਿਆ ਦਾ ਪੱਧਰ ਹੋਰ ਉੱਚਾ ਚੁੱਕਣ ਦੇ ਮਕਸਦ ਨਾਲ ਪੰਜਾਬ ਸਿੱਖਿਆ ਵਿਭਾਗ ਵੱਲੋਂ 11700 ਅਧਿਆਪਕਾਂ ਦੀ ਪੱਕੀ ਭਰਤੀ ਜਲਦ ਹੀ ਕੀਤੀ ਜਾ ਰਹੀ ਹੈ। ਇਨ•ਾਂ ਵਿੱਚੋਂ 4000 ਅਧਿਆਪਕ ਪ੍ਰਾਇਮਰੀ ਸਕੂਲਾਂ ਵਿੱਚ ਜਦਕਿ 7700 ਅਧਿਆਪਕ ਸੈਕੰਡਰੀ ਸਕੂਲਾਂ ਵਿੱਚ ਤਾਇਨਾਤ ਕੀਤੇ ਜਾਣਗੇ। ਇਸ ਸੰਬੰਧੀ ਬਕਾਇਦਾ ਮੀਟਿੰਗ ਹੋ ਚੁੱਕੀ ਹੈ ਅਤੇ ਫਾਈਲ ਮੁੱਖ ਮੰਤਰੀ ਪੰਜਾਬ ਦੀ ਪ੍ਰਵਾਨਗੀ ਲਈ ਭੇਜੀ ਜਾ ਚੁੱਕੀ ਹੈ। 
ਇਹ ਜਾਣਕਾਰੀ ਪੰਜਾਬ ਦੇ ਸਿੱਖਿਆ ਮੰਤਰੀ ਡਾ. ਦਲਜੀਤ ਸਿੰਘ ਚੀਮਾ ਨੇ ਅੱਜ ਸਥਾਨਕ ਗਿੱਲ ਸੜਕ ਸਥਿਤ ਸ਼ਹੀਦ ਕਰਨੈਲ ਸਿੰਘ ਨਗਰ ਵਿਖੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਇਮਾਰਤ ਦਾ ਉਦਘਾਟਨ ਕਰਨ ਉਪਰੰਤ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਦਿੱਤੀ। ਇਸ ਮੌਕੇ ਉਨ•ਾਂ ਨਾਲ ਸਾਬਕਾ ਮੰਤਰੀ ਅਤੇ ਜ਼ਿਲ•ਾ ਯੋਜਨਾ ਬੋਰਡ ਦੇ ਚੇਅਰਮੈਨ ਸ੍ਰ. ਹੀਰਾ ਸਿੰਘ ਗਾਬੜੀਆ ਵੀ ਹਾਜ਼ਰ ਸਨ। ਸ੍ਰ. ਚੀਮਾ ਨੇ ਦੱਸਿਆ ਕਿ ਇਹਨਾਂ ਅਧਿਆਪਕਾਂ ਦੀ ਪੱਕੀ ਭਰਤੀ ਪਾਰਦਰਸ਼ੀ ਢੰਗ ਨਾਲ ਕੀਤੀ ਜਾਵੇਗੀ। ਉਨ•ਾਂ ਸਪੱਸ਼ਟ ਕੀਤਾ ਕਿ ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਰਾਜ ਅਧਿਆਪਕ ਯੋਗਤਾ ਪ੍ਰੀਖਿਆ (ਟੀ. ਈ. ਟੀ.) ਨੂੰ ਬੰਦ ਕਰਨ ਦਾ ਕੋਈ ਇਰਾਦਾ ਨਹੀਂ, ਬਲਕਿ ਈ. ਟੀ. ਟੀ. ਲਈ ਪ੍ਰਵੇਸ਼ ਪ੍ਰੀਖਿਆ ਬਾਰੇ ਵੀ ਵਿਚਾਰ ਕੀਤਾ ਜਾ ਰਿਹਾ ਹੈ। 
ਐਸੋਸੀਏਟ ਸਕੂਲਾਂ ਬਾਰੇ ਪੁੱਛੇ ਜਾਣ 'ਤੇ ਡਾ. ਚੀਮਾ ਨੇ ਭਰੋਸਾ ਦਿੱਤਾ ਕਿ ਇਨ•ਾਂ ਸਕੂਲਾਂ ਨੂੰ ਬੰਦ ਨਹੀਂ ਹੋਣ ਦਿੱਤਾ ਜਾਵੇਗਾ। ਉਨ•ਾਂ ਕਿਹਾ ਕਿ ਇਨ•ਾਂ ਸਕੂਲਾਂ ਦੀ ਚੈਕਿੰਗ ਚੱਲ ਰਹੀ ਹੈ ਅਤੇ ਕਿਸੇ ਵੀ ਸਕੂਲ ਨੂੰ ਬੇਲੋੜਾ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ। ਇਸ ਚੈਕਿੰਗ ਦਾ ਮਕਸਦ ਹੈ ਕਿ ਇਹ ਪਤਾ ਲਗਾਇਆ ਜਾ ਸਕੇ ਕਿ ਇਨ•ਾਂ ਸਕੂਲਾਂ ਕੋਲ ਅਧਿਆਪਕ ਅਤੇ ਹੋਰ ਸਟਾਫ਼ ਬਕਾਇਦਾ ਯੋਗਤਾਵਾਂ ਪੂਰੀਆਂ ਕਰਦਾ ਹੈ ਅਤੇ ਵਿਦਿਆਰਥੀ ਚੰਗੀ ਵਿੱਦਿਆ ਹਾਸਿਲ ਕਰ ਰਹੇ ਹਨ। ਸਕੂਲਾਂ ਦੇ ਮਾੜੇ ਨਤੀਜਿਆਂ ਬਾਰੇ ਪੁੱਛੇ ਇਕ ਸਵਾਲ ਦਾ ਜਵਾਬ ਦਿੰਦਿਆਂ ਡਾ. ਚੀਮਾ ਨੇ ਕਿਹਾ ਕਿ ਸਿੱਖਿਆ ਵਿਭਾਗ ਦੇ ਸੀਨੀਅਰ ਅਧਿਕਾਰੀਆਂ ਦੀ ਅਗਵਾਈ ਵਿੱਚ 10 ਟੀਮਾਂ ਅਜਿਹੇ ਸਕੂਲਾਂ 'ਚ ਜਾ ਕੇ ਸਰਵੇ ਕਰ ਰਹੀਆਂ ਹਨ। ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਦੀ ਕੁਸ਼ਲਤਾ ਵਿੱਚ ਵਾਧਾ ਕਰਨ ਲਈ ਸਮੇਂ-ਸਮੇਂ 'ਤੇ ਸਿਖ਼ਲਾਈ ਦਿੱਤੀ ਜਾਇਆ ਕਰੇਗੀ। 
ਉਨ•ਾਂ ਕਿਹਾ ਕਿ ਪੰਜਾਬ ਦੀ ਅਕਾਲੀ ਭਾਜਪਾ ਗਠਜੋੜ ਸਰਕਾਰ ਦਾ ਮੁੱਖ ਮਕਸਦ ਸੂਬੇ ਵਿੱਚ ਸਿੱਖਿਆ ਦੇ ਪੱਧਰ ਨੂੰ ਉੱਚਾ ਚੁੱਕਣਾ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਦੀ ਇੱਛਾ ਹੈ ਕਿ ਸਿੱਖਿਆ ਢਾਂਚੇ ਨੂੰ ਜ਼ਮੀਨੀ ਪੱਧਰ 'ਤੇ ਮਜ਼ਬੂਤ ਕੀਤਾ ਜਾਵੇ, ਇਸੇ ਕਰਕੇ ਹੀ ਪੰਜਾਬ ਸਰਕਾਰ ਵੱਲੋਂ ਪ੍ਰਾਇਮਰੀ ਸਿੱਖਿਆ ਦੇ ਵਿਕਾਸ 'ਤੇ ਸਭ ਤੋਂ ਵਧੇਰੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਇਸ ਮੌਕੇ ਉਨ•ਾਂ ਸਕੂਲ ਦੇ ਵਿਦਿਆਰਥੀਆਂ ਨਾਲ ਵੀ ਗੱਲਬਾਤ ਕਰਦਿਆਂ ਉਨ•ਾਂ ਨੂੰ ਪੜ• ਲਿਖ ਕੇ ਚੰਗੇ ਇਨਸਾਨ ਬਣਨ ਅਤੇ ਉੱਚੇ ਅਹੁਦਿਆਂ 'ਤੇ ਬਿਰਾਜਮਾਨ ਹੋਣ ਦਾ ਸੱਦਾ ਦਿੱਤਾ। 
ਸ੍ਰ. ਹੀਰਾ ਸਿੰਘ ਗਾਬੜੀਆ ਨੇ ਡਾ. ਚੀਮਾ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਸ ਸਕੂਲ ਦੀ ਇਮਾਰਤ ਬਣਨ ਨਾਲ ਇਸ ਇਲਾਕੇ ਵਿੱਚ ਸਿੱਖਿਆ ਦੇ ਪਸਾਰ ਨੂੰ ਵੱਡਾ ਹੁਲਾਰਾ ਮਿਲੇਗਾ। ਉਨ•ਾਂ ਦੱਸਿਆ ਕਿ ਇਸ ਸਕੂਲ ਦੀ ਨਵਂੀਂ ਇਮਾਰਤ ਸੰਬੰਧੀ ਫਾਈਲ ਕੁਝ ਦਿਨ ਪਹਿਲਾਂ ਹੀ ਪਾਸ ਹੋਈ ਸੀ ਕਿ ਅੱਜ ਹੀ ਇਸ ਦਾ ਉਦਘਾਟਨ ਕਰ ਦਿੱਤਾ ਗਿਆ ਹੈ। ਇਸ ਮੌਕੇ ਇਲਾਕਾ ਨਿਵਾਸੀਆਂ ਵੱਲੋਂ ਡਾ. ਚੀਮਾ ਦਾ ਸਨਮਾਨ ਵੀ ਕੀਤਾ ਗਿਆ। ਇਸ ਮੇਕੇ ਹੋਰਨਾਂ ਤੋਂ ਇਲਾਵਾ ਕੌਂਸਲਰ ਸ੍ਰ. ਰਖਵਿੰਦਰ ਸਿੰਘ ਗਾਬੜੀਆ, ਜ਼ਿਲ•ਾ ਸਿੱਖਿਆ ਅਫ਼ਸਰ (ਸ) ਸ਼੍ਰੀਮਤੀ ਪਰਮਜੀਤ ਕੌਰ ਚਾਹਲ, ਜ਼ਿਲ•ਾ ਸਿੱਖਿਆ ਅਫ਼ਸਰ (ਐਲ.) ਸ੍ਰ. ਗੁਰਜੋਤ ਸਿੰਘ ਅਤੇ ਹੋਰ ਪ੍ਰਮੁੱਖ ਸਖ਼ਸ਼ੀਅਤਾਂ ਵੀ ਹਾਜ਼ਿਰ ਸਨ ।

ਬੱਚੇ ਲਈ ਪ੍ਰਾਇਮਰੀ ਸਿੱਖਿਆ ਬਹੁਤ ਮਹੱਤਵਪੂਰਨ-ਡਾ. ਚੀਮਾ

*ਰਾੜਾ ਸਾਹਿਬ ਅਤੇ ਪਾਇਲ ਖੇਤਰ ਦੇ 80 ਸਰਕਾਰੀ ਸਕੂਲ ਅਪਨਾਉਣ ਵਾਲੀ ਗੁਰੂ ਨਾਨਕ ਐਜੂਕੇਸ਼ਨਲ ਐਂਡ ਰਿਲੀਜ਼ੀਅਸ ਸੁਸਾਇਟੀ ਦੀ ਪ੍ਰਸੰਸਾ

*ਮੇਰਾ ਮੁੱਖ ਨਿਸ਼ਾਨਾ ਪ੍ਰਾਇਮਰੀ ਸਿੱਖਿਆ ਨੂੰ ਮਜ਼ਬੂਤ ਕਰਨਾ-ਡਾ. ਅਟਵਾਲ

ਰਾੜਾ ਸਾਹਿਬ/ਪਾਇਲ, 11 ਅਗਸਤ ( ਸਤ ਪਾਲ ਸੋਨੀ ) : ਪੰਜਾਬ ਸਰਕਾਰ ਦੇ ਸਿੱਖਿਆ ਮੰਤਰੀ ਡਾ. ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਹੈ ਕਿ ਮੁੱਢਲੀ (ਪ੍ਰਾਇਮਰੀ) ਸਿੱਖਿਆ ਕਿਸੇ ਬੱਚੇ ਦਾ ਬਹੁਤ ਮਹੱਤਵਪੂਰਨ ਪਹਿਲੂ ਹੁੰਦਾ ਹੈ। ਚੰਗੀ ਪ੍ਰਾਇਮਰੀ ਸਿੱਖਿਆ ਬੱਚੇ ਦੇ ਮਜ਼ਬੂਤ ਅਤੇ ਸਥਿਰ ਵਿਕਾਸ ਦਾ ਆਧਾਰ ਬਣਦੀ ਹੈ। ਡਾ. ਚੀਮਾ ਅੱਜ ਪਿੰਡ ਰਾੜਾ ਸਾਹਿਬ ਵਿਖੇ ਇੱਕ ਸਮਾਗਮ ਨੂੰ ਸੰਬੋਧਨ ਕਰ ਰਹੇ ਸਨ, ਜੋ ਕਿ ਹਲਕਾ ਵਿਧਾਇਕ ਅਤੇ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ. ਚਰਨਜੀਤ ਸਿੰਘ ਅਟਵਾਲ ਵੱਲੋਂ ਆਯੋਜਿਤ ਕਰਵਾਇਆ ਗਿਆ ਸੀ। 
ਪ੍ਰਭਾਵਸ਼ਾਲੀ ਇਕੱਠ ਨੂੰ ਸੰਬੋਧਨ ਕਰਦਿਆਂ ਡਾ. ਚੀਮਾ ਨੇ ਰਾੜਾ ਸਾਹਿਬ ਅਤੇ ਪਾਇਲ ਖੇਤਰ ਦੇ 80 ਸਰਕਾਰੀ ਸਕੂਲ ਅਪਨਾਉਣ ਵਾਲੀ ਗੁਰੂ ਨਾਨਕ ਐਜੂਕੇਸ਼ਨਲ ਐਂਡ ਰਿਲੀਜ਼ੀਅਸ ਸੁਸਾਇਟੀ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਅਜਿਹੀਆਂ ਸੰਸਥਾਵਾਂ ਸਮਾਜ ਲਈ ਚਾਨਣ ਮੁਨਾਰੇ ਵਜੋਂ ਕੰਮ ਕਰ ਰਹੀਆਂ ਹਨ। ਇਨ•ਾਂ ਦੀ ਸਖ਼ਤ ਮਿਹਨਤ ਦੇ ਸਿਰ 'ਤੇ ਹਜ਼ਾਰਾਂ ਬੱਚੇ ਵਧੀਆ ਸਿੱਖਿਆ ਗ੍ਰਹਿਣ ਕਰ ਰਹੇ ਹਨ। ਉਨ•ਾਂ ਕਿਹਾ ਕਿ ਪ੍ਰਾਇਮਰੀ ਸਿੱਖਿਆ ਦੇ ਪੱਧਰ ਨੂੰ ਉੱਚਾ ਚੁੱਕਣਾ ਅੱਜ ਦੇ ਸਮੇਂ ਦੀ ਵੱਡੀ ਲੋੜ ਹੈ। ਪੰਜਾਬ ਸਰਕਾਰ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਅਤੇ ਉੱਪ ਮੁੱਖ ਮੰਤਰੀ ਸ੍ਰ. ਸੁਖਬੀਰ ਸਿੰਘ ਬਾਦਲ ਦੀ ਦੂਰਅੰਦੇਸ਼ੀ ਸੋਚ ਦੇ ਚੱਲਦਿਆਂ ਇਸ ਦਿਸ਼ਾ ਵਿੱਚ ਸਖ਼ਤ ਮਿਹਨਤ ਕਰ ਰਹੀ ਹੈ। ਉਨ•ਾਂ ਕਿਹਾ ਕਿ ਉਹ ਨਿੱਜੀ ਤੌਰ 'ਤੇ ਇਸ ਪਾਸੇ ਜਿਆਦਾ ਤਵੱਜੋਂ ਦੇ ਰਹੇ ਹਨ। 
ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਡਾ. ਚਰਨਜੀਤ ਸਿੰਘ ਅਟਵਾਲ ਨੇ ਕਿਹਾ ਕਿ ਉਨ•ਾਂ ਨੇ ਦੁਨੀਆਂ ਭਰ ਦੇ ਜਿਸ ਦੇਸ਼ ਵਿੱਚ ਵੀ ਜਾਂਦੇ ਹਨ ਤਾਂ ਪ੍ਰਵਾਸੀ ਭਰਾਵਾਂ ਨੂੰ ਅਪੀਲ ਕਰਦੇ ਹਨ ਕਿ ਉਹ ਆਪਣੇ ਸੂਬੇ ਪੰਜਾਬ ਵਿੱਚ ਸਿੱਖਿਆ ਦੇ ਪੱਧਰ ਨੂੰ ਉੱਚਾ ਚੁੱਕਣ ਲਈ ਅੱਗੇ ਆਉਣ। ਉਨ•ਾਂ ਪ੍ਰਵਾਸੀ ਪੰਜਾਬੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਖਾਤੇ ਵਿੱਚ 20 ਲੱਖ ਰੁਪਏ ਜਮ•ਾ ਕਰਵਾ ਲੈਣ ਅਤੇ ਉਸਦਾ ਵਿਆਜ ਜਾਂ ਤਾਂ ਪਿੰਡ ਦੀ ਪੰਚਾਇਤ ਨੂੰ ਜਾਂ ਸਕੂਲ ਨੂੰ ਦਾਨ ਕਰ ਦੇਇਆ ਕਰਨ। ਉਨ•ਾਂ ਗੁਰੂ ਨਾਨਕ ਐਜੂਕੇਸ਼ਨਲ ਐਂਡ ਰਿਲੀਜ਼ੀਅਸ ਸੁਸਾਇਟੀ ਦੀ ਪ੍ਰਸੰਸਾ ਕੀਤੀ। ਰਾੜਾ ਸਾਹਿਬ ਗੁਰਦੁਆਰਾ ਸਾਹਿਬ ਦੇ ਮੁੱਖੀ ਬਾਬਾ ਬਲਜਿੰਦਰ ਸਿੰਘ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਉਹ ਸੂਬੇ ਵਿੱਚ ਸਿੱਖਿਆ ਦੇ ਪੱਧਰ ਨੂੰ ਉੱਚਾ ਚੁੱਕਣ ਲਈ ਸ਼ੁਰੂ ਕੀਤੇ ਗਏ ਕੰਮ ਨੂੰ ਕਦੇ ਵੀ ਰੁਕਣ ਨਹੀਂ ਦੇਣਗੇ। ਉਨ•ਾਂ ਕਿਹਾ ਕਿ ਉਨ•ਾਂ ਦੀ ਸੰਸਥਾ ਅਗਲੇ ਸਮੇਂ ਦੌਰਾਨ ਹੋਰ ਸਕੂਲਾਂ ਨੂੰ ਵੀ ਅਪਣਾਵੇਗੀ। 
ਇਸ ਮੌਕੇ ਲਾਸ ਏਂਜਲਸ (ਅਮਰੀਕਾ) ਵਿਖੇ ਹੋਈਆਂ ਸਪੈਸ਼ਲ ਉਲੰਪਿਕ ਖੇਡਾਂ ਦੇ ਸਾਈਕਲਿੰਗ ਮੁਕਾਬਲੇ ਵਿੱਚ ਦੋ ਸੋਨ ਤਮਗੇ ਜਿੱਤਣ ਵਾਲੇ ਪਿੰਡ ਸਿਆੜ ਦੇ 15 ਸਾਲਾ ਰਾਜਵੀਰ ਸਿੰਘ ਦਾ ਵੀ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਾਬਕਾ ਵਿਧਾਇਕ ਸ੍ਰ. ਇੰਦਰਇਕਬਾਲ ਸਿੰਘ ਅਟਵਾਲ, ਸ਼੍ਰੋਮਣੀ ਅਕਾਲੀ ਦਲ ਦੇ ਦਿਹਾਤੀ ਜ਼ਿਲ•ਾ ਪ੍ਰਧਾਨ ਸ੍ਰ. ਸੰਤਾ ਸਿੰਘ ਉਮੈਦਪੁਰੀ, ਬਾਬਾ ਜਗਰੂਪ ਸਿੰਘ, ਸ੍ਰ. ਮਨਜੀਤ ਸਿੰਘ ਮਹਿਰਮ, ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੈਂਬਰ ਸ੍ਰ. ਰਘਬੀਰ ਸਿੰਘ ਸਹਾਰਨਮਾਜਰਾ, ਸਾਬਕਾ ਟਰਾਂਸਪੋਰਟ ਮੰਤਰੀ ਸ੍ਰ. ਤੇਜਪ੍ਰਕਾਸ਼ ਸਿੰਘ ਕੋਟਲੀ ਅਤੇ ਹੋਰ ਪ੍ਰਮੁੱਖ ਸਖ਼ਸ਼ੀਅਤਾਂ ਵੀ  ਹਾਜ਼ਿਰ ਸਨ ।

ਅਕਾਲੀ ਭਾਜਪਾ ਸਰਕਾਰ ਵੱਲੋਂ ਗਰੀਬਾਂ ਤੇ ਕੀਤੇ ਜਾ ਰਹੇ ਅੱਤਿਆਚਾਰਾਂ ਨੂੰ ਬਰਦਾਸਤ ਨਹੀ ਕਰੇਗੀ ਬਸਪਾ : ਕਰੀਮਪੁਰੀ
ਕਿਹਾ ਸਰਕਾਰ ਉਜਾੜ ਦੀ ਨੀਤੀ ਤਿਆਗ ਵਸਾਉਣ ਦੀ ਨੀਅਤ ਤੇ ਕੰਮ ਕਰੇ

ਲੁਧਿਆਣਾ, 10 ਅਗਸਤ ( ਸਤ ਪਾਲ ਸੋਨੀ ) : ਬਹੁਜਨ ਸਮਾਜ ਪਾਰਟੀ ਦੇ ਸੂਬਾ ਪ੍ਰਧਾਨ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਅਵਤਾਰ ਸਿੰਘ ਕਰੀਮਪੁਰੀ ਨੇ ਅੱਜ ਲੁਧਿਆਣਾ ਦੇ ਡਿਪਟੀ ਕਮਿਸ਼ਨਰ ਰਜਤ ਅਗਰਵਾਲ ਨਾਲ ਮੁਲਾਕਾਤ ਕੀਤੀ । ਸ: ਕਰੀਮਪੁਰੀ ਨੇ ਨਿਉ ਪ੍ਰੇਮ ਨਗਰ ਨਗਰ ਵਿੱਚ ਉਜਾੜੇ ਲੋਕਾਂ ਲਈ ਰਿਹਾਇਸ਼ ਦਾ ਪ੍ਰਬੰਧ ਕਰਨ, ਲੋਕਾਂ ਦੀ ਮੰਗ ਤੇ ਸਰਕਾਰੀ ਕੀਮਤ ਤੇ 100-100 ਗਜ ਤੇ ਪਲਾਟ ਦੇਣ, ਮਨਰੇਗਾ ਤਹਿਤ ਪਿੰਡ ਡੇਹਲੋਂ ਦੇ ਮਜਦੂਰਾਂ ਦੀ ਮਜ਼ਦੂਰੀ ਦੇਣ, ਲੁਧਿਆਣਾ 'ਚ ਗੈਸਟਰੋ ਨਾਲ ਮਰਨ ਅਤੇ ਪ੍ਰਭਾਵਿਤ ਲੋਕਾਂ ਨਾਲ ਦੁੱਖ ਪ੍ਰਗਟ ਕਰਦਿਆਂ ਉਨ•ਾਂ ਨੂੰ ਬਣਦਾ ਯੋਗ ਮੁਆਵਜਾ ਦੇਣ ਅਤੇ ਪਿੰਡ ਸੰਗੋਵਾਲ ਦੇ ਕਾਂਗਰਸੀ ਸਰਪੰਚ ਵੱਲੋਂ ਉਥੋਂ ਦੇ ਦਲਿਤ ਭਾਈਚਾਰੇ ਨੂੰ ਸਾਲ 1975 ਵਿੱਚ ਪੰਚਾਇਤੀ ਜਮੀਨ ਤੇ ਦਿੱਤੇ ਪਲਾਟ ਹਥਿਆਉਣ ਸਬੰਧੀ ਮੰਗ ਪੱਤਰ ਦਿੱਤਾ। ਉਨ•ਾਂ ਸ੍ਰੀ ਰਜਤ ਅਗਰਵਾਲ ਤੋਂ ਇਨ•ਾਂ ਸਮੱਸਿਆਵਾਂ ਦੇ ਜਲਦੀ ਹੱਲ ਦੀ ਮੰਗ ਕੀਤੀ। ਸ੍ਰੀ ਅਗਰਵਾਲ ਜਿਨ•ਾਂ ਨੇ ਕੁਝ ਵਿਭਾਗਾਂ ਦੇ ਉੱਚ ਅਧਿਕਾਰੀਆਂ ਨੂੰ ਪਹਿਲਾਂ ਹੀ ਅਪਣੇ ਕੋਲ ਬੁਲਾਇਆ ਹੋਇਆ ਸੀ ਨੂੰ ਇਨ•ਾਂ ਸਮੱਸਿਆਵਾਂ ਦੇ ਹੱਲ ਲਈ ਆਦੇਸ਼ ਦਿੱਤੇ। ਇਸ ਤੋਂ ਇਲਾਵਾ ਸ: ਕਰੀਮਪੁਰੀ ਨੇ ਕੁਝ ਦਿਨ ਪਹਿਲਾਂ ਪਿੰਡ ਛਾਇਆ ਕਲ•ਾਂ ਵਿਖੇ ਅਖੌਤੀ ਉੱਚ ਜਾਤੀਆਂ ਦੇ ਲੋਕਾਂ ਵੱਲੋਂ ਉਥੋਂ ਦੇ ਦਲਿਤ ਪਰਿਵਾਰਾਂ ਤੇ ਕੀਤੇ ਜਾਨਲੇਵਾ ਹਮਲੇ ਬਾਰੇ ਨਵਨਿਯੁਕਤ ਪੁਲਿਸ ਕਮਿਸ਼ਨਰ ਪਰਮਰਾਜ ਸਿੰਘ ਉਮਰਾਨੰਗਲ ਨਾਲ ਮੁਲਾਕਾਤ ਕੀਤੀ ਅਤੇ ਇਸ ਹਮਲੇ ਦੇ ਦੋਸ਼ੀਆਂ ਉੱਤੇ ਸਖਤ ਕਾਰਵਾਈ ਕਰਨ ਦੀ ਮੰਗ ਕੀਤੀ । ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ•ਾਂ ਕਿਹਾ ਕਿ ਬਸਪਾ ਅਕਾਲੀ ਭਾਜਪਾ ਸਰਕਾਰ ਵੱਲੋਂ ਗਰੀਬਾਂ ਤੇ ਕੀਤੇ ਜਾ ਰਹੇ ਕਿਸੇ ਵੀ ਪ੍ਰਕਾਰ ਦੇ ਅੱਤਿਆਚਾਰ ਨੂੰ ਬਰਦਾਸਤ ਨਹੀ ਕਰੇਗੀ ਅਤੇ ਅਜਿਹੇ ਜੁਲਮ ਖਿਲਾਫ਼ ਚੱਟਾਨ ਵਾਂਗ ਖੜ•ੇ ਹੋ ਕੇ ਸਰਕਾਰ ਨੂੰ ਮੂੰਹ ਤੋੜਵਾਂ ਜਵਾਬ ਦੇਵੇਗੀ। ਉਨ•ਾਂ ਸਰਕਾਰ ਨੂੰ ਉਜਾੜਨ ਵਾਲੀ ਨੀਤੀ ਦਾ ਤਿਆਗ ਕਰ ਕੇ ਵਸਾਉਣ ਵਾਲੀ ਨੀਤੀ ਤੇ ਚੱਲਣ ਦੀ ਨਸੀਅਤ ਦਿੰਦਿਆਂ ਕਿਹਾ ਕਿ ਲੋਕਾਂ ਨੇ ਕਦੇ ਵੀ ਜਾਲਮਾਂ ਨੂੰ ਜਿਆਦਾ ਸਮਾਂ ਟਿੱਕਣ ਨਹੀ ਦਿੱਤਾ ਅਤੇ ਸਮਾਂ ਆਉਣ ਤੇ ਅਜਿਹੇ ਹਾਕਮਾਂ ਦਾ ਬੁਰਾ ਹਸ਼ਰ ਕੀਤਾ ਹੈ। ਇਸ ਮੌਕੇ ਬਲਵਿੰਦਰ ਬਿੱਟਾ, ਸ਼ਿਵ ਚੰਦ ਗੋਗੀ, ਦੋਨੋਂ ਕੋ-ਆਡੀਨੇਟਰ, ਜ਼ਿਲਾ ਪ੍ਰਧਾਨ ਜੀਤ ਰਾਮ, ਬਸਰਾ, ਪੁਰਨ ਸਿੰਘ , ਬੂਟਾ ਸਿੰਘ, ਤੇਜਾ ਸਿੰਘ ਮੇਤਰ ਸੈਣੀ ਰਾਮਾਨੰਦ ਆਦਿ ਹਾਜ਼ਿਰ ਸਨ।

ਯੂਥ ਕਾਂਗਰਸ ਪ੍ਰਧਾਨ ਸਾਬੀ ਤੂਰ ਵਲੋਂ ਵਿਧਾਨ ਸਭਾ ਹਲਕਾ ਉਤੱਰੀ  ਵਿੱਚ ਮੀਟਿੰਗ ਦਾ ਆਯੋਜਨ

*ਯੂਥ ਕਾਂਗਰਸ ਪਾਰਟੀ ਦਾ ਅਹਿਮ ਅੰਗ- ਰਾਕੇਸ਼ ਪਾਂਡੇ

ਲੁਧਿਆਣਾ, 9 ਅਗਸਤ ( ਸਤ ਪਾਲ ਸੋਨੀ ) : ਯੂਥ ਕਾਂਗਰਸ ਪ੍ਰਧਾਨ ਸਾਬੀ ਤੂਰ ਵਲੋਂ ਵਿਧਾਨ ਸਭਾ ਹਲਕਾ ਉਤੱਰੀ ਵਿੱਚ ਜਿੱਤਣ ਤੋਂ ਬਾਦ ਯੂਥ ਕਾਂਗਰਸ ਦੀ ਪਹਿਲੀ ਮੀਟਿੰਗ ਦਾ ਆਯੋਜਨ ਜੱਸੀਆਂ ਰੋਡ, ਸਥਿਤ ਦਫਤਰ ਵਿਖੇ ਕੀਤੀ ਗਈ । ।ਅੱਜ ਦੀ ਇਸ ਮੀਟਿੰਗ ਵਿੱਚ ਵਿਧਾਇਕ ਰਾਕੇਸ਼ ਪਾਂਡੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ।

ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਵਿਧਾਇਕ ਰਾਕੇਸ਼ ਪਾਂਡੇ ਨੇ ਕਿਹਾ ਕਿ ਯੂਥ ਕਾਂਗਰਸ ਪਾਰਟੀ ਦਾ ਅਹਿਮ ਹਿੱਸਾ ਹੈ ਜੋ ਕਾਂਗਰਸ ਪਾਰਟੀ ਅਤੇ ਦੇਸ਼ ਦੀ ਸੇਵਾ ਲਈ ਵਚਨਬਧ ਹੈ ।  ਵਿਧਾਇਕ ਰਾਕੇਸ਼ ਪਾਂਡੇ ਨੇ ਕਿਹਾ ਕਿ ਸਾਬੀ ਤੂਰ ਆਪਣੇ ਨੌਜਵਾਨਾਂ ਸਾਥੀਆਂ ਨੂੰ ਨਾਲ ਲੈਕੇ ਘਰ-ਘਰ ਜਾਕੇ ਲੋਕਾਂ ਦੀਆਂ ਦੁੱਖ ਤਕਲੀਫਾਂ ਸੁਣਕੇ ਉਨਾਂ• ਨੂੰ ਦੂਰ ਕਰਣਗੇ ਅਤੇ ਕਾਂਗਰਸ ਪਾਰਟੀ ਵਲੋਂ ਲੋਕ ਭਲਾਈ ਲਈ ਚਲਾਈਆਂ ਜਾ ਰਹੀਆਂ ਸਕੀਮਾਂ ਬਾਰੇ ਲੋਕਾਂ ਨੂੰ  ਜਾਣੂ ਕਰਵਾਣਗੇ । 
ਸਾਬੀ ਤੂਰ ਨੇ ਮੀਟਿੰਗ ਵਿੱਚ ਪੁੱਜੇ ਵਿਧਾਇਕ ਰਾਕੇਸ਼ ਪਾਂਡੇ ਦਾ ਧੰਨਵਾਦ ਕਰਦਿਆ ਕਿਹਾ ਕਿ ਉਹ ਪਹਿਲਾਂ ਵੀ ਕਾਂਗਰਸ ਪਾਰਟੀ ਅਤੇ ਵਿਧਾਇਕ ਰਾਕੇਸ਼ ਪਾਂਡੇ ਜੀ ਵਲੋਂ ਸੌਂਪੀ ਗਈ ਜ਼ਿਮੇਵਾਰੀ ਨੂੰ ਆਪਣੇ ਦੇ ਨੌਜਵਾਨਾਂ ਸਾਥੀਆਂ ਦੇ ਸਹਿਯੋਗ ਨਾਲ ਕਾਂਗਰਸ ਪਾਰਟੀ ਦੇ ਇਕ ਸੱਚੇ ਸਿਪਾਹੀ ਦੀ ਤਰਾਂ•  ਨਿਭਾਉਂਦੇ ਆਏ ਹਨ । ਇਸ ਮੌਕੇ ਮਨੀ ਗਰੇਵਾਲ, ਸ਼ਤਰੂ,ਅਜੈ ਅਰੋੜਾ, ਵਿਜੈ ਕਪੂਰ, ਸਨੀ ਢਿਲੋਂ, ਸੂਰਜ ਛਾਬੜਾ, ਮਨੋਜ ਸਹਿਗਲ ਆਦਿ ਵੀ ਹਾਜ਼ਿਰ ਸਨ । 

ਸੰਕਲਪ ਲੁਧਿਆਣਾ ਨੇ ਸਿਵਲ ਸੇਵਾ ਪ੍ਰੀਖਿਆ ਵਿੱਚ ਸਫਲ ਹੋਏ ਪ੍ਰਤੀਭਾਗੀਆਂ ਨੂੰ ਕੀਤਾ ਸਨਮਾਨਿਤ
ਲੁਧਿਆਣਾ, 9 ਅਗਸਤ ( ਸਤ ਪਾਲ ਸੋਨੀ ) :  ਸਹਿਯੋਗ ਸਿੱਖਿਆ ਸੇਵਾ ਸੰਮਤੀ ਸੰਕਲਪ ਰਾਹੀਂ ਮਾਰਗਦਰਸ਼ਨ ਲੈ ਕੇ ਸਿਵਿਲ ਸੇਵਾ ਪ੍ਰੀਖਿਆ ਵਿੱਚ ਸਫਲ ਹੋਏ ਪ੍ਰਤੀਭਾਗੀਆਂ ਦਾ ਅਭਿਨੰਦਨ ਕੀਤਾ। ਸਥਾਨਕ ਫੁਆਰਾ ਚੌਂਕ ਸਥਿਤ ਐਕਸਟੈਂਸ਼ਨ ਲਾਇਬ੍ਰੇਰੀ ਦੇ ਆਡਿਟੋਰਿਅਮ ਵਿੱਖੇ ਆਯੋਜਿਤ ਅਭਿਨੰਦਨ ਸਮਾਗਮ ਵਿੱਚ ਸੰਕਲਪ ਦਿੱਲੀ ਦੇ ਮੀਤ ਪ੍ਰਧਾਨ ਸੰਤੋਸ਼ ਤਨੇਜਾ, ਅੱਗਰਵਾਲ ਸਭਾ ਸੁੰਦਰ ਨਗਰ ਦੇ ਪ੍ਰਧਾਨ ਕੇਵਲ ਕ੍ਰਿਸ਼ਨ ਗੁਪਤਾ, ਤੇਰਾਪੰਥ ਜੈਨ ਸਭਾ ਪੰਜਾਬ ਦੇ ਚੇਅਰਮੈਨ ਮਹਿੰਦਰਪਾਲ ਗੁਪਤਾ, ਪੰਜਾਬ ਯੂਨਿਵਰਸਿਟੀ ਰਿਜਨਲ ਸੈਂਟਰ ਲੁਧਿਆਣਾ ਦੇ ਡਾਇਰੈਕਟਰ ਹਰਮੀਤ ਸਿੰਘ ਸਿੱਧੂ , ਸੰਕਲਪ ਲੁਧਿਆਣਾ ਦੇ ਪ੍ਰਧਾਨ ਨਰਿੰਦਰ ਮਿੱਤਲ ਅਤੇ ਮਹਾਮੰਤਰੀ ਕੁਲਦੀਪ ਜੈਨ ਸੁਰਾਣਾ ਨੇ ਸਹਿਯੋਗ ਸਿੱਖਿਆ ਸੇਵਾ ਸੰਮਤੀ ਦੇ ਮੈਂਬਰਾਂ ਸਮੇਤ ਪੰਜਾਬ, ਹਰਿਆਣਾ, ਹਿਮਾਚਲ ਤੋਂ ਆਏ ਡੇਢ ਦਰਜਨ ਤੋਂ ਵੱਧ ਸਿਵਿਲ ਸੇਵਾ ਪ੍ਰੀਖਿਆ ਵਿੱਚ ਸੰਕਲਪ ਦੇ ਸਹਿਯੋਗ ਨਾਲ ਸਫਲ ਹੋਏ ਪ੍ਰਤੀਭਾਗੀਆਂ ਅਤੇ ਉਨ•ਾਂ ਦੇ ਮਾਂ ਪਿਓ ਨੂੰ ਸਨਮਾਨਿਤ ਕੀਤਾ। ਜਿਕਰਯੋਗ ਹੈ ਕਿ ਇਸ ਸਾਲ ਸਿਵਲ ਸੇਵਾ ਪ੍ਰੀਖਿਆ ਵਿੱਚ ਸਫਲ ਹੋਣ ਵਾਲੇ 1236 ਪ੍ਰਤੀਭਾਗੀਆਂ ਵਿੱਚੋਂ 670 ਪ੍ਰਤੀਭਾਗੀਆਂ ਨੇ ਸੰਕਲਪ ਰਾਹੀਂ ਮਾਰਗ ਦਰਸ਼ਨ ਹਾਸਲ ਕੀਤਾ ਸੀ। ਸਿਵਿਲ ਸੇਵਾ ਪ੍ਰੀਖਿਆ ਵਿੱਚ ਅਭਿਜੀਤ ਕਪਿਲੇਸ਼,ਆਦਤਿਆ ਉੱਪਲ, ਅੰਨੁ ਬਾਂਸਲ, ਸੰਦੀਪ ਮਲਿਕ , ਦਵਿੰਦਰ ਜੀ, ਸੁਮਿਤੀ ਗਰਗ, ਸੰਦੀਪ ਕੌਰ, ਪ੍ਰਵੀਨ ਕੱਤਲ ਆਦਿ  ਨੇ ਅਪਣੀ ਸਫਲਤਾ ਦਾ ਸਿਹਰਾ ਸੰਕਲਪ  ਦੇ ਅਧਿਆਪਕਾਂ ਵੱਲੋਂ ਦਿੱਤੀ ਗਈ ਉੱਚ ਪੱਧਰ ਦੀ ਸਿੱਖਿਆ, ਮਾਰਗ ਦਰਸ਼ਨ ਅਤੇ ਸੰਕਲਪ ਦੇ ਪਾਰਵਾਰਿਕ ਮਾਹੌਲ ਨੂੰ ਦਿੰਦੇ ਹੋਏ ਕਿਹਾ ਕਿ ਸੰਕਲਪ ਨੇ ਬਿਨ•ਾਂ ਕਿਸੇ ਵਪਾਰਕ ਲਾਭ ਤੇ ਸੋਚ ਦੇ ਸਿਵਲ ਸੇਵਾ ਪ੍ਰੀਖਿਆ ਵਿੱਚ ਸੈਂਕੜੇਂ ਪ੍ਰਤਿਭਾਗੀਆਂ ਦਾ ਮਾਰਗ ਦਰਸ਼ਨ ਕਰਕੇ ਪ੍ਰੀਖਿਆ ਪਾਸ ਕਰਨ ਵਿੱਚ ਸੁੱਚਜਾ  ਮਾਰਗ ਦਰਸ਼ਨ ਉਪਲੱਬਧ ਕਰਵਾਕੇ ਸਾਮਾਜਿਕ ਜਿੰਮੇਵਾਰੀ ਨਿਭਾਈ ਹੈ । ਸਮਾਗਮ ਦੇ ਮੁੱਖ ਬੁਲਾਰੇ ਸੰਤੋਸ਼ ਤਨੇਜਾ ਨੇ ਕਿਹਾ ਕਿ ਦੇਸ਼ ਦੀ ਵਿਵਸਥਾ ਨੂੰ ਸੁਚਾਰੂ ਤੌਰ ਤੇ ਚਲਾਉਣ ਲਈ ਰਾਜਨੀਤਿਕ ਅਤੇ ਪ੍ਰਸ਼ਾਸਨਿਕ ਦੋ ਵਿਵਸਥਾਵਾਂ ਹਨ। ਰਾਜਨੀਤਿਕ ਵਿਵਸਥਾ ਦੀ ਚੋਣ ਹਰ 5 ਸਾਲ ਬਾਅਦ ਵੋਟ ਰਾਹੀਂ ਜਨਤਾ ਕਰਦੀ ਹੈ, ਜਦਕਿ ਪ੍ਰਸ਼ਾਸਨਿਕ ਵਿਵਸਥਾ ਨੂੰ ਚਲਾਉਣ ਲਈ ਭਾਰਤੀ ਪ੍ਰਸ਼ਾਸਨਿਕ ਸੇਵਾ, ਭਾਰਤੀ ਪੁਲਿਸ ਸੇਵਾ, ਭਾਰਤੀ ਵਿਦੇਸ਼ ਸੇਵਾ ਵਰਗੀਆਂ ਸੇਵਾਵਾਂ ਲਈ ਅਧਿਕਾਰੀਆਂ ਦੀ ਚੋਣ ਸਿਵਿਲ ਸੇਵਾ ਪ੍ਰੀਖਿਆ ਰਾਹੀਂ ਹੁੰਦੀ ਹੈ ਜੋ ਕਿ ਅਪਣੀ ਚੋਣ ਤੋਂ ਲੈ ਕੇ 62 ਸਾਲ ਦੀ ਉਮਰ ਤੱਕ ਵੱਖ-ਵੱਖ ਅਹੁਦਿਆਂ ਤੇ ਰਹਿ ਕੇ ਦੇਸ਼ ਦੀ ਪ੍ਰਸ਼ਾਸਨਿਕ ਵਿਵਸਥਾ ਨੂੰ ਸੁਚਾਰੂ ਤੌਰ ਤੇ ਚਲਾਉਂਦੇ ਹਨ। ਅਜਿਹੇ ਵਿੱਚ ਸੰਕਲਪ ਉਨ•ਾਂ ਨੂੰ ਸਿਵਲ ਸੇਵਾ ਵਿੱਚ ਈਮਾਨਦਾਰੀ ਨਾਲ ਕੰਮ ਕਰਨ ਦੀ ਭਾਵਨਾ ਪੈਦਾ ਕਰਨ ਲਈ ਮੇਧਾਵੀ ਵਿਦਿਆਰਥੀਆਂ ਨੰ ਸਿਵਲ ਸੇਵਾ ਦੀ ਪ੍ਰੀਖਿਆ ਦੀ ਉਂਚ ਗੁਣਵਤਾ ਦੀ ਸਿੱਖਿਆ ਅਤੇ ਟ੍ਰੇਨਿੰਗ ਮੁਫਤ ਮਾਰਗ ਦਰਸ਼ਨ ਦੀ ਵਿਵਸਥਾ ਵੀ ਕਰਦਾ ਹੈ। ਸੰਕਲਪ ਲੁਧਿਆਣਾ ਦੇ ਪ੍ਰਧਾਨ ਨਰਿੰਦਰ ਮਿੱਤਲ ਨੇ ਸੰਕਲਪ ਲੁਧਿਆਣਾ ਵਲੋਂ ਸਿਵਲ ਸੇਵਾ ਪ੍ਰਤੀਯੋਗਿਤਾਵਾਂ ਲਈ ਅਰੰਭ ਕੀਤੀ ਗਈ ਕਲਾਸਾਂ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਸੰਕਲਪ ਨੇ ਲੁਧਿਆਣਾ ਵਿੱਚ ਪ੍ਰਤੀਭਾਗੀਆਂ ਦੇ ਰੋਜਾਨਾ ਮਾਰਗਦਰਸ਼ਨ ਲਈ ਕਲਾਸਾਂ ਅਤੇ ਆਨ ਲਾਈਨ ਕਲਾਸਾਂ ਸ਼ੁਰੂ ਕੀਤੀਆਂ   ਜਾ ਰਹੀਆਂ  ਹਨ। ਉਥੇ ਆਰਥਿਕ ਅਤੇ ਸਾਮਾਜਿਕ ਤੌਰ ਤੇ ਪਿਛੜੇ ਵਿਦਿਆਰਥੀਆਂ ਨੂੰ ਸਿਵਿਲ ਸੇਵਾ ਪ੍ਰੀਖਿਆ ਦੀ ਤਿਆਰੀ ਵਿੱਚ ਮੁਫਤ ਮਾਰਗ ਦਰਸ਼ਨ ਦੀ ਵੀ ਵਿਵਸਥਾ ਕੀਤੀ ਗਈ ਹੈ।  ਸੰਕਲਪ ਲੁਧਿਆਣਾ  ਦੇ ਖਜਾਨੰਚੀ ਦਵਿੰਦਰ  ਗੁਪਤਾ  ਅਤੇ ਰਜਤ ਸੂਦ ਨੇ  ਦੱਸਿਆ ਦੀ ਆਰਥਿਕ ਅਤੇ ਸਾਮਾਜਕ ਤੌਰ ਤੇ ਪਿਛੜੇ ਭਾਗਾਂ ਤੋਂ ਆਏ ਪ੍ਰਤਿਭਾਗੀਆਂ  ਨੂੰ ਸਿਵਲ ਸੇਵਾ ਪ੍ਰੀਖਿਆ ਦੀ ਤਿਆਰੀ ਵਿੱਚ ਮੁਫਤ ਮਾਰਗ ਦਰਸ਼ਨ ਦੀ ਵੀ ਵਿਵਸਥਾ ਕੀਤੀ ਗਈ ਹੈ

। ਇਸ ਮੌਕੇ ਸੀਨੀਅਰ ਉਪਪ੍ਰਧਾਨ ਰਜਤ ਸੂਦ, ਖਜਾਨਚੀ ਦਵਿੰਦਰ ਗੁਪਤਾ, ਉਪ-ਪ੍ਰਧਾਨ ਰਾਕੇਸ਼ ਜੈਨ, ਸੰਗਠਨ ਮੰਤਰੀ ਹਿਤੇਂਦਰ ਸਿੰਘ ਨੇਗੀ, ਸਹਿਮੰਤਰੀ ਨਵਰਤਨ ਗਗੜ, ਪ੍ਰਸੰਨ ਕੋਚਰ, ਸਹਿਮੰਤਰੀ ਲਲਿਤ ਬਾਂਸਲ ਅਤੇ ਸੀਨੀਅਰ ਮੈਂਬਰ ਸੁਸ਼ੀਲ ਗੁਪਤਾ, ਸੁਰਿੰਦਰ ਪਾਲ ਬਾਂਸਲ, ਪੰਕਜ ਗੋਇਲ , ਹਰੀਸ਼ ਸੈਗਰ, ਚੰਦਰਮੋਹਣ ਜੈਨ, ਅਨਿਲ ਗੁਪਤਾ ਨੈਨਸੀ, ਸਰਪ੍ਰਸਤ ਕੇਸ਼ਵ ਗਰਗ, ਵਿਜੈ ਜਿੰਦਲ  ਨੇ ਸਹਿਯੋਗ ਸਿੱਖਿਆ ਸੇਵਾ ਸਮਿਤਿ ਦੇ ਪ੍ਰੋਗਰਾਮਾਂ ਵਿੱਚ ਸਹਿਯੋਗ ਕਰਣ ਵਾਲੇ ਸਾਥੀਆ ਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ । । ਇਸ ਮੌਕੇ ਸੰਕਲਪ ਦੀ ਦਿੱਲੀ ਸ਼ਾਖਾ ਤੋਂ ਪਦਮ ਪ੍ਰਭਾਕਰ, ਮਧੁ ਪ੍ਰਭਾਕਰ,  ਕੰਨਹਈਆ ਲਾਲ, ਰਾਜੂ ਚੌਹਾਨ , ਰਮੇਸ਼ਵਰ ਜੀ, ਤੇਰਾਪੰਥ ਸਭਾ ਲੁਧਿਆਣਾ  ਦੇ ਪ੍ਰਧਾਨ ਕਮਲ ਨੌਲਖਾ, ਰਾਏ ਚੰਦ ਜੈਨ, ਉਦਯੋਗਪਤੀ ਫੂਲਚੰਦ ਜੈਨ , ਯਸ ਗਿਰੀ ਜੀ ,   ਦਰਸ਼ਨ ਪ੍ਰਧਾਨ, ਰਾਜੀਵ ਜੈਨ , ਮੁਕੇਸ਼ ਅਰੋੜਾ, ਗੁਰਸੇਵਕ ਸਿੰਘ  ਅਤੇ ਰਾਜਕੁਮਾਰ ਬੁਚਾ ਆਦਿ ਵੀ ਮੌਜੂਦ ਸਨ ।